أنا بدأت اكتشف اني تقريبا شخصية بوردرلاين اتعرضت لحاجات كتير اوي وحشه من طليقي ومع ذلك كنت ببررله ومكمله عادي أنا كتبت قبل كدا وقولت ان زوجي كان بيتكلم عني اسوء كلام من ورايا وانا حتي بعد ما عرفت مواجهتوش ولا فكرت انفصل أنا اتكلمت معاه انه يتغير وشبه عرفته اني عرفت حاجه من اللي هو بيقوله بس مقولتش بشكل مباشر من اول يوم وهو بيحلف بالطلاق عادي ويهددني لو كذا حصل هتكوني طالق وانا كنت بترعب من فكره الطلاق وكنت ماشيه وراه والله زي اللي معميه اقفشه بيكلم واحده كان يعرفها قبلي بعد 3 شهور جواز انهرت وكنت بصرخ واعيط عياط هستيري وأما قعد يعتذر ويتأسف صدقته وعديت عرفت تاني بعدها بأقل من شهر أنه بيكلمها تاني ومخدتش اي رد فعل عرفت تالت وشوفت شات يقلب الدنيا عليه وعليها عشان بالمناسبه هي ساكنه ف نفس العماره وبعد انهيااااري قعد يعتذر ويتأسف ويعيط وانا زي العبيطه صدقته والشات اللي كان يوديهم ف ستين داهيه هما الاتنين أنا اللي مسحته بإيدي عشان كنت فاكره أن مفيش بني ادم سوي حافظ كتاب ربنا يحلف عليه كذب والموقف عدا زيه زي غيره واكتشف رابع ومسدجات تتبعتلي بالغلط ويحلف أنه مش بيكلم حد وخامس يبعتلي لينك وصفه اكل افتحه يظهرلي اسمها هي اللي بعتاله اللينك ويحلف أن دا محصلش وأنه كان بيسكرول والوصفه عجبته ف بعتهالي وغيرها كتييييير وانا مش عارفه كنت ليه بسكت بعد كل داااا اطلع أنا اللي كنت بخون بعد كل القرف اللي استحملته دا عشان مهدش البيت يروح يخوض ف عرضي وانا مراته