أنا متزوجة وبواجه أزمة حقيقية في فهم شخصية جوزي ومحتاجة تحليل من ناس واعية لأن الموضوع مسبب لي فجوة كبيرة... جوزي شخص هادي ومنظم ومثالي بزيادة بره البيت لدرجة تخلي الناس تشوفه الشيخ العاقل بس المثالية دي قالبه ببرود وجفاء معايا ف البيت وبقيت بجد بخاف من غموضه.. الغريب إن التناقض ده بيظهر في الأوقات زي العلاقة لأنه فجأة بيتحول لشخص مختلف تماما وبيبقى طالب جرأة وفانتازيا عكس بروده ومثاليته تماما أنا حرفيا بفصل ف اللحظة دي ومببقاش قادره أركز غير في هو إزاي بيتحول كدة؟ الأكبر من كدا إني بصراحه ساعات بحسه لئيم ساعات يتعامل معايا بأدب وهدوء زيادة عن اللزوم وأنا متأكدة إنه فاهم قصدي كويس بس بيستعبط وساعات لما أحكيله حاجه يبصلي كده بنظرة غريبة ويقولي إنتي بتحوري؟ هو ده مش ساعات هي دي حياته أنا بجد تعبت من كتر ما بحلل في شخصيته والتناقض واللؤم ده وخايفة من تحوله المفاجئ في العلاقة.. أتصرف إزاي لما يقلب شخص تاني خالص كده وأنا مش قادرة أركز معاه؟ وهل اللؤم والتحول ده طبيعي ولا مؤشر يقلق ؟ الفكره ان دي مش شخصيتي انا بتعامل ببساطه بس معاه بحاول اتماشي معاه واكون زيه عشان يعني ميكلنيش بطريقته دي بس ده اذيني مخليني احس ان دي مش انا ومعرفش ده تفكير زياده مني ولا ايه