اخويا لسه خاطب قريب المهم الناس كويسة وخطيبته كويسة وكل حاجة وهو كان كويس معانا وتعامله كويس وفجأة اتغير اوي وبقا بيتعارك معانا عالواحدة واكتشفت انه بيحكيلها علي كل حاجة حرفيا معنديش مشكلة لو عن نفسه دي حاجة كويسة بس هو بيحكيلها عن البيت ومشاكل البيت ومشاكله معانا ومع اخواته وبيتكلم عننا وحش معاها بيحكيلها الصغيرة قبل الكبيرة ولو جيت نصحته ان دا مينفعش بيزعقلي ويقولي متدخلوش ف حياتي انا عارف انا بعمل اي وانتوا م بتحبوها ولا بتحبوا اهلها رغم انه والله ما حصل بالعكس احنا شكرنا فيهم اوي بس متضايقين من تصرفه هو بجد تعبت م كتر الكلام وم عارفة اعمل اي وهل ال هو بيعمله دا صح ولا اي والبنت لما بتلاقي خطيبها بيعمل كدا هل بيكبر ف نظرها كدا ولا م بتعرف تثق فيه اصلا انا عن نفسي لو خطيبي عمل كدا هخاف منه اه مفيش مشكلة انه يقولي عن اهله ولكن م كل حاجة ينفع تتحكي بردوا انا ممكن بجد اقلق وافشكل الخطوبة لانه اكيد زي ما بيحكي عن اهله كدا هيجي يوم ويحكي لاهله عني بنفس الاسلوب لو حصل مشاكل بينا