تانى حاجة واهم حاجة ابنك مش نموذج هتخلقه فى عقلك وتطالبه يكون النسخة اللى رسمتها .. هو ليه شخصيته وتفضيلاته ورايه اللى لازم يحترم مهما كان صغير ومهما كنت مش مقتنع ، الرسول قال "إنَّ اللَّهَ خَلَقَ آدَمَ مِنْ قَبْضَةٍ قَبَضَهَا مِنْ جَمِيعِ الأَرْضِ، فَجَاءَ بَنُو آدَمَ عَلَى قَدْرِ الأَرْضِ، فَجَاءَ مِنْهُمُ الأَحْمَرُ وَالأَبْيَضُ وَالأَسْوَدُ وَبَيْنَ ذَلِكَ، وَالسَّهْلُ وَالحَزْنُ وَالخَبِيثُ وَالطَّيِّبُ". يعنى كل واحد فينا مختلف بطريقته حتى من قبل ما يتولد ، واجبك بس انك تقوّم اختلافه دة وتوجهه للطريق الصح وطريق ربنا ، ديما اى محاولة منك انك تغير فى شخصية ابنك للصورة اللى انت رسمتها وهو مش مقتنع بيها ولا مناسباه بتقلب بنتيجة عكسية والعلاقة بين الاهل والابن بتتدهور جداا .. ببساطة لان الاهل مش عاجبهم حال ابنهم والابن حااسس ان اهله مش فاهمينه ومع الوقت لو استسلم ليهم بيكون شخص مش فاهم نفسه ولا قادر يفهم هو كويس ومبسوط ولا لا ...

اول حاجة هل الهدف من التربية انى اربى تربية حديثة او ايجابية او حتى اربى زى تربية اهلى زمان .. كل حاجة من دول فيها الغلط والصح اكيد وفى النهاية هى مجرد مسميات والتربية حاجة اكبر واعمق من كدة بكتيييير ... كونك بتبنى انسان من اول يوم فى عمره لحد ما يبقى عاقل وناضج كفاية فدى حاجة مش هينة ولا سهلة ابداا ولازم نفهم دة ، انت بتبنى شخصية وتفكير فلازم يكون عندك الوعى الكافى والعلم اللى تقدر تنقله لولادك . طيب يبقى الهدف هو تربية سليمة ... يعنى ايه بقى .. يعنى انا هدفى اربى شخص واثق من نفسه ناجح طموح فاهم دينه وبيعمل بيه وحاجات تانية كتير .... والاكيد انك عشان توصل لدة لازم تبدا بنفسك الاول ، انت قدوة ابنك ومرايته اللى بيشوف بيها الصح والغلط ، بمعنى مينفعش تكون بتدخن مثلا وتقول لابنك التدخين مضر ..طب انت بتضر نفسك ليه ، مينفعش ابنك يشوفك مش بتشتغل ولا عندك طموح وتطالبه يشتغل على نفسه وينجح انت بالنسباله قمة النجاح .... يبقى قبل ما تفكر تخلف لازم تسال نفسك لو لقيت ابنى بقى نسخة منى فى يوم من الايام هكون راضى وفخور بيه ولا لا ، لو لا ومنتظر انه يكون احسن منك من غير ما تشتغل على نفسك وتصلح منه

اتفقنا انى كل يوم هنزل بوست هقول فيه رايى عن حاجة فى التربية وتشاركونى رايكم ونستفيد من بعض

بصوا غالباا هعتمد البوست دة لانه الوحيد اللى مش بيتمسح واى حاجة عايزة اقولها هكتبها فى كومنت

الكتابة هنا صعبة بشكل اييه دة 😖😖 حتى thoughts مش بتشتغل معايا