منذ 2 ساعاتيشعر بـ متوتر
فى حد متقدملى وهو أقل منى علميا بس انسان طموح ومسئول انا خايفه اقبل واندم بعدين فى ناس كتيرة اتقدمت أعلى علميا واجتماعيا بس رفضت لان مرتحتش وكمان هتكون فى محافظة تانيه وانا حابة فكرة أن معيش فى القرية بس خايفة شوية من الغربة انا دكتورة وهو دبلوم مش بقارن والله بس خايفه من نفسي بعدين بقول لو انا وهو لوحدنا ومش حاطة كلام الناس فى بالى هختاره وبقول هو لو مكنش عنده صفات معينه زي مكان سكنة وطموحة مكنتش هوافق عليه انا فيا صراع جوايا مش فاهماه لسه مقعدتش معاه رؤية شرعيه بس دماغى مش بتفصل 😭
لو هتشتغلي بعد الجواز نصيحة متتجوزيهوش، ولو هتقعدي في البيت اتجوزيه عادي لو متفاهمين مع بعض
بلاش تاخدي حد أقل علميا عشان متعرفيش نفسية الراجل اللي معاكي هتكون عاملة ازاي، ممكن يحاول يحبطك مثلا + لو الراجل اللي معاكي مش مالي عينك هتكملي معاه ازاي ؟
خدي وقتك وفكري كويس اهم حاجه يكون قرارك جاي منك انتي مش من اهلك ولا من الناس انتي الي هتتجوزي وتعيشي دي حياتك انتي مش بقولك ان رأيهم مش مهم بالعكس بس في النهايه ده قرارك .. التعليم مش مقياس اطلاقاً اكيد فحياتك مر عليكي ناس ذاكرت واجتهدت بس مجموعهم في الثانويه ظلمهم...طول ما الشخص الي قدامي محترم وفاهمني وبيقدرني ويعرف يتكلم ليه مدلوش فرصه؟
بلاش بجد
ما تجربي فترة الخطوبة و لو شايفه أنه شاطر و يقدر يعيشك في مستوى كويس و فعلا شخص طموح و بيسعى حاسس أنه تمام ليه مياخدش فرصه خصوصا لو هيصونك لو مش جاي منه كل ده ف بلاش منه احسن و ربنا يعوضك ب الاحسن طبعا
ما بلاش