منذ ساعةيشعر بـ ضائع
أنا بعاني من صراع داخلي مستمر، حاسس إني مش فاهم نفسي. جوايا مشاعر متناقضة في نفس الوقت؛ حب وكره، خير وشر، رغبة إني أبقى أحسن نسخة من نفسي، وفي نفس الوقت أوقات ببقى أسوأ نسخة. التناقض ده مخليني تايه ومش ثابت على حال. كمان في فجوة بين نظرة الناس ليا ونظرتي لنفسي؛ الناس شايفاني شخص كويس، لكن أنا شايف نفسي بشكل سلبي بسبب أخطاء وذنوب عملتها قبل كده، وده بيحسسني بالذنب والتعب النفسي. ورغم ده كله، جوايا جزء بيحاول يقرب من ربنا ويلتزم ويتغير للأحسن، بس الصراع ده مرهقني جدًا، وبقى أكتر حاجة تعبان منها هي دماغي والتفكير اللي مش بيهدى.
سامح نفسك كل بني آدم خطاء اللي تاب من الذنب زي اللي معملهوش خالص لازم تغلط عشان تكمل بصوره احسن الخطأ جزء من الرحله مش حاجه عيب بس المهم تتعلم منه و تسامح نفسك و تتوب لربنا
مفيش حد فينا مش بيغلط كلنا بنغلط احنا مش ملائكة بس الشخص الكويس اللي يغلط ويعرف غلطه مش يتمادي توب من الذنوب دي استغفر ربنا عليها وطول ما انت في جزء بيحاول يخليك كويس فاعرف انو انت شخص كويس لانه لو شخص مش كويس كنت هتتمادي في اخطاءك بدون ندم ودون ما تحس انو انت بتعمل حاحة غلط كنت هتحس لا انا شخص كويس واللي بعمله دا عادي وبرضه الماس شايفاك كويس فاكيد انت بتعمل حجات كويسة انت مش شايفها او واخد بالك منها