اسف علي كلام كتير بس مهم يمكن في ناس هنا عارفين إني مدمن متعافي من أكتر من 7 سنين، تحديداً 7 سنين و6 شهور و14 يوم. ومن يومها الحمد لله مبطل وما انتكستش ولا مرة. الفترة الأخيرة بمر بظروف صعبة جداً. والدتي توفت من حوالي شهر ونص، ، وعندي مشكلة صحية بسيطة والحمد لله، لكن تأثيرها النفسي عليّ كبير جداً.وقاعد أجازه بقالي كتير كل ده عامل ضغط نفسي فوق الوصف. فيه شخص المفروض إنه صاحبي وجاري. أنا قطعت علاقتي بكل الناس اللي كانوا مرتبطين بفترة الإدمان، لكن ده جاري وساكن فوقي مباشرة، فالعلاقة ما انقطعتش بالكامل. عدى عليا وكان عايز يستلف البلايستيشن كام يوم و قالي نلعب ماتشين". وهو عندي في البيت لقيته عايز يتعاطى، فقلت له بلاش هنا عشان هو عارف إني عايش لوحدي وعارف حكايتي كلها. قومت أجيب أكل وحاجة نشربها من المطبخ، ولما رجعت لقيته طلع الحاجة وبدأ يتعاطى. وبعدها حاول يجر رجلي وبيقولي جرب حتي لاين واحد دي، المادة دي حلوة جداً . زعقت معاه و رفضت وزعل وقام يمشي . بعد شويه لاقيت علي كنبه ورقه فيهاحبه حلوين كده و الحاجه دي بذات مفيش حد ممكن ينسها بس فهمت دماغه في اللحظة دي استغربت جداً. استغربت إزاي شخص عارف أنا مريت بإيه، وعارف قد إيه تعبت عشان أوصل للي أنا فيه، ويحاول يهدم كل ده في ثانية. من ساعتها وأنا في جوه دماغيوخناقه بيني وبين شيطاني . لأول مرة من سنين طويلة أحس بالخوف من ضعفي. قعدت ساعتين مناسكهم في ايدي وسرحاان وكل حاجه في حياتي بتيعدي قدامي؛ من أول مرة جربت وأنا عندي 14 سنة، لحد قرار التبطيل، والذل والإهانة والوجع والخسائر والناس اللي ماتت شفتها بعيني. الحمد لله انا مصغفتيش ورميت الحاجه بس خايف يمكن لأول مرة في حياتي أحس إن الاستمرار في التعافي مش سهل زي ما كنت متخيل. ويمكن لأول مرة أعترف إني محتاج دعم. محتاج أحس إني بني آدم طبيعي، وليا قيمة، وليا مكان في الحياه وهنا تظهر مشكله أن لحد دلوقتي انا في المجتمع منبوذ ومن اهلي .مع أن هما السبب في كل ده . أنا الحمد لله معايا ماجستير، و مدير تسويق ومبيعات، بس لسه متشاف من زاوية واحدة فقط. كأن كل اللي عملته بعد التعافي أقل أهمية من أخطاء دفعت تمنها من عمرك وصحتك ونفسك. المشكلة إن مفيش كتالوج يعلمك تتعامل إزاي مع نظرة المجتمع ليك وأنت بتحاول تحافظ على حياتك الجديدة وتكمل طريقك. أنا عايش لوحدي من سنين، لكن اللي حاسس بيه اليومين دول مش قادر أفسره. كل اللي أعرفه إن النهارده كان يوم صعب جداً... بس الحمدلله انا لسه نظيف. ولسه جسمي نضيف . يارب اليوم دا يخلص بقي