أنا بعدت عن الناس الي كنت أعرفها وعارف ان ده الطبيعي يا أنا هبعد يا هي تبعد والحقيقه أنا بكون مبسوط لوحدي اكتر ، لكن بيجي وقت علي الواحد يكون محتاج حد ف حياته يسمعه ويرمي عليه كل المشاكل الي حصلت ف اخر اليوم بس في الفتره الاخيره دي عرفت ناس كتير بصراحه كلهم مش سالكين أو مش واضحين خصوصا البنات عايزين يفضلو مجرد فواكه وانا مبعرفش احكي لحد أو اكون علي راحتي معاه وهو بطيخه ولا فراولايه يعني ، أنا معنديش حاجه اخاف منها حتي لو حاجه غلط ممكن تتحكي عادي جدا احنا مش دورنا نحكم علي بعض ونقول ده حلو وده وحش ، أنا بحب الناس السهله الي تخليك مش محتاج تفكر ف كل كلمه مرتين قبل ماتقولها