الانسان بيكون في اضعف حالاته في الوضع ده وللاسف بنسبة كبيره اوي بياخد قرار غلط وبيورط نفسه مع حد مش مناسب وبيدخل علاقة مبنية على التعطش للمشاعر و الاهتمام على فكره الموضوع ملوش علاقة ولد او بنت بس الفكره انك لو حاولتي تبعدي الموضوع عن دماغك هتلاقية بيجيلك لحد عندك

إنت لسه صغيرة ، نصيحة ابعدي عن السكة دي، العلاقات العاطفية هتدمرك حرفيا وهتخليكي تتعبي في جوازك، اهتمي بنفسك وبدراستك لحد ما ربنا يكرمك بالزوج الصالح

ربنا يصلح حالك

بصي انتى كده حتى لو دخلتى علاقه هتبقي شخصيته نمطها تعلق قلق يعنى هتبقي عايزه اهتمام وحب كتير من ال طرف التانى وهتعتمدى عليه انه يسدلك احتيجاتك دى وهيبقي مودك ونفسيتك مربوطين بوجوده وعدمه ودى حاجه مش لطيفه ومشكله فالعلاقات بجد فأنتى محتاجه تهتمى بنفسك وتحبيها وتحاولى تقدمى الدعم لنفسك انتى ال ملقتيهوش من اهلك بجد هتتعبي لو محاولتيش تحلى المشكله دى قبل اى ارتباط وعلاقات فحياتك انا عنيت من ده ربنا يعينك بجد

ماهو المشكلة انتي بتدوري في المكان الغلط ،ماهو لازم الاول يكون في سبب يجمع بينك وبين طرف تاني ،يعني اكيد مش هتكوني ماشية في الشارع وحد يوقفك يتعرف عليكي،وغير كدا بلاش العلاقات الإلكترونية ،انا عارف انو عندك احتياج فمكن تتعرف علي حد إلكترونيا ،بس فكري انو ممكن يكون بيخدعك ومش بيديكي معلومات حقيقية عن نفسه ،او ببساطة ممكن يكون دس مش شخصيتة في الحقيقة ،الاحتياج اللي عندك ممكن يحسب إن دي مشاكل وهيفضل برضو شغال جوا دماغك ،وحتى لو عرفتي تسيطري عليه في لحظة هيرجع بعدين ،بس قولي لنفسك ليه متذاكريش وتدوري في نفس الوقت؟اكيد هيكون في يومك ساعة او اتنين او تلاتة فاضيين ،ذاكري فيهم ،انتي كدا كدا حتى لو بتحاول تلافي حد مش هتلاقيهم في الساعات دي ،استغلي الوقت دا في المذاكرة وفي باقي اليوم دوري زي ما انتي عاوزة او شوفي انتي بتعملي اي واعملية

دللي نفسك بالحاجات اللي بتحبيها فعلاً سواء اهتمام بمظهرك، هواية، أو حتى قعدة هادية لما بتهتمي بنفسك بتبعتي رسالة لعقلك الباطن إنك تستحقي، وده بيقلل شوية من الرغبة المستميته في إن حد تاني هو اللي يعمل ده، خلي عندك إكتفاء ذاتي، أبحثي عنه.

كل ساعة مذاكرة بتعمليها هي استثمار في البنت اللي هتكونيها بعد كام سنة، البنت اللي مش هتضطر تستنى حنية من حد لأنها قوية وكفاية لنفسها.

​لو البيت صعب، فنجاحك هو اللي هيفتح ليكي أبواب لبناء حياة خاصة بيكي في المستقبل، بشروطك انتي، ومع ناس بتختاريهم بعناية.

أكبر فخ ممكن نقع فيه هو تخيل إن وجود شخص هو الحل الوحيد والنهائي، الشخص ده لو جه وانتي في حالة الضعف دي، غالباً العلاقة هتكون مرهقة جداً لأنك هتكوني "محتاجة" مش "مشاركة"، وده ممكن يخليكي تقبلي بأي حد حتى لو مش مناسب ليكي، لمجرد إنه بيدي اهتمام مؤقت.

نفس الكلام

يا حبيبتي حاولي تتأقلمي علي الوضع و انا فهماكي أوي لأني أنا كمان زيك بس اللي عايزاكي تعرفية اللي ملقتيهوش من اقرب الناس ليكي متستنيش تلاقيه من حد غريب

عندك صديقه حقيقيه قريبه تقدري تتكلمي معاها و تاخدي منها حنيه؟