جماعة ركزوا معاية شوية بالله عليكم دلوقت أنا متجوز واحدة حرفيا بتناطحني بمعني أنها بترد علي الكلمة بكلمتها ..أولا بتنام من بعد الفجر لقرب العصر يعني فطار غداء مافيش يعمل لنفسي يا اسكت تقوم من على السرير لو أنا متكلمتش تفضل ماسكة التليفون حوالي ساعة أو اكتر والسهر بقى لوش الفجر اتكلمت كتير مع اهلها ابوها راجل كلمنجي بطريقة لا توصف وعايز يطلعها مش غلطانة بكل الطرق حرفيا بيحب عياله بطريقة كبيرة لو في ذرة احترام منه ليا فعلشان بنته بس.. امها بصراحة ست محترمة وبتحاول تراضيني بس بنتها طالعة لابوها منخيرها في السما وتكبر يعني كلمة اسف متزعلش مستحيل تقولها وحاجة اخر قرف يعني في مرة امها حكمت بينا وقالت اني أنا مش غلطان وقومي بوسي راس جوزك والله وهي حاطة رجل على رجل ولا قامت من مكانها.. أنا محفظ قرٱن والله وطيب وفي حالي وأقل كلمة ترضيني وبعيش بالقليل والله من وقت متجوزنا مفكرت ترضيني مرة بني ادمة فاشلة لا تعليم ولا قران ولا اي طموح عندها في الحياة اطلاقا وأنا هنا مش بغلط فيها والله بوصفها بس ومنقبة في الاخر والله النقاب منها بريئ وفالحة تفضل تنزل في بوستات دينية والله مبتعمل بربعها..معاية منها عيل 3سنوات وأنا عايز أطلق لاني خلاص جبت اخري والله مش عارف اعمل اي تخيلوا كل شوية تقول حافظ القران ومبتعملش بيه عارفين ليه علشان بس بقول لها عيب اللي بتعمله وقومي شوفي بيتك وممكن نشد شوية مع بعض حتى امي كرهتها فيها من عميلها معاية أنا وكل شوية أنا مش ملزمة اعمل كذا وكذا وحجات يعني استغفر الله العظيم مش عارف اعمل اي والله ..والله يا جماعة الواحد لا يعلم بحاله إلا الله ومش عارف اعمل اي لو حد عنده.. حل أو نصيحة جزاه الله خيرا مقدما