محتاج أمان ثم أمان ثم أمان ثم أمان ، ان علاقتك بيها لا تعني شئ بعلاقتك بيه وانه مفيش حاجة فى الدنيا ممكن تهدد علاقتك بيه و مستحيل تكرهه او تتخلى عنه و ان اول ما يحتاجك هيلاقيك حتى لو على اتفه سبب ، و ان مفيش حاجة فى الدنيا ممكن تخليك تتخلى عنه او تبعد عنه حتى لو عمل ايه ، انك دايما هتكون سنده حتى لو ضاع و تاه و عمل بلاوي حتى لو زعل منك ، انك دايما موجود ، متخليهوش خايف يلجألك او حاسس انه علاقتك بيه على روح تلج لازم يقدم لك تضحيات عشان تفضل موجود و لا زم يثبت انه بيحبك ولا انت هتتخلى عنه ، متخليش علاقتك بيه سهل اوي تتكسر ، و عرفه انه مكنش السبب ولا عمره هيكون السبب متتكلمش عنها بسوء قدامه ،فهموا انه الانفصال فى الشرع و عادي ومش شئ مرعب ومش معناها هيتحرم من حد منكم ، خليك جنبه ارجوك ، اتلكك انك تبقى فى حياته ، اوجد اسباب تجمعكم لانه هيخاف ويقفل على نفسه و اصبر عليه ، لان جرح و رعب الانفصال بشع

خيرها في غيرها بقي

اهم حاجه متتكلمش عنها بالطريقة دي عارفه أن اكيد اللي شوفته هو اللي وصلك لكده بس مهما تكون هي كانت عرضك ومازالت ام ابنك ف برضو تخصك وربنا يحفظلك ابنك ويكون سندك بعد ربنا هو محتاجك تتعامل كأي اب طبيعي حتي لو مش في نفس البيت بس لازم يحس بوجودك واهتمامك بيه في اقل التفاصيل وياريت ده يحصل بالتراضي وحاول تخلي الخلافات علي جنب وتحاول تسيطر على هدوءك عشان محدش هيتأذي غير ابنك

محتاج تراعي ربنا فيه ومتحسسهوش انك مش موجود خليك ليه سند وضهر عشان تفضل في عينه كبير وميحسش انه ناقصه حاجه