ارجوكم ساعدوني انا واقع في مشكلة كبيرة جداً جداً جداً و مش عارف اختار انا اتعرفت على بنت محترمة جداً من تطبيق للجواز و اعجبنا ببعض اوي و عشان منبقاش بنعمل حاجة غلط قولتلها بعد ٣ ايام تعارف نعرف اهلنا...و حصل بالفعل...و بعدها بيومين من اننا عرفنا اهلنا كلمت باباها و خدت معاه معاد اجيلهم البيت عشان اشوفها....في الفترة دي كنا بنتكلم و طايرين مع بعض و الكلام مريح مريح مريح و هي شخصية جميلة و محترمة و طيبة اوي و اتعلقنا ببعض جدا...في ظرف ٣ اسابيع بس...كان فيه عيب واحد بس في الموضوع... هي و باباها قالولي انهم ساكنين في منطقة شعبية و انا قولت لنفسي تمام مش قضية انا مش معترض عادي (انا ساكن في التجمع)....بعد ٣ اسابيع روحت في المعاد اللي اتفقت عليه مع أهلها...اخدت ساعة و نص في الطريق و وصلت بيتهم بس اتفاجئت ان البيت ابسط بكتير و اضيق من ما كنت اتوقع.....انا عشت قبل كده في فيصل و في الهرم في شقق صغيرة و قديمة جداً بس مكنتش للدرجة دي...اهلها ناس محترمين استقبلوني كويس بس من كتر ما البيت ضيق اخوها بس قعد جنبي و هما كلهم جابوا كراسي و قعدوا قصادي عشان مفيش مكان على الكنبة الوحيدة في البيت 💔....محسستش الناس بأي حاجة و قولتلهم اني اتبسطت و سعدت برؤيتهم و هما فعلاً ناس محترمين بس نزلت من البيت و من ساعتها دماغي مش بتبطل تفكير.....من ناحية هما ناس محترمين و كويسين...بس من ناحية تانية الفرق اجتماعيا كبير اوي اوي بينا (على فكرة دي ارزاق انا عارف و ممكن بكرة الصبح ميبقاش معايا جنيه اكل بيه رغيف عيش انا مش بتكبر انا مجرد عبد لله).... يعني مثلا لو روحت اتقدم حرفيا بابا و ماما و اخواتي الاتنين و انا مش هنعرف نخش كلنا شقتهم 💔💔💔💔....لو خلفنا بعد كده الأحفاد هيبقى فيه بيت في التجمع و فيه بيت في مسطرد....فرق صعب اوي....و كذلك الاهل فرق صعب ثقافياً عكس بنتهم انا هتجنن مش عارف اعمل ايه حد يساعدني ابوس ايديكم