انا بعاني من انواع كتيرة جدا من الادمانات الحميدة زي ادمان الموبايل و السوشيال ميديا و الفيديوهات التحفيزية و ادمان الشات و التواصل الانساني و الغير انساني (زي ال AI) و القهوة و السكر... الخ مش عارف اللي انا فيه ده بصنفه انه مش صح ابدا لاني بحس غيه وقت كتير بيضيع من غير اي استفادة و ايام بتمر و عمر بيعدي من غير تحقيق اي هدف من اللي في دماغي جربت انظم وقتي كتير جدا و لكن كل مرة الايام بتعدي و الاقي اني لسة واقف مكاني، لا خلصت الكورس اللي كنت ناوي اخلصه، و لا قرأت الكتاب اللي كنت ناوي اقرأه، ولا ذاكرت، و لا اي انجاز يذكر ـ من وجهة نظري ـ و كل مرة بنظم الدنيا بتبوظ مني على طول و برجع تايه تاني مرتبط بشوية الادمانات اللي بتديني دوبامين رخيص لدرجة اني حاسس اني بقيت فيloop ملهاش نهاية لمدة شهور و مفيش حد معايا يشجعني او حتى بيفكر زيي او عنده نفس اهدافي فانا حرفيا بطولي وسط كل اللي حواليا من مشتتات و اهداف متأجلة مش عارف بجد اعمل ايه او انظم وقتي ازاي و اغلب التوهان ده ازاي؟