عدم فهم

حاسه بالتعب ومعنديش الجرائه اخد بريك أو مش عارفه عايزه اخد بريك من حياتي ومن الناس ومن الشغل ومن البيت حتي جسمي وجعني وعايزه اخد منه من عقلي وأفكاري حرفياً ياريت كان اللي بنشوفه فالافلام وان الروح تسيب الجسم وتفضل هي موجوده دا كان حقيقي محدش شايفني ولا سامعني مش عارفه هل ليا الحق اقول كدا ولا لأ بس انا بعاني

🍟🍩 طب ايه طب ايه الي حصل و انا عملت ايه غلط مش فاهم يعني اختفاء مفاجئ ده غريب و يقلق و خليك ترسم سيناريوهات وهمية كتير لي يا ترا كان ايه سبب ولا ده غصب عنه ولا حصل ليه حاجه مبقتش فاهم ولا عارف اعمل ايه و بكتب و خلاص 🍟🍩

حاسه اني عجزت فكرة اني اكمل منتصف العشرينات محسساني اني عجوزه اوي مع ان الحمد لله فالشكل بيفكروني لسه طالبه ف ثانوي ومش بيصدقو اني خريجه وكدا بس بيني وبين نفسي بحسني عجزت بس أن... مش عارفه بس شعور مش عارفه اوصفه وكان في محطه مهمه اوي فحياتي فاتتني مع اني مش عارفه اي هي .

نفسي اتكلم براحتي منغير مخاف من رد فعل الي قدامي ديما عندي خوف من اني اتشاف غلط او وحش بجد تعبت حاسس بضغط نفسي بمشي فشارع حاسس خطوتي تقيله ديما حاسس بخنقة انا بقيت مشوه نفسيا حتت انك خايف تتكلم لتتفهم غلط وحشه اوي بجد

انا ما عم حس حالي طبيعية , في كتير مشاعر ملخبطة , في كتير شخصيات براسي ما عم اعرف مين انا عم سوي اشياء ما تمثلني ما عم اعرف إذا انا شخص جيد او لا إذا انا حزينة او سعيدة إذا انا حساسة او عديمة مشاعر ما عم اعرف الصح من الغلط , الشيئ الوحيد اللي بعرفو اني مو طبيعية عم حس حاجة مش طبيعية جواي ما بعرف كيف اوصفها انا لاول مرة اعترف بهيك شيئ ماني قادرة أعيش طبيعي ما عم اعرف نفسي و مافي اي حدا يقدر يفهمني او يساعدني لانو أصلا انا مو فاهمة المشكلة فين و ما في احد يقدر يصدق لو اجرب احكيله لاني بالخارج عم بين بغير شيئ و كانو انا كتير منيحة ما خصني شيئ بس الحقيقة انا حاسة انو نهايتي قريبة ادعولي ربي يخفف علي حالتي انا كتير خايفة اسوي شيئ فحالي

اول مره احسني صيوحة كده بجد بس حاسة ان محدش فاهم حاجه حاسة ان انا مش فهماني حاسة احساس وحش اوي بجد متعايشة جدا على فكرة وبيس وبخرج وبحاول اتبسط بس برجع البيت بلاقيني عايزة اعيط بس ومش عايزة اقابل حد تاني خالص فاهمين حاجه

حاسه اني تعبانه اوي لوحدي اوي في اكتر فتره مينفعش اكون فيها لوحدي مش عارفه المفروض اعمل اي وتايهه كل حاجه جايه عليا وكل ما بحاول اقوم بقع اكتر من الاول والمشكله ان محدش فاهم دا ولا عارف دا وكله جاي عليا 😔

محتاج افهم ليه مفيش مستريس ولا مامي هنا بجد محدش حابب الموضوع ده ليه بس بقي ونملي باي حاجه ولفي بينا يادتيا دوخينا يادنيا هاتينا يمين شويه هاتينا شمال شويه مدوخانا و مش حافظ الباقي يادنياااا

عارفين المثل بتاع العيبة تلهيك وتجيب الي فيها فيك اهو ده بظبط الي موجود هنا بجد يعني تلاقي حد بينصحك بحجات هوا محتجها يعني مثلا تلاقي حد حد اعمي بيقولك ركز كويس او تلقي حد تخين يقولك حاول متكلش كتير بجد قبل متنصحو اسمعو بلاش النصايح المعتاده بجد ملهاش قيمه انتو مش بتحسو بحد بجد

عندي احساس اني هموت قريب جدا جسمي مش سليم و كل شويه حاجه جديده توجعني و مبتخفش بالعكس بتعب اكتر و اعصاب وشي مشدودة مبعرفض اتحرك وضربات قلبي سريعه و سناني وجعاني و مبشوفش كويس ولا بسمع كويس و عندي طنين وعيني و جعاني و صداع و جيوب انفيه و دوخه و وجع بطن كل ما اكل و احيانا برجع و طبعا مع كل دل مبعرفش اعمل اي حاجه ف حياتي بالعافيه بصحي و بنام يعني حرفيا مفيش حاجه فيا شغاله الحمد لله ومن اقل اقل مجهود بتعب يعني لو نزلت من البيت ورجعت ممكن اقعد أسبوع عشان اعرف انزل تاني وكل ما اقول لحد يقولي بطلي دلع حتي صحابي بعدو عشان كل شويه يقولولي انتي علي طول تعبانه كدا و انا بجد مبدلعش والله ياريته كان دلع مكنتش هبقا كدا و الدكاتره كلهم مبيفهموش كل ما اروح لتخصص يقولي دا توتر او انيما معرفش ايه من غير ما اعمل تحاليل ولا اشاعات لدرجه انهم زهقو مني ف البيت و مبقوش يودنوني لدكاتره و عملت تحليل الزفت الانميا معنديش حاجه كويسه وكل دا مخليني احس انها اشاره اني قربت خلاص بحاول اقرب من ربنا بس خايفه بردو مش عارفه انا حاسه اني لسه مبدأتش حياتي حتي عشان تتاخد مني بس الحمد لله يعني بحاول اتعايش بس خايفه يحصلي حاجه والله بفكر اشتغل عشان اروح اكشف ف اماكن احسن بس بخاف يحصلي حاجه او اتعب ف الشغل وانا لسه متخرجه ومش لاقيه شغل اصلا حرفيا مش عارفه ابطل تفكير وحاسه اني هنام ف مره من غير ما اقوم ومحدش ف الدنيا دي كلها حاسس بيا و كله بيقول اتنشن و خرا يا ريتني كنت اتينشن والله انا بس نفسي اعيش حياه طبيعيه زي البني ادمين

السلام عليكم 🌸. من كتر ما الوردة بقت كأنها التريد مارك بتاعي حرفيا انا فكرت البنت اللي تحتي بشوية هي انا. المهم، انا مستغربة اوي والله ازاي اقعد مثلا اقول لشخص فيه كذا وكذا، واقعد انبه فيه، واقوله لا ده هيحصل وده مش هيحصل، ومش بيسمع الكلام؛ يكذبني ولا ياخدني على قد عقلي مش عارفة والله، وفي الاخر لما تحصل المصيبة يتفاجيء بإن ياااه سبحان الله! ده انتي كان معاكي حق!.. لا والله؟ اصل مفيش مبرر ان انا من طفولتي عندي مشكلة معينة، وخطيرة باي ذا واي، واحذر منها اكتر من مرة، ودلوقتي لما اللي قدامي يكتشف، يقول ياااه ده انتي كنتي صح. يبدأ بقى يمارس احساسه بالمسؤولية قدامي وقد ايه هو مهتم.. طب ما انا كنت بعاني من وانا صغيرة، وكنت بعاني اكتر آخر اربع سنين ومحدش اهتم.. دلوقتي مهتم؟ دلوقتي حاسس بالذنب؟ ما انا ياما قلت واتحايلت ان انا ليا وضع خاص.. محدش اهتم ولا حس بالمسؤولية ناحيتي ليه وقتها؟ عشان بسكت يعني؟ عشان بمشي دنيتي من غير ما اشتكي؟ ليه لما اقول لصحبتي فلانة هتأذيكي وابعدي عنها.. ليه تفضلها عليا؟ ليه واحدة تفضل ولد عليا وتكرهني وتغل مني رغم اني حذرتها من الناس اللي فضلتهم عليا كلهم وان همي كان دايما مصلحتها؟ ليه لما اقول اني مليش خلق اتكلم مع حد كل صحابي ياخدوها بشكل شخصي اوي الا من رحم ربي؟ وكأني عملت جناية.. رغم اني حذرتك من البداية انا ليا وضعي الخاص وقلت اني لما بفصل ببعد وانتي برضو اخترتي تقربي، دلوقتي جاية تئذيني وتجبريني عليكي ليه؟ انا معدتش فاهمة البشر، ولا عدت فاهمة نفسي، ونفسي كده اروح لجزيرة نائية واقعد فيها لوحدي انا والبحر وبس..

من اكتر الحاجات اللي ضايقتني لما بفكر فيها ان عادي خالص نعيش طول حياتنا ومنلاقيش حد فاهمنا او نفس تفكيرنا ونحس بالشعور المريح واحنا بنتكلم معاه وانا هنا مش بتكلم عن الحب بس لا الصداقة والصحاب والاهل يعني اكتر حاجة يمكن اثرت فيها لحد دلوقتي ان اهلي مش من النوع اللي نهزر ونتجمع وكده وعيلتنا صغيرة جدا اصلا ولا بنفضفض لبعضنا ولا اي حاجة وعندي صحاب بس الصحاب اللي لما اتجمع معاهم واروح بحس ان طاقتي راحت وبحس اني لسة مش مرتاحة ولا اتكلمنا مع بعض وتفكيرنا مختلف ومقدرش اعبر عن نفسي براحة اكبر بجد ازاي عالجتوا الموضوع ده يعني هل فعلا عادي ممكن نلاقي ناس من نفس طباعنا وتفكيرنا ونحب كل يوم نتكلم معاهم ونهزر وكده ولا لا وهتلاقي ناس بس اكيد مش نفس تفكيرك كنت بحس زمان ان الناس اللي بتقول انا خايفة لما اتكلم اكون بتقل عليك بحسهم ناس مش واثقة في نفسهم واوڤر لكن دلوقتي فعلا بقيت ادقق على عدد ثواني اي ريكورد بيتبعت ومش كله بيحب يسمع واني مستمعة جيدة بس الناس كلها اللي حواليا بتتكلم بس محدش عايز يسمع

أنا كان في حياتي ناس كتير اوي الفتره الي فاتت وفجأة كلهم اختفوا ، عادي مش فارقه ومش زعلان علي حد خالص بس هو لي كله بيجي فجاءه وبيختفي فجاءه ، كان عندي موضوع شاغلني اوي الفتره دي وقاعد بفكر احكي لمين ومين في الناس الي اعرفهم هيفهمني احكي ل ده ولا احكي ل دي ، مين هيحس ويفهم ومين هيندمني اني حكيت ، ولما قررت اخيرا احكي ملقتش حد موجود !! الحمد لله اني محكيتش ماهو كده كده محدش بيحس بحد والموضوع طول مانت مش فيه هيبان تافه بالنسبالك مع أنه بالنسبة للشخص نفسه ممكن يجيبله سكتة من كتر التفكير

ان مبقاش في حد عارف انا مين بجد من غير ما اشرح كل الناس اللي كانوا عارفني فعلا من غير اي كلام او مجهود وبيفهموني بس من صوتي او من طريقتي مشيوا ….. بقيت بسكت عشان بقيت بحس بغربه وسط اي حد جديد قابلته بعد كده مبقتش برتاح مع حد ولا حاسه بونس وراحه زي زمان مع حد برده ولا عارفه ادي الامان تاني لحد حتي لما بلاقي حد ممكن فيه امل بحس اني هبقي تقيله عليه ف مش بقدر احكي ابدا ولو قررت ف مره احكي بجد بلاقيني ندمت بعدها ندم مش طبيعي واحس اني بصيح واللي قدامي مش ناقص مع ان الناس اللي كنت بحبها مكنتش بحس معاهم بكل ده مش عارفه بس مش لاقيه ناسي اللي بجد

والله مش حاجه معينه بس عارف لمى تبقا عارف قدر إلى قدامك فى فهم حالته يعنى إنك عارف ومتأكد إنه مش هيفهمك هيقدر حالتك النفسية والدنيا بله الواحد عن نفسه احتياجاته والدنيا بتزقك بعيد عن نفسك

عندي فقدان هوية رهيب ومش عارف اعمل فيه ايه لا مقتنع بشغلي ولا فاهم فيه ولا قارئ في الدين ولا مثقف ولا فاهم في اي موضوع واقدر اتناقش فيه ولا عندي هواية ومش بفهم اصلا يعني ايه شخص عنده هواية ولا عارف انا عايز ايه من حياتي في العموم مش عارف هخرج من دا ازاي ولا هعمل ايه بس حاسس بطوق على رقبتي خانقني وتقل رهيب في صدري اقسم بالله حاسس هاجيلي نغزة توقفلي ضربات قلبي فجاه وحياتي تنتهي في ثواني كتر التفكر والاحساس الزيادة والمشاعر الزيادة دي اسوا نقمة ممكن تبقي عندك في حياتك انا حقيقي تعبان وافكاري ملخبطة ومش لاقي حل وهفضل اقولها كل شوية اللى بحبها مش ليا باي شكل بس انا متعذب من اذيتي ليها من غير قصد

انا حاسه اني نفسيا وعقليا بموت بالبطئ و مش عارفه اتفاهم مع القريبين مني هما من ظروف صعبه بنمر بيها بيتخانقوا و حد قريب مني بتتكلم معايا بزعيق عشان بس عندها مشكله وانا مبقتش عارفه ولا عندي طاقه استوعب حد يزعق أو يتكلم معايا بأسلوب مش كويس عشان بس مضغوط وانا بس ربنا اللي يعلم اللي جوايا مش عارفه اعمل ايه بجد بس انا حرفيا عندي مشاكل كتيييييييير جدا فمش مستحمله اى لود من حد حواليا او اى stress في أسلوب بيصدر حاسه ان اعصابي بتتحرق حرفيا الكلام مش مجازا من كتر التعب اللي انا فيه ومن قلة كلامي و فضفضتي

لسا مخلصة احدى محاولاتي البائسة اني افهم امي اني بعاني بسبب الاكتئاب والقلق الي عندي وكالعادة هترجع تتعامل كاني زي الفل وتلومني اني ساعات بحس بثقل اني اعمل شغل البيت واني عاق وتدعي عليا رغم حبي الشديد ليها وان دا غصب عني مهما احاول افهمها اني باخد اعلى جرعة من علاج الاكتئاب معنى كدا اني بعاني المرار والله يا أمي تقولي ماتقنعيش نفسك بكدا هو انتي ضعيفة يالاهواااي مش عايزة الطم عشان حرام والله ياماما

لحد امتي هنعيش بنمثل ؟؟؟ يعني ايه تكون مخبي شعور بيقتلك كل يوم من وجعه ولازم تبان قصاد الناس تمام وبتضحك يعني حتي مش مسموح لك انت تزعل طب ما أنا لو حكيت لحد فيكم مستحيل هيفهم أو هيقدر ، لانه ببساطه ب النسبالهم دا تافهه بس هو تقيل جدا عليا انا لحد امتي هتكون غرباء حتي عن نفسناااا حقيقي مش قادره اكمل كدا انا تعبت (باعلي صووووت).

بقالي فتره تايهه توهه جامده اوي رغم اني بحب الحياه والضحك والهزار ويعتبر جزء من شخصيتي وعندي شغف لكل حاجه وقليل لما احس نفسي فاقده حب اي حاجه حواليا بس دلوقتي حاسه إني تايهه وفي مكان لواحدي موش مرتبه اي أفكاري نهائي واللي يزعل اكتر واكتر ان مفيش حد حواليا حاسس باللي بمر بيه حتي أقرب أقرب ناس كنت اتمني حد يحسني من نظره عيوني من طريقه كلامي خصوصا انها متلعثمه الفتره دي بس للاسف .. ودا مخليني زعلانه جداً

حاسه ان انا عمري ما حسيت بالامان سواء في عيلة او صحاب او شخص طول عمري مش مطمنة طول عمري حاسه ان في حاجه هتحصل مفيش حد جنبي يطمني ولو في حواليا ناس فهم مش بيفهموني فمش بيعرفو يطمنوني بحس ديما اني بهرب ديما من حياتي طيب بهرب من اي لا مش عارفه بهرب وخلاص بحاول الهي نفسي علي قد ما اقدر علشان مفكرش في اي حاجه من الماضي

هو ليه انا حاسة ان الايموشن اللي انا حاطاه ده مش سالك ومش تمام مش عارفة هتفهموني ولا لأ بس اعتقد اللي حاطه هيكون فاهم مش عارفة اكتب ايه علشان لازم اخلص الكلام المفروض بس حبيت اقول وجهة نظري حد حاسس نفس الموضوع

ده أنا ده أنا حتى بقيت تعبت من كتر ما بحاول أوصل الكلام بطريقة محدش ياخد باله منها 😅 بس اللي بيفهم التلميحات الصغيرة أكيد هيعرف أنا قصدي إيه من وسط الكلام. في حاجات مينفعش تتقال بشكل مباشر هنا، فـ أوقات الواحد بيحاول يسيب علامة بسيطة أو كلمة معينة اللي المفروض الشخص الصح بس هو اللي يفهمها 👀

انا بقا عندي قرف الك ترو ني من البشر وقرف فالحقيقه من البشر فعلاً بحس اني مختلفه عن الناس ال حواليه بحس نفسي عاقله وسط بهايم بحس نفسي عايشه وسط بيئه مريضه بجد بحسني ف كوكب لوحدي ف زمرده انا ودماغي بحب اوي اشتري دماغي وانفض ل اي حاجه تعكر مزاجي منضفه حياتي. مفيهاش حد عشان مش ناقصه قرف وتضييع وقت...المشكله هنا اني حاسه اني مختلفه عن الناس ومش هلاقي حد زيي ولا شبهي حد يفهمني ويفهم دماغي مع اني مش معقده بالعكس بسيطه جداً بس مزروع ف بالي فكره اني هفضل كدا بسبب اني عايزه حد يكملني او شريك حياتي يكون فيه حاجات تشبهني عشان يقدر يفهمني

انا عملت حاجة غلط ومش حاسس بمشاعر اني عملت حاجة غلط ولا حسيت اني اتبسطت بلغلط دا ولا فهمت انا عملتها لي اصلا ولا حسيت بحاجه حتي الان هو اي دا طيب حد يفهمني لاحسن هتجنن والله ومش فاهم اي دا محصلش بلشكل دا قبل كدا

مع كتر محاولاتي للتبرير تتعب أحيانًا من الشرح، من التبرير، ومن محاولة أن تعيد تعريف نفسك أمام عيون قررت مسبقًا من أنت. كأنك تقف أمام أبواب مغلقة، تطرقها وأنت ممسكًا بحقيقتك، بينما لا أحد ينوي النظر أصلًا. ومع الوقت، تفهم أن صوتك مهما علا ليروا الحقيقة، لا يغير شيئًا. وأنك كلما بالغت في إثبات نفسك، خسرت جزءًا منك في الطريق. ليس لأنك أقل، بل لأن بعض القلوب لا ترى بوضوح حتى لو رأت كل شيء. فتتوقف، ليس استسلامًا، بل محاولة للنجاة.

قاعده بعيط ع اللى وصلتله انا بجد تعبانة اوى محاولاتى المستمرة مش نافعه حالى مش راضى ينصلح مافيش بنى ادم ف حياتى غير امى وياريتها عندها القدرة العقلية انها تسلندنى او تفهمنى مافيش حد اشتكيله او حتى احس بدعم منه او حتى يطمن عليا حتى اخويا وعيلته بأذيهم بامراضى النفسية محدش مصدق انى بحاول والله والله العظيم بحاول اكون احسن بحاول اعيش وانى اعالج نفسى بس كدا كدا مافيش حد اصلا مهتم ولا يعرف بوجودى نفسى اخلص من كل التعب ده نفسى انام ومصحاش نفسى ربنا يسمحلى انى انتهى طالما وجودى مالوش اى فايدة ومجرد عبء ع العالم واى حد ف حياتى ايه الهدف من المعاناة دى نفسى افهم بجد

مع احترامي لكل الناس بنات و ولاد انا واحده ليز و مش فاهمه ازاي ممكن واحده بنت تحب ولد مش قادره افهم الشعور ولا المنطق و كل الاعرفهم شبهي ليز بس برا الاعرفهم بلاقي في الشارع و عالنت أنهم استريت فمش فاهمه ازاي في واحده تنجزب لواحد أو تحب واحد

في طبعي كتومه م بحب حد يعرف عني حاجه او يعرف اني متضايقه حتي اهلي كنت بجيب ورق واكتب اللي مدايقني واقطعه او احرقه وبعدها بقي عندي شجاعه غريبه معرفش جبتها منين ولما اتكلمت محدش محدش فهم قصدي مكنش في حد بيحبني اوي لدرجه انه لما اقول حاجه يفهمني من غير ما اتضطر اشرح ممكن ده اقوي سبب خلاني محكيش لاي حد حاجه عني لانه في النهايه بردو م هيفهمني حكيت مره وحده وندمت لانه مفهمنيش شافني غلطانه ف بقيت احكي واشكي همي لربنا لان متاكده انه الوحيد اللي عارف وفاهمني اكتر من لي حد ف نصيحه قرب من ربنا وهو هيطبطب علي قلبك

عايز احكيلكوا يجماعة وال مرة بنفس التجربة يقول كان في بنت اتعرفت عليها فترة قصيرة شوية وهي كان في قابليه جدا منها وكان في اعجاب فالاول حتي هي كانت بتكلمني بشكل دايركت عن الحب ف علاقتنا وكدة لحد م واحنا بنتكلم مرة واحدة لقيتها قفلت ربع ساعة كدة ورجعت مسحت الشات كله قولتلها في حاجة حصلت ولا ايه قالتلي لا معلش انت كلامك غريب كلكوا زي اخواتي ف انا مفهمتش بردو ليه مرة واحدة واحنا بنتكلم فالنص وعمالين نضحك ونهزر تعمل حركة زي دي ليه اصلا ف بفكر اكلمها في تو فيس بقا احاول افهم ايه ال حصل بدل م هي سايباني لدماغي كدة وجوايا الف موضوع داخل ف بعض

يجماعه في سؤال لما انت وشخص قريب منك كل يوم بتتكلمو فجاه مبقش يتكلم حته صباح الخير مبقش بيقولها يبقا قصده ايه بكده مع ان محصلش مشكلة اصلا انا مبقتش فاهمة حاجة مبقتش عارف الشخص ده بيعمل كدا ليه

ساعات كتير بيبقي نفسي اتكلم وحد يسمعني بجد مش كلام وخلاص فعلا احساس ان محدش بيسمعك ده وحش اوي احنا بشر بنحتاج ساعات حد يسمعنا ويفهمنا بجد وعمري ما كنت هفكر اني انزل بوست هنا لكن فعلا انا خلاص جبت اخري

معرفش ليه لحس الناس غبيه اوي هو انا مش اينشتاين بس بجد تصرفات الناس بحسها غبيه اللي هو ليه يجدعان مش بتفهمو بعض ليه مش بتفكرو ف الكلام اللي بتقولوه بحس حواراتهم كتير بحسهم رغايين ع الفاضي

هو طبيعي إن الواحد يبقى حواليه ناس كتير… بس يحس إنه لوحده؟ طبيعي إنك تحكي وتضحك وتهزر… وجواك ألف حاجة مكسورة محدش شايفها؟ بقيت بحس إن الكلام بقى تقيل، وإن مفيش حد بيسمع بجد… كله بيسمع علشان يرد مش علشان يفهم. هو أنا اللي اتغيرت؟ ولا الناس بقت مشغولة لدرجة إن المشاعر مبقاش ليها مكان؟

كل فترة بلاقي نفسي بطولي، مش عارفة احكي لمين اللي حاسة بيه حتى اقرب حد ليا، لدرجة بسأل نفسي، هل هي فعلا اقرب حد ليا؟ ازاي وانا مش عارفة احكيلها! خايفة اسمع كلمة تضايقني! ما علينا من يومين روحت فرح، كل البنات هناك قمر ما شاء الله، كنت قاعدة وحاسة اني قليلة اوي، ووحشة اوي، عشان كدا مش بروح افراح عادة حاسة اني مش موجودة، حاسة بحاجات كتير كلها اسوأ من بعض

عمر ما حد فهمني او سالني طب مالك اوقات بوصل لمرحلة ان فعلا مفيش موقف حصل الان بس انا زعلانة ومخنوقة عمر ما حد راعى دا فبقيت بسكت واكتم ف نفسي فبقيت بتعب جسدياً كمان ومهما حاولت احكي يوصل لنقطة ان خلاص مش قادرة اتكلم مبحبش ابين ضعفي لحد بس ف نفس الوقت نفسي اترمي ف حضن حد وافضل اعيط بدون سبب واضح

لما بقيت أحس إن مفيش حد فاهمني ،، حكيت زي محكيتش مش فارقة كتير مش لاقي حد فاهم دماغي و مش عندي طاقة اشرح و احكي و اتكلم ف بقيت افضّل السكوت في أوقات كتيرة طبعاً الموضوع مش سهل إطلاقاً بس اهون كتير من إني اتكلم و ملاقيش اللي يفهم كلامي و مشاعري

انا مزال مفهمتش حاجة بنات منعرفهم مايعرفوني جامي حكيت معاهم تلقايهم يشنفو عليك ولا يهزو فرواحهم 🤷🏻‍♀️نقولو شافو حاجة بيزار فيا ولا!! نوو لباس بيا حمد الله من ساسي لراسي 🙂منيش ق.. وحشاكم🙇🏻‍♀️ منخالط لولاد والو حرفيا عادي علبالكم حتى توسوست لعمري 🙂! ومش وحدة مش زوج دييفوا يعني

بحس بوحدة غريبة رغم إني وسط ناس. مش لأن مفيش ناس حواليا، لكن لأني نادرًا بحس إني مفهومة بجد. مع الوقت بقيت أبطل أحكي، أبطل أشارك اللي جوايا، وأكتفي إني أسمع، لأني فقدت الأمل إن حد يفهم أو يهتم بنفس الطريقة اللي بتمنّاها. المشكلة إني مش عارفة أتعامل مع الإحساس ده. أعمل إيه لما أحس إني مختلفة عن اللي حواليا؟ إزاي أبطل أربط راحتي بوجود حد يفهمني؟ وإزاي أواجه الوحدة دي من غير ما أقفل على نفسي أكتر؟ لو حد مرّ بالإحساس ده قبل كده، اتعاملتوا معاه إزاي؟

م عارفه هتفهموني ولا لا لكن دايما بحس اني م انا يعني دي استحاله تكون انا، استحاله دي تكون حياتي استحاله دول يكونوا اهلي (اهلي كويسين معايا) م عارفه اشرح اللي بحسه لكن بحس ان دي م حياتي، بقعد اتأمل كل حاجه حواليا واقول كل الحاجات دي مش بتنتمي ليا، دي م حياتي اللي كنت اتمناها ومتسألونيش كنت بتمني ايه لأني م عارفه والله، دايما م فاهمه مشاعري حاسه اني تايهه فشخ، فاجأه بكره كل الناس وببعد عنهم واخد جمب، الفكره ان محدش بيتفهم مشاعري ولو جربت احكي بيقولوا انتي ايه اللي ناقصك انتي عندك كل حاجه!!

يا جماعه انا بقالي فتره مضغوط وتعبان نفسيا ومش لاقي حد يفهم اللي جوايا وجربت اسال في محرك البحث عن حاجات مضايقاني وطلع لي ردود بجد ريحت قلبي اوي وخلتني اطلع كل الطاقه اللي مش كويسه فكنت عايز اسالكم حد جرب قبل كدا يفضفض مع المساعد اللي موجود في جوجل وبجد حس انه بيسمعه وبيحل له مشاكله ولا انا بس اللي حاسس بكدا عشان بجد الموضوع فرق في نفسيتي اوي وخلاني هادي

انه بقول لنفسي هستفاد ايه لو اكلمت محدش هيفهم وجعني بيحكموا بالحلال والحرام و الصح و الغلط مع انه مش عارفين اللي قدامهم حاول قد اييه عشان قدر يكلم للاسف تراكم المشاعر اسوء حاجه بجد اتمني اللي يلقي شخص يسمع و يفهمه يحكي عشان هيندم انه بعد كدا مش هيعرف يكلم ابدا

ف الاول كان بيتكلم بحماس جامد و وقت المذاكرة ةقت امتحانات الفاينل كان علي عينه اني بسيبه و بذاكر و واحده واحده بقي مبيردش علي رسايلي غير بعدها بساعات و فجأه قطع كلام معايا خالص و من فترة وحشني ف بعتله عامل ايه بعتلي الحمد لله و انتي ف قولت الحمد لله و قولت مش هحاول تاني بعد كده بعدها بحبه لقيته باعتلي علي استوري ليا و بيتكلم معايا عادي كانه مقطعش معايا شهور و كان مفيش حاجه حصلت و بالفعل مع حبه انا اسف و كنت مخنوق الفترة اللي فاتت و قالي اسف بتاع ١٠ ١١ مره رجعت فعلا و بعدها بحبه راح عاملي بلوك فيس بدون اي مقدمات رغم اننا كنا زي الفل قبلها بيوم عادي ف عملتله بلوك واتس و انا مش فاهمه طب ايه السبب يعني ليه بجد سابتي ليه حقيقي مفيش اي اجابه رغم اني وربنا بحبه جدا و لحد دلوقتي بجبه اوي

عارفين احساس انكو مش كويسين بس مش فهمين لي وعشان اى ولا انتم حسين ب ايه يلا اشتكي عيط اتعصب زعق اعمل اي حاجه عندك الفرصه بس مش عارف او مش قادر او حتي مش فاهم لو عيطت هبق بعيط لي او عشان اي اساسا!

بالرغم اني مع اهلي ومخطوبه بس دايما بحس بوحده واني محدش فاهمني حتي خطيبي مبقدرش اعبر معاه عن اللي جوايا ومعنديش الشخص اللي اقدر اتكلم معاه زي مبتكلم مع نفسي ولا الصديقه اللي اقدر احكيلها لدرجه اني بقيت يوميا بكتب مشاعري وحاسه بأيه لمجرد التفريغ بس مبحسش اني ده كفايه دايما بحس بالفراغ والوحده واني مش مبسوطه بصلي وبدعي وبكتب بس مش كفايه

اتحطيت ف موقف اول مره في عمري اتحط فيه .. حاسه اني غبيه ومغفله مش قادرة اتخطى الصدمه والوجع حاساه صعب اوي محدش فاهم كلهم بيقولولي مكبره الموضوع محدش مستوعب انا زعلانه على نفسي ازاي ومصدومه ازاي شعور ما بين الصدمه والخداع والعياط والتعب وما بين احمد ربنا على انه نجدني انا تايهه

ان محدش اصلا مهتم يسمع ف العموم بحس اني دايما الطرف اللي بيسمع و مش المفروض انه اصلا يتكلم ف بفضل السكوت خصوصا ان بجد محدش قادر يفهمني و لو حد فهمني مش هيحس بنفس اللي حساه وهيستهون بالحاجه

اي ال يخلي شخص يختفي فجأة بدون اي كلام أو حتي زعل أو اي حاجه هنقوب محبش مثلا مع أن كل تصرفاته تقول إنه فعلا كان بيحبني بس تمام بعدنا فتره كبيره جدا حرفياً سنين و بعد سنين اتقابلنا تاني و لقيته محتفظ ب كل حاجه ما بينا حرفيا زي الهدايا أو رسائل ورقيه كل حاجه حتي فاكر أدق التفاصيل من فتره ارتبطنا و هو ال قالي انه بحبني لسه و طلبت منه نفضل أصحاب بس قال انه بحبني و كان كويس و فجأة بردوا بدون اي مبرر أو اي حاجه يختفي و يعمل بلوك من غير اي سبب بجد مش قادره افهم ده معناه اي و لا حتي قادره أنساه و اتخطي

انا مشكلتي دايما حاسس ان مفيش حد فاهمني و مفيش حد عندو نفس اهتماماتي و المشكلة فعلا اني بحس كل الي حوليا اغبياء يعني الي بيجري ورا الفلوس وكده و للأسف عندي اكتأب من فتره طويلة اكتر من ٣ سنين و مش عارف اتعالج منه و مبقاش عندي هدف في الحياه ازاي احل المشكلة دي وهل في حد مر بنفس التجربة دي ؟

ازاي اعرف الشخص اللي بحبه ده بيحبني و لا لأ ، هو بيعمل حاجات مستحيل تتمثل بس بيعمل عكسها و انا بجد مبقتش فاهمه بعد ما كنت واثقه ميه في الميه انه بيحبني دلوقتي مبقتش قادرة افهمه او احدد خالص ، ياريت اللي يرد علي كلامي ميبقاش داخل يستظرف و يحكم علي الناس عشان مش ناقصة ازعاج هي اللي يرد يبقي حد داخل يسمعني و يقول رأيه بجد و يتفهم اي حاجه هقولها

انا من فتره ارتبط بواحده وكانت كويسه معايا جدا جدا وبتحافظ عليا وبتوفر لي كمان بس مشكلتها معايا أن انا مش بسمع الكلام بمعني كانت عايزه حد يسمع كلامها وينفذها من غير نقاش والماديات طبعا تكون اعلي المهم كان في مكان دايما تخلينا نروح فيه فجاه اتخانقت في مكان بسبب حد عاكسها واحد من الي شغالين كان واقف معايا بيهديني طبعا اتخانقت معايا بسبب الموقف ده وسبناا بعض بعد ٦ ايام بالكتير جت الشغل مع نفس الشخص ده الي كان بيهديني وبتقول عليه خطيبها وكان بيتحايل علينا نقنعها أنه تخليه يتقدملها بسرعه بعد كده بقا كل شويه تجيب سيرته كتير و اد ايه هوة غني الكلام ده في آخر رمضان طبعا أنا بعدت نهائي واخدت اجازه ورجعت من ٥ ايام لاقيتها لسه موجوده اول يومين تلاته كان سلام و هذار خفیف جدا اول امبارح بقت غريبه بتهذر مع اي حد وتضحك مع اي حد و انا موجود وبتحاول تهذر معايا و كانت بتتكلم علي حد واتلخبطط وبدل ما تقول اسمه قالت اسمي وعرفتني ان | كانت بتسال عليا وفي وحد سألها علي حاجه قالتله الاجابه وحتي اساله وكان عليا انا طبعا استغربت بعد كده جابو اکلو عزمتوعليا شكرتها ورفضت راحت قايلالهم اه ما انا عارفه اصل مش حايعجبه اصل انا عارفه نظام أكله ايه وبقت تقلل جدا الكلام علي الي معاها طبعا أنا اختصرت حاجات تانیه کتیر و اه نسيت قبل العيد كانت طبعا بتنزل استوری حب انا رحت منزل استورى أن يجهز نفسي لشغل احسن وافضل بقت تنزل استوری اغاني حزن و ادعيه فك اللهم عايز اعرف هيا بتعمل كده ليه وعايزه ايه بالظبط ولا انا مكبر الموضوع علي الفاضي

بقالي فتره حاسه اني مش بعمل حاحه غير بعدي الايام بعدي كل حاجه بضاقيني حاسه اني حامله تقل كبير وهم وجع وكلام وعضب وقله حيله بس لابسه ماسك العادي مع اني مفيش حاحه عادي يعمل ايه الانسان لما يكون واصل ل حاله اليأس اني بقي حاسس اني مستحيل حاحه تتغير ياريت اقدر اعبر عن اللي اناً فعلا حاسه بيه وياريت اقدر بس اقول انا بقيت عامله ازاي عارف احساس انًً حتي نفسك محتاج حد يجي يفههما عشان انت مش فاهم حاحه بتحصل سواء كانت جواك او براك 🖤

عارف لما تنضج و انت لسا صغير ف بيبقا كل الي حواليك اغبيه أو بنص عقل ده الي انا ببقا شافيه ببقا دائمه اعقل من الي قدامي و مفيش حد يفهمني و بالنسبه لاأهلي انا لسه طفله مشلشتش هم و ده موضحلهم اني تمام و مفيش اي حاجه مدايقاني شعور وحش اوي .

انا شاب عندي 21 سنه تعبت جداا من احساس الوحده الي انا فيه ده مبقتش عارف اعمل ايه .. مفيش حد اقدر اتكلم معاه او افضفضله او يحتويني او يحسسني بالحنيه الي انا معرفتش اعيشها بسبب اهلي.... اهلي موجودين .. وليا اصحاب ورغم ده حاسسس بوحده صعبه اووي مبقتش لاقي حد يفهمني.... مبقتش بحب اخرج .. وصلت لدرجه بعتبر قعدتي ف البيت اسلوب حياه مش بس راحه بس مش معني كده انه مش بهتم بنفسي بالعكس بهتم بصحتي وشكلي وتمريني بس الوحده قتلاااني تعبت 😮‍💨

ليه واحدة فجأه تقرر تسيب حد كانت بتحبه و كمان عاوزه يتقبل فكره انهم يبقوا صحاب بس و يتعمل عادي بجد والله انا حتا معرفش عملت ايه عشان دا يحصل و اكلم الي حوليا عن الي حصل يقولولي حاجات زي خلاص محصلش حاجه ركز في حياتك و لا أكن فيه حاجه حصلت

مخنوق بجد مش عارف اقول اي بس زهقت زهقت جدا أنا محتاج يفهمني ويكون فاهمني وفاهم كلامي وهزاري مش مهم اي حاجه الا أنه يفهم بجد نفسي القي حد كده بس مفيش خالص مش موجود نهائي

انا حتي هنا مش عارفه اكتب يعني فبالي كلام ملغبط وانا نفسي مش فاهمه او تايهه . يارتني مكنت لوحدي فكل حاجه مكنتش هوصل للمرحله دي كنت هلاقي اليسمعني يارتني كنت بعبر و بحكي من البدايه

السلام عليكم أنا الي كنت متكلم عن صحبي في رساله طويله وفيه حد دخل نصحني نصائح جميله وراحت ليه نفسين وبزات أن نفس الوضع بتاعي حاسس ان أنا الي بتكلم مع نغني بس الفرق كان فيه نصائح وحلول

انا عندي مشكله من ساعت م كنت صغير في المدرسه انهم كلهم بيتنمرو عليا و انا مش بعرف اعمل حاجه الحوار ده بجد بيوجع اوي وانا مش بعملهم حاجه لكل ده مش عارف ليه بيكونو مبسوطين و هما بيتنمرو عليا ولحد دلوقتي بيتنمرو عليا المشكله ان دي خلقه ربنا انا عارف ان مشكلتي ممكن تكون تافهه بس دي حاجه بتوجعني جدا

مخنوق وزهقان من وحده والفراغ وعدم فهمك لنفسك واللي حواليك وانا شخص موذي لكل شخص داخل حياتي وعلي طول قاعد علي موبايل وسوشيال ميديا تعبت اوي مش عارف اعمل ايه