مخطوبة لواحد محترم وكويس ومشوفتش منه حاجة وحشة من يوم ما اتخطبنا وراجل وعارف الصح من الغلط وأصحابه نفس الكلام محترمين بس فى واحد بس معاهم من صحابه مش كويس خالص وبيجرب يشرب حاجات مش كويسة وعنده الحاجات دى عادى جدا وخطيبى وصحابه بيحبوه وبيقولى هو غلبان وطيب بس دماغه طايشة وياما نصحناه وهو مش بيسمع الكلام واحنا مش معاه فى اى سكه من سككه دى خالص فأنا قولتله ماشى بس خلى بالك وخلاص امبارح لاقيت خطيبى اتصل بيا وانا كنت برة مع صحابى خارجة.. قاللى انتى فين قولتله المكان اللى انا فيه قاللى انا هجيلك نتمشى شوية بالعربية عشان مخنوق وعايز اتكلم قولتله اوكى مستنياك فجالى وركبت العربية ومشينا وبعد كدة وقفنا ف شارع كدة هادى بس مش اوى يعنى قاللى هنقف هنا شوية فقولتله مالك وشك مش عاجبنى وعينك غريبة قاللى انا مخنوق وقعد يحكيلى على كذة حاجة ويسرح شوية وانا كل شوية اقوله انت مش فايق وفيك حاجة غريبة انت مش طبيعى قاللى انا عايزك وبيشدنى انا اتخضيت وقعدت اضرب فيه من كتر الخضة وهو ساببنى فجأة وحط أيده على وشه وفضل كدة فترة وانا قعدت اقوله انت شارب حاجة صح لاقيته بيقولى اه قولتله ليه وقعدت أعيط عياط هيستيرى قالى والله ماكنت اعرف انا عايز افوق مش عارف اتاريه الواد صاحبه اداله حاجة يشربها وقاله مبتعملش حاجة ياعم ولا بتخلى الواحد يسكر ولا حاجة وتفاريح هو شربها ومن ساعتها وهو مش مظبوط خالص انا اتجننت قولتله انا عايزة اروح وهو عمال يتاسفلى وانا قولتله متتكلمش معاية وهو كان قافل الباب بتاع العربية وانا عمالة ازعق وبقوله افتح العربية عايزة اروح وهو مسمعش الكلام ومشى بالعربية ووصلنى هو .. واتصل بيا من شوية وانا مصممة اننا نسيب بعض وقولتله مش هقول لاهلى على حاجة خالص ونسيب بعض بهدوء وهو مش راضى يسيبنى وبيقولى انا غلطت ودى اول غلطة فاعمل ايه انا مش عارفة حد ينصحنى ويقولى اعمل ايه