يا جماعه انا قلقانه طول الوقت بقالي سنين بجد لدرجة ان دا خلاني موصلش لحلمي ... ايا كان حاليا انا لما حد بيدخل في حياتي بحس بقلق وتوتر ويبان عليا طول الوقت ... وبقول الموضوع هيقل وعشان لسه في الاول .. وبعدين انا بعد الشخص دا بيمشي او ميكلمنيش .. انا بقعد اتخيله قدامي وبكلمه بس انا اصلا بكلم نفسي وهكلمه اقوله دا ودا ودا واتكلم مع نفسي لدرجة انا صوتي بيروح حرفياا .. وبتكون حاجات خايبه مينفعش اصلا اتكلم فيها .... ولما اكلم الشخص بفقد كل معاني الكلام .... وكل شوية اروح لجميناي اقوله ارد ازاي طب اتصرف ازاي طب هو كان ينفع اسال السؤال دا طب ارد اقول اي من كتر ما حاسه الموضوع عمال يتضخم بشكل مش طبيعي وانا تعبت وقبل الحوار دا كنت بكلم نفسي كتير كتير ومش قادرة اذكر ربنا كتير عن الاول وبواجه صعوبة بجد في الصلاة وحديث مع النفس كتير ومش عارفه دا ايه وعلاجه ايه ... يعني حتي الذكر بقي صعب عليا جهاد نفسي صعب ومرهق لأقصي حد ومبقتش قادرة احاول .... ازاي بجد محدش يشوفني متوترة وقلقة كدا ومش متوازنه خالص بجد عقلي تاعبني جدا والله ،،، وبفكر كتير وابسط حاجة تتقال متفكريش كتير وسبيها ع ربنا ، طيب والله سايباها ومش بايدي بجد حوار التفكير الكتير محدش فاهم قد ايه الموضوع اكبر من مجرد كلمة بطلي تفكير وانتي تبقي كويسه ما مش عارفه بجد تعبت ،،،حتي لما اقول لنفسي فرغي كلام دا في شات مع نفسك بيخرج مني كلام كتير حرفيا .. بس المحادثه اللي بتدور بصوتي بتكون اقوي وبكتب كلام مش اللي هقوله بصوتي !! حد فاهمني الموضوع مرهق مرهق ....
فهماكي دا يمكن بسبب انك اتضغطي فترة كبيرة ومكنتيش بتفضفضي لحد او لأن فيه اهالي شداد ف بيربوا تربية قاسية لدرجة انك مينفعش تعبري عن رأيك حتي فبتطلعي خايفة تعبري عنه وطبعا الخوف الزيادة بيشل التفكير فمش بتعرفي تتصرفي ف المواقف وخايفة تتصرفي فتغلطي فأول معتقد خاطئ عندك هو انك مينفعش تغلطي ودا ف حد ذاته حاطك ف ضغط وتفكير زايد طول الوقت
طيب ايه اللي موصلك للمرحله دي ومخليكي عايشه في توتر وقلق طول الوقت
انا بنت لو محتاجه تتكلمي مع حد أنا موجوده صدقيني محدش هيحكم عليكي لمجرد كلامك او قلتي ايه كوني تلقائيه
نصيحه ما تحسبي لي كل حرف خدي رحتك في كلام وي لو بتعملي ذنوب خلوات وقفي