انا كنت مبسوطة اوى بالعيد وبخطط ومطلعة دريس الصلاة وجيت انهارده عندي اوضتي ع الصالة ف روقتها ومسحتها بالصالة وشيل كنب وسرير وسجاد وفرشت وجيت بعدها البريود جتلى وبتجيلي بتعب جامد عشان عندي تكيسات غير ان عندي ضروس العقل مدفونة ومعوجة وتعباني اوى لحد م اشيلهم جراحة ومصدعة بطريقة وقعدة اخد مسكنات وكان فاضل ف التنضيف غسيل المواعين والحمامات وبابا جه يزعقلي ومش همه انا تعبانة ولا لا ولا فيا اى يقولى انا اعمل اى امك تعبانه وانتي يعني جاية دلوقتى تتعبي وعندي اختي اصغر مني معملتش اى حاجه انهاردة حرفيا طب م نقولها تقولهم لا مش هعمل ويزعقولى انا بابا يقولى جاية تتعبي دلوقتى وماما تقولى ع الصالة اللى عملتيهالى وتقوليلى عملت من ان الصالة عندنا كبيرة فيها ركنة وانتريه وسفر وبقيت بشيل واحط لوحدي ونكدو عليا وخلوني لا روحت ظبطت هدوم العيد ولا عملت حاجه وقعدت اعيط لحد م نمت ع انهم مش حاسين بيا وبابا جاى دلوقتى بعد م صحيت يهزر يقولي كل ده نوم مردتش عليه بعد م كسرو فرحتى وقفلوني مش عارفة اقضي العيد ازاى بعد م كنت مخططة لحاجات كتير واتقفلت اوى منهم
شوفى لو تاخدى مسكن انهردا بس حتى واعملى نفسك م واخده بالك من بريود واشربي ينسون كتير 😂
مانجو انتى ليكى حق تتقفلى اوى منهم وتزعلى.. فى اكتر يوم انتى مستنياه من السنة للسنة ومحضره الدريس ومخططة لكل حاجة وعملتى اللى تقدرى عليه فالبيت من ناحية النضافة.. وزيادة كمان عمومًا محدش بيشوف اية اللى جوانا او احنا حاسين بيه وكُنا مخططين لإية (ودى مش غلطتك ولا غلطتهم) بس اكيد انتى كان نفسك اليوم ينتهى بطريقة احسن من كدة وعلى فكرة انتى لو منزلتيش هيكون حقك بس تعرفى العيد عُمره مابيكمل الا بفرحتك احنا اه جوانا هموم وزعل يضايق وينرفز ويخلينا مش طايقين نطلع من الأوضة بس تعالى ناخد خطوتين لورا ونفكر شوية.. هوا اليوم ده ميستحقش انى افرح فيه ؟ واعمل اللى انا كنت مخططاله بالحرف ؟ بعيددددددًا عن اى حاجة ممكن تقفلى اليوم بس مهما حصل ده يوم ميتعوضش وفرحتك فيه بالدنيا كلهاااا كفاية الأجواء والعائلات اللى تِفتح النفس وترد الروح انتى اه واخدة جنب من اهلك بس ده ميمنعش خالص انك تعيشى يومك زى ما انتى عاوزه واول بس ما العيد يخلص اعملى فيهم اللى انتى عاوزاه 😂🔪
ياحبيبتي متحطيش في دماغك كلام اي حد كفاية إن ربنا شايفك و عالم بيكي قومي خدي شاور دافي و اشربي حاجة دافية و اعملي اي حاجة في اوضتك اسمعي فيديوز اعملي اكل او اي حاجة تفرحك و عيشي الأجواء و لعله خير ابقي ظبطي هدومك بعدين بس متزعليش نفسك كده حقك عليا انا