أنا لسه بحنّ للبنت اللي كنت مرتبط بيها ووحشني أكلمها ووحشتني الذكريات والأيام اللي عشناها سوا أنا اللي بعدت عنها وكنت شايف إن ده القرار الصح لأننا مش مناسبين لبعض ولأن العلاقة بالشكل ده مكانتش ترضي ربنا وأنا لسه ثابت على قراري ومقتنع بيه بس رغم كده هي لسه في بالي ولسه بفكر فيها كل يوم ولسه ساعات بدخل أدور عليها وأشوف أخبارها وحتى لما أفكر أكلم بنت تانية بحس كأني بخونها رغم إن العلاقة انتهت فعلا أنا عارف إن لو رجعتلها مش هكون مرتاح لأن الأسباب اللي خلتني أبعد لسه موجودة وممكن هي كمان ترفض الرجوع أصلا ومع ذلك مشاعري لسه معلقة ومش عارف أتخطى الموضوع بالكامل عدى شهور وأنا الحمد لله ناجح في حياتي وفي شغلي ودراستي وعلاقتي بربنا وصحابي وحياتي ماشية كويس بس هي لسه نقطة ضعفي ولسه جزء مني متعلق بيها وباللي كان بينا