من فترة كنت بمر بجد بفترة وحشة اوي اوي كنت حسه جوايا بوجع رهيب وكانت بالنسبة ليا كل حاجة سوداوية واي مشكلة بسيطة بواجهها بفضل اعيط بالساعات وحاليا مر شهرين وحسه اني اتغيرت مية وتمانين درجة! انا مش الشخص الي كان بيعيط ساعتها دا معرفش ازاي! دي إرادة ربنا باين.. وساعتها من كتر وجعي عورت نفسي كتير، لاني كنت بفكر بالانتحار كتير جدا ، كان دا الحل الوحيد عشان احمي بيه نفسي. بس ايدي لحد دلوقتي عاملة علامة وشكلها مش هتروح، والحوار مضايقني اوي تخيلوا اي حد يركز على ايدي ويلمحها هيفتكرني كنت مجنونة مثلا او بعمل حاجات للاتنشن، مع ان محدش كان يعرف ابدا الفترة الي كنت بمر بيها دي كانت لوحدي بس طبعا المفروض مهتمش لعيون الناس بس حتى انا كل مرة ببص لايدي بضايق اوي على نفسي وبقول مكنتش استاهل كدا ابدا، كنت المفروض احتضن نفسي مش ااذيها بحاول ابص للعلامة على انها نجاة بس بردو هتفضل تفكرني بايام وحشة حتى لو تعافيت من جوايا