يعني عندي احساس عالي باللي حواليا وبعرف اخفف عنه وبعرف لما يكونوا متدايقين اواسيهم وبعرف اواسي نفسي ساعات بس ازاي تستشف انت مدايق من اي وتواسي نفسك بناءاً عليه ازاي اعرف ايه اللي مدايقني واعرف اعبر عنه أعتقد أن المشكلة اني متكتفة عشان حاطة قيود في دماغي زي رأيي الناس مثلا 🙂

متخليش اي رأي يكتفك كملي و طلعي كل اللي جواكي

تقريبا كده انتي ماخدتيش المشاعر اللازمه ليكي أو محدش قبل كده سواء من عيلتك أو اي شخص قريب اداكي الحب أو الحنان ف متعودتيش انك تعبري عن اللي جواكي لأن فاقد الشئ لا يعطيه وممكن بردو يكون بسبب انك شخصيتك كده بالفطره

انتي قادره تحطي ايدك على مشاعرك و تحسي بيها سواء فرح او حزن بس واضح انك دايما بتكبتي مشاعرك دي و أحاسيسك وده من صعوبة التعبير عنهم و ده مخليكي متردده و حساسه شويه من رأي الآخرين فيكي بس ما تكبريش تاني و قولي و عبري اللي بتحسي بيه بالظبط من غير ما تفكري ولا تحاولي تلاقي تعبير مناسب للأخرين عبري عنك زي ما انتي