انا قربت من الأربعين و مليش صحاب خالص ، و مش بعرف بنات لحد دلوقتى ولا فى اى مرحلة فى حياتى اتصاحبت على بنت مش علشان أنا مؤدب و أخلاقي لا تسمح علشان انا مش بعرف افتح مواضيع و كل الشباب إلى قدى والى اصغر مصاحبين و مرافقين إلا أنا معرفش ليه ؟ مش بفكر فى الجواز علشان لا مستعد مادياً ولا نفسياً و كل ما بحاول اصاحب بنت تطلب منى فلوس أو هدايا. أما على المستوى المهنى والوظيفة فلحد دلوقتى انا مش عارف ايه موهبتى ولا أنا عايز ايه ؟ استغلت يجى فى ٨ شركات من بعد التخرج و مش عارف لحد دلوقتى ايه الوظيفة المُناسبة ليا ولا أنا اعمل ايه علشان ارتقى فى حياتى ، لأن وظيفتى الحالية يقدر يشتغلها اى حد حتى لو خريج بن يومين . اعمل ايه علشان حياتى تتطور إلى الأحسن من كل الوجوه سواء مهنياً أو اجتماعياً ملحوظة مهمة: اى حد يقرأ كلامى يوفر على نفسه اى نصائح دينية من نوعية استغفر الله و العلاقات حرام ، انا عارف ربنا كويس مش محتاج تعرفنى