يا جماعة انا طالبه في ثانويه، وبكتب البوست دة وانا حقيقي حاسه اني مدمره وتعبانه ومضغوطه فوق ما اي حد يتخيل انا بمر بحاله تجمد ذهني تامه (وهن عقل/أثينيا) او مش عارفه إيه التشخيص بالظبط.. بس المشكله الحقيقية اني مش عارفه اذاكر خالص عايزه اوضح حاجه مهمه دة مش كسل انا بكون من جوايا عندي رغبه حقيقيه ومستعده اني اذاكر، ولما ببدا وبحاول اعمل كده مش بعرف، وحتى لما ببدأ خطوه خطوه واحده واحده بردوا بلاقي نفسي مش قادره وعقلي واقف تماما انا حاولت بكل الطرق ومفيش فايده ونفسيتي تعبت جدا من كثره التعب والضغط انا بقيت بشك ف كل حاجه مش عارفه ايه اللي فيا بالظبط لدرجه اني بقيت بسال نفسي هل الموضوع دة ممكن يكون حاجه روحانيه يعني حسد مثلا او سحر او ضغط محتاج علاج روحاني وتقرب بطريقه معينه ولا دة ايه انا بجد تايهه ومش عارفه اعمل حاجه * بلاش حد يكتبلي روحي لطبيب نفسي .. مع كامل احترامي وتقديري لكل الدكاتره بس الاقتراح دة بيمثلي ضغط عصبي ومادي كبير جدا الوقت ضيق والامتحانات قربت والوقت عند الدكتور بتكون محدده بالدقائق وبمبالغ مش سهله دة غير اني مش هعرف اخد راحتي في الكلام بسبب كدة وكمان مش اي طبيب بيكون شاطر وبيفهم الحاله صح انا محتاجه منكم كلام واقعي وعملي جدا حد مر بنفس التجربه دي وقدر يكسر العجز والتجمد دة ف الوقت الضيق ولا لا و ازاي ارجع استوعب واذاكر وانا طاقتي منتهيه كدة بليز متتجاهلوش البوست ومحتاجه ردودكم.ومشاركه رايكم جميعا
حاولى تبدلى
حاولي تقسمي مذاكره علي اجزاء بسيطه و كل جزء تخلصه ريح نفسك شويه و ارجع كمل
وكدا كدا مفيش حاجة بتيجي بمزاجنا الدنيا محتاجة مقاومة ومعافرة ف أي حاجة شغل دراسة عبادة...مينفعش نعتمد على رغبتنا بس ف حاولس وربنا معاكي يا تفاحة
حل تاني للمذاكرة اعملي حاجة بتحبيها ذاكؤي جزء بالطريقة اللي فوق اعملي حاجة بتحبيها تاني وهكذا
بالنسبة للتجمد دا حاولي تلعبي حاجات مسلسة فيها ذكاء شوية شطرنج لو بتعرفي دومنة لودو ألعاب كراش وكلام من دا هتنشط دماغك شوية حاجات فيها تفكير ولو بسيط مش بهزر الحاجات دي بتنشط الدماغ بالنسبة للمذاكرة فيه طرؤقة بحبها وبتنفع معايا وهي أشغل الفيديو يوتويب وأنا نايم عالسرير وأركز بيقول ايه بس حرفيا بتاخدي داتا المذاكرة بالمعلقة وأظن الحوار دا ف ثانوي موجود ف كل المواد هنبقا ف حتة التشتت وإنك مسقادرة تبدأي أو تقعدي قدام فيديو بتركيز ودي تعالي على نفسك وحاولي شوية وهتيجي عادي
لا متخافيش حوار التجمد دا وبتاع انا عمري ف حياتي مخفت من امتحان بس جيت اول امتحان ف الثانويه اول يوم خفت بس اتعاملت وهديت وقلت طبيعي مهي مش اي سنه برضه والحمدلله عدت على خير و. ف بشري حاليا متخافيش كله خير ان شاء الله وربنا يكرمك بالل تتمنيه والل ليه الخير ان شاء الله
دا بيحصل من التوتر وكان بيحصلي زمان وانا ثانوية عامة ممكن تبقي شاطرة والتوتر وقله النوم ميخلوكيش عارفة تركزي ولا تجمعي الحل هدي اعصابك وحطي في دماغك المذاكرة زي لعبة تبقي متحمسة وانتي بتوصلي فيها لحاجة من غير ضغط وحطي في دماغك انك تقدري تحققي اللى انتي عايزاه بس بالتركيز وهدوء الاعصاب
ولا الهوى كنت زيك ودا دليل انك ماشية صح وابشرك بالمجموع العالى ان شاء الله دي بس تهيات جسمك بيعملها عشان تخفي الحمل عليه شويه لكن شدي دي فترة امتحانات وهتريحي بعدها ربنا معاكي يارب
عاوزة نصايح مذاكرة طيب ولا محتاجة حل لايه فيهم؟