السلام عليكم.. بكتب الكلام ده وأنا متردد، بس وصلت لمرحلة حسيت فيها إن السكوت بقا حمل تقيل. أنا بقالي فترة بحارب لوحدي، وبقوم من وقعات صعبة وبقع تاني.. تعبت من التوهان ومن شعور الفراغ اللي بيطاردني كل يوم. في فترة من حياتي،بعد إدمان العاده الي استمر فترة كبيرة والاسف مكنتش عارف أنه غلط وأنه هيدمرني الحمدلله قدرت أوصل لـ 90 يوم تعافي، كانت أجمل أيام عشتها، حسيت فيها بطعم للحياة كان غايب عني. بس مؤخراً، الفراغ رجع ينهش فيا، والوحدة خلت الطريق أصعب بكتير. اكتشفت إن أصعب حاجة في الإدمان مش بس الانتكاسة، هي إنك تفضل بتصارع الوحش ده لوحدك، من غير ما تلاقي حد يحس بيك. أنا مش بدور على حد كامل، ولا محتاج حد يحل مشاكلي، أنا بس محتاج 'روح' حقيقية.. محتاج أكون وسط ناس بتسعى لـ 90 يوم تعافي، نفكر بعض بالله، ونتشارك الإصرار. مش فارق معايا أنت فين في طريقك، حتى لو لسه بتبدأ زيي، فده يشرفني جداً. لو أنت كمان حاسس بالوجع ده، وبتحاول تقاوم وتغلب نفسك كل يوم، ومحتاج نكون عون لبعض هنا في التعليقات عشان نكسر دايرة الوحدة دي سوا.. أتمنى نفتح باب للمشاركة ونشجع بعض هنا. أسأل الله أن يثبتنا جميعاً، وأن يجعل قيامنا بعد كل وقعة أقوى من قبلها.. الحمد لله على كل حال، وممتن جداً لأي مشاركة أو كلمة تشجيع من قلوبكم