قلب

القلب مش زي العقل مش بيعرف ينسي الحاجه بمجرد البعد بالعكس دا بيبقي الممنوع مرغوب علشان تنسي الشخص اللي عايز تنسه لازم تلاقي حد مكانه احسن منه و لازم تفضل بعيد عن الشخص اللي اذاك لان البعيد عن العين بعيد عن القلب و كمان بتدي فرصه لعقلك يراجع كل حاجه حصلت بينك و بين الشخص دا فتبدأ تفوق و تعرف اد اي الشخص دا وحش ساعتها بس قلبك مش بيحن للشخص دا و هتلاقي نفسك مبقتش تحن ليه و انك اتعوت على الفراق و دا خصوصا لما تعيش فتره كبيره من غيره و تعيش حاجات كنت بتعشها معاه بس المره دي لوحدك وقتها بس هتبدأ تدرك ان الحياه مش بتقف علي حد و من هنا يبدأ التعافي.....

من هولِ الصدمات، كنتُ أشعرُ بغصّةٍ في قلبي، شيءٌ ما كان يُقيّدُ دموعي عن الانهمار، إذ فجأةً، سيلٌ من الدموع لا يتوقف كالشلال، دموعٌ كالشلال، بدون صوت... فقط صدمة. نعم، هذا القلبُ الياسميني الذي أعهده دائمًا، يثور ثم يبكي ويهدأ سلالٌ وأطيافٌ جديدةٌ من البشر لم أعتدها من قبل، لماذا كلُّ هذا الكمّ من الأذى؟ 🥀 Night Coffee 🍷

من هولِ الصدمات، كنتُ أشعرُ بغصّةٍ في قلبي، شيءٌ ما كان يُقيّدُ دموعي عن الانهمار، إذ فجأةً، سيلٌ من الدموع لا يتوقف كالشلال، دموعٌ كالشلال، بدون صوت... فقط صدمة. نعم، هذا القلبُ الياسميني الذي أعهده دائمًا، يثور ثم يبكي ويهدأ، سلالٌ وأطيافٌ جديدةٌ من البشر لم أعتدها من قبل، لماذا كلُّ هذا الكمّ من الأذى؟ 🥀

زيلو الستار عن عمر عده فشوش و أنا لسه قلبي بالمحبة صبي مين اللي قال العمر بالسنوات يحسب ويجمع والحساب ده غبي العمر محسوب بالهنا لحظات بمحبه طاله و دعوه في الصلوات وطبطبه أمي و كوم دعوات بالطاعه و الدمعه علي الهفوات محسوب بحضن الغايبين بالذات احسب حسابك للزمن بالروح و إياك تعد العمر بالأيام كام عمر عدي و دمعتك بتبوح وعملت في وسط الجروح دي همام ضلك علي أرض الحياه يوصفك عود طارح الأوراق علي الأغصان و القلب أخضر مهما عودك نشف و خريف زمانهم يوصفك بزمان فاكرين بأن الشيبه خط العمر و الحق انك طفل ناقصة حنان

سبحان مغير مقامات الناس في قلوبنا الناس البنحس اننا مش قادرين نستغني عنهم وانهم لو بعدوا احنا هندمر فراقهم طلع اسهل واهون ما في الحياه بس كل العليك قيام الليل وتدعي ربنا اللهم علقني بك وذكرك وبنبيك وكتابك والا تعلق قلبي بغيرك

"في وجع كدة ملوش صوت، زي الخرسانة اللي بتتحط فوق القلب وبتستنى منك تعيش وتنتج وتضحك وأنت أصلاً 'مبني' من جوه على أنقاض. أصعب حاجة لما تضطر تكون 'مهندس' شاطر في ترميم حياتك قدام الناس، وأنت من جوه لسه شايل طفل اترمى في الشارع واتقال عليه فاشل. الشهادة جت، واللقب جه، بس الوجع لسه محجزش مكان يمشي منه. سؤالي.. هو ليه اللي بنحبهم هما أكتر ناس بيعرفوا يكسرونا بجد؟"

‏الوحيد الذي يعلم ما بك هو الله، يفهم صمتك قبل كلامك، ويرى كسرك الذي تخفيه خلف تماسكك، ويعلم ثقل ما في قلبك وإن عجز لسانك عن شرحه، فلا تتعب نفسك في البحث عمن يفهمك تمامًا، يكفيك ربٌّ يعلم، ويرحم، ويجبر، ويبدل الضيق سكينة، والكسر قوة، فما خاب قلبٌ علق رجاءه بالله.

فى حاجات جوانا القلب شايلها ومعلمه فيه فكره القلب من كتر مبيشيل بيفضل يعبي يعبي فهموم واحزان وضغط عليه لحد ممره واحده مبيبقاش قادر من كتر ماحنا محملينه فوق طاقته بيبقا وصل لمرحله هو م قادر يستحمل

​"يقولون إن العين ترى ما في القلب، لكن ماذا لو كانت عيناي ترى تفاصيل الجمال في العالم.. وفي قلبي لا شيء؟ ​أعيش في عالم من التقنيات والفنيات التي لا تخطئ، لكنني أقف عاجزاً أمام 'غدر' المشاعر. لم أحب يوماً، ولم يلمسني شعور الطرف الآخر، وكأنني أراقب العالم خلف زجاج عازل. هل هذا نقص فيّ، أم أن العالم أصبح يفتقد الصدق الذي يستحق أن نقع في حبه؟" ​الخيار الثالث:

لو فيه حد انا و هو كنا أصحاب فترة كدة و بعدين مشاعره اتحركت بس انا بطيئة ف الموضوع ده و قبل ما اعرفه كنت اعرف حد كدة بس سبتنا بعض وانا مستحيل ارجع لاني اتأذيت جامد و لقيت اني م بحبه بعد كل ده بس الشخص اللي انا و هو اصحاب كان دائما بيعبر عن مشاعره بشكل صريح زيادة بس انا عارفة أنه طبعا حرام بس برضو خايفة من فكرة أنه يعرف اني معجبة بيه اصلا لا يأذيني نفسيا زي الشخص اللي قبله و اخر مرة رفضت ده منه بشكل اوفر لدرجة اني جرحت كرامته و قالي أنه م عايز مني حاجة تاني و بعد شهور كلمني أو فتح كلام عموما وانا زي اللطخة كدة معرفتش اكمل الكلام😂 المهم أنه بدأ يتقفل مني وانا حاليا واحشني جدا لدرجة أن قلبي. واجعني بجد بس م قادرة اخد اي خطوة تجاهه بس حقيقي حبيته و م عارفة اعمل ايه

انا عارزه اتكلم كده اصل بقالي كتير اوووي المهم انا بعد ما عدت السنه الدراسيه و اهي قربت تخلص خلاص الي كانت كابوس ف حياتي طبعا عدتها بفضل ربنا ثم صحابي و besty الصراحه المهم انا طبعا كنت قافله بابا العلاقات و الحاجات دي بقالي كتير يعني سنتين كده المهم لغايت مع بدايت السنه ظهر ف حياتي شخص في كل المواصفات اي بنت عايزاها ف الدنيا بس هو كان في عيوب هيا مش مستحيله انها تتحل بس لما تحس انك مهم عند الشخص ده او الشخص ده بيحاول علشانك المهم اتعرفنا على بعض و كده و هو المفروض زي ما اتكلمنا و كده يعني انو هيجي يتقدملي و كده و اكون حلالو و انو مش هيلاقي احسن مني وكده المهم هو اخر سنه لي ف الجامعه و ف نفس الوقت شغال يعني حياتو من كلامو حلوه المهم جت فترت الامتحنات و كده فا لقيت طبعا الكلام قل كتير اوووي قولت مش مشكله عادي المهم قال بعد العيد كل حاجه هتبقى حلوه استانيت بعد العيد و ايام و مفيش حاجه اتغيرت المشكله انو لسه ف قلبي ولله انا بدعي ربنا انو يكون من نصيبي انا دعيت ف رمضان كمان بجد هو كويس بس معرفش اي الي اتغير انا فكرت كتيير اوووي اه و ملحوظه مامتو عارفه و اخويا عارف بس احنا دلوقتي مش بنتكلم للعلم

جماعه انا امبارح والنهاردة جاتلي نغزات في قلبي هل الزعل الجامد هو السبب ولا ايه... وللعلم انا عايش لوحدي اصلا يعني حتي ربنا قافلها في وشي ومعرفش حد اتكلم معاه مش عارف اعمل ايه حد يهون عليا ربنا يكرمكم

كل مرة بكون كبنانا مسافر ووجهتي البلد اللي البنانا التانيه فيها كنا بنكون في off وفي امل في الرجوع المره دي هسافر بكرة بس بدون اي امل ولا احتماليه تشباك في طريقنا ولا اقدارنا وانه لكبير هذا الأمر على القلب

محدش بيقول الحقيقة دي بصراحة بس انا جاي اقولها.. البنت ممكن تتجاوز علاقة كاملة بس بتقف عند لحظة واحدة بس: أنا كنت مهمة عنده ولا مجرد اختيار لحد ما لقى غيري؟ السؤال ده لو دخل مخها مش بيطلع بسهولة حتى لو هي باينة قوية وبتضحك عادي لأن أصعب إحساس مش الفراق. أصعب إحساس إنك متبقاش فاهم مكانك كنت فين فخليني أسألك بصراحة: عمرك حسّيتي إنك كنتي مؤقتة في حياة حد؟ ولا ده إحساس مبالغ فيه؟

أغلى الحبايب اللي عن حياتي غايب لو عدى عمري كله مش هنساه وحياة غلاوته وقلبي من فرقاه ذايب وحشاني دنيا عشت فيها معاه مهما في حياتي العمر فات فاكره له أجمل ذكريات جوايا هتعيش بالسنين لسه الحنين في القلب ليه ده اللي إحنا عشنا ليالي فيه في العمر ما يجيش مرتين مهما هقابل بعد منه ناس كثيرة لسه اللي بينا في قلبي زي زمان والله ما ليّ في الدنيا دي غيره سيرة عمري ما أعز عنه روحي كمان مهما في حياتي العمر فات فاكره له أجمل ذكريات جوايا هتعيش بالسنين لسه الحنين في القلب ليه ده اللي إحنا عشنا ليالي فيه في العمر ما يجيش مرتين

اي شعورك لما تشوف صورة حبك الأول حقيقي حسيت بشعور غريب وقبضة قلب معرفش السبب ياترى فاكرني ولا نسيني مش مهم معدش ليها لازمة خلاص قصة دامت اسبوعين بس وانتهت النصيب بقا والرفض كان من عندي بسبب فرق السن بس حقيقي صورته عملت حاجة جوايا مش قادرة افهمها حبيته بس للأسف مينفعش فعلا الحب مش كل حاجة

ياجماعه رساله م قلبي لكل عضو هنا.. انا اسف ليك وبعتذرلك مكان كل شخص اخطأ ف حقك وظلمك او اهانك او زلك انا اسف ليك علي كل حاجه كان نفسك فيها ومخدتهاش او ملقيتهاش زي ما اتوقعت انا اسف لكل واحد حد خذله وضيع حقه انا اسف لكل بنت وولد حد اتحرش بيهم انا اسف وبعتذرلك عن كل شر شوفته ف حياتك ربنا يعوضنا كلنا بالخير ويطبطب ع قلوبنا ويبدل حالنا لافضل حال بحب كل واحد هنا من قلبي وبعتذرلكم عوضا عن الحمقي والظلمه واصحاب القلوب المتحجره واصحاب الخسه والغدر..

طب ايييي انتم نستونييي🫠 اعمل ايه بردو مع الحب من طرف واحد انا بحلم بيه كل يوم وعايشه حياه في خياليي عارفين احساس انكم صابرين عشان تنولو بس من كتر الوجع عاوزين تمسكوا قلبكم تعصروه تخرجوا منه الوجع ده تعملوا اي حاجه عشان متحسوش بالشعور ده عاوزه محسش بالوجع ده اصل عارفين المشكله فين ان انا مكنش عندي مشاعر اصلا ولو كان حد قالي اني هبقي فياضه بكل المشاعر دي دلوقتي مكنتش هصدقهه انا بحاول اشغل نفسي كل يوم عشان مفكرش فيه بس ازاي وهو اصلا مش بيغيب عن بالي!!!!

جماعة ازاى اتأكد من مشاعرى ناحية شخص معين هل انا بحبه ولا متعلقة بيه ولا بحب حبه ليا واهتمامه بيا ولا عشان مفيش بديل او عشان هو دا الوحيد اللى حبنى بجد ومش هلاقى حد يعشقنى كدا محتارة وتايهة اوى بجد 💔

هو طبيعي أن أمي متقوليش اي كلمه حلوه ابدا في حياتي مع انها بتقول لأخواتي يعني مثلا انا ابقي لابسه فستان وكل الناس تقولي حلو وهي تقولي مش حلو عليكي حتي من غير ما اطلب رأيها حاسه أن قلبي واجعني اوي والله

يا بنات بجد محتاجة اطلع اللى جوايا واسمع رايكم فى موقف حطنى فى صراع بين عقلى وقلبى من حوالى 5 سنين دخل حياتى شخص كان هو كل دنيتى كبرنا مع بعض وعشنا تفاصيل مكنتش اتخيل انها تخلص فى يوم بس للاسف الشخص ده فى وقت ما عمل مشكلة كبيرة اوى مشكلة دمرتنى نفسيا وكسرت فيا حتة كان صعب اوى ارممها وبعدها كل واحد فينا راح فى طريق دلوقتى وبعد كل السنين دى لقيته راجع بيحاول يوصل لى بكل الطرق الممكنة بيحاول يفتح كلام وبيظهر فى كل حتة وعامل مجهود رهيب عشان بس ارد عليه وانا واقفة بعيد تماما مراقبة كل ده من بعيد فى صمت شايفة محاولاته ولهفته وشايفة ندمه بس المشكلة يا بنات ان رغم الوجع الكبير اللى سببهولى لقيت جوايا لسه فيه شوية حنية ناحيته والذكريات الحلوة اللى كانت بينا لسه بتطاردنى ولقيت لسه فيه احساس غريب مش قادرة انكره كانه خيط رفيع اوى لسه مربطنى بيه رغم كل اللى حصل انا بجد محتارة هل المحاولات والندم اللى شيفاه منه ده يشفع له ولا اللى بيكسر نفس بنت مبيتصلحش مهما عمل هل ادى فرصة تانية واصدق انه اتغير عشان الذكريات اللى بينا ولا كرامتى وسلامى النفسى اهم وافضل مراقبة من بعيد لحد ما يمل ويمشى قولولى لو انتم مكانى هتعملوا ايه بجد محتاجة رايكم ونصيحتكم

How to forget someone كيفاش تنسى بنادم كنت معاه في 5 سنوات حبيتو من قلبك كنت تشوف فيه هو المستقبل و يروح بدون مايكون واحد فيكم حاب الفراق علابالي نتمنى واحد يكون مر بتجربة كيما هاذي و تخطاها يمدلي نصيحة

انا قصتي بدات من خمس سنين لما كنت لسه عيل صغير مش فاهم يعني ايه مسؤولية ولا يعني ايه احافظ علي النعمة اللي في ايدي عرفت بنت كانت هي اول حب في حياتي واول قلب يحس بيا بجد من غير شروط ولا قيود شافتني بقلبها مش بمنظري بس انا بجهلي وطيشي وقتها ضيعتها من ايدي وعملت مشاكل كتير مكنش ليها لازمة وم استفدتش منها بحاجة غير اني خسرتها وبعدت عني دلوقتي انا عندي ٢٤ سنة وشخصيتي اتغيرت تماما وبقيت راجل فاهم يعني ايه اصول ويعني ايه حق الناس انا مش طالب من الدنيا غير ان ربنا يسامحني وهي كمان تسامحني لاني مش عايز اقابل ربنا وبذمتي ذنب وجع قلبها انا ثابت في مكاني ومتحركتش وبحاول ابدا من جديد ونفسي القدر يجمعنا تاني لو فيه خير لاني بجد عرفت قيمتها لما الدنيا دارت بيا وملقيتش حد في حنيتها ولا اصلها يارب اجبر بخاطري ونقي نيتي وارزقني المسامحة لان الوجع اللي جوايا ميعلمش بيه غيرك انت

عارفين انتو شعور لما تفتكروا ذكرى معينة تيجي ع بالكوا ذكرى حلوة مع ناس كنتو بتحبوهم فتشموا ريحة مميزة اوي كأنها بتاعت الذكري دي! الشعور دا يقهرر لما الريحة دي تختفي مرة واحدة وتفضل تحاول تشمها تاني عشان تسترجع الذكريات دي تاني احساس غصة في القلب❤️‍🩹

عارف احساس ان في حد واحشك بس مش قادر تكلمو بسبب الاذى اللي سببه ليك وتبعك قد ايه ف حياتك طيب عارف احساس انك قلبك اللي متعلق ف الشخص ده عقلك بيفكرك بكل حاجة وحشة عملها فيك ويقولك ما انا قولتلك بلاش ليه وجع قلبك ده ليـــــــــــــه

حاسه بأسوء شعور في الدنيا خذلان من اقرب الناس ليا و خيانه من اعزهم كنت اتمنى يحصلي اي شئ و هو لأ اكتشفت اني مخدوعه في حجات كتير و في حجات بتحصل من ورا ضهري انا مش عارفاها قولولي حد عرف يتخطى حاجه زي دي منعير ما يحصله حاجه انا بقالي غشرين ساعه منمتش بسبب وجع قلبي

ياترى انتى كا بنت تقدرى تفتحي قلبك عن الماضي ولا هتخافي؟؟ وليه السبب اللى تخليكي تخافي ؟ هل هو خوف طبيعي ولا خوف من رد الفعل اللى ممكن تواجهيه بسبب صراحتك . ياريت كل واحدة تجاوب بصراحه بدون تحفظات

أنا تعبت مفيش صحاب بتدوم ولا حب في واحدة مش عارف اسامحها هي مسكت قلبي مسحت بيه الشوارع وكل دة علشان حبيتها ومش عارف اتصرف ازاي لو حد عندو نصيحة ليا حابب اسمع عايز أخرج من الي أنا فيه وفي نفس الوقت عايز اخي تاني ويبقي عندي صحاب من جديد

في البداية انا ولد ١٦ سنة عندي مشاكل الدنيا والآخرة مع الاهل والصحاب والارتباط وكسرة القلب والجواز انا اكتر حاجه مخوفاني هيا الجواز انا دلوقتي ببقا ماشي في اي حتة بلاقي دة ودة ودة بيتكلم عن الجواز انا حاليا مرتبط ببنت هيا بتحبني وانا بحبها وحيات ورد ع عسل جيت كلمتها عن الجواز وكدا فا قلتلي انت دخلتك عجباني وفعلا انا كنت بدور ع البنت الي عايزة اي جد مش بتتردد مش خايفة من اي قلبها ميت في كل حاجة وانا بحب كدة الصراحة فا المهم قلتلي انا هديك رقم بابا وانت كلمو وشوفوا هيقولك اي قلتلها ماشي هيا قالت لأمها وانا عرفت اهلي وكدا فا اهلي وافقوا وقالو كلم اهلها ولو حصل نصيب نخطب وبعد ما تخلصو التعليم خالص تتجوزو ع الاقل تكونو كونتو نفسكو براحتكو وانا عجبني الكلام وعرفتها عشان تقول لامها ع الي اهلي قالو فا المهم انا كلمت ابوها خودو المفاجأة بقا قلي بص يبني انا عايز 50 جرام دهب وشقة اربع اوض وصالة ومطبخ وحمام كبار وتكون الدور التاني أو التالت عشان راحت بنتي انا وفقت بس بقا لما نيجي نتجوز اكيد الكلام هيتغير هيقولي 100 جرام أو 120 جرام دهب وانا معلش انا مش شغال تاجر مخدرات ولا حرامي عشان اجيب كل دة وانا وافقت عشان هكون مجهز نفسي وجايب دهبي ومخلص كل حاجة و لما جيت قلتلو انا عندي بيت ميلك وربنا يطول في عمر ابويا و هورثو من بعد ابويا و للعلم البيت اربع ادوار وكل دور اضتين وصالة ومطبخ وحمام ودلوقتي ابويا كان قايس البيت من اسبوع البيت ٦٦ متر عامل مليون سبعمائة وخمسين ألف مش وحش وللعلم المتر بـ 32 ألف مش وحش خالص قلي فعلا مش وحش قلتلو وهكتبو بإسم بنت كمان مرضي هوا فرح اوي قلتلو بس بشرط مش هنكتب قايمة وافق انا واحد مدي لبنتو كل ما املك من حقو ميكتبش قايمة المهم اتخطبنا سنة وعدت السنة ولا في مشاكل ولا في اي حاجة جه مرة واحدة كدا بيقولي انا عايز زيادة في الدهب 25 جرام كمان قلتلو لاء كدة كتير اوي انت كدة بتنتقم مش بتجوز بنتك قالي بقا معلش ومش عارف وبرطم شوية انا وافقت قلت يا عم فكك اهم حاجة تكمل عمرك مع الإنسانة الي انت حبتها عدت سنة وكانت كل حاجة حلوة المهم حصل مشكلة بيني وبينها وقلت لابوها لقيتو بيرن عليا وبيقولي تعالالي رديت قلتو انا مشغول والله في شغلي مش هعرف اجيبك دلوقتي اخلص واجيلك المهم قلي يلعن ابو الشغل لابو صحابو انت مزعل بنتي لي قلتلو يا عمي بنتك رنت عليا وانا في الشغل بتقولي هتلي شوكولاتة وانا في الشغل وانا قلتلها شغل السهوكة والمحن متعملوش الا لما اكون فاضي عشان اعملها الي هيا عايزاه قلي انت تيجي تاخد حجتك ودهبك وتبعد عن بنتي قلتلو لاء انا بعد كل دة اسيبها مش هسيبها وبنت مش هتقدر تبعد عني لقيتها ردت تقولي لاء هقدر قلتلها خلاص براحتك الدنيا مش هتقف عليكي يعني وقفلت في وشها كل دة اهلي لسة ميعرفوش حاجة دلوقتي انا اعمل اي بعد ما حب عمري سبتني ودمرتني وضحيت بكل حاجة عشانها تقوم هيا تعمل فيا كدة يا جماعة والله احنا الشباب مدمرين بسببكو خفو الحمل عننا الله لا يسمحكو ارحمونا انتو الأهالي عايزين نتجوز ونخلف ونعيش حياتنا لي تنتقمو مننا لي انتو كفرة حسبي الله ونعم الوكيل في كل أب وأم يظلمو شب في جوازتو (امين🤲)

كل صحابي بيتخطبوا ويتجوزوا وانا علشان عامله عمليه قلب مفتوح بخاف اوي من الرفض لو حد اتقدملي دايما عندي شعور اني هترفض فاممكن فعلا لو حد فيكو جه اتقدم وعرف ان البنت دي عامله عمليه قلب مفتوح هيرجع في قراره ولا عادي؟

الحاجة الوحيدة اللي هفضل دايما مش قادره استوعبها ان ازاي حد يتغير ف يوم وليلة مشاعر كاملةة وحاجات كتيرة وعشرة تهون وكل دا ف يوم وليله بس ليت الانسان قلبه مثل قلب اللذي يظلمة حتى لا يتألن من افعالة ❤️‍🩹

بحياتك يا ولدي امرأةٌ عيناها سبحان المعبود فمها مرسوم كالعنقود، ضحكتها أنغام وورود والشعر الغجري المجنون يسافر في كل الدنيا قد تغدو امرأة يا ولدي يهواها القلب هي الدنيا لكن سماءك ممطرة وطريقك مسدودٌ مسدود فحبيبة قلبك يا ولدي نائمة في قصرٍ مرصود

انا حد متدين( او دا الي الناش شايفاه) ومليش في موضوع الارتباط وبالنسبالي دا شيء مق-زز وحرام بس طبعا مقدرس اتحكم بقلبي.. بحاول اغض بصري علي قد ما اقدر بس من صغري بحب..ذلك السخص معايا في المدرسه وانا عارفاه من زمان وكنا بنهزر مع بعض لما كنا في ابتدأئي كبرت اعدادي قلت لا مفيش كلام مع ولاد وتلقائي مبقتش حتى ابص للاولاد.. المهم انه كان فعلا عاجبني غير انه شخصيته قويه وكان بيتوتر قدامي كان بيخليني احبه اكتر.. المهم اني عرفت انه سلك طريق سيء ...وارتبط ببنات كتير .ربنا يهديهم مش عرفه اعمل اي او اقول اي صراحه الي حاسس بيا يقول هو بيتصرف ازاي

ماهو علاج الخيانة ؟ 09 اشهر ولم يشفى قلبي من المها . انسى لوهلة واتذكر طوال الوقت . وعندما اتمعن فيما حصل اشعر وكأني اكتشفت الامر للتو . كيف للانسان ان يتخطى حب قلبه ؟ شعور الاشتياق مؤلم وممل ومرهق

انا بحب واحد مشهور وحبيته غصب عني حاولت كتير ابطل احبه بس معرفتش اول ما حبيته حسيت بحاجه بتقولي صلي وادعي يكون من نصيبك وبقيت بصلي وادعي كتير لحد النهارده بقالي كده 3سنين بحبه وتعبت اني بحب شخص مش موجود مش معايا ومش عارفه أوصله وحاولت ابطل احبه لدرجه اني أقنعت نفسي اني بحب شخص تاني بس بعد شهر بطلت احبه مش عارفه احب واحد تاني غيره مش عارفه اعمل ايه ومش عارفه هل هيكون من نصيبي أو لا بس انا بجد مش قادره اتخيل حياتي مع شخص تاني انا بجد بحبه ومش عارفه ازاي ممكن حد يحب حد كده وهو متكلمش معاه قبل كده ولا حتي شافو قبل كده انا بجد بحبه من كل قلبي بس مش عارفه اعمل ايه 😔🥺

غريبه اوي التعافي من حد كنت بتحبه من قلبك يوم تلاقي قلبك جمد من نحيته و يوم تحس ان الجرح لسا بينزف كأنه امبارح تتردد بين الحنين وبين صوت جواك بيقولك لا كفايه تحس انك كل لما توصل للشط الموج يرجعك لنفس الدوامه من تاني .. بس المره دي ناوية اخرج حتي لو ايه بيشدني.

ساعات بنحتاج مكان مستخبي نحكي فيه من غير ما نفكر في شكلنا قدام الناس هيكون إيه...لو في حاجة وجعاك أو سر تقيل على قلبك أو حتى حكاية عادية.. المكان ده ليك اكتب اللي انت عاوزه من غير خوف ومن غير خجل... إنك تخرج اللي جواك بصدق هو بداية الطريق عشان تفهم نفسك

هوا يعني ايه حب اصلا بجد يعني هلل ده حاجة ملموسه لا طب في ناس بتستغل الحب عشان يحصلو علي غرضهم اين كان الغرض طيب هوا لو مفيش حب البنت هتقدر تقول للولد انا عارفك عشان فلوسك طب الولد هيقدل يقول للبنت انا عارفك عشان.......... بجد ده الي اخترع الحب كان تقريبا عاوز حاجة منحد منغير مقابل حتا اصدق ما في الحب وهوا الجواز بيبق مبني علي مصالح حرفيا انا بكره مش بحب 💔💔

بوصوا انا اول مرة ادخل فقصة الحب من طرف واحد وازاي الواحد يتخطها او مثلا لو في حد بيحبه بس هو مش حاسس بيه او بمعني ادق انو مش شايف فيه شريك حياته او مفيش انجذاب فا المشكله اني مش عايز اكسر الشخص ده عشان كده مش عايز اققوله او اعلقه بيا علي الفاضي

انا بحب واحد بقالي ٣ او ٤ سنين ومش عرفه هو بيحبني ولا لا بس الي كنت اعرفه ان في الاول كان بيحبني بعد كده انا مبقتش بشوفه كتير فانا معرفش دلوقتي بيحبني ولا لا و انا مبكلمهوش ومش عوزه اكلمه نفسي يحبني بس في الحلال بس انا لسه بدرس ف مش هينفع اخطبه 💔 اي نصيحه؟

حاليا الساعه ٤ الفجر و الدنيا بتمطر و بتشتي احب ادعيلك من كل قلبي يا بنت ميت ابو الحسين و اقولك ربنا يفرح قلبك ويوفقك وتجيبي اكبر مجموع في الدنيا و ربنا يهديكي ويرزقك انا بتمنى تسامحيني انا اختارتك بمزاجي وسبتك غصب عني ، والله العظيم حبيتك و اتمنيتك تكوني زوجة ليا هو انا اصلا هلاقي زيك تاني ربنا يوفقك ويكرمك ويارب تسامحيني على الخذلان واني سبتك وأقسم بالله العلي العظيم كان غصب عني ومش بأيدي يارب اشوفك الأولي على الثانوي الأزهرية يارب يوفقك

طبعا مفيش شك أن الحب اجمل واسمي واغلي شعور ف الدنيا كلها هل فعلا وجدتم من وعد ووفي بوعده معكم وحارب من أجل حبكم وعلشان ميكسرش قلبك ويسيبك بعد م ضمن وعرف انك حبيتيه من كل قلبك ام انه قال لكي كل شئ قسمه ونصيب ، ومع مقوله الجمله دي لكي بتدركي انك طول الوقت اللي عدي دا كنتي زي ما كنتيش في حياته انا حد لما بحب ، بحب فعلا من كل قلبي ، بدي كل طاقتي ووقتي ومشاعر وتفكيري ف الشخص اللي بحبه دااااا ، وطبعا وبكل تأكيد مفيش شخص مضمون الايام دي حتي اقرب الناس علشان كدا انا بعتبر الحب ضعف ،للاسف ضعف دا اكتشاف اكتشفته فيا من قريب جدا . انا لو كان حد سألني من زمان هل الحب ضعف ولا قوه كنت هقول قوه طبعا ومفيش ذرة شك ف داخلي لأن ب اختصار مش اي حد ممكن يحب لكن الكل بيعرف يكره او مش بيعرف يحب من الأساس بس ب النسبه لي دلوقت هو ضعف لأن مزاجك بيتوقف علي الشخص اللي بتحبه هو بيعاملك ازاي علي أي قدر بيفهمك ، مش فهم الناس العاديه لا لا لا يفهمك من نبرة صوتك يحسسك فعلا أنه جنبك لو الدنيا اتهدت انا علي وعدي لكن للاسف انتشرت الشخصيه النرجيسيه بشكل كبير وبقي الحب والمشاعر الجميله دي عباره عن كلام فقط لكن عند تنفيذ الكلام دااا تيجي بقي ف النصيب و الكلام يظل كلام دي وجه نظري ي تري صح ولا غلط ؟؟! أما عني انا ي اصداقائي ف عندي مشاعري وقلبي أثمن شي ف الوجود لان للاسف دلوقت بقي سهل دلوقت التلاعب ب المشاعر .

كانوا بييجوا عاوزين يتسلوا يضيعوا وقت أو يجربوا وطبعا مش بيلاقوا اللي يريحهم لاني مش بتسلى بس حاجة محبطة جدا تخليك تفقد الأمل انك تلاقي ناس حقيقية بتحس وبتتعامل بقلبها بجد حتى الاحتمالات والتلميحات اللي مش واضحة بتستهلك قلوبنا بجد

حد يقدر ينصحني ازاي تشيل حد من تفكيرك بعد ما كنت بتفكر فيه كل يوم كل ساعة كل دقيقة وبتدعيله في صلاتك وتشوفه في احلامك وهو رفضك بكل وقاحة بس انت مش قادر تستوعب انه خلاص معدش ينفع تتكلم معاها ؟؟

عندي مشكلة بس مش عارف ايه التصرف الصح (طويلة شوية انا اسف بس فعلا مفيش حد قادر احكيله الكلام ده) دلوقتي انا ف اول سنة ف الكلية اتعرفت علي واحدة وحبيتها احنا مرتبطناش وانا بصراحة قلتلها اني بحبها وقتها وهي مديتنيش إجابة واضحة ولا انها موافقة او رفضت (بس عرفت من مصدر تاني انه لا) المهم انا فعلا بعدها بسنة كنا برضو لسة صحاب وبنتكلم بس انا كنت فقدت الأمل ان ممكن تغير رأيها ومكنتش طول الفترة دي من بعدها لمحت او قلت اي حاجة خالص تدل اني لسة بحبها بس طبعا اكيد العلاقة كانت مختلفة عن قبل ما اقولها بقا في شوية جفاف يعني.. ف بعد السنة قلت اجرب اعرف غيرها يمكن ده فراغ وانا مش واخد بالي وغلطت لاني عرفت كذة واحدة وقتها وارتطبت ف الاخر بواحدة فعلا بس هو اسبوع ومستحملتش ال بيحصل حواليا ده كله واني بضحك علي نفسي فقررت ابعد عن أي بنت اعرفها ف حياتي واسيبها هي بس ال موجودة وحصل فعلا بس الفترة دي ال هي كانت نص سنة تقريبا حصل gap كبير اوي ف علاقتنا بقينا مش بنتكلم كل يوم مثلا وممكن شهر مثلا علي ما حد يكلم التاني يسال عليه وفضلنا علي نفس الحال ده لحد ما اتخرجنا وانا طول الوقت ده ثابت علي فكرة واحدة اهتم بدراستي عشان الاقي شغل ويبقي قدامي فرصة اتقدم رسمي يمكن ده كان سبب رفضها من البداية اتخرجت وفعلا بعدها بقا تقريبا ان اتشالت من حياتها مستحيل كانت تيجي تسأل عليا ودخلت الجيش وقلت فرصة انساها وبرضو معرفتش هي مبقتش مهتمة خالص ولا حتي كانت بتسأل علي اني داخل الجيش امتي والدنيا دي بالرغم اني قلتلها وبقت تختفي من السوشيال ميديا خالص وكنا متعودين كل سنة السكوت بيتكسر عن طريق واحد بيخش يوم عيد ميلاد التاني يقوله كل سنة وانت طيب وهي بقالها سنتين مقالتهاليش حتي بالرغم اني مواظب علي كدة برضو وخلصت جيش واشتغلت الحمدالله بتفاجئ ان بقالها فترة بتشير بوستات كتير اوي عن ناس متجوزين او مخطوبين او حاجات حب وكدة (الموضوع راعبني مش عارف هو في حد ولا ايه الوضع ومفيش اي حاجة تبين ده وانا كرامتي مش قادر تخليني اسال انا بقيت بستني اهيف الفرص عشان اخش اتكلم ف اي موضوع ودايما الكلام بيتقفل من ناحيتها بالرغم ان الكلام يبقي ماشي تمام وزي الفل وفجأة بيتقفل) الفكرة اني اعرف مخطوبة ولا لا لأن الشك هيموتني مش عارف اعرفه ازاي اختها مخطوبة ومش كاتبها ف حتة مثلا ف خايف لتكون هي نفس الفكرة وفي نفس الوقت لو دخلت سالت يبي المفروض اتقدم وانا لسة بقالي كام شهر شغال بس علي الاقل محتاج سنة ونص اجهز اي حاجة اتكلم بيها وبرضو بقول لو اتخطبت ممكن ده الحاجة ال اقدر اخيرا امنع نفسي افكر فيها ف فعلا انا ف علاقة من طرف واحد مع نفسي لمدة 7 سنين بكل الحالات والتغيرات علي عدت عليا ومش عارف اخرج منها ازاي او ايه التصرف الصح

هقول حاجة وياريت محدش يفهمني غلط او يفكر بطريقة مش كويسه عشان الإنسان مش ناقص بجد بس بنتصرف ازاي لما بنكون محتاجين لحد نشاركة حياتنا بس مفيش حد، يعني حتى لو ف ناس بتحاول تتقدم وكدا مفيش حد القلب مرتاحله او حاسه انه أهل لدا، اوقات كتير ببقى عايزا أشارك حاجات كتير ل شخص معين مش اهلي او صحابي، بس بحس انه شي بعيد، بدعي كتير الاقي اللي ارتاح ليه بس بخاف يطلع زي اللي بنسمع عنهم وميبقاش كويس ويعقدني اكتر منا متعقدة،

كنت بحب حد وسبنا بعض بقالنا سنه وسبنا بعض وعن اقتناع بمشاكل هي عملتها بس الفكره ان انا حقيقي كنت بحبها بجد وهي محاولتش حد تمسك في علاقتنا رغم ان كانت بتحلف بعلاقتنا وانها عمرها ما هتقابل حد زيي ، غلطتي ان انا حبيت بجد طيب ولا ايه ، ببقا محتاج اننا ادخلها اطمن عليها ومبحبش مش عارف اعمل ايه ولغايه دلوقتي مقابلتش حد يشد قلبي لدرجه انو ينسيني علاقتي معاها + ان انا فعلا بردو مش هينفع ارجعلها

انا ولد 27سنة عملت حاجات كتير غلط ف حياتي وبتوب وبرجع تاني وفجأة وقعت ف ديون مش عارف اسددها وخلاص هتحبس يمكن دا اخر بوست انزله وبعدها جالي مرض نادر لما ضغطي بيوطي قلبيي بيقف وبعدها بيشتغل تاني واقوم اكمل حياتي ولا كأني حصل حاجة وبقع دايمآ ف ناس مش كويسة ومليش صحاب ومليش اخوات ولاد انا بضيع خلاص

اول يوم ليا على البرنامج مش عارفه حاسه انى متوتره اوى بس انا حاليا حاسه ان قلبى هينخلع من شده الوجع بسبب الفراق الفراق كان صعب اوى عليا لان محدش جنبى ومش حاسه بامان وهو كان سر امانى وحياتى كلها بس اخر كلامنا كان عباره عن انه مبقاش يحس بمشاعر اتاتى بعد4سنين ومرينا بمشاكل مش لسننا اصلا مش عارفه المفروض اعمل اى مش عارفه ارتاح ازاى وقلبى يهدى الوجع بجد مش رادى يروح وانا تعبت علشان قدام الكل بضحك وبهزر بس انا جوايا فى تعب بهرب منه، نصيحه اتصرف ازاى

عمال اقول محبتهاش واقنع نفسي ان ده مش حب اصل مش يومين اتكلمناهم هيخلونا نحب يعني ومش انا اللي اقع في حب واحده وبتاع لحد م فتحت الاكونت بتاعها دلوقتي ولقيتها شايله ورد في ايدها ومتصوره اول حاجه جت في دماغي انها اتخطبت حسيت ان قلبي اتقبض وشكلها كده راحت مني المشكله انها عامله lock للاكونت ومش عارف احدد دي مجرد صورة بروفايل اتغيرت ولا ده بوست خطوبه ولا ايه المهم يعني هو انا كده بحبها ولا ايه ؟

حبيته اوووي ليه يعمل كدا فيا حبيته خالص ليه يبعد ليه انا عملت اي غلط انا كونت بحاول عشان ميبعدش عني ليه حصل كدا انا مش قدرها اصدق شوفت حلم انه بيعد عني مصدقتش لاقيته بعد عنييي ليهههه بيحصل كدا معايا انا قلبي وجعني اوووي مش قدرها ابطل عياط 💔😭😭😭😭😭😭😭😭😭😭

دلوقتي انا عرفت واحدة فرنساوية من سنة كنا كل يوم بنتلكم لحد ما جه شهر ١٠ وارطبنا ، هي الي ذانت بتبحني وانا مفيش حاجه من نحيتي ، لحد ما مع الوقت انا كمان حبتيها و جبي ليها فضل يزيد من ٢٠٢٥ شهر ١٠، لحد ٢٠٢٦ شهر ٣ وحصلت مشاكل كتير وكان بسببها ( عرفته مع الوقت) انها مبقتش بتبحبني زي الاول و اخدنا انا و هي بريك وكنا حنتقابل بعد ما نخلص دراسة الي هو ٣ شهور، بس البريك تاعبني اوي بجد محتاج نصيحة اعمل ايه او حد يقولي حاجه تفوقني او يريحني بيها عشةن اعدي

انا وهيا قعدنا اكتر من اصحاب 3 سنين وقفت معاها وساعدتها وغريت فيها كتير من الاوحش للاحيسن وامها حبتنى و الدنيا فل او ل ما كلمت ابوها اتقلبت عليا وكرهتنى وقالتلى مش شايفاك غير اخ وبقت بتعاند كتير اخر مره اتكلمنا يوم الفالنتاين وبعدها بعدنا انكشها واصالحها ولا لا (معلومه انا بحبها بس مش عايز ارجع )

مقهوره بشكل فظيع والله من القهره و الزعل قلبي هيقف والله حقيقي كنت بدعي محسش الأحساس دا تاني وحسيته دماغي هتنفجر من الزعل ع كل حاجة حصلت و ع اني مستاهلش كدا واني مكنتش محتاجه غير اني اتحب بجد زي ما بحب بجد ليه طيب هل انا فعلا مستاهلش

عندي مشكلة بصراحة وهي اني لما بحب بكون عندي استعداد اعمل اي حاجه عشنها يعني مثلا خارجين عنيها جت علي اي اي حاجه لبس او هداية او اي حاجه بجبها ف وقتها وحتا لو مش معاية فلوس بحطها فدماغي واجبها طيب فين المشكلة المشكلة اني مش بتحب هي بتحب الي بعملو عشنها ولو مره قصرت بحسها متغيرة انا الموضوع ده اتقفل من كتير معاية بس الفترة دي حبيت بنت وللاسف لقتني بعمل نفسي الموضوع وديما عايز افرحها خايف اوي تكون الغلطه بتتكرر سعدوني اعمل ايه

الخذلان من حد كنت شايفه كل حاجة في حياتي كان كأنه كسرني من جوا. عمري ما تخيلت إن أكتر شخص وثقت فيه يكون هو السبب في وجعي. حسّيت إن كل كلمة قالها كانت كدب، وكل لحظة حلوة عشتها كانت وهم. الوجع الحقيقي مش في اللي حصل، الوجع إني صدّقت… وإني اديت قلبي لحد ما يستاهلش. أصعب إحساس لما تلاقي نفسك بتحارب الدنيا عشان حد، وهو بكل سهولة يختار يكون ضدك. ومن ساعتها، في حاجة جوايا اتغيرت… كأني ما بقيتش نفس الشخص، وكأن الثقة نفسها اتكسرت، مش بس قلبي.

تعبت بجد ، لا عارفه اكمل قساوه للاخر علشان اريح نفسي ولا عارفه ابقي حنينه للاخر واستحمل علشان اللي بحبه ولا حتي عارفه أمشي واقفل الباب كأن مفيش حاجه حصلت ، لا عارفه اختار نفسي ولا حتي اختاره يادي تأنيب الضمير علي وجع القلب علي لوم العقل ، كومبو تحفه 🥲🥲🥲

ممكن ذنب واحد يحول بيني و بين استجابه و مغفره ؟ نعمل اي فالذنوب القلوبنا متعلقه بيها من شروط التوبه الندم علي ذنب و العزم علي ان لا نعود بس انا من جوايا مش عارفه اوصل لكده

يارب ساعدني انا قلبي جواه نار وعقلي هينفجر من كتر التفكير مش قادرة استوعب ازاي بقا معاها وقاعد بيحب فيها طيب انا كان فيا ايه ناقص عشان يبطل يحبني طيب انا قصرت في ايه عشان يرجعلها يارب خدني ل عندك بقا انا مبقتش قادره اتحمل الوجع دا، تقيل اوي يارب يارب قلبي جواه نار يارب 😭😭😭😭😭 ساعدني يارب

انت مش فاهم انتوا رجعتوا بس احنا مرجعناش انتوا رجعتوا حبايب يعني بقا فيه بحبك ووحشتيني واول صباح الخير ياحبيبتي واخر تصبحي على خير ياروحي وشكلك حلو اوي النهارده وخليني اشوفك عشان وحشتيني ومشاعر اكتر بكتير وغيرتك عليها وغيرتها عليك وحااجات كتير عمرك مهتفهم انا جوايا اي بس انا معاكي انتي وبنتكلم كتير بردوا مش فاهم احنا بس رجعنا اصحاب يعني ازيك وعامله اي وبس، بيبقا جوايا اقولك وحشتني ومبقدرش اقولها وحتى لما بقولها مش بلاقي عليها رد دا حتى الريأكت عندي بقا 👍🏻 او🤍 انما طبعاً عندها غير عارفه هيتقال انا تافهه وعقلي صغير بس انا قولتهالك قبل كدا هي دي انا ودي طريقة حبي اصلا انا عارفه ان كلامي مفيهوش فايدة ومش هيصلح حاجه انا بس عيزاك تعرف اني كنت متعشمه فيك اوي😭💔 شوفت الفرق بقا

طبعا كل حاجة متغيرة بعد التحديث 😂 ... لو علاقة انتهت بشكل كويس و طرف بدأ يتعافي ليه بعد شهور الطرف التاني يبعت رسالة و يبوظ الدنيا .. حد يفهمني .. ليه كل ده