انا حصل معايا أكتر شيئ عبثي في الدنيا النهاردا بقرله كنوع من التفريغ مش أكتر انا كنت بروح لمدرس فرنساوي كان معجب بيا جدا كان وقتها شاب ٢٨ او ٢٧ مثلا وكان باين عليه اسلوبه مختلف معايا بيتعامل مع باقي البنات بنفس العشم اللي هما بيتعاملو بيه بس عشان انا بحط حدود كان بيعمل ليا حساب دايما اقفشه مركز معايا زيادة عن اللزوم وهو وقتها كان متجوز🙂 المهم المعلم كان دايما يبعتلي بعد الامتحانات عملتي ايه طمنيني ولما النتيجه تطلع يبعت في ساعتها ويحاول يهزرمعايا في الشات ويحول الهزار لدلع ونا بصراحة عمري ما كلمت شاب ولا فتحت باب ارتباط وكلام فارغ فا مكنتش بجاريه وفي الاجازه يقولي ما بتسأليش يعني هو انا موحشتكوش على فكرة وحشتني رؤيتك وكلام من هذا القبيل هو عرف من إحدى زملاتي ان انا والدي ووالدتي منفصلين ونا عايشه مع والدي واخواتي وقايمه بدور الام كامل لوحدي في البيت ولما طلق قالي هو خاول يفتح موضوع طلاق اهلي عشان يعرف يقولي انه طلق هو كمان فا سكتت من الاحراج قولتله اه المهم اختصارا يعني بعتلي النهاردا بعد اول سنه جامعه دخلتي كليه ايه وكلام زي كدا وسألني بقولك هو انتي عندك قبول للزواج دلوقتي ولا لسه شوية عليكي فأنا بتكلم في المطلق طلاما مجاش دغزي يبقى اقول رأيي بصراحة انا بتكلم في العموم مش بلمح بحاجة قولتله عادي يعني انا لو جتلي فرصه مع شخص كويس تمام قام قاللي انا عايز اتجوزك انا معرفتش ارد وعملت ريأكت بيضحك عمل ريبلاي عالجمله تاني وقالي هتقوليلي ميسيو ولا جوزي بهزار وكدا انا اتصدمت وحسيته متصابي قولتله مش عارفه ارد عليك اقولك ايه بصراحه فأنا عشان انتقبت من تالته ثانوي قاللي خلي بالك اتا النقاب عندي رقم واحد والادب قولتله اه قالي كلمي والدك عشان لو كدا يتقدم قمت قولتله مسيو بصراحه انا كنت فاكرة كلام حضرتك هزار شويه بس أنا شايفاك المدرس بتاعي ومش عارفه اشوفك غير كدا أنا اسفه يا مسيو معرفتش اوضحلك عشان مكنتش متوقعه ان كلامك جد. انا حاسه بالذنب اني مكنتش بديله عل دماغه من الأول وكسوفي من الرد كان بيفكره ان انا كدا بموت فيه ونا شايفاه راجل تلاتيني الدنيا جت عليه وبعدين ازاي ابقى بنت ١٩ سنه اتجوز واحد مطلق وعنده طفل سنتين هل دا يعقل يعني ؟