السلام عليكم اتأثرت أوي بعلاقة استنزفتني بكل الطرق رغم حبي الشديد للطرف التاني ولكن هو مكنش شبهي فحاجة كل مرة كان رجوعنا بسبب إني مش عايزة أسيبه لنفسه لحد مااتدمرت احساسي دلوقت وحش أوي مش قادرة أوصفه، من البداية كان رفضي عشان هو حرام وهو كان عارف ده بعدها وصلت لمكان وحش أوي بالنسبالي بسبب قلبي ومشيت بعد فترة سمعت عنه إنه بيحصل معاه كذا وكذا وإنه مش كويس ورغم إني كنت مكسورة منه فضلت وعارفة إنه كان غلط كبير (عارفين لما تبقوا ف صراع كبير بين عقلكوا وقلبكوا وعارفين ايه الصح بس فنفس الوقت مش قادرين تتحركوا) هو ده بالظبط كان إحساسي ، في كل صلاة بدعي ربنا إنه يبعدني عن الحرام لأنب معتش قادرة أبعد نفسي وفي الواقع إن نفسيتي كانت صفر الأيام اللي قعدتها لم تخلو من المشاكل زي قبل كده وهو كان قلقان إني أنسحب ف أي وقت وكان خايف إني أمشي،، بس أنا بشوف إن اللي بيكون خايف على حد بيعمل عشان يبقى مش مجرد بيقول كلام ، بس مهما كان الحقيقة إني شوفت خوفه من إني أمشي ، تعبت كتير بسبب قلبي ، إنسان استنزفني ويمكن هو كمان بقى مستنزف بسبب علاقة توكسيك من جميع النواحي ، عارفة إني مش هرجع تاني مهما حصل لأن خلاص قلبي فرمل رغم الحب بس معتش مكان للوجع تاني ولا لأي حاجة عموما ، بتمنى ربنا يسامحني على العلاقة دي توبت منها ولكن ماتخطيتهاش إن شاء الله ربنا يغفرلي ويهديني ويسترني ولا يفضحني ، يمكن بحكي عشان أخفف عن قلبي رغم إن الحكاية أكبر بكتير أوي من مجرد لكلام ده أو من مجرد كلام بيتكتب ، أتمنى أي حد يشوف الكلام ده يدعيلي بالهداية والثبات والانشغال بكتاب الله عوضا عن ده