منذ 20 أياميشعر بـ يشعر بالملل
انا مش عارفه اعمل ايه انا لا بقيت بزعل ولا بفرح لاي حدث بيحصل في حياتي جوايا فراغ رهيب معنديش شغف لحاجه نهائي كل حاجه بالنسبالي عادي جدا لا بفرح ولا بزعل واقفه في النص حتي خطوبتي المفروض بعد شهر هي صالونات انا مش حاسه اني مبسوطه انا اه مكنتش موافقه عليه في الاول بسبب شكله لان انا شخصيه بركز علي الشكل بس حاولت اتقبل لان هو مفيهوش عيوب نهائي غير الشكل كل الناس فرحانه ما عدا انا حاسه اني مليش علاقه بالموضوع حاسه اني بتفرج وخلاص حد فاهمني ؟
روحي لثيرابيست احسن انا عملت كده وكنت بشتكي نفس الشكوي اني بقيت كل حاجه بالنسبالي صباح الفل الي هو حصل حاجه حلوه صباح الفل حصل حاجه وحشه صباح الفل والحمد لله طلع عندي اكتئاب مش شرط خالص يكون عندك اكتئاب عشان موتركيش او متفهميش كلامي غلط بس الكلام نفسه مع دكتور نفسي بيكون مريح بيسالك اساله وبيخليكي تجيبي مشاعرك كلها
طب جربتي تقربي منه يعني فكرتي تديله فرصه لو اه فكرت و فشلت خلاص قولي ليه ماينفعش جوزه تقوم من طرف واحد و من رأيي متستعجليش اوي علي فكره انك تسبيه و شكل صدقيني مش مهم نهائي في راجل
فاهمك لو مش عارفه تتقبليه مش هتعرفي تتقبليه مع الوقت وهتظلميه وتظلمي نفسك