زواج

هو ليه في ناس بترتبط بسنتين وتلاته واكتر وعلاقتهم تتطور ويتجوزوا لكن انا لو عرفت حد يومين بالظبط والاقي الكلام هيبدأ يروح ف سكه تانيه خالص واديت فرص لناس كتير اوي قولت يمكن انا بختار غلط وكل مره يحصل نفس السيناريو رغم انه صحابي البنات بيبقوا مرتبطين وبعدين يتخطبوا ويتجوزوا عادي اشمعنا ده مبيحصلش معايا انا وليه اللي بعرفهم انا بيبقوا ليهم اغراض وطريق تاني انا بجد مش فاهمه العيب فين

من وانا في ثانوي ابن خالتي اتقدملي بس ماما قالت لهم اني لسه بدرس هو أكبر من ب 15 سنه وكل ما اعدي مرحله في حياتي يتقدموا وارفض ف ماما تقول لسه عايزه تكمل لغايه ما اتخرجت وكل فتره خالتو تكلم ماما وبنات خالتي يكلموني دلوقتي انا عندي 25 سنه وهو 40 انا مش عايزاه خالص هو بالنسبالي اخ كبير بس ف دلوقتي اتقدملي عريس هو متجوزش قبل كده بس عنده 42 سنه ف قولت لا مش عايزاه ف قالولي لا تختاري بقي يا ابن خالتك يا العريس ده وانا مش عايزه الاتنين تعبت ومش عارفه افكر اعمل ايه

تفتكروا اي السن المناسب للأرتباط لو الشاب عنده ٣٢ سنة؟ اقصد سن البنت يعني 😅 بحيث مايبقا فيه فرق يعمل مشاكل وبردو ماتبقاش ف سنه بالظبط وكدا يعني ! .... تفتكروا اي السن المناسب للأرتباط لو الشاب عنده ٣٢ سنة؟ اقصد سن البنت يعني 😅 بحيث مايبقا فيه فرق يعمل مشاكل وبردو ماتبقاش ف سنه بالظبط وكدا يعني !

بقولكم ايه لو حد عنده خبره ف القانون ووكدا لو عاوز ارفع قضيه ع حد مش راضي يجهز بنته هل دا عادي ولا نفيش الكلام دا وهل حد يقدر اصلا يعمل كدا ولا لا علشانن حاجه حاااجه مهمه جامد والله ومعنديش فكره ولا حل لو حد يقدر يفدني بقولي

ياريت يا جماعه البنات تفهمني بس عي عاوزه ايه بالظبط او بتدور علي اية في الراجل عشان تفكر في كزوج علشان انا بقابل نماذج غريبة وفي نظرية بتقول الراجل وقت الجد بيخلع بس دلوقتي البنات بتعمل كده

بحب واحده من محافظة اخري واهلي رافضين وعايزين أخطب حد قريبي ايه العمل انا حبيتها وهي حبتني وفي نفس الوقت خايف من أنها تكون خطوه اندم عليها بكره اندم اني ضيعتها أو اندم اني اتجوزتها ومخدتش رأيهم ؟

هاخد رأيكو في مشكلة عندي ، دلوقتي من شهور كنت اتعرفت علي بنت وكانت فعلا نيتي جواز بس ظروفي كانت صعبة ومع ذلك كنت بحاول وقولتلها ان عندي استعداد اني اقابل اهلها وحرفيا كنت بتحدي الظروف مش هضحك عليكو واقول اني حبيتها بس هي كانت شخص مريح بالنسبالي وانا كنت بدور علي الاستقرار ، المهم صارحتها وهي كانت شبه موافقة ، المشكلة ان في حاجه انا مش قادر افهمها العلاقة دي استمرت شهور ، هي بتيجي فجأة وبدون اي سابق انذار وبتختفي وترجع تظهر تاني وتبرر داا ، وفجأة اختفت كذا شهر ورجعت ظهرت تاني ، السؤال بقي انا المفروض اعمل اية ، هل احاول تاني معاها ولا انسحب بهدوء

تعالوا احكيلكم شوية عن بابا حبيبي ربنا يحفظه والقلق اللي عاملهولي...الحمد لله من صغري وانا متربية على ان كل طلباتي مجابة(مش طلبات مادية عاليه لا) اقصد اي مشوار محتاجه اقضيه وهو يقدر يقضيهولي بيعمل دا وبيخفف عليا تعب المواصلات...اي حاجه بيحس انها بتزعلني تقريبا مش بيعملها تاني وبيتراجع عنها.... عايش يقضي حاجتي بكل ما أوتي من قوة مره وهو راجع من الشغل طلبت حاجه وكان خلاص قرب للبيت رجع مشوار كبير وراح جابلي اللي عيزاه... وهكذا كل طلباتي تقريباً أوامر بالنسباله...دايما معلي سقف طموحاتي ف العرسان اوي واني ازاي هوافق بحد اقل من بابا؟ ازاي هقدر اعيش مع حد اقوله نفسي ف لانشون النهارده ف يقولي لا مش ضروري او مش فاضي مثلا؟ مش فارق معايا الماديات ابدا ولكن حنيته وانه مخلينا اولوية عندها دي عندي بالدنيا لدرجة بدأت اخاف جدااا واقلق اوي وانا شيفاه كل يوم بيكبر والكبر والسن والتعب بدأوا يبانوا عليه ادعوله ربنا يحفظهولي ويباركلي فيه

الكلام الي هقوله ممكن ميعجبش ناس كتير وهيبقا فيه انتقدات اكتر بس حاسس اني عاوز اقوله. انا شاب متجوز وعندي اولاد. اتجوزت صغير شويه اول ما اتخرجت تقريبا. كنت فاكر ان مراتي دي هتبقا صاحبتي والشخص الي بيفهمني ويهتم بيا ونشارك بعض الاهتمامات وانا ابقا فاهمها وهي تبقا فهماني. بس دا محصلش من اول يوم وانا بقيت حاسس اني لوحدي. انا الي بكتشف حياه الجواز مع نفسي سواء المسئوليات بقا او حتي ابسط الحاجات زي نخرج فين او نعمل ايه. انا الي بعمل مفاجئات وانا الي مركز هنجيب اكل ايه وشرب ايه. حتي ازاي ننظم حياتنا او ازاي البيت بيتنضف انا الي عارف ازاي ومطالب اعلمها. مش بس اعلمها انا كمان مطالب اني اقنعها ان الي بقوله صح. وعشان محدش يفهم غلط هي مش بتتنك عليا. لا هي فعلا متعرفش ولا عندها خلفيه عن اي حاجه في الحياه. ودا صدمني. وبعد كده كمان اكتشفت ان معندهاش طموح لاي حاجه في الحياه. بمعني بسيط انا لاقيت نفسي فاجئه بشارك نفسي كل حاجه. محدش مشاركني. مش بس المسئوليات. دا كمان العلاقه بيني وبينها. انا مطالب اعمل كل حاجه وانا الي اخد اي خطوه وافكر في اي حاجه وانفذها. وحتي لو علمتها. مش بتعمل حاجه بعدها. ....... بمعني بسيط انا عايش كأني لوحدي في مواجهت الحياه والشغل والمصاريف. وبحاول اقنعها انها تشارك صح معايا الحياه. ولكن دا بيحصل بشكل ابطء من الطبيعي بمراحل دا لو حصل. طبعا اي شخص مسئول هيبقا فاهم صعوبه الحياه بالشكل دا. .... طب ليه منفصلناش. اجابتي ببساطه عشان انا مش مستوعب ان اولادي يبقوا بعيد عني او مش موجودين حوليا خصوصا اني عارف ومتيقن انها مش هتبقا مسئوله عنهم بشكل كويس. ولو كمان انا مش موجود الموضوع هيبوظ اكتر. وطبعا بقالنا كتير بنروح لكذا دكتور علاقات زوجيه ونفسيه بس مفيش فايده. ...... طيب انا بحكي كل دا ليه. لاني تعبت. انا بقا نفسي حد اتكلم معاه و احب واتحب والاقي حد اشاركه اهتماماتي ويحبني ويهتم بيا. حد يدلعني وادلعه ويصبرني علي الحياه واصبره علي الحياه. فكره اني عايش وسط ناس بس وحيد اوي من جوايه ومش لاقي حد يفهمني. وكبعا كلامي دا لو اتقال في العلن كله هيعمل شريف وحكيم ومبيغلطتش وهيقولي كلام يضايق. .... بجد انا بقيت حاسس اني ناقصني حاجات كتير اوي ومش عارف اعمل ايه.٠

يعني اي الصعب لما اكون نفسي اتجوز واحد اطول مني وضحكته حلوه وروحه حلوه ودمه خفيف وشكله حلو وحنين ومعاه فلوس وعنده عربيه وڤيلا وجينتل مان عينه مليانه وبيعرف يعوم ويعرف يطير+ بينور فاضلمه

عندي فترة متعرفة على واحد مصري ونا مش مصرية مالفايس بس و نتكلم واتس مرات مكالمات و نادرا فيديو كول...الشخص هذا توافقت معاه جدا ...يعاملني بطريقة محترمة و يبين انه معجب بي و مرات يصرح انه يحبني ...اما انا عادي ..انجذبت ليه مؤخرا و من اول مرة متفقين انه يعنل خطوة و يتقدم فكنا بنهيأ الوضع ..شوية بشوية نتعرف على بعض و اسئلة ووو مرة كلم ماما و تعرفت عليه .و بعدها بشوية كلم اخي و قاله مرجبا بيك تجي تخطب ..و كل الامور تمام هو حاليا يجهز ف امور الفيزا ووو اما انا لصبحت مترددة و متخوفة لما صارت الامور تمشي و تتحقق ..هو صح اثبت انه يريدني ك زوجة و بناء اسرة ووو الموضوع اني انا خايفة يكون يمثل علي و لا مخبي علي امور ولا يطلع مجرم ولا يرميني بعد زواج ولا يستغلني ..حتى ان اسال عليه في بلده مالقيتش فرصة وخصوصا كل حكايات لي نسمع بهم كارثة من زواج بأجانب المهم حابة وحدة تكون من مصر محافظة البحيرة ولا سيموحة ..لو تقدر تقدملي مساعدة اسألها عن الشخص هذا

كنت متجوز وقعدت سنتين ومش قادر انساها وعدى سنتين من ساعه ما تطلقنا حب اكثر من ٨ سنين حد مر بتجربه مشابهه يقولي اعمل ايه خطبت و برضوا مش قادر انسي يا ريت حد مر بتجربة زي دي يقولي اعمل عشان في وقت بيجي عليا بنهار من الشوق ليها رغم أن استحاله نرجع هي اتجوزت اصلا و انا حتي لو هي متحوزتش مستحيل ارجع لها حد يقولي نصيحه أو يحكيلي تجربته

حاسه ان ظلمت حماتي وانها فعلا ست جدعة وطيبة بصيت لصفة وحشة وحيدة الفضول وتغاضيت عن اي حلو قدمته بقالي اربع سنين متجوزة العلاقة معاها كويسة من الاول بس مكنتش بحس بالحب تجاهها دلوقت الوضع اختلف ...اعمل ايه اعوضها عن سوء ظني

نفسي الاقي علاج للست البرده عديمه الاحساس والمشاعر اللى مهما عملت عشنها ولا في بلها ولا مقدره ولا اهتمام بجد الواحد حاسس انه بيتعامل مع وحده لا تعرف عديما المشاهر ولاحساس جبله حاسس انى بنفخ في قربه مقطوعه

لما البيت يكون دايما فى خناق ومشاكل كتير والصوت عالى حتى لو فى الضحك ودا مش بيحصل فى الشارع كله الا عندنا 😂 تفتكرو دا سبب كافى فى ان حد محترم كان هيتقدم والناس قالتله لأ ودى مامتها عصبية ومتحكمة انه يقلق ويمشى ولا دا عبط زى مانا بقول انا بصراحة بشوف ان الراجل بجد اللى بيبقى شارى حد أو كدا بيقبله بعيوبه ومميزاته بس عندنا فى البيت مقتنعين برأى الناس طبعا حاسة انى انا كدا اللى بقيت معقدة ولا ايه

المشكلة انو أنا ف علاقة مع شب و انشاء الله لما نكبر اكتر رح نتجوز بس في خلاف ما ادري انو كبير او صغير المهم أنا اسكن في مدينة و هو في ريف بعيد 14كلم على مسكني فأنا ما اريد اسكن معاه هنيك بس عندهم منازل فخمة تقريبا و اراضي و هو مخطط اننا نبني هناك.. وأنا من الأول وافقت لأنو ما فكرت في البعد و الشغل.. والحين أنا ما ادري ايش اسوي لانو كل ما نحكي على هذا الموضوع يتحمسلو و أنا مدريي احس بالذنب 💔 وكمان ابي اعيش مرتاحة مو امشي و اجي كل هل مسافة بخصوص الشغل او مقاضي ساعدوني هل اقتنع بالسكن أو أخاطر و اقلوو لأنو في كثير ناس يسكنو باماكن هيك وما ادري كيف مرتاحين او شو

جماعه دلوقتي الظروف حكمت عليه اني اجيب شقه اوضتين وصاله وامي مريضه ومينفعش اسبيها تعيش لوحدها الموضوع عملي مشلكه اني ملقيش عروسه توافق بل الوضع ده فا هل حد عندو نصائح للموضوع ده وله ملوش حل

انا بنت متقدملي عريس كويس من كل النواحي بس عندي مشكلتين معاه الأولي أنه كان متجوز قبل كدا ومطلق وانا مكنش ليا اي علاقات قبل كدا سواء خطوبة أو جواز أو ارتباط وكمان مش بيقول سبب الانفصال اي تاني مشكله إن شكلة مش متقبالة لاكن كل حاجه تانية تمام انا متلخيطة اوي ومش عارفة اخد قرار وخائفة اوافق اندم بعدين محتاجه مساعده

عندي دايما فوبيا و خوف من ان تيجي خطوبتي و فرحي و يبقي الاجواء هادي و ساكتو ممل و مفيش ناس كتير حتي صحابي معتقدش انهم هيعملو جو و هيصه و انا اصلا ف العادي معارفي مش كتير خالص و معنديش صحاب غير اتنين او تلاته و مش مقربه غير لواحده و حتي عيلتي مش كبيرة ف دي من اكتر الحاحات اللي ممكن تقلقني او تخوفني لما اجي اتخطب او اتجوز و المشكله ان الموضوع واصل معايا ب اني بفكر ان لما اتخطب احاول اقنع خطيبي اني مش عايزة لا خطوبه كبيرة ولا حتي عايزة فرح و معنديش ادني مشكله

طيب ما طالما الواحد كل ما يدخل في علاقه بهدف الجواز تطلع البنت يا مش قد المسؤولية يا طمعانه يا مش بتاعت جواز اصلا و عايزه فسح و سهرات و خروجات طب ما الواحد يشوف اي واحده شمال يعمل معاها بقي كل دا ليه المصاريف 😅

كنت مرتبط ببنت وكنت حنين عليها زياده اوي وكان احنا الاتنين اول حب فحيات بعض وفعلا بس انا كنت حرفيا مش مديها فرصة تحبني يعني علي طول انا الاحسن علي طول انا اجيب هداية واخرج وهي بلعفية بتلحق تتبسط المهم حصل بنا مشاكل وسبنا بعض وده كان من تالت سنين وبعدها بسنه اتجوزت وانهارده جالي تلفون منها انها بسببي بقت مش قادره تعيش ولا تنبسط واني عودتها علي حاجة ملقيتهاش مع جوزها وللاسف بتفتكرني ديما وانها اصلا اتجوزت عشان تنساني وانا من بعد المكلمه مخنوق جدا ومش عارف اعمل ايه

لو في شخص متقدملي هو قدي و معايا في نفس الدفعة و الكليه و يعني كان في بينا حب دام سنتين بعدين بعدنا لحد ما ربنا يكرمه و يتقدم المشكله انه شقته في بيت عيله ، بمعني انه اهله عايشين في بيت دورين زي الفيلا كده و انا هبقي الدور التالت بس بسلم خارجي يعني هي زي العماره عادي مش في الارياف و لا حاجة في القاهره عادي بس هو والده اشتري الارض و بني عليها انا رافضه بيت العيله ده لاني بسمع عنه كوارث و مصايب و مشاكل وانا مش ناقصه باباه صيدلي و امه ربة منزل عادي خريجة تربيه و عنده اخت اصغر مني باربع سنين و اخ اصغر بتمن سنين حتي اخوه ده شقته هتبقي الدور اللي فوقينا بس ده بحكم انه لسه الولد في اعدادي يعني فلسه بدري دلوقتي انا برتاح خالص خالص لفكره بيت العيله و اتكلمت معاه اكتر من مره و وضحتله عدم ارتياحي و الكلام الاخير انه اكنك قاعده في شقه في عماره لوحدك و محدش هيطلب منك اي حاجة ولا هنقولك انزلي ولا اعملي ولا اي حاجة و هعرف اهلي كده برضو و نحط حدود و الحدود مبتزعلش حد و الخصوصيه برضو مهمه و اكنك قاعده لوحدك و لو حصل اي مشكله انا ملزم قدام والدك اني اجيبلك شقه بره بس انا حاليًا لسه طالب بدرس و مش هقدر اعمل الخطوه دي و ليه اروح اقعد في ايجار وانا عندي شقتي ملك انا مش عارفه اعمل ايه او اتصرف ازاي انا بحبه ماشي بس مش حابه حتة الشقه دي مش مرتاحه و مش برتاح للفكره عموما تنصحوني بإيه احنا لسه ٢٢ سنه في كليه طبيه لسه فاضل سنه و سنه امتياز

أولاً (للشباب والبنات): هل بتعتقدوا إن فترة الخطوبة (في ظل وجود النقاب) بتكون كافية إن الشاب يتعرف على شخصية وطباع البنت بشكل كامل؟ ولا التواصل البصري وتعبيرات الوجه بتفرق جداً في بناء "الكيميا" والتفاهم والقبول بينهم؟ ​ثانياً (للشباب تحديداً): هل ممكن تتنازل عن الصورة الذهنية أو "الستايل" المعين اللي في دماغك لشريكة حياتك في مقابل إنك ترتبط ببنت منتقبة وتكسب التزامها وسترها حتى لو مكنتش حاطط النقاب في حساباتك من البداية؟ وليه؟

المشكل انواكتشفت انو صحبتي إلي كانت بيستي ل ثلاثة سنوات صارت بتحقد عليا بطريقة غير مباشرة لأني صرت في علاقة سليمة صارت تحب انها تظهر انو أنا الغلطانة دايماا! و تحكي انو العلاقات والزواج شي مو ضروري (يعني تقليل) ولما اوضح رأيي المخالف تنفعل و تقول اني غلط ومكاني مطبخ زوجي وهي ما بدها هذا الشي و بدأت تحط نوتات عن المرأة واني ما اريد العلاقات التافهة بطريقة واضحة.. صحيح انها متفوقة في الدراسة ودايما تحكي انها رح تكون شي كبير في المستقبل لكن أنا اشوف انو كل شي في محلو في الدنيا مو الفلوس كل شي ومو العلاقات والارتبطات كل شي ادري بس ما فهمت انها تحكي هذا قصد أو فقط تنصح على اني صحبتها

انا ضد الجواز في بعض الحالات، ليه نتجوز و احنا مديونين؟ مش منطقي، صح؟ ليه نتجوز و احنا عندنا أمراض نفسية؟ طب ما نعالج الحاجات دي يمكن نكتشف ان الشخص ده مش مناسب! ليه نتجوز و احنا مش مستقرين ماديا، يعني بالنسبة للراجل يعني انت بتعافر عشان تصرف علي نفسك و تكمل لأخر الشهر ليه تتجوز و انت مش مستقر ماديا و تشيل هم نفسك و هم مراتك.

جماعه عندي واحده صحبتي محتاره ف حاجه وانا مش قادره اساعدها ومحتاجه رأيكم هي بتقدس الجواز عن حب وبتفضله عن الصالونات وبكتير بس هي حد عاقل جدا جدا ومش ممكن تدي قلبها ومشاعرها لشخص وخلاص لحد لما صاحبه مامتها شافتها وصاحبه مامتها دي عنده ابنها ف هي قررت أنه يتقدملهااا بس هي رافضه تقعد معاه خالص وف نفس الوقت بتقول لي أنه مفيهوش غلطه بس انا مش عايزه اتجوز صالونات ، انا حاولت أقنعها أنه طب جربي ، ف قالتلي يعني تخيلي كدا لولا مامته شافتني ماكنتش هييجي ويتقدم انا حقيقي مش عارفه اديها حل

انا كنت عوز اخد رايكم في حاجه انا لو خطبتي كانت بتشتغل بتجهز نفسها ودخله جمعيات فالمفروض هنتجوز ان شاء الله انا طبعا ظروفي لفتره مش هتبقى مناسبه ان اساعد النقطه هنا المفروض أن دي جهاز أهلها ال يدفعو وله انا بعد الجواز

انا تعبت من كتر التفكير نفسي الاقي الحب احب واتحب وللأسف البنات كلها دماغها ملخبطه عندي 32 سنه ومش عارف اخطب ولا اتجوز وبروح لبنات اقل مني اجتماعيا بيرفضو من غير سبب اساسا خايف اكمل حياتي لوحدي من غير ونيس

نفسي اصاحل واحده متحوزه او مطلقه هل الموضوع عادي ولا لا و هل لو في حد هنا توافق ولا لا ممكن حد يجاوبني لو حد عنده معلومه و حد خاض التجربه دي قبل كدا ولا اي ياريت اللي يرد اللي عاوزن يقول حاجه ليها لازمه

أنا عمري ما حبيت فكرة الارتباط ومش بحب أدخل في علاقات ومش عايزة أعمل حاجة حرام بس في نفس الوقت نفسي اتخطب و أتجوز وألاقي شخص يحبني وأحبه ويكون بينا قبول وتفاهم فبجد الناس اللي زيي المفروض تعمل إيه 😭 يعني هو الواحد بيقعد مستني النصيب وخلاص ولا المفروض يعمل حاجة معينة عشان أوقات بحس إني رافضة الارتباط وفي نفس الوقت نفسي ألاقي شريك حياة طبيعي 😭

ليه محدش قال ان فترة الجامعة هتبقى مليانة توهة و صعبة و مش ممتعة بالطريقة دي فكرة انك فجأة بقيت شخص كبير دي مرعبة وبعد التخرج هيبقى خلاص انتي كبرتي و المفروض تتجوزي و بعدها نخلف طب هلحق اعيش حياتي امتى بجد

هو احنا لو بعد ارتباط سنتين و سيبنا بعض عشان حرام و انها علاقه محرمه و انها فتره بس منها نتوب و منها هو يجهز نفسه و يكلم والدي ، ممكن منتجوزش في الاخر؟ انا حاسه روحي فيه و صابره و راضيه بس ممكن بعد الدعاء ده كله ميبقاش جوزي؟ انا خايفه من الفكره دي

ليش لما اقعد. مع واحد من طبقى مادية عالية بلاقي متضايق ما بدو يتزوج و قرفان دنيا و صدرو ضايق و بس اقعد مع واحد يعني مقتدر او اقل شوي بلاقي نفسو يتزوج و نفسو بأكثر من شغلة بس مش ضايق صدره زي الغني 🤔

الواحد عمل كل حاجه صح والحمد لله كله بفضل ربنا بس عارفين ناقصني اي ؟ ناقصني بنت الحلال اللي اصحي علي صوتها وهي بتطمن عليا اه والله ناوي اخلص امتحانات واخطب علطول وبدعي ربنا الاقي بنت الحلال اللي بجد ادعو معايا يخواتي

من سنة ونص كده كان في واحد كنت شيفاه مناسب في امور معينه مكنتش بلاقيها في اغلب اللي بيتقدموا فضلت لمدة كبيره ادعي يكون من نصيبي سبحان الله لقيته جاي متقدم وقعدنا الرؤيه وكان بيقولي انه بيدعي بيا ويتمني اوافق ومستني موافقتي وردي لما ردينا قالوا كل شئ نصيب سلمت امري لربنا زعلت وقعتها زعل كبير بس عدت الايام وهو اتجوز وانا بيتقدملي ناس بس مش مناسبين لحد ما في واحد اتقدم كنت بشوفه دايما بس كنت فاقده الشغف وقتها واصلا مكنتش اتخيل انه يتقدملي ياربي حساه اصلا overqualified المهم للاسف رجعت برضو للسنه ونص اللي فاتوا وقلقانه وخايفه جدا وقعدنا رؤية ذوق ومحترم وكنت مرتاحه وكلامه كلام طنط انه هو اللي جاي ومرتاح كان بيشكرلها فيا قعدنا واهو عدي حوالي مده مش صغيرة ومردوش علينا انا راضيه ودايما في دعاء بقول لو كان خيرا لي بس انا قلبي حزين شوية مها كان الامر انا اللي استخرت ربنا ودي الاستخاره الحمدالله راضيه بس في شعور اللي هو مش عارفه اوصفه مطفيه ممكن لاني قليل لما ارتاح لحد او اتقبله وكنت قولت يمكن ده مش عارفه هطلع من الحاله دي ازاي انا الحمدالله حد كويس الحمدالله إضافة لاي حد رغم ذلك انا كل اللي كنت بدور عليه حد ناضج واعي مثقف طيب خلوق ميهمنيش حاجه تانيه وهنا بسمع كلام كتير عشان بيتقدملي ناس لمواصفات هما شايفنها واو انا مش بيبهرني شخصه وده عندي اهم فازاي ارفض فزعلانه لان مبقتش فاهمه حاجه ولا اتصرف ازاي ولا اتنازل عن اي ولا الشخصبن اللي اتمنيتهم اترفضت او محصلش نصيب امممممم محتاجه احضن حد يفهمني ويطبطب عليا حد يأكدلي ان الجاي احسن نهاية باسم الله علي قلبي حتي يهدأ

دلوقتى انا منفصل وعندى طفلين عايشين معايا فمحتاج زوجة فيه زميلة معايا ف الشغل محترمة وبنت ناس ولكن شكلا مش افضل حاجة فسوالى لحضراتكم لما بتتقدموا جواز صالونات بتفكروا فيه ازاى هى جميلة ولكن فيه ملاحظات ف الوزن ونظافة الاسنان

كلما كان الحب ناقص فحياة للمراة كلما كانت اكثر ذكورية ، و كلما كان الاحترام ناقص فحياة الراجل كلما كان اكثر انوثة .. و نسبة الثنائية ذكورية/انوثة هي لي تحدد قوة العلاقة .. الرجل يحتاج للاحترام بقدر احتياج المراة للحب و في زماننا كاين اختلال كبير فالهويات عند الناس لان هاذ زوج حوايج مراهمش ملبيين .. في البداية ، الرجل يمنح المراة ما تريده دائما و هي تشعر بالرضى في الحصول على ما تريده ( و كيفاش الامور تمشي كيما تحب هي ) .. و في كل مرة قرار الرجل يكون معاكس لرغبات زوجته راح تسيي ديرلو بلبلة خفيفة ، لي تخليه يسمح فقرارو و مع الوقت يحس انه معندوش الراي و مشكوك في رجولته و صفته القيادية.. مع مرور الوقت المرا ديفلوبي نوع من الاصرار على آراءها و تولي تحس بالتحرر .. هكذا الرجل يولي يسايسها فقط من اجل السلم و السلام و يدي الدور الانثوي ، و العلاقة تولي تبان هادئة بيناتهم ، لكن الdump الكبير قادم بهكذا سياسة لا محال .. الرجل في الحقيقة ميقدرش يمارس الدور الانثوي وين هي دات الدور الذكوري الجديد عليها و راح يخلق نوع من عدم التوازن .. يولي الراجل هو العضو الغير فعال و غير مهم فالعائلة ، و مجرد شخص يخدم يجيب دراهم و يتولى بعض المهمات خارج المنزل و عندو آراء غير مسموع لها داخل المنزل كيما كنا نشوفو فالافلام .. هنا في زوج تتناك حياتهم و المرا تولي تحس بلي راهي تقوم بالكثير من العمل من غير ان يتم الاهتمام بها و بدون ان تحظى بالحب ..و الراجل يحس بعدم الاحترام و عدم النفعية و بلي هو مجرد حثالة .. و هذا الامر يدي للخيانة زوجية مباشرة او الطلاق .. الور ، العبارة لي سمعوهالنا فصغرنا " زوجة سعيدة ، زواج سعيد " مجرد تمنييكة باه تريب مؤسسة الاسرة .. و في اي كوبل مليح ، تلقى الرجل يتحمل مسؤولياته و يؤديها كما يجب و يمارس ذكوريته و سيادته ، و المرا دير الثقة في دوره كرجل بدون التطفل عليه بقراراتها الصبيانية و تفكيرها الوضيع .. يكفي فقط الرجل يكون سيادي بدون انانية و يمد لعائلته الصغيرة كل الرعاية ،هنا المرا تروبوزي و تفهم بلي معندهاش اضافة تقدمها و انوثتها تزدهر ..

والنبي فكرو معايا عشان تبعت من التفكير لوحدي أنا دلوقتي عرفت واحد سوشيال و لقيته بيقولي أنه عايز يتقدملي و راح كلم اهله كل ده و أنا مصدومه مش بالسرعه ديه قالي عشان عايز علاقتنا تبقي بدايتها حلال عشان ربنا يكرمنا بعدين و أنا شايف انك متربيه جدا فا حابب مبقاش سبب في انك تعملي حاجه من ورا اهلك فا قالي أنه قال لأهله عرفني لما كان جاي لصاحبه الكليه شافني هناك (هوه من محافظه بعيده عني خالص) المهم اهله قالوله يعني أنهم مش عندهم مانع المشكله اني فهمته اني قريبه من ماما و بحكيلها كل حاجه عشان في الاول كنت خايفه يضحك عليا فا قالي احكي لمامتك و بعدين مامتي تكلمها بس انا طبعا قولتله مستحيل اقول لماما راح قالي أنا معاكي انتي عايزه تقولي ايه قولتله لا انت اخلي مامتك تكلم ماما علي طول راح قالي أنا عايزه تتكلمي انتي الاول و تشوفي مامتك هتقبل الموضوع ولا لا اصلا (استغربت ليه عايزني اكلم ماما الاول) أملهم أنه هوه في حربيه و كان إجازته آخرها اليوم اللي بنتكلم فيه ده و بعدين مش بيكون معاه الموبايل راح قولتله خلينا الشهر ده عشان أنا كمان عندي امتحانات قولتله نتعرف و لما اخلص امتحانات اكلم ماما قالي أنه مش عايز يضغطني و معندهوش مشكله يستني المشكله ان إجازاتهم صغيره اوي يعني تلت ايام او اربعه بس و بيسافر عشر ايام و يرجع تاني تلت ايام كده كل اسبوع فاهمني هيلحق امتي يكلم اهلي و يتفقو و أنا كمان فكرت اقوله يخلي مامته تكلم مامتي علي طول مش عارفه الموضوع محيرني و مش معاه اخت بنت خالص عشان محدش يقولي دخلي اخته

كان ليا تجربة قبل كده مع بنت كانت معايا في الجامعة والبنت جات عليها فترة حبتني جدا وانا حبيتها برده والموضوع قعد معانا حوالي سنتين مع بعض وكان كلامنا كله كان في حدود الاحترام والأغلبية كان مذاكرة ونحكي اليوم حصل فيه ايه وهزار وكده بس واحدة واحدة بدأت أحس انها مش مناسبة معايا كتفكير وأنها مش حابة اصلا فكرة الجواز من اساسه فده هيأثر عليا وعلى اسرتي المستقبلية اكيد بالسلب وغير كده كانت كل شوية تتغير فمتحملتش ابدا وبعدت واتخانقت معاها وعملت بلوك ومن ساعتها مش بنتكلم هل أنا خدت تصرف غلط

لو غلطت في حق شخص كنت مرتبطه بيه مثلا بس هو اتجوز دلوقت وعايزاه يسامحني بس المفروض اعمل ايه لو غلطت في حق شخص كنت مرتبطه بيه مثلا بس هو اتجوز دلوقت وعايزاه يسامحني بس المفروض اعمل ايه لو غلطت في حق شخص كنت مرتبطه بيه مثلا بس هو اتجوز دلوقت وعايزاه يسامحني بس المفروض اعمل ايه

خلونى أتكلم أو احكى شوية فكرة انك تدرك ان كل حاجة ليها وقت وليها معاد وانها رزق مترتب له من عند ربنا وان احنا ملناش يد في حاجة ده كفيل يخليك تعيش حياتك مرتاح البال كنت نزلت من كم يوم ان ربنا لسة مرزقنيش بزوج صالح واتمنى انكم تدعولى وحقيقي ناس كثير مشكورين دعولى وقالولى ادعية ادعيها وربنا يجعلها في ميزان حسناتهم يارب من هنا حقيقي اتعلمت ان كل حاجة ليها وقت معين ومعاد ربنا كاتبه لينا وبيكون وقتها بيهيأ الظروف وبيهيأنا احنا كمان ليها وأي ان كان ايه اللي ربنا كاتبه فهو أكيد موزع الرزق ومدى لكل واحد حسب اللي يناسب معاه فبرده دعواتكم ليا بالخير وكل دعوة تدعوها ليا تتردد لكم أضعاف مضاعفة وتفرحوا فرحة كبيرة زى مابتمنى لنفسي وأكثر ومعلش طولت عليكم ❤❤❤❤

فكرة الجواز دي حلم جميل وكبوس في نفس الوقت هل نفسي اتجوز؟ اه جدا عشان فكرة ان هيكون عندي شخصي المفضل والي يساعدني واساعده نحافظ على صلاة الفجر وقيام الليل والجيم والأكل الصحيح ونعك سوا ايام الفري😂 وفي نفس الوقت خايفة من الجواز عشان الناس بقت غريبة سواء الشباب او الحموات اتمنى الاقي السكن يوما ما بجد

جماعة دلوقتي انا شاب و عندي ٢٧ سنه و مرتبطش قبل كده غير مره في ٣ اعدادي اسبوعين يعني حب مراهقه ..في الكلية قعدت ادور ع بنت اعجب بيها واحبها مقابلنيش و فضلت لوحدي مهتم بدراستي المهم اتخرجت و اشتغلت الشغل مفهوش حد و بجد انا معنديش حد ف العيلة ولا ضالونات والشغل ده ...انا بجد مضايق اوي اصحابي كلهم خطبوا وبيحبوا و منهم اتجوز وهيتجوز اخر السنه ...انا حاسس اني عطلان واقف مكاني يعني حتى لما اتعرف ع بنت مش هعرف مفروض الارتياط ازاي وده اعجاب ولا حب...كلمت بنات كتير بحثا عن الشخص اللي الاقيها كويسه وساعات كانت بتقلب بعلاقة باد بينا شات بس يعني ....انا تعبت من التدوير و حاسس اني قليل رغم بجد انا رياضي يعني وشكلي مقبول ومستوى كويس بس معرفش ايه السبب ؟ لدرجة نزلت داتينج اب و برضه لقيت الناس فيه غريبه مستريحتش

أنا متجوزة من ثلاث سنين وعندي طفل سنتين مكنتش بعرف زوجي قبل الزواج يعني صالونات بس كان في توافق مشكلتي هو أنو غامض وكلامو قلييييل جدا وبحس معندوش شخصية بحكم انو تربى على يد أب قاسي جدا وأم ضعييييفة الشخصية ليومنا هذا هو متردد فاي حاجة مثلا نشتري ثلاجة لازم يسأل عليها كل الناس يعني الناس كلها بتعرف احنا هنشتري ثلاجة وناخد شهور فحاجة بسيطة على عكسي انا محبش التأجيل ومحبش اسأل كثير وعصبية وهو بيستفزني بسمي علاقتنا أنثى الصقر وذكر البطريق انا بكره انو غير مبدع حتى في علاقتنا شخص ممل لا يفتح حديث ولا يكمل حديث وانا صراحة تعبت جدا ومرضت كل الناس بتحسدني عليه لانه وسيم وطيب بس أنا معه بعاني من كل الفراغات اللي في العالم

لسا امبارح كنت بقول ان يعتبر خطبت ومبسوط انهارده القي ابوها بيقولي حقك علينا بس البنت مش مرتاحه بجد طب ايه حصل انا مش فاهم البنت كانت كويسه طيب هوا ليه كل حاجة بفرح بيها مبتكملش انا غلطان عشان نفسي اتجوز وربنا يهديني طيب

رأيكم من فضلم حاولو تمدولي نتيجة و حقيقة شفتوها في هاد الحكاية تخليني نتجاوزها 🥺💔 كنت مع انسان عرفتو على مواقع التواصل الاجتماعي هو من ولاية سيدي بلعباس و انا تلمسان و تلاقينا بعد 6 شهور و من هداك النهار زاد الحب بيناتنا و ارتحنا البعضنا البعض و عجبتو و اعجبني المهم كان واعدني انو يجي يخطبني و دايمن مبينلي النية التاعو من جيهتي و بلي كاين هدف حاب يوصلو معايا المهم كنا ملاح مين داك ندابزو ياك تعرفو مكانش relation parfait المهم جامي خسر معايا ف الهدرة ولا قلل من قدري الحمد لله من هاد الناحية المهم قبل رمضان بأيام تكلمت معايا الأم تاعو قاتلي انشاء الله مور العيد نتقدمو و نجي نخطبك و تفاهمنا و انا حكيت للأم تاعي ... أيا فات رمضان و هو بدا يتبدل عاود جا عيد ميلادي و كان هو الاول بعتلي و قالي كلام شباب أيا من موراها دابزنا عادي هو زاد فيها ( مع العلم ماشي موالف يكبرها a ce point) أيا مزادش هدر معايا ان comme par hasard شفتو مكومونتي لوحدة و كي سقسيتو قالي مادامت صحبي انا مأمنتوش و بلوكيتو هو موالف يهبل باش نديبلوكيه هداك النهار مدارش effort كبير المهم فالأخير كتاشفت بلي هاديك الطفلة هو كان حابها و عاجباتو و حكا معاها ( انا بعتلها و وراتلي كلشي منجمتش نصبر كان خاصني نعرف الصح باش منضلم تا واحد فينا ) مهم بعد ما عرفت وريتلو و مكترتش الهدرة معاااه و زدت بلوكيتو من كلشي لحد الأن رانا شهرين عيطلي مرة وحد فالشهر الاول لي كملنا فيه و انا مرفدتش و زاد عيطلي مرة وحدخرا فالشهر الثاني و تاني مرفدتش و مشكلتي انو حسيت بالنقص بخيبت امل كبيرة لدرجة اني ندمت لي حبيتو و و امنت فيه و نويت نكملها معاه و وليت ماندير ثقة فأي انسان مهما كان خاصة الرجال و لحد الان مافهمتش علاش كان يعيطلي غير مرة و صايي مع انو لوكان خاصو يهدر يقدر يبعت ميساج

انا اولا كده 28 سنه يعني حياتي عباره عن شغلي ومن الشغل للبيت للمسجد مفيش جديد حتي شغلي واحد كتير من وقتي وانا اللي بصرف ع نفسي واهلي ومش عارف اتجوز لان مش عارف اتكلم مع بنات انا تقريبا مكلمتش ولا بنت ولا حتي ارتبط قبل كده ومعرفش ازاي اتكلم مع بنات اصلا افيدوني اعمل اي

ساعات كثير بحس بحزن بالرغم ان الموضوع مش بايدى بس حقيقي نفسي اعرف ايه السبب ليه لحد دلوقتي مجاش نصيبي انا لو بتمنى حاجة فبتمنى ربنا يرزقني زوج صالح اكون سند وظهر له مش بتمنى حاجة ثانية نفسي افرح كل اللي بحبهم وبيحبوني بدل مابسمع كلام يسم البدن من ناس بعينها بجد لو حد يعرف هل العيب فيا ولا هو نصيب وهل احنا لينا ايد في النصيب انا عارفة انه كل حاجة رزق من ربنا بس سمعت ناس بتقول ان الجواز نصيب فبجد نفسي اعرف هل هو نصيب ولا رزق من ربنا وايه ممكن اعمله ولا مفيش حاجة تتعمل اتمنى اللي يشوف البوست ده يدعيلي ويقولى اعمل ايه

دلوقتى انا انفصلت عن زوجتى ومعنديش اى رغبة انى ارجعلها خصوصا انها سابت معايا الاولاد حاليا عايش مع والدتى بس حاسس انها مش مرتاحة لأن اولادى اشقيا تفتكروا الحل ايه ؟ هل اتجوز تانى ولا اجيب مربية طول اليوم ولا ايه العمل

محتاج حد يلخصلصي الجواز في كلمتين للعلم احنا معندناش طلاق يعني لبسه واحدة حد مثلا يقولي ايه العلمتت الي لو حصلت محولش تاني للعلم عمري ما ارتبط قبل كدا بتعامل مع بنات التعامل العادي في الشغل للعلم انا 28سنه

معلش انا عايزه افتح موضوع بيدايقني موووت و بذات لما حد يجبلي سيرتو بتنرفز اووووي لدرجت اني ممكن اعيط انا لسه صغيره يعني 20 كده انا لسه شايفه نفسي صغيره مش اوي بس صغيره المهم يعني انا فكرت الجواز دي بتعصبني موووت اوووي لدرجت ببقى نفسي اضرب الي قدامي بسبب الحوار ده يعني القريبين مني عارفين كده ان الموضوع ده انا بجد اتعقدت منو و اتخنقت منو اسباب كتيره جدااا موووت و ياريت مفيش حد يقنعني و عارفه ان كلو مش زي بعض بس لا انا بقيت اشوف كلو زي بعضو

ليه في مجتمعنا الفاشل شايفين ان البنت كون انها وافقت على الزواج فهي كدا بتجاملك وضحت ببيت اهلها والرفاهية وجاية عشان تخدمك وعشان العلاقة ومش مستفيدة اي شيئ وطبعا دا بيترتب عليه كل القيود المادية ووصلات امانة وان مهما تعمل انتا مش هتوفي اصلا اي حاجة ،، بالرغم ان الجواز مهم للبنت تكتر وكمان غريزة الامومة اقوى وكمان الاحاديث النبوية ان فضل الزوج اعلى؟؟؟؟ ولذلك انتا مهما عملت بيعتبروا ان دا اقل من الواجب بينما اي حاجة تعملها كدا بتضيف في الجمايل ، دا حتى لو هتطبخ بيعتبروا ان كدا جمايل مع انها هتاكل منه عايز افهم ليه وعايز افهم مين اتعامل مع ستات خارج البلد؟؟؟

كل سنه وانتو طيبين الأول ليه مفيش حاجه كامله ، انا عملت اللي عليا وزيادة في كل حاجه بدرس وبشتغل وببر اهلي وبعمل كل المطلوب ليه ربنا مرزقنيش ببنت الحلال لحد دلوقتي كل ما اكلم بنت متدخلش دماغي واكلم غيرها بردو متدخلش دماغي ، هو اللي يبقا عايز واحده كويسة ف الزمن دا ميلاقيهاش

السلام عليكم إخوتي، اليوم جئت أطلب نصيحة واستشارة في موضوع يشغل بالي كثيراً. في الحقيقة أنا لست من الأشخاص الذين يطلبون المساعدة عادة، لكن هذا الأمر أصبح يسبب لي صراعاً نفسياً منذ عدة أشهر، لذلك قررت أن أشارككم قصتي لعلني أجد من يفهم وضعي ويقدم لي رأياً نابعاً من تجربة وخبرة في الحياة. وأتمنى أن تكون الإجابات من أشخاص ناضجين عاشوا تجارب مختلفة في الحياة ولديهم نظرة واقعية للأمور. عمري 26 سنة، وقد أكملت دراستي الجامعية وتحصلت على شهادة الماستر سنة 2024. وكحال الكثير من الشباب الجزائري، لم أتمكن من إيجاد عمل في مجال تخصصي بعد التخرج. خلال السنتين الماضيتين عملت في محل براتب بسيط، كما أن لدي حرفة توفر لي دخلاً إضافياً. منذ طفولتي وأنا أحلم بالهجرة والعيش في الخارج والاستقرار هناك. كنت دائماً أقول لنفسي إنني بمجرد إنهاء دراستي سأبدأ في السعي لتحقيق هذا الحلم. لكن خلال سنوات الماستر تعرفت على فتاة محترمة ومتدينة وذات أخلاق عالية. في البداية كانت علاقتنا في إطار العمل فقط، ثم علمت من بعض صديقاتها أنها تكن لي مشاعر صادقة وترغب في الارتباط بي. وبصراحة، هي أيضاً أعجبتني كثيراً. تحدثت معها بشكل مباشر، فقالت لي: "إذا كانت نيتك الزواج والحلال فتقدم لخطبتي واتخذ خطوة جادة." ومنذ ذلك الوقت وأنا أعيش صراعاً حقيقياً. أحياناً أقول لنفسي إن عليّ أن أتمسك بحلمي وأسعى إلى الهجرة وتحقيق ما كنت أطمح إليه منذ الصغر. وأحياناً أخرى أقول إن الزواج من فتاة صالحة كهذه فرصة لا ينبغي التفريط فيها. وهي بدورها أخبرتني أنها مستعدة لمرافقتي إلى الخارج وأن الأهم بالنسبة لها هو أن نكون معاً. لكن ما يقلقني هو المستقبل. الجميع يعلم أن الزواج في الجزائر يحتاج إلى إمكانيات مادية كبيرة، خاصة بالنسبة لشخص ما زال في بداية حياته. فهناك تكاليف الزواج والسكن والمعيشة والمسؤوليات المختلفة، وأخشى أن يؤدي ذلك إلى التخلي عن حلم الهجرة والدخول في روتين الحياة اليومية. كما أنني رأيت الكثير من الأشخاص الذين كانوا يخططون للهجرة، لكنهم بعد الزواج والاستقرار لم يتمكنوا من تحقيق هذا الحلم. وفي المقابل، أفكر أحياناً في أن أترك هذه الفتاة لتكمل حياتها وتجد نصيبها، بينما أسعى أنا لتحقيق حلمي. لكنني أخاف أن أندم لاحقاً، خاصة إذا لم أجد امرأة بمثل أخلاقها وصفاتها. وفي الوقت نفسه، إذا تزوجتها بينما لا يزال عقلي وقلبي متعلقين بفكرة الهجرة، فأخشى أن أظلمها وأظلم نفسي. بصراحة، أنا في حيرة كبيرة. لا أعرف إن كان عليّ أن أختار حلمي القديم أم أختار الاستقرار والزواج. لذلك أطلب من أصحاب الخبرة والتجارب الحياتية أن يقدموا لي رأيهم بكل صراحة وموضوعية. أحتاج إلى نصيحة من أشخاص عاشوا الحياة ويعرفون تقلباتها. وأرجو من الجميع الابتعاد عن التعليقات السلبية، وشكراً لكم جميعاً.

انا الحمدلله والشكر لله اتقدمت لبنت صلونات والحمدلله في قبول وخلاص هلبس دهب بعد العيد الفكرة بقي اني ديلاول خطوبة ليا وحرفيا مش هقول عمري مكلمت بنت بس دي اوي حاجة احس اني ملبوخ وخايف يعني عاوزها علاقة نضيفة غير القرف الي كنت في زمان انا عاوز نصايح بجد اي ينفع واي مينفعش بجد محتاج نصيحه من ناس متجوزين بلاش الي بينصح وخلاص بلله لاني مشتت

انا عندي مشكله بستمتع بيها بصراحه واظن كلنا عندنا نفس المشكله مع اختلاف التفاصيل انا شخص شه..وا..ني جدااا وده خلاني ابقا زي المجنون بعمل حاجات مجنونه ومش طبيعيه زي التحرر عن كل ما هوا مألوف انا حابب حياتي مع انها بايظه بس حابب كده ونفسي اجوز حببتي ونسافر اعيش بطريقه الي بحبها من لبس جرئ صحاب كتير علاقات متبادله كتير عشان طبعا احنا في مجتمع لو واحد شاف وحده لابسه لبس غير الي متعود عليها بيديقها 🤦🏼‍♂️🤦🏼‍♂️🤦🏼‍♂️ اتمنى حد يفهمني ويجيش يحكم عليا

انك وحشه وحدش هيحبك ويارب يكون ف عون اللي هيتجوزك امه دعيه عليه وانتي هتفضلي طخينه كده محدش هيقبل بيكي انتي كبرتي هههههه ضحكه بتريقه اللي اتجوز معاهم عيال طولك انت اخرك تتجوزي واحد مطلق وفيه عيوب الدنيا ومش هيرضي بيكي انت مريضه نفسيا كل اكلام ده اتقالي من امي واخواتي بس بطرق مختلفه

انا حاسس بوحدة مريبة شنيعة، بقالي كتير سينجل و بقالي كتير ريدي تو مينجل و بدور على سيريس ريليشن شيب تو لييد تو جوازة سعيدة جميلة هادية، عندي 33 سنة و شياكة واناقة ولباقة.. حاسس محتاج بنت في العشرينات من عمرها وتذون عايزة تكون اسرة سعيدة ومش بتحب الدوشة ووجع الدماغ، في اللذيذ منه كده..

عاوز اتجوز بجد خلاص قرفت من كل حاجة انا 30سنه ولحد دلوقتي يادوب جبت الشقة بس انا عاوز اتجوز عشان بقرف من نفسي لما ببص علي بنت مكملتش ال20حتا نفسي اتجوز انا حقيقي نفسي القي بنت الحلال الي تصون اسمي لو حد يقدر يساعدني ياريت لان انا بتكسف جدا

انا متجوز بقالي ١١ شهر منهم شهر كانت غضبانة وسايبة البيت بدون اذني وكان علشان اكلة مجاتش ع نفسي ورفضت بشياكة المهم وصلنا لطريق مسدود بعد ما اكتشفت صدفة شات بينها وبين اختها مش مبطلين شتيمة فيا وف اهلي مع العلم ان هي قاعدة لواحدها ولا بتنزل ولا اي حاجة من دي وعاوزة تمنعني عن اهلي فهجرتها فعي مبطلتش راحت اشتكت لناس برا البيت وناس اللي هما بيقعدو ف القعدات العرفية وعمامي ومعرفش مين اني انا هاجرها ف الفراش وغيره المهم جيت ف يوم بعد الشغل قولتلها مش كل شوية خد يكلمني انا تعبت فاضل مين ف البلد معرفش هما كلمتين هتعتذريلي وتعتذري لاهلي ونعيش بما يرضي الله هشيلك فوق راسي غير كده انتي حرة بقا قالت مبعتذرش لحد نزلت اتعشيت تحت وطلعت انام لاني بسافر يوميا لقيت جوز اختها وبنت عمتها االلي اول مرة اشوفها فحياتي بيخبطو جامد الساعة ١٢ بالليل انا خوفت لاني صاحي مش شايف قدامي لاني كنت نايم فعلا م التعب يعني وكده ببص ورايا لقيتها لابسة فيه ايه احنا سمعنا انك عاوز تخلص قولتلهم ان شاء الله بنت عمتها قالت وقاعدة ليه يلا لمي هدومك دخلت لمت كل حاجة ف الدواليب حتى الملايات اللي ع السراير اخدتها حتى حاجاتي الشخصية خدتها الشبشب بتاعي حتى خدته وجابو تروسيكل وحملو الحاجة دي الساعة ١ بالليل وخرجت ومعاها الدهب تاني يوم راحت عملت تبديد قايمة ودهب بعدها بيومين عملت نفقة ومعيشة وتطليق للضرر بعدها عملت مشاركة او تمكين انا طبعا عملت محضر اثبات حالة بس انا حاليا مشتت جدا جدا عاوز اخلص منها بجد بس هي هتاخد كل اللي ورايا واللي قدامي وقالتها انا هحسره لما يشوف شقته فاضية انا حاجتي لسه ريحة الدهان فيها والله وكلت المحامي بس بيقولي احنا رد فعل مش فعل فمبقتش عارف اعمل ايه والله دي القصة باختصار جدا انصحوني بالله عليكم

عايزة اعرف الناس بتتجوز ازاي بجد عايزة اتجوز و مش عارفة الاقيه فين و اعرفه ازاي و هنتقابل امتى و انا حرفيا من الشغل للبيت و من البيت للشغل بتتجوزوا ازاي يجماااعة بجد ، انصحوني ايه ممكن اعمله يزود من فرص اني الاقي عريس

انا بكره العيد ، من وانا صغير وانا عمري محبيت العيد عمري م اختارت لبسي عمري م اختارت حلقه شعري عمري م خدت عديه لنفسي او عيديه تكفي اجيب اي حاجه نفسي فيها ، وكنت افضل اتذل واتعاير بالحاجات العره الي جاتلي ف كرهت العيد حتي لما كبرت لسه مفيش صحاب بفضل قاعد اربع ايام العيد لواحدي ف اوضتي مبجبش لبس جديد عشان بقيت حاسس انه خلاص الحاجه لما مبتجيش فوقتها بتبوخ مفيش حاجه بتفرحني ف العيد مش دا العيد الي بيقولو عليه العيد فرحه طيب فين الفرحه حتي الي كان نفسي فيه اني ابقا مع زوجه بتحبني صعبه صعبه اوي والله يجماعه صعب اتجوز اشبه بالمستحيل فقدت الامل بس ميأستش من رحمه ربنا بس نفسي افرح نفسي في حاجه تفرحني بجد انا مش عايز اعمل حاجه حرام هو دا بجد جزائي ؟!

وانا صغير كنت بختار الوحدة بنفسي ، كنت بحب الهدوء والعزلة وبحب اخلي راسي اهدي ، مع الوقت كبرت واتخرجت وخلصت جيش وبقيت مشغول في شغلي وصحابي كلهم كذلك ، كل حبايبي القدام اتجوزو ودا محسسني اني كبرت اوي ، كبرت والوحدة مبقتش اختيار الوحدة بقت مفروضة عليا ، ودا مخليها عكس كل حاجة قولتها في الاول.

مخنوق بجد بقت كل حاجة مقرفة هوا في ايي الدنيا كلها دايسه علينا ليه والله العظيم احنا جيل مشاف حنية ده انا من وانا 10سنين بشتغل عشان مبحبش اخد حاجة من حد ومع ذالك لحد انهارده 24سنه مش عارف اتجوز ولا اعمل مشروع حتا العيب فيا ولا فمين طيب

الحمدلله والشكر لله انا واحد بجد عمري مكنت طماع او ابص علي حاجة مش بتعتي بلعكس عندي حتت الفلوس دي عادية جدا لاني الحمدلله بعرف اجبها انا حرفيا مش بهمل حاجة تزعل ربنا مني غير في حاجة واحدة بس وانا شايف ان حلها الجواز بجد انا محتاج للجواز جدا ومتهيقلي لو اتجوزت هبق عايش حياة حلوة مع ربنا ومش هغلط تاني نفسي اتجوز عشان ابطل اعمل حاجة تزعلو مني بجد

عارف ان ده مش مكان اكتب في كدا بس محتاج مساعدة انا ربنا كرمني وجبت شقة تمليك علي قضي كد ومتوضبة توضيب مش احسن حاجة انا 24سنه مش كبير حليا محتار ابتدي اوضب علي زوقي ولا استنا لما ربنا يكرمني ب العروسه عشان اكيد مش هوضب مرتين لو حد فاهمة يفدني لان حرفيا مشتت جامد غير ان الحاجات بتغلا طبعاً

ازاي بتقدر تقنع نفسك بالجواز او الارتباط او علاقة طويلة من غير ما يكون عندك قلق من المسؤليات او فقدان حريتك او قلق من أنك تزهق من الشخص او يزهق منك او أنك تخلف طفل تبقى عارف انه هيعاني اوقات كتير بسبب قرارك ده ازاي نقدر نتغلب ع ده كله ملحوظة أنا راجل

جماااااعه عندددي رؤية شرعيه ! اعمل اي اقول اي اسأل اي حاسه اني مش هقدر اتكلم عملت بروفه مع اختي حرفيا كنت بمووت من الكسوف اقترحوا اسئله جماااااعه عندددي رؤية شرعيه ! اعمل اي اقول اي اسأل اي حاسه اني مش هقدر اتكلم عملت بروفه مع اختي حرفيا كنت بمووت من الكسوف اقترحوا اسئله

مهوا انا شب وجايب اخري اه جايب اخري هنقولي حرام هقولك مش قادر استحمل بجد ليه عشان اتجوز اشتغل30سنه وفي الاخر ملقيش وحدا ترضا بيا مهوا انا بجد خايف اضعف ف الحرام انا 24سنه ماسك نفسي لاكن الشطان مسهل الطريق اوي ادعولي

امى قالتلى انتى مفكرة نفسك بنت مين عشان تقعدى تتأمرى و تشوفى نفسك على خلق الله انتى خلاص كبرتى و الحمد لله أن فيه حد عبرك كل ده عشان رفضت عريس متقدملى مع العلم انى شكلى حلو و مهتمه بنفسى و سنى ٢٧ سنه و شايفة انى لسه صغيرة عادى و من حقى اختار اللى يناسبنى

بوصوا انا مش عارف هو العيب بقا علي مين الاسرة ولا المجتمع اللي بيحاول يقلد الغرب تقليد اعمي وفعلا احنا في زمن القابض علي دينه كالقابض علي جمر من نار اللي بيحاول يعف نفسه بالحلال بيحاول المجتمع يكسره بالدهب والقايمة وزبالة الدنيا والبنات اللي بقا قلع اللبس اسهل من انها تغسل وشها فاربنا يحفظنا واياكم

حرفيا تايه ومحتاج نصيحة من حد محتار جدا ومبقتش عارف اختار ولا احدد أهدافى كنت شغال ق مجال الملابس 10 سنين وعندى خبرة كويسة بس كرهت المجال وسبته وقعدت ف البيت شهرين صرفت مبلغ كبير وبعد للغترة دى قعدت طبعا ادور ع شغل كتير موصلتش لحالك ف نزلت شغل ف فتح الله وحرفيا للشغل مش احسن حاجة وقت كبير ومرتب ضعيف6700 بالنسبة لصنعتى يس مبقتش حاببها ف حاليا قدامى شغل ع 8 مع مورد ملابس بيصنع شغل وكدة وشغل مكتب يعتبر هتابع الشغل والتسليمات واجيب عملاء وكدة بس مفيش تامينات ولا تريقات ولا زيادة يعنى شغل بالحب وكدة مش زى فتح الله وقدامى برضوا مكتب تخليص جمركي بس معرفش مرتب كام وفيها تامينات بس بعد سنة وفيها زيادة وكدة انا من اسكندرية عموما 27 سنة ومخلص ليسانس اداب ف مبقتش عارف اختار انهى شغل ولا استقر ع اى محتاج استقر عشان اعرف اشوف بنت الحلال وافتح بيت ف محتاج استقر ف شغلة عشان اكون قادر اتقدم لاى واحدة عندى شقتى واجهزتى عموما يس حتتة الشغل معطلانى

جماعه انا الحمدلله بتحسن نفسيا نوعا ما بس لسه حاسس اني وحيد وده مش احساس انا فعلاً وحيد محستش بالمشاركه عندي فرااااغ كببيييير وصعب تعبت جداً من الحوار ده بتفهم غلط اني بدور علي نصيب حياتي وانا اصلا بجتهد جداً للهدف ده وربنا هيكرمني ان شاءلله وان شاءلله الاقيها في اسرع وقت انا استاهل ده

انا بجد نفسي يبقي عندي صحاب انا كان عندي صحاب وشلة بس انا اتجوزت وجوزي خلاني ابعد عن كل صحابي مش فاهمة ليه بس هو كدا مش عايز يبقي في اي حد ف حياتي او هو ليه وجهه نظر ولا اي مش فاهمة مع ان صحابي دول كلهم بنات والله وهما زعلو اني بعدت وبعدو هما كمان ومن وقتها واحنا مش بنتكلم خالص بس اوقات كتير بحس اني نفسي يبقي عندي صحاب واخرج معاهم واتكلم معاهم هو انا اه موضوع الخروج دا بالنسبالي صعب بس بتضايق لما بفكر فيها

ثنائى القطب حابب اعرف هل لو حد مصاب بالاضطراب ده بيكون مشاعره مستقره هل بيقدر يتجوز هل يقدر يكون مستقر ويفتح بيت ومثلا لو هو شخص مؤمن بكده ومؤمن انه عنده اضطراب في كيميا المخ محتاج ادويه عشان تثبته ومتابعه هل ممكن العلاقات تكون ناجحه ؟؟! ممكن حد يساعدنى

جماعة ايه اكتر حاجة نفسكو فيها بالنسبالي نفسي العب كورة و عايزة اركب عجل ارجع العب سباحة ابطل تعليم و اتجوز واحد انا بحبة و اعيش في حتة فاضية و هادية مش حواليا اي حد و اقطع علاقتي بكليتي و بكل الناس اللي اعرفهم

اعمل ايه لو رزق الزواج اتأخر عليا اوي اوي انا عملت كل حاجة ممكن تتعمل من دعوات وقيام وصدقة وجبر خواطر الناس وكتير بنية ان ربنا يرزقني زوج صالح غير كده انا شكلا وموضوعا حلوة مجتهدة وشاطرة ومحترمة وصاحبة بيزنس والكلام ده بحكم الناس مش رؤيتي لنفسي وخلاص الموضوع ده بالذات متعقد ف حياتي بشكل غريب مش قادرة افهم ليه حتي لو ناس اتقدمت الموضوع مش بيكمل نهائي

رسالة لأحدهم، مشكلة.. كنت عملت ليك كشكول ب اسمك و سميته (زوجى المستقبلي) و كنت بكتبلك فيه و بحكيلك فيه قد اى البعد مؤلم و مش قادرة استحمله بس برضو كنت بكتبلك فيه قد اى انا راضية و مرتاحة انى سيبتك علشان ربنا، مش عارفة ازاى كنت مستحملة طول ٧٥ يوم دول بس أنا فعلا مكنتش مهتمة لحاجة غير ان ربنا يكون راضى و انه انت تكون بخير و ده كان بيتحقق لما بخاف عليك من الذنوب و بدعائى ليك، مش هنكر انى وقفت دعاء في فترة من بعد العيد تقريبا بس أنا معرفش السبب بس انا كنت في هدنة تقريبا، بس رغم كده كان عندى ثقة في ربنا اننا هنكون سوى و لبعض في الحلال، حاجات كتير اثبتت ده ليا ب الإضافة ل احساسي الداخلي ب انه ده مظبوط و صحيح.. لحد الوقتي معرفش اللى حصل تفسيره اى هل احنا شر لبعض ف ربنا بعدنا، ولا ده مجرد تأديب و الجبر في الآخر هيكون ب اننا نكون سوى و لبعض.. امبارح فتحت كشكول ما خاص بالمذاكرة و بالصدفة لقيت فيه رسالة كنت كتباها ليك لمحت اسمك و فضلت أفكر شوية و بعدها كان لازم اقفلها و تنتهى الحكاية.. نسيت أقولك زى ما عديت ب ٧٥ يوم عادى هعرف اكمل لوحدى بما انى مكنتش مهمة عندك.. B..

الاب ده جميييل انا مبسوطه اني قادره اعبر عني المهم الموضوع المره دي مش محبب ليا من حوالي شهرين شخص ما استلم شغل في نفس المكان ولاني حاطه حدود مكنش في تعامل بينا وهو محترم حقيقي بصراحه اخدت بالي منه ورغم ذلك انا مكنتش مهتمه اعرف حته اسمه هو انتقل لمكان تاني صدفة اكتشفت انه كان جارنا من ايام الطفولة عرفت لما قابلت مامته وبعدين شوفتهم سوا بعدها بمدة لقيت والدي بيقولي هو فلان جارنا معاكي في الشغل وموقلتليش ليه قولتله اصل معرفوش قالي انه قابل باباه صدفه يعني وجابوا سيرته ومكان شغله وقاله ده شغال مع بنتك وبابا قعد يشكر فيه بشكل معرفش صدف دي ولا اي ولا وهم ولكن للأسف الشديد انا تعلقت بيقت افكر كتير مدركة اني ممكن يكون فرااغ بس انا حتي وانا مشغوله بقول ممكن يجي يتقدم بس هو شايفني من زمان ليه مجاش يتقدم ؟؟ آه لما بشوفه بتصرف اني لا آراه بس ده ميمنعش برضو انا قولت هدعي يجعله من نصيبي بس مكسوفه اووي من ربنا ومن نفسي

انا نزلت مشكلتي قبل كده بس للاسف ملقتش حل و مش عارف افكر انا لسه خريج السنه الي فاتت و كنت اتعرفت علي بنت من كليتي اصغر مني بسنتين في اخر سنه ليا و كنت دغري اني اعرف أهلها و مخبيش عشان اجي اتقدم ليها رسمي بعد ما اظبط دنيتي حاليا بعد مده كبيره بينا أهلها رفضه فكره أنها تسبب بلدها و تعيش معايا في القاهره مع انهم عارفين من بدايه الكلام والتعارف أني هقعد في القاهره جم بعد ما اهلي و والدي كلم والدها عشان نيجي نظزورهم في قعده تعارف و نعرف العائلتين ببعض بعدها بدقائق اتصل بالبنت انهي الموضوع بعد ما كلمته وفهمت أنهم عاوزين القعده تبقي قرايه فاتحه و منها يجي التعارف و برضه قولنا ماشي المشكله أنه بعد الكلام ده برضه رفض بقي بحجه العيشه في القاهره و حاليا نفسيتي و نفسيه البنت متدمره لان كل حاجه ماشيه كويس و مره واحده بسبب قرار أهلها كله باظ ده بغض النظر عن أي شروط الوضع كان أنهم مكنوش فاهمين ده او انهم كانه بيسجده البنت عشان دراستها و تكمل و يكون مش مجرد الا حافذ ليها عشان تذاكر و تخلص جامعه بس مبقتش انا عارف اصدق ايه ولا مين ولا اعمل ايه بجد انا حاليا مش عارف اعمل ايه بجد الوضع بجد دمرني نفسيا و صحيا و حتي مبقتش مركز ولا عارف انام و بقیت حاسس اني مقصر مع ان عملت كل الي اقدر عليه بس هما قفلوا كل الطرق وبقي حتي اهلي نفسهم رافضين بعد موقف أنهم غيروا الكلام بعد ما كان اتفقنا على كل حاجه و حاليا انا الي تايه

ازاي بتقدروا تثقوا في حد لدرجه انكو تتجوزه أو تحبوه تضمنوا منين مترجعوش لاهلكو بعد شهرين باهته حزينه زي ما بتشوف تضمنو منين ميكونش بينسى حبيبته القديمه بيكو تضمنوا منين أنه ميكونش حنين عليكي زي اهلك معاكي

قولولي رأيكوا في الزواج من شاب يتيم (عاش في دار) معرفش قصته بالظبط لسه هل عاش هناك من وهو بيبي ولا ايه اللي حصل حاسة انه عاجبني (شكلاً فقط لإننا لسه متكلمناش) ومعنديش اعتراض على الموضوع بس خايفة من شويه حاجات زي مثلاً نفسيته وشخصيته اكيد متأثرين في التجمعات العائلية والمناسبات مش هيكون لينا حد + انا واسرتي حياتنا مقتصرة علينا احنا بس فكان نفسي يكون عندي ناس جديدة وعيلة تانية وتجمعات محتاجة رأيكوا في الموضوع ككل حتى لو فيه حاجات تانية انا مش مجمعاها

عاوزه اسال بجد هو ليه الدنيا كلها بقت تستسهل الحرام وتستحله ولا الدنيا بقت صعبه للدرجه أن محدش قادر يتجوز ويكون اسره في الزمن ده فبيستسهلوا بقيت بشوف الناس كلها محدش فيهم عاوز حاجه حلال اي حاجه يمشي بيها أموره ويلعبوا وخلاص إذا كان بنت او ولد يعني الموضوع فعلا بيزعل جدا ...

جدعان انا عندي سؤال بجد البنت اللي بتحب تحط حدود ومش بتحب ترببط بشاب غير لما يبقا واخد خطوة جد وملهاش ف انها تقابل شباب وراه اهلها بالنسبالكم كشباب انها بنت منغلقة او طبيعي مفيش عرسان كتير بتجلها علشان هي قافله علي نفسها ولا شايفين انها ايه

اانا واحد حرفيا حاسس كل مشاكلي هتتحل بمجرد متجوز مع العلم مبشفش راجل متجوز مبسوط يعني حرفيا بقي عندي خوف من اني اخطب او اتجوز بسبب كدا وحرفيا تقعد مع اي حد يقولك دنتا ملك يارتني زايك مع انا حاسس مش هكون مبسوط الا بوجود شريكه لحياتي مخنوق من الموضوع ده

تخيل كدا فيوم وليله تخلص كل حاجة وحشة فحياتك وربنا يهديك وتبق بتصلي تخيل تلاقي بنت زاي منفسك بتصلي ومتدينه وحقيقي تنفع ام لي اولادك وتنفع تكمل حياتك معاها تتجوزو وربنا يرزقق بطفل او طفله وربنا فتحها عليك من وسع ومرتاح فحياتك طيب هوا سعتها بجد الواحد يقدر يعمل حاجة غلط او في غلط يتعمل بعد كل الرضا ده هوا انا بحلم طيب

يا جمااااعه انا اتجوزت من شهر ونص وللحق انا حد طول عمري بكره الجواز وسنينه بس اهلى طبعا ولاكن الظروف حطت قدامى الجواز علشان مكنتش هقدر استحمل العيشه فى فى البيت واه ده هروب انا معترفه ومكنش ينفع بس غصب عني ودى اول غلطه فا عملت ايه ايه علشان ازود الطين بله وافقت على بيت العيله اه انا عملت كدا وده تانى غلط علشان انا مش حد اجتماعى اساسا وفى بتنا كنت مش بطلع من الاوضه اصلا هوا حد كويس جدا عاوزه واحده تبقى زى امه كدا بيحب اللمه والعيله واهله كويسين الحق يقال الفكره عندى انا انا اللى مش مرتاحه مش حاسه بانتماء تجاهمهم واه معنديش مشكله فى الخدمه بس انا مبحبش تفاصيل حياتى تبقى مكشوفه كدا كله عارف كل حاجه عن كله وبتسال على ادق التفاصيل ودى حاجه خنقانى جدا وكمان علشان انا بيت منفصل عن البيت الكبير فا لازم اصحى بدرى البس واروح اروح على الضهر واجى على العصر ولو اقعد فى شقتى بعد العصر لازم يكون معايا غسيل كنيس مسيح بقا الفكره انا انا اصلا متجوزه من شهر ونص فاهمين وبجد صعبان عليا جوزى لانو انا من النوع اللى بيكتم مشاعره وخصوصا زعله وغضبه وانفجر عياط مره واحده وبتجينى نوبات هلع أحياناً وبخاف فا بصحيه او بيصحى على صوت عياطى ويحاول يهدينى وهو ملوش ذنب فى مشاكلى الزفت هو حد كويس كان عاوز حد زيه وهو مرتبط باهله جدا وبيحبهم جدا نفسى اعزل واعيش فى شقتى بس ده مستحيل لسببين الاول اعتقد لو اتحطيت فى مقارنه هخسر لانو بيحبهم وهنا مش قصدى انو يسيبهم او يبعد عنهم لا والله ابدا بس بقول كدا لانو انا مش مرتاحه والتانى لانو مش هاين عليا احرمه من اللمه بتاعت عيلته وانو ارجع بيتنا تانى دى حاجه مستحيله لابعد حد فا حاسه نفسى محاصرة لانو انا حتى ممعيش شهاده حتى فا اما استحمل بقا او ارجع للعذاب ده تانى واه انا كل يوم بحاول والله اتعود واندمج معاهم بس مش قادره مش عارفه اعمل ايه ربنا يعدلها يارب بكرهنى جدا يا عيال يارب اموت

انا لسه خريج السنه الي فاتت و كنت اتعرفت علي بنت من كليتي اصغر مني بسنتين في اخر سنه ليا و كنت دغري اني اعرف أهلها و مخبيش عشان اجي اتقدم ليها رسمي بعد ما اظبط دنيتي حاليا بعد مده كبيره بينا أهلها رفضه فكره أنها تسبب بلدها و تعيش معايا في القاهره مع انهم عارفين من بدايه الكلام و التعارف أني هقعد في القاهره جم بعد ما اهلي و والدي كلم والدها عشان نيجي نظزورهم في قعده تعارف و نعرف العائلتين ببعض بعدها بدقائق اتصل بالبنت انهي الموضوع بعد ما كلمته و فهمت أنهم عاوزين القعده تبقي قرايه فاتحه و منها يجي التعارف و برضه قولنا ماشي المشكله أنه بعد الكلام ده برضه رفض بقي بحجه العيشه في القاهره و حاليا نفسيتي و نفسيه البنت متدمره لان كل حاجه ماشيه كويس و مره واحده بسبب قرار أهلها كله باظ ده بغض النظر عن أي شروط الوضع كان أنهم مكنوش فاهمين ده او انهم كانه بيسجده البنت عشان دراستها و تكمل و يكون مش مجرد الا حافذ ليها عشان تذاكر و تخلص جامعه بس مبقتش انا عارف اصدق ايه ولا مين ولا اعمل ايه بجد انا حاليا مش عارف اعمل ايه بجد الوضع بجد دمرني نفسيا و صحيا و حتي مبقتش مركز ولا عارف انام و بقيت حاسس اني مقصر مع ان عملت كل الي اقدر عليه بس هما قفلوا كل الطرق و بقي حتي اهلي نفسهم رافضين بعد موقف أنهم غيروا الكلام بعد ما كان اتفقنا على كل حاجه و حاليا انا الي تايه

عندي سوال بجد ؟ ليه كل شباب دالوقتي بقت عايزه تتجوز دكتوره ؟ بقيت بحس ان دكتوره دي بقت حاجه مقدسه اللي هو مش هينفع نتجوز غير دكتوره حته لو الشاب موهل متوسط بيتشرط يقولك عايز دكتوره طيب وبنات باقي المجالات هيعنسوا كده؟😂😂

خايفة إني أموت و أنا لسه بحاول أتوب من ذنوبي، خايفة إني أفضل وحيدة و متجوزش... أنا مش مهتمة بالضغط المجتمعي بس فعلاً بحس كتير إني وحيدة عاطفياً، خايفة إني أفضل وحشة في عيون أهلي اللي بينا مشاكل لكني مقدرش اكرههم مهما حاولت، خايفة إني معرفش أرتاح أنا علطول من الشغل للمذاكرة و شغا البيت و معندش وقت لنفسي، خايفة مخسش بشكل معقول لأني كتىر لما بكتئب و بطلع زعلي في الأكل، اسأل الله أن ينظر في أمري.

ليه الناس بتحب المشاكل ؟ يبقا الواحد قاعد كدا وتنط عليه هرموناته عايز اي اكشن اي حاجه يفرغ فيها الطاقه اللي مش موجوده اصلا عشان يبقا راضي ع الفاضي ؟ لا والله بتكلم بجد اللي هو انت عايز اكشن وخلاص ؟ 😂 وطبعآ الكلام دا يشمل اهلي لأني اكون قاعد والاقي اتنين مسكو في بعض وبيتخانقو وبيطلعو غلهم في بعض ، طب ليه ؟ عبيط انت وهو ؟ والاقي نفسي من الناحية التانيه لما بلاقي اي حد كدا ببعد عنه واحدد ناس معينة تفضل في حياتي ، ناس رايقة زيي نخرج ننبسط من غير نكد وعبط وشغل عيال صغيرة المهم انا شاب 18 سنه بدور علي بنت فرفوشة اتجوزها بدل القاعدة دي 😂😂

انا بنت معديه ٣٠ و معروف عني وسط صحابي اني حد كويس و جميل وروحي حلوة و انا في مجالي شاطرة طول عمري مش بيفرق معايا اني ابقى سنجل او لا لان حياتي هى شغلي بس مؤخرا بقيت بتضايق من حاجه اوي و هى ان ممكن الناس ترشح حد قدامي إنهم عايزين مثلا فلانه لحد من قرايبهم أو فلانه لزميل ليها ...الخ بالرغم اني ببقى قريبه من الناس دي و لما يجوا يقولوا قدامي .. الاول مكنتش بتأثر بس دلوقتي بقيت احس اني مش مقياس بنت جميله زي ما بيقولوا و بيضايقني أنهم عارفين اني مرتبطتش قبل كده و يتفقوا معايا مثلا انا شايفه فلانه كويسه لفلان و أنهم مثلا انا شايفه إننا نشوف فلانه دي ولا فلانه دي احسن لكذا يعني مش بس حد واحد بيرشحوه .. يعني عمري ما كنت اختيار من اختياراتهم للبنات في الارتباط قبل كده .. انا عارفه إن نصيبي لسه مجاش و بميعاد بس طريقتهم بتضايقني اوي الايام دي الاول كنت متقبلاها لكن دلوقتي بقيت بحس انها بتقلل مني و اني حاسه ان ثقتي بتتهز كبنت في الموضوع ده و اني مش حلوة زي ما بيقولوا

هل لا يوجد حب افلاطوني (الحب بدون مصلحه ) ؟؟؟؟ يعني ممكن راجل وست يتجوزوا بعض لمجرد انهم بيحبوا بعض من غير اي مقابل مش متجوزين بعض عشان مصلحه ولا غرض معين ؟ زي فلوس او شقه او سلطه ياريت اللي عنده اجابه من خبرته يقولي

حكايتي بدات لما تزوجت في مدينة بعيدة على مدينتي اللي كبرت فيها ...ما قدرتش نتأقلم مع المحيط اللي عايشة فيه...زوجات اصدقاء زوجي دايما يحكو بالخايب عليا و يتنمرو علي و يراهنو على علاقتي بزوجي بالفشل ... كيفاه نعمل معاهم و منقدرش نبعد بحكم زوجي علاقتو بأصدقاؤو جيدة و ديما يجو مناسبات مشتركة تحتم عليا لقاءهم ..راحت الثقة في نفسي و اصبحت منقعرفش نتعامل و منعرفش نحكي

ما هو يا جماعه كل واحد وليه مواصفات ف شريك حياته مش هيقدر يتنازل عنها .. ايا كان هيا ايه وطبعا بتختلف مني ل منك ل منها كل واحد وليه أولوياته والصفات ال شايفها مهمه يعني انا مثلا مثلا شرط اساسا بنسبالي يبقا اطول مني ودي صفه شكليه بس مهمه لاني طويله ولايكون اقل من ١٨٨ مثلا ويكون مهتم جدا جدا دي صفه معنويه ومهمه جدا بردو بنسبالي ف مش علشان مش مهمه بنسبالك تيجي تقنعني انها تافهه واني اتنازل عنها وعادي .... طب خلاص انت كمان اتنازل عن صفات شريك حياتك المهمه واقبل اي حد بقي وخلاص 😅😂 ولا اييي؟!!!

الرجالة في مصر بيحبو في العشرينات العلاقة بتفشل بيخشو الجيش بیخرج عايز يبدأ حياته يبدأ حياته يلاقي نفسه بقا عنده ٢٧ سنة بيحس ان الحياة بتجري منه وصحابه اتجوزو هنشيل عيالك امتا احنا مش عايشنلك طول العمر بيدور على واحدة مناسبة عشان يرضي اهله ويحس انه مفاتوش حاجة بلا مشاعر بلا رغبة

• من راجل لـرَاجل.. ماتخلييهاش طيح بيك ولا تخلي جيبك فارغ، مقدرتش تبروفييتي و تتزوج و تشري طنوبييل و دار ؟ عييش بلا بيهم.. المهم مدخول يكفييك نتا وحدك، هكدا يبقى نيفك ديما فالسماء و واحد ما يتكسل عليك ولا يستشفى فييك، هكا حتى و تتقدر عليك تلقى باش تقابل و نتا دبر راسك

انا واحد شغال شغلانه كويسة وبقبض كويس بلبس كويس بخرج علطول بصرف علي نفسي وداخل ع الكلية اهو .. ليه مش لاقي شريكة حياتي لحد دلوقتي انا كلمت بنات كتير اوي بس ملقيتش اللي تناسبني هل دا عيب فيا ولا فيهم ؟

هل مبرر كافى للانفصال أنه بيشك فيا ليل نهار وميقدرش ساعات ينام من كتر الشك والموضوع بقى ضغط عليا من كتر التبرير والتفتيش والمراقبة وأنه بيمد أيده وأنه علطول محتاج ارد عليه على التليفون يشتكيلى من مشاكل شغله أو إحساسه بعدم الراحه وكل يوم او يومين تهديد بالطلاق وكلام فى تفاصيل الطلاق وفى ساعة الجد يرجع فى كلامه مع العلم أن دى جوازتى التانيه وهو شايف أنه الست كده كده هتتحمل عشان دى جوازتها التانيه مينفعش تتطلق تانى .

ساعات الواحد مايلقى ما يحكي tellement حاجة grave تجي صحبتك الي انا عاملتها اختي تحب تفسدلي علاقتي بزوجي بقناع الخير و تحبلك الخير و تخاف ربي مع الوقت تخرجها من حياتك و تمشي تحكي للناس الي هي مضلومة و بريئة مبعد ما خربتها خافو ربي في عبادو

أنا متزوج من ٨ سنين، والله كنت بحاول اكون زوج كويس بس مع الوقت تصرفات زوجتي بدأت تقفلني منها اكتر و بقيت اتحول لشخص سيئ من يومين كنت تعبان و احتمال اعمل عملية، كنت قاعد بفكر ازاي لو هعمل العملية مخليهاش تحضر و اعمل العملية من وراها علشان بس مش عاوز احس اني محتاج ليها و دائما بدعي ربنا اني محتاجش ليها الكلام سهام يا جماعة و ركزوا في علاقتكم في كلامكم بتقولو ايه و ازاي علشان ممكن متوصلوش في لحظة أن شريك حياتكم يبقى مش عاوزكم جنبه في تعبه و مشاكله

مساء الخير يا جماعة انا مشكلتي الاذلية مع ابويا عمره ما عمل حاجة عشاني دايما عاوز نفسه الاول وبس وفي نفس الوقت عاوز كل حاجة مننا انا حاسس أنه بوظلي حياتي كلها خلاص وخايف يبوظلي آخرتي كمان حتى سني بيكبر ومش عارف اخد خطوة الجواز بسببه اصلا ! احنا بقالنا فترة كبيرة وصلنا أنه مش بيكلم حد مننا خالص ومع كل ده انا كل السنين اللي فاتت دي بحاول على قد ما اقدر ارضيه عشان ماغضبش ربنا بس ببقى جاي على نفسي وانا بعمل كدة بس انا بقيت حاسس أنه مبسوط ومرتاح كدة حتى مش قادر يساعدني اني اكون بار بيه ! مش عارف هل حد مر بنفس التجربة ! أو حد يقدر يفيدني ! ومعلش طولت عليكوا 🤍

عندي ٢٧ سنه حسه اني مش هتجوز حسه ان عمري ما هلاقي راجل مناسب و هفضل طول عمري كده عايشه لوحدي محدش مهتم بوجودي ولا اي حاجه بتتعاملوا ازاي مع الاحساس ده وادعولي لعل احدكم قريب من الله اكثر مني

جدعان ، انا اتقالي ان انا اجريسيف مع الولاد (انفعالية زيادة يعني ) ده عشان مش بهزر مببتسمش وانا بتكلم معاهم مش بعاملهم بلطف يعني وبتكلم معاهم بالصوت الصيفي مش الشتوي 🤨 مش ده ال مضايقني انا كدة كدة عارفة ان ده الصح لكن الفكرة انها اتقالتلي من بنت ال هو اصلا حضرتك مش المفروض نشجع بعض علي اننا نقل الكلام مع الولاد غير ف حدود الشغل او الجامعة لا تقولي انتي اوفر و تعاملك "قاسي" معاهم كدة علي فكرة هيبعدوا عنك واحتمال متلقيش حد يتقدملك اصلا بطريقتك ديه !!! معرفش بكتب البوست ليه لكن انا متعصبة من ال هي قالته معرفش ليه بقي تفكير البنات كدة مؤخرا عموما اي رأيكوا و كان المفروض اصلا ارد عليها ازاي؟

ف حاجه مضيقانى انا اصغر من اختى 6 سنين وهيا لسه نصيبها مجاش ف الجواز لأن هيا حاطه شروط للشخص اللى هتتجوزو هيا حاجات مش صعب انها تبقى موجوده وماما طبعا زى اى ام نفسها تفرح ببنتها وبيحصل دايما مشاكل بسبب الموضوع دا سواء مع اختى أو معايا انا مش عايزه اتجوز قبل اختى الفكره نفسها مرفوضه بالنسبالي وكمان انا شايفه انى لسا هكمل دراسه بعد الكليه ولسا هيبقى ف فرص احسن سواء تعليم أو من كون حد باعت مامته تدوره ع عروسه وهو مسافر ف انا مش حابه دا خالص و برضوا رافضه فكره الارتباط انا عايزه اكون اختيار الشخص نفسه السؤال بقا هل تفكيرى منطقى ؟

ليه في المجتمع الحالي الزواج او انك تدخل في رليشن مع حد مطلق او ارمل سواء راجل او بنت بيبقا غريب ويتقال انه عيب وضد العرف والمجتمع وبحس انهم هيعملو حاجه فالي بيفكر في كده ايا كان سنه سواء كانو متقاربين في السن او فيه فرق

انا قلبي واجعني وخايفه اوي من وقت ما تميت ٢٦ سنه عندي خوف رهيب من الوحده واني متجوزش خايفه ومرعوبه افضل لوحدي لدرجة انبقى بقيت بحس ان دا تنبأ بأني هفضل لوحدي فعلا ودي حياتي خلاص وبصحى وانام ع صوت الافكار دي انتي مش هتتجوزي انت هتفضلي لوحدك انا مكنش دا تفكيري خالص قبل كدا معرفش ايه حصلي

بتتغلبوا ازاي ع قلة الثقة في النفس واضرارها اكتشفت اني كل اما اكبر في السن بواجه قلة ثقة في القرارات ومشاكل في الشغل ومشاكل زوجية حتي النوم بقي قليل ومزاج سئ باستمرار ـــــــــــــــــــ

ممكن اخد رأيكو في حاجة انا ممكن اساعد حد يلاقي زواج يعني عندي قرايبي بنات مش مخطوبين وبلاقي ناس بتعمل جروبات كدا او بتنزل مواصفات عريس مثلا وفي جروب واتساب انا فيه بس مش عارفة اساعدهم ازاي يعني اقولهم ازاي في جروب كذا واحنا مش مترابطين اوي ان نعمل كدا او حساها حركة عيب يعني مش عارفة ولو سألت مثلا صحابي او كدا بردو حاسة انه غلط ولازم استنى لما حد يكون عنده ويقولي🥲

ممكن حد يحكيلي شوية عن الجواز يعني وياريت يكون متجوز مش وحد عامل نفسو خبره وخلاص انا شاب وعاوز حد يفدني بجد يعني محتاج اتعلم من تجاربكو معنديش حد يقولي ازاي اعيش حياة صلحه بدون مشاكل حابب اسمع

حاسة اني عندي عقدة مالعلاقات..بما اني فسن زواج ..الكل يشوف اني لازملي زوج عشان اكمل حياتي اوكاي..درست تخرجت و اشتغلت و تعرفت على شباب بقصد زواج ..معظمهم يوم يومين و اوب خلاص ..مانقدر نكمل معاهم..برك كاين واحد كنا في علاقة 8 اشهر اونلاين بس و مخططين يجي يخطبني و نتزوج بصيف ووو لكن الشاب بطل و حس اني ما اناسبه ونا استوعبت قداش كنت ساذجة ..طبعا انا العلاقات هذي نشوفها مش منطقية و بنفس الوقت شيء لابد منه وقتنا الحالي( رايي الشخصي هذا ) و حزنت اسبوع و بس يعني ما أثر علي الموضوع .نسيته و كملت حياتي ..بعد تقدمولي رجال كثار عالبيت و نا مارتحت لاي واحد منهم ...و يجيني ضيق و احس مانقدر نكمل مع اي واحد و ما نرتاح إلا لما ارفضه..رغم ان الرجل مافيه اي شيء يعيبه المهم منذ 6 اشهر كذا .تعرفت على واحد بسوشل ميديا ..حسيته شخص مناسب جداجدااا..توافقنا فكل شروط و مصر انو يجي يخطبني بس لما اكلم اهلي و اقولهم عليه و هو يتكلم معهم و يحددوا موعد الشاب هذا مصري و نا جزائرية ..بصراحة مرات نحس اني مش حابة نروح نعيش فمصر ..متخوفة مالوضع هناك...و اني مانعرفش الشخص هذا 100% و خايفة يخدعني و يطلعلي بشخصية ثانية او يطلع متزوج او او..ونا اعمل هنا ولو سافرت لازملي نوقف خدمتي لي أصلا منيش مرتاحة فيها و مش ناوية نكمل فيها..بصح خايفة نندم كي نحبسها.. المهم حاب يجي لبلادي و نعملو خطوبة ونا جد مترددة و قاعدة نأجل فالموضوع و مرات يجي فبالي نوقف وش راني ندير ..بيسك جاتني مش منطقية وش لي راني ندير فيه..بصح راني رافضة تقريبا ثلاثين شخص مجموع كل من تقدم لي ..ونا كرهت مسألة زواج كلها..بصح خايفة نضيع فرص اشخاص مناسبين ونا ماعلاباليش...بينا لازملي نجرب و نا خايفة و معنديش شغف باه نكمل و لا حتى نقول راني قابلة بفلان ولا شغف باه نبني عائلة و اطفال بيسك انا childfree. اسك يعني حياتي حرفيا مابقاش عندها معنى إلا بالزواج!؟ و مرات نقول خلي نسيي.نغامر و نكتشف الغامض ..بلاك تطلع الحياة حلوة مع هذا المصري و نستمتعو ويكون happy marriage انا في دوامة و حابة نوقف كلش و ندير pause لحياتي كلها ...فقدت القدرة على اتخاذ القرار نهائيا ايام تمشي سدى و ما واقفة ماقدرتش ناخذ اي قرار و لا ندير اي تغيير صغير فيها💔 انصحوني

دلوقتي انا في واحد متقدملي وبابا وماما منفصلين وامي متجوزه ابن عمها المهم انا نقاكعه ابويا بقالي سنه عان كل ما اروحلو يضربتي ويقعد يشتم ف ماما وبيخوفني ويقولي هحبسك مش هتعرفي تروحيلها ف قطعت خالص لاني خفت يعملها لانو مره تربس الباب ومكنش راضي يطلعني وقعدت اصوت والموضوع عدي وروحت جوز امي بقى هو مش وحش بس مش كويس اوي برضو كلمت عمتي قولتلها تكلم بابا تقولو ان في واحد متقدملي ونا عيزاه معايا ويقعدلي معاه راحت قالتلو قالها شرطي تعيش معايا العيشه معاه ماديا مش حلوه وضرب واهانه وتحكمات بلا داعي وظلم وبيتو مفتوح وانا بنت الي هيتقدملي اخو صحبتي وهي سألتني هنكلم مين قولتلها بابا طبعا عشان مينفعش وقولت كدا ل امها وقولتلو اختي مخطوبه ل ابن جوز ماما والخطوبه كمان اسبوع وبابا ميعرفش هو عارف انهم قرو فاتحه لسه معرفش ب الخطوبه والناس خايفين يقولو قولت ل ماما قالتلي لا حاولي معاه تاني قولتلها مش هروحلو عشان ميضربنيش قالتلي اصبري انتي مالك في ايه قولتلها اصبر ل امتى الناس مستنيه كلمه وهما بجد شاريني اتعصبت عليا ومش عايزه تسمعني وبتقولي انتي مريضه وروحي اتعالجي وامشي من قدامي مش طيقاكي وبجد مهيش حاسه بيا أبداً ونفسيتي تعبت من كل حاجه ولله

هل الجواز الحل يعني انا هتجوز كل مشكلي هتتحل ك راجل هبطل احب اكلم بنات هبطل كل حاجة غلط بعملها هبطل احب علي نفسي سوري ف الفظ طب هل هي هتقدر حبي ولا هتفكرني مدلوق بمشاعري زاي اي واحدة دخلت حياتي انا حرفي مش فاهم ممكن لو حد متجوز ينصحني

انا ديما حاسه ان بيتنا فيه طاقه سلبيه محدش فسه بيحب حديما خناق مع بعض كلنا كارهين بعض. بنضحك ف المناسبات لاكن مبحسش بوجود حب صادق ابدا مبينا معرفش لي ومعرفش من اي سبب بابا مثلا ةلا ماما ولا احنا الغلط فين م عارفه رغم دعائي ديما ان ربنا يؤلف مبين قلوبنا الا ان منقمسين احزاب حزب بنتين بيكرهوا الولدين واب بيكره البنات وشايف ان الولاد حاجه عاليه ع الرغم اننا ناجحيت اكتر منهم وام اتربت ع ان الولد الاول والبنت بعدين ومبين تفريق مبين الولد الاخير ف المجمل وباقي اخواته. هوا بابا كان بيكره اخواته البنات انا كنت فكراهم وحشين لحد مكبرت ولقيت ان اصلا عماتي عندهم حق يكرهوا عمامي من تصرفات بباهم.. حاسه الزرعه نفسها من جزوره وحشه الفروع م راضيه تتصلح.. الانسان قاعد ف كم خذلان رهيب والله ما بين ام بتحبها وبتحرق نفسك عليها وخيا كل مبتكبر سننا بتختار الولاد رغم انهم مش كويسين معاها ومابين اب شايف ان الولاد كل حاجه ومبين اخوات ولاد م سند اصلا.. هل الانسان بيحرق بنزين ع الفاضي. الانسان تعبان والله عقد العالم فيه.. ومع ذلك بيفضل يحرق ف نفسوا ع يحبوه والحب بيروح لحد تاني ع الجاهز وهوا م بينول حاجه غير انوا لو غلط اوووه ع حبال المشنقه.. انا م عاوزا اتجوز.. ومش عاوزا اكمل باقي عمري هنا ببكي ع وضعي وحالي وخايفه والله افضل ف الحال دا او يزداد سوء كل ما بابا وماما يكبروا

الفكرة انه بسم الله الرحمن الرحيم انا لا املك اي شئ حاليا ولسة لما اخلص كلية هايكون نفسي اوصل للصفر علشان ابدأ منه واطلع من مرحلة السالب علما ان الصفر بالنسبالي هو اني اصرف على نفسي وماخدش فوس من حد هاتقولوي ليه لما تتخرج هاقولك انا كلية طبية ومش ملاحق + كليتي في محافظة وبيتي في محافظة ف مش مستقر في مكان انا شوية هناك وشوية هنا وظروف عيلتي لا تسمح انهم يزقو معايا ف انا حرفيا اللي هابني نفسي بنفسي مطلوب مني اتجوز قبل ال٣٥ وماعنديش شقة ولا ايي حاجة مطلوب اني ابقى اجمع تمن المعادلة لما اتخرج علشان اعرف اسافر مطلوب اني اعيش حياة + عاوز اعوض ابويا وامي واخواتي عن كل خير عملوه ليا + انا حاليا (وانا لسة اول سنة جامعة ) زهقت من البيت وعاوز اطلع في شقة لوحدي ف مابالك عقبال ما اوصل للصفر هاكون عامل ازاي عموما ادعيلي ربنا يغنيني بس اللي مهون عليا بجد هو ان ربنا كاتب لكل شخص رزقه قبل ما يتولد وانا واثق في ان ارادة اللي خلقني خير ❤️‍🩹

الرساله دي بكتبها ليها يعني لو كانت موجوده هتا يمكن تشوفها السلام عليكم انا طبعا مش عارف اقولك اي بس الف مبروك علي الجواز اولا ثانيا ممكن انا مقدرتش اسعدك او اكون الشخص اللي بتتمناه بس حاولت يعني حاولت احارب اهلي اللي رافضينك عشان عيلتك وطبعا عارفه تقاليدالصعيد اللي مزهقانا بس يعني....... اه صح هتمسي ابنك اي زي متفقنا انا وانتي زمان مصطفي ولا هو اللي هيسميه المهم تتهني بيه وبدعيلك تبقي سعيده لاني طبعا اللي بيحب مبيكرهش بس كنت اتمني ابقي انا اللي اسمي ابننا واشيله كده ونروح الملاهي بس خلاص خلاص انا مش هعيط عشان انا راجل والرجاله مبتعيطش والكلام ده بس عايز اقولك انا بشوف كل البنات شبهك مش عارف انتي سحرتيلي ولا اي 😂 او يمكن مبقتش اشوف حد غيرك قدامي.. بس سؤال انتي هتنامي معاه ازاي يعني مش قصدي غلط بس مفكرتيش يوم انا حالي هيبقي اي من غيرك يعني بعد العشرة دي كلها قدرتي تسبيني في ثانية احنا كنا تقريبا قاعدين مع بعض بنطمن اربعه وعشرين ساعه علي بعض دحنا سمينا اولادنا قبل منخلفهم. مش هفكر كتير اخد نفس بس...... تمام عارفك هتقوليلي ربنا يعوضك خير وكده بس الف شكرا سبتي علامه لايمكن تتمحي و تتهني ومش عايز دعواتك خليها لجوزك سلام ادعيلي انساكي بس

اقسم بالله العيشة في الأرياف دي أكبر ظلم للبنت لا أنا عايشة عيشة أهلي وعارفة اتأقلم مع الوضع ولا انا عارفه اي مكان يناسبني اروحه وامشي من هنا، لا انا عارفه احقق احلامي ولا قادرة حتى انّي احلم، هنا في الارياف عاوزة تتعلمي تعليم عالي وتدخلي كليات قمة ليه عشان تستني حد كويس وتعليمه عالي يبقى هتعنسي ومش هتتجوزي، عاوزة تشتغلي ويبقا ليكي مرتب شهري ليه عشان الناس تقول عننا ايه لما في بنات بتشتغل ويبقا ليكي مرتب لوحدك كده! لازم نبصلك فيه طبعا ويبقا بالسم ليكي، عاوزة تروحي الجيم وتهتمي بنفسك وبصحتك يادي العار انتي مابتتكسفيش من نفسك وانتي بتقولي كده! وغيره وغيره، انا لسه اولى جامعه ولما قولت عاوزة ادخل خاص والله بابا قالي هتفضلي مستنية حد مقامه حلو ومش هتتجوزي ف مش مدخلك، وكمان عشان واحد قاله بدل ماتدفع مليون جنيه واكتر على تعليمها دخلها اي كلية وجهزها بالفلوس دي احسن والفكرة ثبتت في دماغه، حرفيا هنا بيقدسوا كلام الناس وبيقدسوا حاجه اسمها الولاد ينهار ابيض لو عاوزة تشتكي من ولد انتي عبيطة! العيب منك انتي طبعاً دول مابيغلطوش، ظا انا بس يدوب نطقت وقولت لماما عاوزة انزل الجيم يالهوووي على اللي حصل كانت هتقوم تضربني وانتي مش مكسوفة وانتي وانتي!! وغير كلام الناس اللي مركزين في حياتك، انا بجد خايفة استسلم للواقع وأضطر اتعامل معاه وأبقى مهمشة خايفة طول حياتي أبقى عايشة في الأرياف معرفش أخرج منها وخايفة أتجوز وأخلف فيها واعيش في نفس الدوامة دي، افكاري مش بتناسبهم اللي هي طبيعية خالص بس كل همهم العادات والتقاليد وبس واللي اتربوا عليه هو نفسه اللي هيربونا عليه، خايفة أعيش حياة مش عايزاها خايفة أوى ابقى مجبورة اعيش حياة زي دي انا عايزة أحقق حاجة أنا لسه في بداية الطريق خايفة استسلم انا بجد الخوف كل يوم بياكل فيا لو فضلت واتجوزت هنا وقضيت باقي عمري هنا

في موضوع مضايقني جدا ال هو.. انا شاب محتاج اتجوز زي زي اي شاب عايز اعف نفسي واغض بصري وتساعدني في امور الدين والدنيا.. انا من اسرة متدينة جدا والحمدلله انا طالع لأسرتي عندي الدين رقم واحد في حياتي ال مضايقني ال هو كل ما بنت تعجبني واسأل عليها الاقي واراها تاريخ منيل بستين نيلة حتى البنت المنتقبة ال سألت عليها واحد قالي دا كنت هاريها لي حتى الآن مش لاقي ولا واحده كويسة تساعدني وتحافظ على بيتي ولا المشكلة مني انا؟

انا عندي ٢٧ سنة و حابب اسمع رأيكوا. انا شخص كويس، على أقل انا متأكد من كده، انا حياتي كلها بتعامل مع الناس بالشوكة و السكينة حتى اقرب الناس ليا الاقي واحد صاحبي مثلا متضايق او مهموم اهزر معاه او اخرجه من المود عموما حتى في الشغل نفس الكلام، و علاقتي كويسة مع الناس، اكيد انا مش شخص بيرفكت اكيد ليا وقعات و بقع في الغلط، على الأقل بعترف بغلطي و بحاول مكررهاش و احسن من نفسي مشكلتي في حاجتين بس، انا دلوقتي وحيد لوالدي و والدتي، الناس فاكرة ان دي حاجة حلوة عشان انا واخد كل الاهتمام و بيعملوا اللي انا عايزه لا غلط خالص ده جحيم، بيقفولي على الكعبلة مش الوقعة، اصحى يوم اجازتي الاقي والدي قاعدلي بقا انت مكلمتش قرايبك سايب مستقبلك انت مبتتصلش بيا انت مبتسلمش عليا و انت و انت و انت و يسمعني كلمتين و يضرب كف على كف و يخش اوضته بعدين يرجع في نفس اليوم يلاقيني متضايق و واخد جنب يقولي ايه اللي مضايقك، طبعا لو قلتله انه هو اللي مضايقني يتجن عليا بقا ف بكتفي بكلمة مفيش ونا اللي اتجن و والدتي في حالة لا مبالاة بقا مني ولا اصلا معبراني لما كبرت و بقيت شحط و لما كنت عيل صغير كانت بتضربني و تزعقلي و تتف عليا من غير ما تفهمني الصح من الغلط. الحاجة التانية: البنات، انا دايما بتعامل مع البنات عادي، بس مش بلاقيهم مهتمين بالكلام معايا، مش قصدي عشان ارتباط و كده و مش ده اللي مضايقني اصلا، انا لو هتكلم مع بنت معرفهاش او غريبة عني هيبقا لغرض الجواز مش اللعب، اللي مضايقني اني بتكلم معاه بطريقة كويسة و تعجب الانسان العادي، ميحبوش الطريقة دي، و اقول يمكن منظري او شكلي او شخصيتي مش عاجباهم، افاجأ بقا ان واحد منظره ابغض مني ١٠٠ مرة او واحد شمام، حرفيا شمام شوارعجي، هي بتتكلم معاه و تهزر و تضحك، طب و ليه ؟ ماهو معندوش مستقبل ليكي ونا لو شايفك كويسة و بتعامليني كويس ممكن اجيلك على جواز. مجرد التفكير في الحاجات دي ساعات بيشلني

كوني مرتبطتش ولا مرة ولا حتى حد أبدى اعجابه بيا ولا حتى حد اتقدملي من ٣ سنين محسسني بنقص كبير جدا رغم اني على قدر حلو من كل المميزات و بحس بخذلان و انا شايفة كل اللي حواليا بيرتبطو بدون أي معايير من المجتمع فارضها

انا بدرس ف اولي كليه و بظبط حياتي علي خطوه كبيره اوي ف سني دا للسنه الجايه ان شاء الله بس مش عارف اقول ل اهلي ازاي ان انا عاوز اتجوز عشان عارف ردهم ان انت لسه صغير و خلص دراستك الاول و بعدها ابقي اتكلم و الكلام دا بس انا عاوز علي الاقل اخطب حتي مش جواز جواز لان مفيش حاجه تسمح ب كدا دلوقتي غير خطوبه صغيره بين الاهالي و خلاص كدا و نخلي الخطوبه دي لحد ما اخلص دراسه اكون جمعت مبلغ كويس امشي بيه نفسي بعد كدا ف عاوز حل اقولهم ازاي ان انا عاوز بنت معينه بدري من غير رفض

جماعه الانسان يعمل ايه لو اختار شريك حياته (زواج) واكتشف انه غلط وان مستحيل العيشه وفي بينهم بيبي ، ولو مفيش فايده من اي عيشه بينهم المفروض يعمل ايه بدون دخول في تفاصيل كتير من فينا غلطان بس للاسف مفيش اي كميا بينهم خالص والموضوع جاي لحته بدال ما يتقال كلمه بحبك بيتقال بكرهك من الطرفين !!! بس اوقات الدنيا بتبقا كويسه بنسبه ٢٠ % انا موش عارفه اعمل ايه هل خلاص اسيب نفسي لحياتي دي ولا يتم الطلاق واعيش وانا مرتاحه نفسيا بدل ما انا حاسه طول الوقت اني مخلصه طاقتي في علاقه موش سويه

انا حاسس اني وحيد وعايز اكون مع حد. علاقة تنتهي بالجواز مع بنت عارفة هي عايزة ايه وتكون اسرة مش لعب عيال يمكن هنا مش مكان مناسب بس يمكن تكون هنا او حتى حد يعرف حد ويرشحنا لبعض... يا ريت تكون في العشرينات..

هو الإنسان بيلاقي شريك حياته فين؟ أنا بنت وقربت على 24 سنة وكل اللي انجذبولي قبل كدا مش مناسبين أبدًا وماقدرتش أوافق عليهم. عندي خوف من الوحدة زي أغلب الناس، وحياتي في بيت أهلي مش أسعد حياة، مفيش حواليا صحاب حاليا وانشغلت بدراستي وشغلي. هل أصلا مطلوب مني أعمل حاجة؟ بدعي ربنا، بس حاسة بتوهان شديد وقلق غصب عني. دعواتكم ❤️

من افكاري اللي بعد الساعه 12 مثلا لو حد هيتجوز ،كلنا فينا عيوب اكيد ازاي بقى يعرف ان مفيش حد احسن من الشخص ده يعني واحد اتجوز دلوقتي واحده مثلا فيها عيوب او عيب بسيط اي حاجه يمكن في احسن من الشخصه دي ومثلا لو بردو متجوزهاش طب ما يمكن دي احسن واحده هيقابلها وكده فاتته او يمكن بيدور ع حاجه ف الاحلام وهكذا بردو بنت وولد يعني

هو بالنسبالكم او شايفين الحياة احسن بعد الجواز ولا قبل بالنسبالي انا قبل الجواز مفيش مسؤولية مفيش نكد ليا صحابي الي اخرج معاهم وكل حاجة كانت جميلة بعد الجواز مفيش غير مسؤولية وبيت وبيبي وعياط ونكد وخناق بجد ضغط ضغط

حاسس بالوحدة انا 29 سنة حاسس ان انا كبرت حاولت اخطب كذا مرة بس الموضوع كان بيبوظ في فترة التعارف قبل حتى م نلبس دبل مبحسش بانجذاب اوي غير لبنات معينة و دة مصعب الموضوع وخايف اخد بنت اظلمها معايا .. القبول مهم ف مش عايز اخد بنت مبقاش عارف اعبر عن مشاعري ليها او ابقى بقول اي كلام من غير م اكون حاسه للأسف بحاول اشتغل على قد م اقدر عشان طموحي عالي شوية ف مش لاحق اتعرف على بنت والصالونات اغلب البنات اللي اهلي اقترحوهم معجبونيش شكلا ف مبكملش هل في حد زي كدة ؟!! ولا انا لواحدي

خدت الاعفاء من الجيش النهاردة الحمدلله وحاسس ان في زحمة في دماغي عاوز اعمل حاجات كتيييير اوي اكمل المشروع اللي فاشخني ده واجيب المكنة اللي هشتغل بيها وتبقا بتاعتي واجهز شقتي واشوف شغل تاني احسن في خلال التلت شهور دول وعاوز اتجوز بقا عشان علي اخري من كل حاجه حاسس اني بقيت ضعيف قدام الفتن دي بالذات

تعبت من كتر الشغل والوحده والغربه وحاسس اني محتاج اتجوز في الغربه حد يشاركني الحياه بدل الوحده دي عاوز حلول عاوز اعرف ناس في الغربه عاوز اشوف بنت تكون مغتربه زي نتشارك الحياه ونتجوز بس

سلام عليكم اقسم بالله انا منزل البوست بنيه خير انا عندي 20 سنه مجتهد جداً طموحي الحمدلله ملوش سقف واثق باذن الله في ربنا اني هنجح نجاح كبير جدا وده مش بس بالنيه لا بالسعي المشكله اني مش عارف الاقي الشخص المناسب اللي تناسبني انا مدخلتش في السكه دي الحمدلله فعشان كده لما قررت ادخلها ادخلها صح انا اتعلمت كتير جدا من الحياه والمواقف وربنا يشهد بس مكلمين في السعي والله المستعان

اتعرفت على بنت اشتغلت عندنا في الشركة في فرع تاني عن طريق واحدة زميلتي البنت عجبتني للأمانة .. اتعرفت عليها وقعدنا شوية نتكلم كتعارف قبل الخطوبة كل دة بمعرفة اهلها واهلي المهم اول اسبوع او اتنين كانو اجمل اسبوعين حرفيا حب ودلع ورومانسية ..على قد م كنت مبسوط على قد م كنت قلقان .. احنا لسة منعرفش بعض اوي عشان اشوف منها كل الحب دة للأمانة شكيت في الموضوع حسيت ان في حاجة غلط .. انا اللي بادرت اه وقولت كلام حلو بس لاقيتها هي بتقول اكتر وبتوعد بحاجات اكبر وكلام رومانسي اكتر اتفقت انا وهي ان خلاص كدة احنا الاتنين مقتنعين ببعض ولازم اروح اتقدملها .. انا كل دة مش واخد بكل الكلام الحلو اللي هي بتقوله انا مستني اشوف الافعال اللي تبين حبها اللي مغرقاني فيه دة 😂 المهم بعد م اتقدمتلها بيوم او اتنين تقريبا فضلنا على نفس شهر العسل دة ويعني بنشوف هنستقر فين وهنكمل حياتنا ازاي .. اكتشفت عيب صعب جدا .. هي بتحب الكلام الحلو الكتير وبتفرض عليا اعمل دة ! .. انا شايف ان الكلام الحلو لو مطلعش مني بمزاجي استحالة يطلع غصب عني حاولت ابطء العملية شوية عشان حسيتها طالعة بينا ع الرابع .. اوقات كانت بتلمح لحاجات مش وقتها احنا لسة ملبسناش دبل .. محتاجة اللي يطمن عليها كل شوية ويكلمها ويقولها كلام حلو كل شوية معرفش دة ايه ولو معملتش دة تتعصب جدا وتعلي صوتها وممكن تجرح بالكلام .. للأمانة كنت حابب انها متعلقة بيا دة يبسط اي راجل .. بس الشئ لما بيزيد عن حده بيتقلب لضده المهم اتصلت بيها وقفلت الموضوع وكلمت والدتها وقولتلها هي كدة استحالة تستحملني ولا انا هستحملها .. ف قفلتها قفلة مش ظريفة بصراحة عشان كنت متنرفز جدا يومها فضلنا كدة فترة عملت بلوك من كل حاجة عشان افوق نفسي بسرعة واكمل .. بعد فترة كلمت زميلتي تسأل عليا عشان تكلمني تاني .. اتكلمنا وكنت مبسوط انها رجعت تكلمني بصراحة .. بس جوايا بردو بيقول ان لا دة مش هينفع في جواز .. المشاعر والحب مش كل حاجة احنا مش متفاهمين قفلت الموضوع لتاني مرة ولسة هي بتحاول تلمح بستوريهات او قات وحاجات مش مفهومة كدة بفكر اديها فرصة بس مش عارف دة صح ولا لا

عندي مشكلة أنو تربيت في عائلة سامة بالرغم من النجاحات اللي حققتها مزلت نشوف روحي فاشلة ومعنديش ثقة في نفسي بسبب تثبيطهم ليا .. وصلت بيهم فدرجة وقفولي في طريقي للزواج حاسة بكره كبير جهتهم

لو سمحتوا انا عايزه اخد رأيكم في حاجه دلوقتي انا عندي ٢٧ سنه اتخطبت مره و محصلش نصيب والكلام ده كان فتره و للاسف مفيش حد بيتقدم خالص بحكم أني تقريبا زيرو علاقات و من البيت للشغل و من الشغل للبيت انا عارفة أنه نصيب و رزق من عند ربنا بس فعلا الموضوع صعب جدا

السلام عليكم، أنا راجل متجوز جديد بقالى 3 شهور، ومراتي فيها كل الصفات الكويسة: متدينة، أخلاقها عالية، فيها حياء، وجميلة ومربية كويس جدًا. جوازنا كان صالونات، وأنا وقتها كنت مسافر ومكنتش مركز قوي في الشكل، خصوصًا إن المقابلات كانت قليلة جدًا بسبب طبيعة أهلها المتشىددة وعدم وجود كلام كتير أو تواصل زي أنظمة المدن. المشىكلة دلوقتي بعد الجواز إن طولها قصير حوالي 140 سم، وجسمها نحيف جدًا ووزنها حوالي 45 كيلو، وأنا طولي 177 سم، وده عامل عندي ضيق نفسي كبير ومخليني مش مرتاح في الجواز. بقيت حاسس بعدم تقبل للمظهر بالشكل ده، وبدأت أفكر بجد في الطلاق قبل ما يحصل حمل أو أي ارتباط أكتر، مع إن ده هيتم مع حفظ حقوقها كاملة. أنا مدرك إن ده خلق ربنا ومش ذنبها، لكن الإحساس بالرفىض والضيق مسيطر عليا ومأثر على حياتي، وبقيت حاسس إني عايش في الجواز بالعىافية. مش عارف أتصرف إزاي… هل أحاول أتأقىلم وأكمل؟ ولا الطىلاق ممكن يكون الحل؟ وجزاكم الله خير.

متلغبطه اوي يجمتعه لو بالصدفه عرفت حد.ع المديا وقالي انه معجب بيا وهيتقدملي انا رفضت لان قلتله لازم يتقدملي رسمي قالي ان اهله مسافرين ومش هيعرف يفاتحهم غير اما ينزلو هل قلقي طبيعي طول الوقت خايفه يكون كلام وخلاص ارجع احس انه جاد اقول يمكن خلال الفتره دي يزهق ويغير رايه او يحصل اي حاجه واتعلق بيه ع اافاضي هل قلقي مبرر مش عارفه صح ولا غلط بس هو شخص كويس اوي ومحترم

ازاي ممكن 'صدفة النصيب' تحصل للي حياتهم محصورة بين الشغل والبيت؟ لما تكون دايرة الأصدقاء محدودة والوقت كله ضايع في الشغل و المسؤوليات، إيه هي الحلول العملية عشان الواحد يقابل شريك حياة حقيقي ؟

في بنت قبل كدا مرت بتجربة انها حبت واتعلقت بحد وكانت مش شايفة غيره يكون زوجها بعد كدا اتخطت واتجوزت غيره عادي؟ ولا مش هتعرف تحب تاني انا بنت ااااااااااااااااااااااااااااااااااااااا

Distracting and lose my self مالحقش احجج ماما وبابا وانقلهم نقلة اعلى ماديا او مااعرفش اعمل كدا واثبت للكل اني وصلت مالحقش اتجوزها او اترفض لانها ماديا اغنى عيلة في بلدها وابقى مش قد وعودي معاها واشوفها مع حد تاني بعدين او حتى لو اتوافق عليا ماقدرش اعيشها في نفس المستوى ومش عايز احس اني اقل ابدا

كنت من فتره حكيت مشاكل حصلتلي ف حياتي ومن ضمنها إني كنت مرتبطه بشخص وللأسف خلاني اخسر أغلى حاجه عندي وكل إللي بيقوله عيشي حياتك لحد م نشوف حل وعمال يرتبط وعايش حياتهولا كأن فيه حد تاني حياته باظت دلوقتي أنا بيتقدملي عرسان وبرفض ف لو فكرت أوافق ف يوم اعمل ايه أنا مبحبش اخبي ف المفروض احكي وهو وقتها يكون ليه الحريه يوافق أو يرفض صح؟ معظم إللي بيتقدمولي معجبين بيا وشايفين إني شخص كويس ومحترم وحقيقي دي أكتر حاجه بتزعلني على نفسي إن الناس كلها تحلف ب أدبي أنا اروح اعمل كده مش قادره أسامح نفسي بجد

انا تعبت اوى كل حاجه حصلتلى كانت متعبه وخدت كل طاقتى مبقتش قادره اتعامل مع حد وبقيت مخنوقه دايما انا بحاول اصلح من نفسى واتعامل كويس مع الناس انا لما بشوف اتنين مخطوبين او متجوزين بيصعب على نفسى اوى

انا من اسماعيلية و شغلي في اسكندرية و للاسف معنديش اي فرصة اتعرف علي ناس جديدة عشان ارتبط و نتجوز و مش متاح جيران او بنات العيلتين انا محبط بجد و بدات اكره شغلي و في نفس الوقت لو سبت شغلي مش عارف هتعرف ع ناس ازاي انا مستوايا كويس جدا الحمدلله و موظف في جهة ماا... بس بائس بجد و زعلان ع وحدتي و الوقت اللي بيعدي دا ع الفاضي خلاني محسش باي نجاح او انجاز ف حياتي

احساس الفشل و الإحباط بيلاحقني مع اني و الله بحاول بس يمكن بستهبل أوقات لاني حاسس اني مبذلتش كل طاقتي ، بجد احساس وحش اوي ، ادعولي 🤍 ادعولي لاني كمان داخل على مشروع جواز و معملتش اي حاجه ولا عندي شغل مستقر حتى بجد بحس اني عايز اهرب و نفس الوقت اقول لا ربنا وعد بالرزق بالذات للي بيحاول يعف نفسه و يتجوز بجد أرهقت

انا رجل داخل 32 سنة لسة مالقتش بنت الحلال للاسف، دلوقتي بنزل برنامج اسمه مسلمة المفروض انه للبحث عن شريكة الحياة، هل دي خطوة صحيحة ولا هتكون لعب عيال، حد دخل علي البرنامج دة قبل كدة؟؟ انا اتبعت الطرق التقليدية للزواج عن طريق الصالونات وللاسف مش جاية معايا وللاسف ماليش اي علاقات مع الجنس الاخر سواء في الشغل او برة الشغل و كان ديما مقفول عليا زي ما بيقولوا فهل ممكن البرنامج دة يكون خطوة للامام؟

ازيكوا عاملين ايه انا بنت كبرت في السن و نفسي كنت اكون اسره و احس اني ممكن احب و اتحب و لكن محصل و انا ليا اخت نفس الموضوع ناس كتير اتكلمت معايا على اني اتعملي ليا و اختي عمل بكدا و اكدوا الموضوع و لكن احنا لسه زي ما احنا و بقى سننا 43 سنه و احنا نفسنا نحب و نتحب و نكون اسره بجد و ناس كتير كانت تهجمنا على ان احنا سبب في الموضوع و ناس تانيه تقول اكيد ناس كانت بتتقدم و احنا اللي بنرفص و لكن بجد مفيش و ناس بتهاجم بدون سبب هو احنا الغلط من عندنا مش قدرين يفهموا ان الموضوع بعيد عننا

حاسه اني بقيت حكيمة اكتر من الاول عايزك اتعلم و اكون ناضجة حاله اني اختلط بالناس المبيرة و اتعلم منهم حابه افهم ايه هى الحكمة نفسي اوي اكبر و اعدي العشرين نفسي اجرب احساس العشرين ده الحقيقة انا حبيت الحياة لما فهمتها اكنها لعبة صعبة اوي ولازم نتحملها و بصراحة انا شايفة ان دماغي بافكر تفكير مختلف و دماغي مش بتبطل تفكير عموما هى على طول شغالة عارفين انا نفسي الاقي ولد شبهي هو اه التعامل حرام و اكيد اقصد لما اتجوز يعني بس مش عايزة الي اتجوزة دع يحسسني اني طفلة و مش عارف ابه بعيدا عن الجزء ده انا عايزة حد انا وهو نفكر في حاجه سوا نغامر بدناغنا سوا يبقى انا ليا تفكيري و هو ليه تفكيره بس نكون احنا الاثنين في حاجه بنفكر فيها سوا نكمل بعض نكون مسؤلين عن مش عليزة واحد عايز يتجوز عايزة واحد عايز يتجوزني لانه شايف انه لو اتجوزتي هو هيقدر يحقق الي عاوزة بدماغي انا نفسي حد يستكشف دماغي الحقيقة النت و الموبايلات و التسلط الي بقى على البنت ده منعها انها تعيش حياتها مرتاحة و بقت خطواتها محسوبة اكتر من الاول و طول عمري شايفة انه عشتي فالمدينة منعتني من حاجات كتيرة اطفال بلدي الي من قرية عاشوها نفسي اجري و العب و امشي تحت الشمس ( طبعا يكون الجو حلو ) وسط الزرع و الجنينة نفسي اعمل كده رغم اني كلها ثلاث سنين و هجيب العشرين بس نفسي اجرب الاحساس ده عمري ما جربته و طول عمري بكره الصور شايفة ان انشغالي باخذ صور ملهاش لازمة و واخذة مساحة على الموبايل ده بيقتل المتعة بحب جدا احتفظ بالمنظر في دماغي مش فالموبايل بحب جدا اني اعيش كل لحظة بمتعتها مش بكاميرت الموبايل

قال البحتري: صنت نفسي عما يُدنّس نفسي وتَرَفَعتُ عَن جِدالِ كُلِّ جَبْسٍ. " وهنا تتجلى قيمة النضج النفسي حين يختار الإنسان أن يحمي ذاته من الإنزلاق في ما لا يليق بها، فكلما ابتعدت عن التدخل في ما لا يعنيك، وامتنعت عن مجاراة من لا يملكون أدب الحوار، ورفضت النزول عن مبادئك الأخلاقية فأنتَ تُمارس أعلى درجات إحترام الذات ". جمعا انا عايز اتجوز

القهوة اللي كانت بتكلمني عن حقوق وواجبات الزوج والزوجة الشات قفل لوحده عشان سأ.لت عنك حاولي تاني . اوك ، اللي في تالتة ثانوي ماشي السلام عليكم ورحمة الله وبركاته انا كنت سعيد بالحوار ،.شكرا

هوا بجد مجرد منتجوز كل المشاكل بتتحل يعني مش هنبقي وحشين تاني طب لما هوا الجواز حل لكل حاجة كدا ليه مصعبينو اوي كدا ده بجد جيل كامل ادمر ياعم انا عمري مدورت ع شكل بس بيطلب حجات صعبة اوي انا نفسي اتجوز عشان ابطل الغلط

ازاي بتقدروا تقنعوا نفسكم بخطوة الارتباط والجواز محتاج اسمع اسباب واضحة من الناس لاني عندي مقاومة كبيرة للخطوة دي وحاسس ان سلبياتها تقريبا اكتر من الايجابيات بالنسبالي فعندي فضول اشوف اجابات .

أنا حاطه أساسيات للشخص اللى هيكون زوجى مستقبلا قائمة على الدين والشخصية ......، المشكلة إن كل ما يتقدم شخص ملاقيش فيه اللي عايزاه وأهلى بيضغطونى لو الشخص عجبهم وبحس إني غلط، فالمفروض أعمل ايه

انا حسه اني تايهة جدا انا بنت في نهايه ال 29 ومقرب ال30 حسه ان الدنيا ضحكت عليا بقالي سنين مش بعمل حاجه غير ان اشتغل لا اهل ولا اخوات ولا اصدقاء ولا زوج حسه اني بين نارين المستقبل اللي ملهوش ملامح وانهم اقنعونا ان لازم نشتغل عشان نحقق نفسنا ولا اننا نقعد ف البيت الواحد خايف يسيب شغله عشان يتجوز ف يبتلي بحد مريض يضيعله باقي سنينه وخايف يخافظ ع شغله ق جوازه يبوظ احنا في دايره مش بتخلص نعمل اي؟!

عندي شعور اني لازم اتجوز واعدد، غالبا لاني عايز احس اني مرغوب وليا قيمة، لان احساسي اني مش متقدر في المجتمع وخصوصا من الطرف الاخر، زي فكرة الشاب اللي بيصاحب بنات كتير عشان يحس انه مرغوب ايه يا ترى ممكم يعوض الموضوع دا ،، عشان لو هعدد يكون عادي بدون دوافع غلط

عندي شعور دائما اني مش محظوظ اني طلعت دكتور وهادي ومحترم ومؤدب ومليش في العلاقات! كان الاحسن اعرف بنات كتير عشان منخدعش لما اتجوزت ،، ودكتور مفتري عشان محدش يستغلني ويحترموني! شعور بالظلم يحولني من حمل لذئب؟؟

انا مهندس 32 سنة لسه متجوزتش مش عايز اتجوز جوزا تقليدي عادي ال هوا اتنين يتجوزو ويخلفو علشان كل الناس بتعمل كدا،،، عايز واحده نكون اصحاب رايقين ونخرج ونسافر ونخلف او منخلفش عادي ونكون اصحاب كدة

يا ولاد متقدملي عريس صالونات مهذب ومتربي وميسور الحال وخاتم القران،اتعرفنا ١٠ ايام شات وفون،قالي انه منفصل بعد عقد ومش حابب يحكي تفاصيل غير اما نتقابل قابلته بعد استخاره،حكالي انه عنده طفل ومراته علي ذمته ورقيا وانه من اسره مرت بمشاكل مع الحكومه بسبب السياسه طبعا انا اتخضيت جدا انه مقالش كل الكلام ده بس يعني ما احنا بردوا نعتبر ف الاول محتاره ومش عارفه اعمل ايه ما بين كونه حد محترم جدا ومابين ظروفه العجيبه دي مع العلم انه معندوش مشكله يطلق رسمي بكره الصبح عادي وانا واللله ماليا علاقه بالامر اصلا

انا متجوزة من ٣ سنين لسه معنديش اطفال عندى ٢٧ سنة وحاسة ان حياتى فاضية جدا حتى علاقتى بجوزى بقيت بحس بملل من ناحيته وناحيتى عايزة اشتغل او اعمل اى حاجة تغير حياتى ف حاجة كمان انا كل ماابدا فى حاجة مش بعرف اكملها يعنى مثلا نزلت دار لحفظ القرآن وكنت مبسوطة جدا وبدات احفظ فجاة مش قادرة اروح ودايما فى كسل رهيب حتى الصلاة للاسف ساعات مش بصليها

خطيبي مهندس وشغله مش مستقر كان شغال بعقد لمدة سنتين واخر سنه مجددوش العقد بتاعه وبعدها دور علي شغل تاني والحمدلله مقعدش اصلا وربنا رزقه بس من غير عقد علي مشروع معين وعدوه بالعقد وواضح انهم بيثبتوهم بس لحد المشروع مايخلص المشكله مابيننا انه عايز يحدد معاد للزواج وانا قلتله لا مش حيتحدد او حنتجوز الا لما يكون فيه عقد ثابت وخصوصا اننا حندخل في ايجار وانا خايفه من الوضع ميكونش مستقر بعد الزواج وهوا بيقولي مفيش حاجه مضمونه وحتي لو اشتغلت بعقد سنه برضو مش ضمان واني اغلب الاشغال دلوقتي للمقاولات بتكون بدون عقود وقالي اسألي لو عايزه وقالي موعدكيش اني حتي لو دورت حلاقي شغل بعقد ..بس انا الوضع ده قالقني وخصوصا اني مفيش حاجه مستقره كده بجوازتنا لا شقه تمليك ولا حتي شغل ثابت وهوا شايفني بعقد الامور وخصوصا انه بيعمل اللي يقدر عليه انا شايفه ده ومش بيقصر بس انا خايفه من عدم الاستقرار ده ومحتاره اتجوز ع الوضع ده ولا اصمم علي انه يدور علي عقد

السلام عليكم انا ف طب سنه رابعه ف حد من الدفعه اتقدملى من محافظه تانيه( ريف )وانا ف (مدينه )هو محترم خالص وخلوق وشبهى وطموح وعارفنى من تانيه ومعجب بيا (مع انى منتقبه ) وبلغنى من سنه انه عايز يخطبنى الفكره ان لما جه رؤيه شرعيه الامور تمام وبدا يعبرلى عن مشاعره بجد وجه تانى بس والدى ووالده اتفقوا سريعا كده ف التلفون وحقيقى والده قال اتفاق مينفعش بجد ولا تناسب ولا دكتور ولا دكتوره وعذر والده ان هو واخوه التؤام بيعملهم سوا قولت لاهلى شوفوا المناسب واتناقشوا فيه ف اتصلوا لغوا الموضوغ من غير نقاش حتى زعلت عليه جدا واتواصل معايا تانى فهمته ان المشكله مش فيه المشكله ف الاتفاق (لان احنا داخلين على امتحان وهو بجد مشاعره غالباه ) المهم انهارده هو كلم والده انه فتره كده وهيشتغل ويجى تانى وابوه متعنت وزعق معاه وقالوا اللى رافضونا لاء ومش هساعدك ف حاجه ومتتكلمش معاها تانى انا احترمت عدم الكلام فعلا لان مفيش شئ بينا وتفهمت الفكره بس انا لو تزوجت هتزوج كمان ف بيت عيله وريف (ممكن بعد كده نقعد ف مكان شغلنا )وانا طول حياتى مرفهه صراحه _هل الموضوع ممكن يمشى ولا صعب كمان لان والده هو اللى متحكم ماديا دلوقت لانه عقبال م يدخل فلوس فيها كام سنه _ ولو دخل كلمنى ارد اقول اى _وهل لو مشى هعرف اتاقلم على الحياه عندهم ولو ممشاش هقابله ف الكليه بجد ازاى لان انا بخاف من المواجهه مع ان معملتش حاجه غلط حاسه ان شايله هم مشاعره دى 🫠

انا بكتب ليكو الرسالة دي قبل ما انام انا بحب واحدة اوي اوي و انا هي مستحيل نكون لبعض و كنا سيبنا بعض فترة و رجعنا تاني هي بتحبني كمان لكن عمرنا ما نكون لبعض مش عارف لا انساها و لا استغنا عنها و لما كنا بعاد عن بعد كنت بتعزب دلوقتي بقا يجيلي ضيق تنفس كل ما اقعد لوحدي بقيت مبسوط و خايف حاسس اني مستهلش اتحب زي الناس حاسس اني مش هتجوز و لا افتح بيت حاسس اني مليش نصيب في حاجة ولا في حد انا تعبااااان اوي

عندي مشكلة ما و هي ان خطيبتي بتتنرفز و تتخانق علي حاجات بسيطة جدا غالبا دا Anger Issues بس الحوار ضاغطني جامد حرفيا كل يوم خناقة لاسباب بتكون بسيطة جدا و طاقتي بتستنذف حرفيا كل خناقة و مش. بيكون عندي طاقة خصوصا اني شغال بدل الشغل اتنين عشان نتجوز في وقت اقرب ف طاقتي اصلا خلصانة مع العلم اننا بنخرج و بنتكلم كتير يعني مش محسسها بعدم اهتمام او تجاهل و بديها وقتها و اولويتها عن كل الناس بس ممكن اغلط غلطات بسيطة بس بسبب الغلطات دي بتحسسني اني عملت مصيبة و انها اتسرعت و اننا لازم نفكر و كلام يقفل رغم اللي الواحد فيه لازم احتوي و اهتم و مسيبهاش للزعل بس بجد الطاقة بتخلص و مأثرة علي مهامي اليومية *و محدش يقولي سيبها عشان انا بحبها *

للأسف اتجوزت في مكان بعيد عن مامتي بعيد عن اللي اتولدت فيه .. موش بحس ان اللي انا فيه دا مكاني ولا يشبهلي ولا الناس دول ناسي ولا حد فيهم شبهي حاسه حاسه طول الوقت وفي مكان غريب ..، هروح امتي ؟! موش عارفه .. انا فاقده نفسي بقالي كتير اوي ..

حاسه اني عايزه اتكلم الحمدلله اني ماحدش يعرفني لانهم كل مااتكلم مع حد ف حاجه دي بيقول انتي انانيه مش بتحبي غير نفسك غيوره وكلام كتيرررر اووي انا البنت اللي هي الصغيره يعتبر قبل الاخير معايا اختي ا،لكبيره دي امي بتحبعا جدا جدا لما قبل ماتتجوز كنت بقول يمكن كل الاهتمام ده علشان عايزه تجوزها ةتفرح بيها ولما تطلع هتهتم بيا انا لكن بعد. ماتجوزت اهتمامها زاد اكتر كل تفكيرها بقي معاها بتدعيله بتعملها كل حاجه حرفيا بتكلمها ف كل ثانيه لو ملردتش ف ثانبه دي تقلق انا بحب اختي والله مش بغير منها بالعكس والله يمكن بدعيلها اكتر مني كل شويه بقى تقولي ادعي لاختك لو مدعتيش منك لله مش مسمحاكي الكلام ده كله وانا والله بدعبلها اكتر مني انا وربي يعلم كذلك بقا مع اخويا الكبير برضو ده بيجي عليا جااامد جامد خانقني ف حياتي من كل حاجه عيزاني اعملها لي برغم انو اسلوب حقير ومتحكم جدا جدا من الناس اللي تخنق اووووي لكن لازم اقول لو قولت لا وادايقه تكرهني وتدعي عليا وحوار بقيت اكره اةووووووي البيت بتخنق منه بقيت عايه اقعد لوحدي دايما مش عايزه حد معايا ابدا الحمدلله بابا بيحبيني بس دايما تيجي عليا قدامه لغايت مايدايق مع اني والله بدافع عن نفسي مش اني مش متربيه وبجحه مش اللي هو بكره ليهم الخير ابدا والله بس انا عندي طاقه وطاقتي بتخلص من حركاته اخواتي الباقين الحمدلله مش نفسه ده كده بقيت اخاف من كل الولاد وف نفس الوقت انا نفسي اوووي اووووي اني اتخطب واطلع من البيت ده من تحكمهم عليا من كلامهم انا من كتر مانا متشابه اني وحشه مش بتكلم وبقيت وحيده كده علطول ف الاوضه لوحدى اعصابي بتقف ايدي شعر بيقع طلعلي الثعلبه دي ف شعري دي للمره التانيه ف السنه التانيه نفسيتي مدمره تعبت اوووووي اوووووي مع العلم انا 21 سنه بقيت اتمني اني اتجوز وابعد نفسي اووووووي اووووي مش عارفه اتكلم مع حد نهائي لما تيتا كانت عايشه كانت تقولها خفي عن البنت لكن دلوقتي تيتا توفت ليها 6 لما انهار من العياط قدامها انا بعمل كده طيب انا مش هعمل حاجه تاني وترجع زي الاول اخويا ده مش عايزه تعصبه او تزعله ابدا ابدا ادعولي ادعولي. بجد محتاجه والله