تعرفت على انسان ، وكلش كان عن بعد، غير فالتليفون. في البداية، شهر كامل كنا نهدروا عادي، نضحكوا، نديوا ونعطيو، حسّيت روحي مرتاحة معاه. شوية بشوية، الهضرة ولات فيها نوع من القرب أكثر… حتى دخلنا فمواضيع +18، وهنا حسّيت باللي العلاقة ولات أقرب ووليت نميللو أكثر. ومن بعد فجأة… اختفى. راح شهرين كاملين بلا حتى كلمة، بلا حتى تفسير. بصراحة تقلقت بصح خليت الموضوع يمشي. من بعد رجع، واعتذر. قال كان عندو ظروف صعيبة. ما حبيتش نكون قاسية، سامحتو وقلت نعطيه فرصة أخرى. رجعنا نهدروا، بصح ما بقاتش كيما قبل. ولّى يبان ويختفي: نهدروا أيام، ومن بعد يغيب. يرجع كأنو ما صرا حتى والو. ونفس الحاجة تتعاود… الهضرة ترجع حتى لمواضيع قريبة بزاف، ومن بعد يختفي. أنا كنت نحاول نفهمو، وهو كل مرة عندو عذر… حتى مرة، اختفى حوالي أسبوعين. ومن بعد رجع غير قال: “سلام”. أنا رديتلو “oui”… بصح من بعد، هو ما عادش رد، وما بانش خلاص. بلوكيتو و بحكم نسكنو في نفس الولاية تلاقيتو و رجع يبعتلي و يحاول يهدر معايا و يحلل فيا كي رديت عليه عاود إختفى انا بلوكيتو و بدلت les comptes تاعي و بلعت على الحكاية سمانة لي فاتت تلاقيتو و عاود بعتلي و جاب les contacts تاعي و هدر معايا و انا رديت عليه باش نقفل هاد الحكاية و مردش عليا خلاني معلقة أيا عاود بلوكيتو صراحة معرفتش واش راه حاب يدير و مقدرتش نفهم