السلام عليكم دلوقتي انا مخطوبه بقالي سنه الشقه هتكون مع والدته في نفس العماره واخوه عنده شقه بس مطلق و عنده طفل مامته اللي مسئوله عنه بتوديه المدرسه و التمرين و هكذا في نفس العماره مش بيت عيله في الاتفاق اتفقنا علي خصوصيه و ان ماحدش ليه دعوه بالتاني جيه من فتره بيقولي ان مامته لما بتكون تعبانه مابتعملهش اكل لمده و ماينفعش نكون احنا في نفس العماره و مانطلعش نعمل اكل قلتله هعمل في البيتي ونطلع و كان عايز يقعدني معاها طول اليوم في العادي و انا رفضت عشان ده عكس الاتفاق مامته كانت تعبانه وعندها استشاره في نفس المستشفى اللي بعمل فيها علاج طبيعي قالي احجزلها عشان هو هيكون في الشغل وافقت قلتله ابعت صوره الروشته قالي خديها من ماما عشان هتنزل تجيب ابن اخوه من المدرسه المستشفى قريبه من بيوتنا احنا الاتنين قلتله ابعت الصوره انا ادايقت لما عرفت انها نازله بس حجزتلها باباه موجود بس ماردتش ادخل في حياتهم يومها اتصل علي العصر قالي عملتي ايه قلتله حجزت و قالي انه احازه و جاي يحجز لمامته و اطمن عليا و انا بصراحه كنت حاسه ان فيه حاجه غريبه مش مريحاني ف كنت ساكته لما جيه قعد يسألني مالك كتير و لما عرف ان ماما جايه قالي عايزاني معاكي قلتله براحتك ف مشي و ماستناش ماما و بعدها قالي ان سابنا براحتنا عشان خصوصيتنا وكده وقالي انتي لو ماكنتوش نازله ماكنتش قلتلك بقالي فتره مش مرتاحه لوجود اهله معانا كنت الاول عادي بس بقت بتظهر حجات مش مريحاني هو انسان كويس بس فكره ان الشقه مع اهله مش مريحاني مؤخرا و محتاره