معلش يا قلبي اصبري وادعى ربنا كتير اوي انو يطايب بخاطرك ويفرح قلبك ويفرج همك متزعليش اعرفي ان اي مكان في الدنيا دي هو ملك لله عز وجل وأن هو أقرب ليكي من حبل الوريد ويعلم اللي بيكي واللي انتي حسا بيه كلميه وادعيه لو مفيش مكان تهربيلو هناك اهربي لرب العالمين مش هيردك زعلانه ابدا والله العظيم ولو على الغربه اذكري الله كتير اوي والله هيكون معاكي وهيطمنك واستغلى تلفونك لو تقدري تسمعى عن ربنا كتير وحبيه والله مش هيضيعك ابدا الا بذكر الله تطمئن القلوب

باسم الله الفتاح يفتح لينا الأبواب والمخارج

انا كمان بس المقاديف متكسرة جدا بحاول الاقي مخرج

حققي حلمك يا فراولة باي طريقه اللي زينا لما بيتكتف وهو بحلم بينطفي ويموت

امين يا حبيبتي يا رب. تسلميلي يا قمر ويارب عن قريب نسمع منك اخبار جميله يا رب 🤍🌷

بكره ليلى تطلع زي مامتها بتحب القماش والباترونات وتبقى حاجة حلوه تفرح

ده جميل اوي اوي بعد ما ننيم ليلى نرجع نرسم باترونات ونعمل بيدج تدعم الاتيليه بتاعك

انت بتحبي التفصيل يا فراولة

اللهم بارك ربنا يحفظهالك يا رب عشان كده حاولي تستانسي بالله ما تخليش الشيطان يلبسك نظاره سوداء ربنا قال ان مع العسر يسرا قربي منو وحاولي ارضي وربنا هيراضيكي والله

معلش يا حبيبت قلبي متزعليش نفسك 🫂 طيب يومك ماشي ازاي أو انتي بتشغلي وقتك ازاي ؟

لو انتي متجوزه جديد ده طبيعي في ناس مش بتتاقلم بسرعه لما تغير حاجه في حيتها و معظم المتزوجين بيواجهو نفس المشكله انك تكوني عايشه في مكان و تروحي مكان تاني ده في حد ذاته صعب بس مع الوقت هتتاقلمي و طالما جوزك كويس هيخفف عنك اكيد وحشه المكان

يا فراولة ايه اكتر حاجة بترجعك لنفسك وانت عند ماما.. نفسك القديمة مثلا اللي كانت بتحب تعمل اييييه ؟!!! اعمليه قدر المستطاع في بيتك وحاولي ماتجبريش نفسك على الانخراط مع الناس اللي مش شبهك خالطيهم بالمعروف بس لكن ماتغيريش جلدك ده شئ مرهق ومؤذي كفايه عليكي التأقلم مع طباع زوجك اوي وشوفي اختلافه مش سبب يضايقك خليه سبب بضحكك

مافيش تأقلم ده موت بطيئ لازم ترتاحي وده مش هيكون غير في بيئتك او مع اللي زيك عمرك شوفتي هدهد قاعد يحكي مع غراب لاقي مخرج انقلي مثلا خلي في أيام تجتمعي فيها مع اللي يشبهك

حاولي تلاقى حاجه حلوه في المكان ده وكبريها انتي ولو مفيش حاولى تخلقيلك حاجه حلوه تناسب البئه اللي انتي فيها دلوقتي وكبريها حبه حبه

طيب حاول تغيره المكان اللى فيه لو ف قريه انقلوا المدينه

في البداية بس هتتأقلم ويبقي دا مكانك وعند مامتك هو اللى غريب كلنا كدا