حد قرأ قبل كدا عن "عالم الذر" او عالم الميثاق ؟؟ قرأت ان الارواح اتخلقت قبل الأجساد وعاشت وتقابلت وتعارفت في عالم الذر.. لذلك ف الدنيا في اشخاص بيحصل بينهم انجذاب من غير سبب واضح .. عارف لما تشوف حد وتحس كأنك تعرفه من زمان هو دا م يسمى ب "تآلف الأرواح" روحك اتعرفت ع روحه ف الميثاق الاول في عالم الذر.. في نص بحبه كتبه شيخ صوفى ف الموضوع دا بيقول "إن أصل التآلف: التعارف الأزلي في عالم الغيب، فمن تحققت نسبته هنالك ظهرت هنا، إذ العالم الأسفل ظل للعالم الأعلى، وهذه الأشباح أمثلة لتلك الأرواح، فما من صورة في عالم إلا وهي مثال لذات روحانية من عالم الغيب، كما أن الظل تابع للشخص في حركته وسكونه، فالتعارف هنا ثمرة ما هنالك". .... تخيل كدا ف مكان ما ف الدنيا دى في شخص روحك موصولة بروحه موجود مخصوص عشانك وانك قبوله الوحيد.. شخص اول م هتشوفه هتحس ان شئ جواك إكمتل وان روحك فيها سكينة كأنك كنت تايهة واخيرا وصلت لبيتك بعد م مشيت طريق طويل.. انا من اول م بدأ يكون عندى إدراك بالحياة وانا حاسة ان عندى توأم روح.. هو فين؟ هو مين ؟ الله اعلم .. الشعور دا اتولد جوايا فجأة عارف لما تحس طول الوقت جواك بالغربة وانك منتمى لشخص متعرفهوش بس حاسس بوجوده .. ومش بقول ان كل الناس لازم تفكر بالطريقة دى لان محدش مضطر يعمل كدا وان دا مش الاصل لان غالبا الى حواليك هيحسوا انك مجنون 😂😂 .. انت كدا كدا بتكون مكمل فحياتك عادى وبتمر بقصص بس غصب عنك ف كل قصة هتلاقي نفسك بدور عليه.. انا نفسي كتير بحاول اتجاهل الشعور الى جوايا دا وأعيش الواقع زى م هو بس سبحان الله مكانش فيه حاجة بتكمل لان عمري م حسيت ان اى مكان فات كان مكانى و دا شئ بيزود يقيني اننا هنتقابل يمكن مش بسهولة لكن مش مستحيل.. "إن الله قد خلق لكل روح من الأرواح روحاً أخرى تماثلها وتقابلها، وتسعد بلقائها وتشقى بفراقها..." #المنفلوطي اكيد مر عليكم أشخاص بتحسوهم اخوات من كتر الشبهة بينهم فالشكل وطريقة الكلام حتى الاهتمامات بينهم كيميا غريبة وبعد كدا تكتشفوا انهم متجوزين ..ولما تسمع قصتهم تتأكد انهم متقابلوش صدفة دا كان إتفاق ف عالم تانى و قدر.. "و لست أفهم من معنى الحب إلا أن الروح قد اهتدت إلى شيء من سر الإنسانية في إنسان جميل"...#الرافعي