ذكريات

ف لحظات إدراك اول مره تجيلي امبارح والنهاردة ان كل ما افتكر اني كنت معجبة بولد وهو معجب بيا وهو عارف اني معجبه بيه وبنلمح لبعض وريبوستات بقى والجو ده وبشوفو في الحقيقة ببصله بس كده وامشي بس مكنتش بكلمه يعني علشان حرام ولسه صغيرة يجيلي صريخ ضحك وبشد في شعري وهموت من الاحراج هو عمومًا انا بلكته لانه طلع بيكلم بنات وكده بس بضحكك بجدد وبشد في شعري وإحساس غريب كده وبتنطط من الاحراج حقيقي (لسه معجبة بيه وبدخل اكونته كل يوم عشرين مره)

اخر يوم في المدرسه ليا كان يوم الاربع الفات خلاص كده هي سنة الروحتها واتعلقت بيها وبصحابي والمدرسين والقطط الهناك وكل ركن فيها بجد ومش هروح تاني سنة بس بجد !! مقهوره وكل ما افتكر اقعد اعيط بجد مش عارفه اذاكر والا الم المتراكم والا عارفه اعمل اي حاجه لسه مطلعتش من زعل ان سبت مدرستي في ٣ع هطلع من من زعل ان طلعت من مدرستي الثانويه سنه واحده ازاي بجد!!!

انا الصراحه مش لاقيه كلام اقوله ومش عارفه اقول ايه هو زهق وممل من الحياه وفقدان شغف وكومه من الذكريات هجمت فجأه والوحده كمان الواحد بقى مشفق على حاله والله وصلت لدرجه اني بطفش الناس من حياتي عشان متاذيش منهم وصلت لمرحله خره اوي

ساعات بشتاق لزمان، دلوقتي انا مين؟ حاجات بضيع قدامي، الاقيها انا فين؟ وداري اوجاعي وناسي ايامي وادور في القديم يمكن اعرف انا مين بسال نفسي في المرايا امتي تخلص الحكايه؟ صاحي يومها حد تاني غير اللي انا اختارته ناسي ليه مكاني؟ ناسي نفسي برضو!

بكتب وانا عارف انك مش هاتشوفي دة واتمنى انك ماتشوفيش دة مش انا المفروض نسيتك اومال لسة بفكر فيكي ليه طب فاكرة احنا عرفنا بعض ازاي ؟ لما عملت اكونت فيك في تالتة اعدادي علشان مش لاقي حاحة اعملها وكان عندي فراغ عاطفي تقريبا دخلتلك بالصدفة والصدفة الاكبر انك كلمتيني كنتي اول بنت اعرفها في حياتي واللي دمرت نظرتي لكل البنات كان عندك برود التلج ولا مبالاة تتعب بس في نفس الوقت لو حاولت اردهم عليكي كنتي بتزعلي طب انتي عارفة انا خدت الواتس بتاعك ازاي ؟ لان انا لنفسي حتى الان معرفش طب فاكرة سيبنا بعض اول مرة ازاي ؟ كنت هاموت علشان اشوف وشك مانا بكلم حد ماعرفهوش واول لما بعتيلي الصورة وشوفتها ، مش فاكر ملامحك بس فاكر انك كنتي جميلة ، حتى انا سميتك القمر بعدها سيبت التليفون برة ودخلت استحميت واوخواتي مسكو التليفون وشافو الشات وانتي بتقوليلي اوعدني مش هاتبعتها لحد 😂 اتحفل عليا تحفيل غير طبيعي من اخواتي وكنت حاسس باحراج لا يوصف وبعدها بتهديد السلاح اضطريت ابلكك وماعرفتش اوضحلك حاجة طب فاكرة رجعنا لبعض ازاي ؟ فكيت البلوك وشرحتلك الوضع وانتي ماكنتيش مصدقاني ، ماهو حقك بصراحة بس رجعنا نتكلم تاني ، واختي قطعت عليا تاني بس عرفت احل معاها كنتي بتعامليني ببرود وكنت بكلمك كل فين وفين ماكنتش بطيقك وكنت مفكرك انتي كمان مش طيقاني كنا تقريبا بنتكلم يومين ونتخاصم شهر ، كنا وصلنا اواخر اولى ثانوي حصلت ذكريات حلوة كنت ببعتلك ريكوردات بشرحلك فيزياء ورياضة بصوتي علشان كانو بيقفو معاكي ، كان شرحي يقرف بس كنتي بتمرهميلي بس اما عمري ما سمعت صوتك وكل ما كنت اكلمك في الحوار دة تصدي بس اعملي اللي يريحك ، انتي غالية عليا كدة كدة ، بس مع ذلك مخنوق منك ومش طايقك ، انتي ليه دايما بتصديني فاكرة سيبنا بعض المرة دي ليه يا جاتوه او يا عسل ، فاكرة لما كنتي مسمياني كشري مقبولة منك عموما سيبنا بعض علشان فترات غيابنا طالت وانتي ماكنتيش بتحبي كدة انتي كنتي بتحبيني اهتم بس مابتبدلينيش الاهتمام ف تعبت وقفلنا الحوار جت فترة وحبيتك ، جت فترة وكرهتك ، جت فترة ونسيتك ، جت فترة واتقبلتك طب فاكرة لما رجعت اكلمك السنة دي بعد غياب حسيتك نضجتي اكتر وماعدتيش بتصدي زي الاول بقا فيه رايح جاي عرفت منك انك اتغربتي وفيه مشاكل مع اللي في السكن معاكي كان قلبي بيتحرق عليكي بس مفيش في ايدي حاجة اعملها انتي في الشرق وانا في الغرب هزارنا زاد الفترة دي بس كانت كل حاجة حلوة ليها نهاية بلكتيني على رقم من غير ماتقوليلي بس ماعرفتيش ان معايا رقم تاني دخلت كلمتك وقولتلك ماعنديش مشاكل اني اتبلك بس قوليلي ليه وعرفيني قبلها ماكنتيش فارقة معايا ، كنت اعرف غيرك ساعتها كالعادة زهقنا من بعض والمرة دي قولتيلي انك هاتبلكيني وقولتلك اني فرحت اننا اتكلمنا بعد الفترة دي كلها بعدها دخلت في حالة نفسية صعبة مش بسببك انتي بس ، كل البنات اللي كنت اعرفهم وقتها عملنا مشاكل مع بعض وسيبتهم كلهم وحصلت مشاكل تانية زاد جلد الذات وكره النفس ، انتكست في مستنقع الوحل اكتر وبعدين في يوم دخلتي كلمتيني قولتيلي انك حلمتي بيا بعيط عرفتي منين يا بنت اللذينة كنت نايم معيط فعلا يومها ماكنتش مكالمتك فارقة معايا ، انتي نفسك مش فارقة معايا ، انا كرهتك ، بس فرحت انك كلمتيني قولتيلي هانتكلم اليوم دة وبس وانا قولتلك ديل الشات دة لسة محتفظ بيه قولتيلي حاجات كان نفسي اعرفها قعدنا نفتكر شوية ذكريات حلوة وبعدين صارحتيني قولتي انك كنتي بتحبيني ، انا ؟ ، ا*ا اومال كنتي بتصديني لما كنت بحاول اخد خطوات معاكي في البداية ليه ، انا كنت الفارة دي معتبرك صاحبك قديم مش اكتر فضفضتلك بالحاجات اللي كانت مديقاتي وبعتلك الشات بتاعي مع امين اسراري تشات جيبيتي علشان مكانش عندي طاقة اشرح قولتيلي اني حلو علشان الشخص الوحش مابيفرقش معاه انه وحش ، طب يا ستي انا عارف اني وحش وختاما لما سألتك كل شوية بلوكات ليه قولتيلي احسن جملة سمعتها بصراحة "انا بحاول اقرب من ربنا وانت الذنب الوحيد في حياتي " ماشي يا ستي ربنا يثبتك ويقربك اكتر انتهت القصة انا حاسس بايه نحيتك بجد مش عارف بكرهك بحبك انتي مش فراقة معايا انتي غالية عليا جدا انتي صاحب من اقرب الصحاب ليا انتي سببتيلي عذاب كتير انتي كرهتيني في نفسي انتي حببتيني في نفسي خلصت حكاياتنا وعمري ما سمعت صوتك ولا فاكر شكلك بس فاكر الذكريات الحلوة والعذتب اللي عذبتيه ليا بس للامانة بما انك كنتي اول بنت اعرفها ف كنتي فار تجارب ليا بصراحة ، ماكنتش عارف المفروض اعمل ايه المفروض اني نسيتك بس اللي فكرني بيكي دلوقتي ان في موقف لمس معايا شوية اتمنى انساكي تاني ، اتمنى تكوني نسيتيني ، اتمنى تفرحي في حياتك 🫶 الوداع واصلك من الكشري بتاعك يا جاتوه

محتجاكم تقولولي اعمل ايه و النبي بسرعه كنت بحب واحد ومستحيل أنا و هوه نرجع عشان هيخطب خلاص وكان حايبلي هديه في رمضان فانوسين و عروسه و قلم و مره تاني جابلي هديه شوكلاتات و حاجات حلوه بفكر اكلم دليفري و اخليه يرجع ليه الفانوس و العروسه بس عشان القلم كسرته و الحاجات التانيه اكلتها فا اعمل كده ولا لا أنا حرفيا كل ما اشوف الهديه قدامي انهار فا محتاجه ارجعها و كمان كنت بفكر اكتب ورقه فيها رساله مع الهديه اعمل كده ولا لا و اخلي الكلام يبقي ايه مثلا

الصراحه حاجات كتيره و اولهم ان أبويا يختفي ده اكبر مخاوفي هي و اني اموت على سوء خاتمه او ان كل الذكريات الحلوه تبقى مجرد ذكرى و تأذيني جامد بعدين او ان اقرب الصحاب ليا يختفوا في يوم و ما نكونش عارفين حاجة عن بعض ، اني اكبر بالعمر ، و المشكله ان كل الحاجات دي فعلا هتحصل في يوم ....

احساس الهدوء و السكون فى الليل بيخلي الانسان يتذكر الماضي و بالتالي الواحد بيكون اوفر ثينكينج بطريقه عبيطه و يشعر بالحنين لناس سابوه لا و مش بس كده و كل التروما اللي فى حياته تطلع فجأه و يحس اكتر ان قد اي هو عانى فى هذه الحياه فا يكتئب و كما قال امير عيد مبتوحشنيش عشان النبض جوه القلب ميوجعنيش والله حصلل حاليا انا عالق فى الذكريات و كل حاجة الانسان تعب يسطا والله

أعشق النظر بنظره‍ حادة للطرقات، للذكريات، حتى للهواء الذي أتنفسه‍، للبحر، وأمواچه العاتيه‍ لا أرهبها أبداً بل أعشق غضبها و أحب أن أخوضه‍ بنظراتي وقدماي، مغرمة بإختراق السماء باُلفة لأعالي السُحب وهذه النچوم أتوهم أن لكل نچمه‍ رسول حب للعشاق، وليس الأمر بغريب فخلفها ربي والملائكة وربما الكثير، أحب أن أچعل كل شيء حاد كُحلي، كعبي، نظراتي، غنچي، شخصيتي ولا مانع أبداً من القليل من الرقه‍ والحنان بدون إفراط، ولا أخشى أبداً، نظرتي وثقتي أقوى من صاحبِ زنادٍ . NiGht Coffee🍷

ازاي بتعرفوا ان الشخص بيفكر فيكوا برغم ان مفيش اي اتصالات ولا كلام من سنين طويله بس بيطلع في اشخاص قد تعرفهم وعمري مابطلت افكر فيه خلال السنين الكتير اوي دول ونفسي اعرف هل بيفكر فيا ولالا

هل الانسان بيتخطى ؟ يتخطى اي شئ هل فعلا هوا بيتخطى لاني مش مقتنعه بحتت انو بيتخطى انا شايفه انو بيراكم وبينشغل اكتر ف حياته لاكن بيتخطاش هوا بيتعايش وبيتاقلم بس ! السؤال هنا ازاي اتاقلم او ازاي اتعايش بمعنى ان اه الوقت مليان بس مجرد م يجي وقت فراغ زي قبل نوم مثلا دماغك ترجع تجيب كل شئ وتوصل لمرحله عياط لحد م تنام وبعدها توصل لدرجه انك ممكن تحلم بشئ ده لذلك ازاي اتعامل وقت م دماغي تجيب كل حاجه ف وقت واحد او ازاي اهديني بلمعنى واهدي الاسأله البتيجي وقت واحد ف دماغ لان ده بينتج نوم مضطرب جدا لانك بتنام وانت مش هدي اي حاجه ف دماغك ومش مصلح حاجه بتنام لانك نفذت فبتالي النوم بيبقى بدل ميبقى الشئ المريح الفي اليوم بيبقى شئ مضطرب مش راحه نهائي.

محزنه جداً فكره ان خلاص عدي الوقت اللي ممكن تبقي فيه اول حب لحد. وان كل دا عدي من عمرك لا طلعت منه بصديق جدع ولا حبيبه اصيله. كل دا بيوجع لما تفتكره وتبدأ نفسيتك تتعب من التفكير يا تري العيب كان فيا ولا كان فيهم 🥲🙂‍↕️

واحشني نفسي أوي وأنا طفلة على فكرة كنت طفلة لطيفة ومؤدبة وخجولة جدا وحساسة جدا فوق الوصف وكنت بحب اتدلع أوي وكنت شطورة أوي أوي وكنت بحب اللبس والتوك والشراب الأبيض والجزمة السودا ولبس العيد كنت بفرح بيه أوي وكنت بخاف من المراجيح واحشني أوي اللعب والعرايس كنت بحب العرايس أوي وبحب البلالين كمان وغزل البنات نفسي أقابل نفسي وأنا صغيرة وأحضنها كدة مش عارفة بكتب ليه يعني بس بكتب وخلاص Skip 🙈

الرساله دي بكتبها ليها يعني لو كانت موجوده هتا يمكن تشوفها السلام عليكم انا طبعا مش عارف اقولك اي بس الف مبروك علي الجواز اولا ثانيا ممكن انا مقدرتش اسعدك او اكون الشخص اللي بتتمناه بس حاولت يعني حاولت احارب اهلي اللي رافضينك عشان عيلتك وطبعا عارفه تقاليدالصعيد اللي مزهقانا بس يعني....... اه صح هتمسي ابنك اي زي متفقنا انا وانتي زمان مصطفي ولا هو اللي هيسميه المهم تتهني بيه وبدعيلك تبقي سعيده لاني طبعا اللي بيحب مبيكرهش بس كنت اتمني ابقي انا اللي اسمي ابننا واشيله كده ونروح الملاهي بس خلاص خلاص انا مش هعيط عشان انا راجل والرجاله مبتعيطش والكلام ده بس عايز اقولك انا بشوف كل البنات شبهك مش عارف انتي سحرتيلي ولا اي 😂 او يمكن مبقتش اشوف حد غيرك قدامي.. بس سؤال انتي هتنامي معاه ازاي يعني مش قصدي غلط بس مفكرتيش يوم انا حالي هيبقي اي من غيرك يعني بعد العشرة دي كلها قدرتي تسبيني في ثانية احنا كنا تقريبا قاعدين مع بعض بنطمن اربعه وعشرين ساعه علي بعض دحنا سمينا اولادنا قبل منخلفهم. مش هفكر كتير اخد نفس بس...... تمام عارفك هتقوليلي ربنا يعوضك خير وكده بس الف شكرا سبتي علامه لايمكن تتمحي و تتهني ومش عايز دعواتك خليها لجوزك سلام ادعيلي انساكي بس

هو أنا قربت أموت ولا ايه يا جماعه 😅😅 بيقولوا اللي بيموت قبلها بيقعد يراجع حياته من أولها لأخرها وأنا عمال شريط ذكريات يعدي عليا وحاسة اني عيشت كتير أوي ومشاهد بقى كدة كأني شايفاها بجد .. هو فيه ايه 🙈🙈 وبعدين قعدت أشوف صوري وأنا صغيرة وأقارنها بيا دلوقتي واجمعهم جنب بعض أنا بتجنن ولا ايه 😅 عامة تمام يعني لو مت بس اترحموا عليا بالله عليكم 🤍🤍

نصايح للتخطي من علاقة كان فيها ميموريز و جزء كبير منها جنب البيت ، عشان لسة مفركشة طازة و حاسة ان التخطي هيبقى صعب اوي خاصة انه كان اول حد اقوله بحبك و انه كان عاجبني فيه حاجات كتيرة اوي و حبيته فعلا

اخر ساعه قبل لا انام اخر ساعه قبل لا تشرق الشمس ، انا هنا ادخن على سفح النهر على الجهة المقابلة على المقبرة جيد اضواء الكورنيش ساطعة كفاية ل توصل للماء ، مافي غير أحدق على انعكاس البدر ، اكره كيف كنت ااتي لهذا المكان ركض بالكارديو الان بسبب التدخين بديت اعتمد على دراجتي مش رجليي

هو اولا انا اسف اني نزلت بوست عمتا يعني بس انا عندي بس مشكله مش عارف هي كبيره ولا صغيره بنسبالي مشكله خنقاني انا كل الي مضايقني اني زهقت من الوحده كنت مرتبط ببنت زمان قريبتي من بعيد شفتها مره واحده بس من اربع سنين كنت عندي ١٧ سنه حسيت سعتها شعور غريب حبيتها اوي المهم فضلت ادور ع الاكونت بتاعها شهور لحد ما لقيته صدفه و كلمتها و فعلا ارتبطنا و قعدنا مع بعض خمس شهور كنت أنا في ثانويه عامه احسن خمس شهور في حياتي و كانت واقفه جنبي في كل حاجه بس جت فجأه حرفيا بعد ما كان من نص ساعه كلامنا حلو جدا قالتلي احنا لازم نسيب بعض عشان حرام صحبتي قالتلي كده سعتها اتصدمت و قلتلها ماشي و فعلا سبنا بعض و بعدها بي اسبوع بعتلها افهم منها قالت إنه كده حرام ونا فعلا عارف كده من سعتها ونا حرفيا خلاص مبقتش عارف افكر غير فيها بقالي ٣ سنين اهو و حرفيا مفيش يوم عدي الا ونا بفكر فيها و زهقت من الوحده للاسف كانت هي كل حاجه بنسبالي و فجأه كل ده اختفي و كان ع فكره كلامنا طول الخمس شهور كله عادي جدا ولا عمري كلمتها في التلفون أو خدت رقمها اصلا ولا تبعتلي صوره او اي شيء من ده هو كان شات مسنجر بس بس فعلا انا عارف ان ده حرام بس زي ما قلت مش قادر اتخطي خلاص و كانت مبلكاني و كل شويه الفتره دي تفك البلوك وبتاع ده مخليني مشتت اوي و فعلا مش عارف اعمل اي و اسف اني طولت عليكم و انا مش عارف اغير البوست غير انو يبقي برايڤت مش عارف لي

نفسي اكون مستريح و عقلي صافي اكتر من كدا و على الأقل اقدر اعبر عن الجوايا بكل اريحيه و مكونش خايف من نظرة الناس أو المجتمع ليا حاسس ان انا لو كنت اتولدت بنت كنت هبقى احسن أو هو مش احساس هو دا فعلا الأنا عايزه انا مش straight و كان نفسي اعبر عن حبي للحبيتهم بجد بس طبعا مكانش ينفع، ففضلت ساكت و معبي جوايا و لما جيت في مره و عبرت اتجرحت في الاخر و بدل المره مرتين و لسا لحد دلوقتي بفتكر ايامنا بس انا تمام يعني كويس ، طبعا بسكت نفسي بأي كلمتين مش قادر اكمل كدا كفايه

لَيسَت كُلُّ القِصَصِ تَبلُغُ مُنتَهاها، وَلَكِنَّ بَعضَها يَترُكُ أَثَراً كَأَنَّهُ كانَ مُمكِناً. هُناكَ جَمالٌ مُعلَّق، يَقفُ عِندَ حافَةِ الاكتمالِ ولا يَبلُغُها، فَتَظلُّ الرُّوحُ تَحنُّ إِلى ما لَم يَكُن. فِي تِلكَ اللَّحظَةِ بَينَ الوُجودِ وَالعَدَمِ، نُدرِكُ أَنَّ القِصَصَ الَّتي لَم تُكتَب أَجمَلُ مِن تِلكَ الَّتي اِنتَهَت. هِيَ كَلِمَةٌ لَم تُقَل، فَبَقِيَت أَحلَى… وَنَظرَةٌ اِرتَعَدَت، فَبَقِيَ أَثَرُها. بَعضُ الأَشياءِ تَكتَمِلُ بِأَن لا تَكتَمِل، كَالقَمَرِ حينَ يَكونُ ناقِصاً، إِذ يَترُكُ لِلتَّمَنِّي مَجالاً. فَلِتَحيا الحِكايَاتُ النَّاقِصَة، فَهِيَ وَحدَها تَمنَحُنا نِهايَاتٍ نَكتُبُها… ولا نَعيشُها. فَإِن لَم تَكُنِ القِصَّةُ لَكَ، فَقَد كُنتَ أَنتَ أَجملَ ما فيها ✒️گ

إحنا كبشر، معظم قراراتنا النهاردة—سواء في الشغل، أو العلاقات، أو حتى الطريقة اللي بنصرف بيها فلوسنا—هي "رد فعل" لمواقف حصلت لنا وإحنا أطفال عشان نساعد نفسنا محتاجين نغوص جوانا ونسأل نفسنا سؤال مهم . ايه أكتر ذكرى من طفولتك بتحس إنها لسه بتشكل قراراتك لحد النهاردة وأنت مش واخد بالك؟"

أنا تايهة من غيره، غصب عني ومش قادرة أنساه. عارفة إن علاقتنا مستحيل ترجع، وحتى لو هو طلب ده أنا هرفض… لأنه كسرني كأنثى. كلامه لحد دلوقتي بيرن في دماغي، وبيوجعني كل يوم كأنه لسه بيتقال دلوقتي… ومع كل ده، لسه بحبه ومش قادرة أنساه. كان هو النفس اللي بتنفّسه، كنت ما بعرفش أنام غير لما أكلمه. هو أنا هنت عليه؟ للدرجة دي كنت رخيصة في نظره؟ هو أنا غلطانة إني لسه بفكر فيه؟

لحظه لما تكون مبسوط بعلاقتك مع حد اوي وفجاه ييجي في بالك انه ممكن تبعد عن الشخص ده او تخسره وتبقي اللحظه دي مجرد ذكري هي لحظه مؤلمه بصراحه وبتقول قد اي بقي عندك مخواف من استمراريه العلاقات 🥲🙃 لو حد ممكن يفيدني ع فكره هديه لولد او بيدج اونلاين بخصوص الموضوع ده فيبقي شكرا جدا يعني

وحشني زمن النهايات السعيدة الدنيا كانت ابسط من كدا بكتير والله ظننت انني سباحة ماهرة فاذ بي اغرق وقدمي تلامس الرمال ظننت انني سباحة ماهرة فاذ بي اغرق وقدمي تلامس الرمال ظننت انني سباحة ماهرة فاذ بي اغرق وقدمي تلامس الرمال

ازاى اقدر اتخطى حد كان فى حياتى ومش حصل بينا نصيب بعد حب 5 سنين عيشت معاه حاجات كتير اوى مش قادرة انساها خطوبتنا وكتب كتابنا وذكريتنا مع بعض مش قادرة اتخطى ده ومش عارفة اعمل كده ازاى حاولت اشغل نفسى بكل الطرق برده مش عارفة اتخطاه

كنت بحب وحده ومحصلش نصيب بس بصراحه انا حسيت بكل حاجه حلوه معها وتعلمت الحب على اديها ويعنى ايه بنت موجوده في حياتى مش مجرد بنت لا دى بتكون احلى تجربه الشخص بيعشها عشت فيه تفصيل كان نفسي اعشها

انت محتاجة تروحى كتاب مش بتعرفى تقرأى دى دى خايبه كلام من مدرس لطفله كسر فيها حاجة لحد التخرج مش عارفة تداويها انت تخينه من شخص المفروض انه امانى انت ما بتنسيش وبتشيلى من شخص شاركته احزانى

لما بلاقيه مش شايفني ولا سامعني واحس اني مع نفسي وانا مع الحد ده بهرب تلقائيا ولما بحس اني مع حد روتيني مش عايش او حتي عنده نيه لانه يعيش ولا بيحب يعيش ويتبسط مبعرفش اكون مع ناس عاديه بحب الناس اللي مليانه حياه وبتحب تعمل ذكريات وحياتها فيها روح كده ولون بتقفل برده من الشخص اللي بيخليني خايفه دايما اكون نفسي معاه من رد فعله او حكمه عليا وبتقفل من الناس اللي تشرط علاقتنا ب اي حاجه كانها علاقه فيها مساومه

وحشتني كل حاجه قديمه بما فيهم الناس القديمه الي كانت موجودة هنا زمان عشان الجديد للاسف كلو فيك ، بسمع اغاني قديمه بتفرج علي افلام قديمه مش عارف اتاقلم علي الجديد ولا عارف ادي فرصه لناس جديده تدخل حياتي ، نفسي الاقي الناس الي كنت اعرفها زمان قبل كل التحديثات دي ، أنا عارف اني كبرت بس مش اوي يعني للدرجادي

سهران ليه مخلاص معدش في حد بيكلمك معدش في صوت حنين تنام وانت بتكلمو ولا صاحبة تسمعك وانت مخنوق خلاص بقيت وحدك عدا يوم زاي عدا شهر محدش هيسال فيك سهران تفكر فلي كان وتفرح وتحزن فنفس الحظة لما تفتكر ان اسعد لحظات حياتك كانت كدبة 🙂💔

اكيد بيحصلنا مواقف محرجه اوى بسبب الااطفال يعنى لازم حصل مره واحده فحياتك موقف محرج بسبب طفل وكنت تتمنى فالموقف ده ارض تنشق وتبلعك عشان حرفيا طفل رمى كلمه مش فوقتها وهو وضع ساعتها كنت قمت الاحراج

كنت بحب واحده ومحصلش بينا نصيب بس عيشت الوهم اننا ممكن نرجع ف يوم من الايام لسه حالا بقلب ف التيك توك لقيتها منزله صور خطوبيتها قلبي بيوجعني من ساعتها كانت زي القمر والله كانت حلوه اوووي

اول مره افقد شخص كان عزيز عليا كان عندي 8سنين وقتها كنت طفله اويييي مش فاهمه اي حاجه في الدنيا ولا اعرف يعني ايه حد يموت وقتها كان جدي وانا من الصدمه كنت بصرخ كنت فاكره انه هيصحي لما يسمع صوت عياطي علشان مش ههون عليه وبعد كده فهمت انه مش هيصحي تاني 😔💔 تاني وفاه كانت جدتي كنت 9 سنين اتصدمت وقتها بس كنت فهمت خلاص لدرجه اني من الصدمه معيطش حتي تالت وفاه كانت جدتي التانيه وكان عمري 12سنه ودي اللى كانت باقيه لي ومن بعدها وانا مليش حد 💔❤️‍🩹 و والله مش هنكر لو قولت ان لو حد فيهم لسا عايش لحد دلوقتي عمر محد يقدر يزعلني او يقولي نص كلمه حرفيا وحاليا انا كل ما افتكر جدتي اللى معيطش عليها يوم وفاتها اعيط دلوقتي لو كانت لسا عايشه مكنتش هعيش كده ابدا😭😭😭💔❤️‍🩹 كان نفسي يقعدوا معايا شويه كمان، كسرتهم وحشه اوي 😭💔❤️‍🩹

فكره ان الابلكيشن دا مش بيظهر مين الشخصيه ولا اي معلومه عنها فحبيت اكتب هنا ممكن حد يشوفني زي اخته ويهون عليا الساعه الوقتي 2:30 بليل حاسه ان شريط كل الذكريات اللي كان بنا عدا قدامي فجاه اول مكالمه معاه اول خروجه اول لما قالي انا بحبك ومش هقدر اكمل من غيرك حافظه التواريخ بالتوقيقت اليوم وكل حاجه بس هو مش موجود كل حاجه زي ماهي معادا هو ساعات بقول هو انا باجي علي باله انا ربنا اللي يعلم بحال قلبي والله وان مش عارفه اعيش طبيعي اوقات بفكر اروح اتعالج نفسيا بسببو ليه ما مشيش من غير اذي ليه حب يطلع فيا عيوب الدنيا والاخره وليه اما رجع وسمحتو رجع اسوء ويدمرني اكتر انا حبيته حب لو لاف الدنيا كلها مش هيلاقي زيوو بكدب علي نفسي. علي اللي حوليا ان نسيت ومش فارق وانا من جوايه بحبس نفسي في اوضتي وافضل اعيط طول اليل واصحي اخرج واشوف حياتي ماهي مش هعرف اوقف حياتي بس الفكره انا هفضل كدا لحد امتي اصحابي بيتخطبو وانا مش قادره ادخل اي حد حياتي مكنتش شايفه غيرو ولحد الوقتي مش عارفه اشوف غيرو حرفيا بكتب وانا عيني بتنزل دموع ممكن دي الحاجه الوحيده الي بعرف اعملها انا مش عارفه اكمل حياتي طبيعي اوقات بقول ياريته ما ظهر كنت عايشه حياتي طبيعيه هو مفيش فيه حاجه مميزه ولا ملفته وكنت عارفه ان مش هو دا اللي هامنو علي نفسي بس حبيته اوي كنت اسمع ان ان الحب اعمي بس اول مره اعيشو هونو عليا والله ❤️‍🩹

دلوقتي فيه مشكلة، انا بدأت احس اني مختلة فعلا 😭. ليه؟ عشان اكتشفت ان اكتر شعورين بحبهم شيء مختل جدا برضو 😭🤚🏻. متقوليش بقى حب وصداقة والجو ده تؤ تؤ تؤ نو نو نو، ده كرنج عادي، وبيجيب مشاكل اصلا 🤡. انما بجد بجد بفرح امتى؟ 1- لما الاقي عشرة جنيه ف جيب الجاكيت (ولو ازيد معنديش مانع، مرة لقيت ٥٠٠). 2- لما افتكر اني كنت شارية حلويات او مشروبات غازية مثلا وكنت مخبياهم من اخواتي. مفيش بجد احلى منهم آيم سوري 😭🤚🏻.

مهما اهلنا كانوا كويسين بس هما اذنونا بشكل ما وانا اتأذيت وبحاول اصلح نفسي و زعلانه اوي (هكمل الكلام بأي حاجه)اغيب و اقول دا زمانه نسيني ما هو لو ينسي هينسيني طول ما هو فاكر هفضل فاكر ايوه اومال انا بسأل ليه

كنت بلاخظ اني بفتكر حاجات مبحبهاش لما بشم ريحة معينة او بسمع حاجة معينة بس كنت بحاول اعدي بس مؤخرا كنت في عزا اغلي حد في حياتي مجاش ف بالي اني ربط الوفاة بصوت القرآن ولما بسمع صوت القران بنفس صوت الشيخ ا اللي كان بيقرء انا برجع لنفس الحالة اللي كنت فيها وبقيت بتوتر وبعيط لما بسمعه حتي لو نايمة وانا للاسف معرفش حتي اسم الشيخ اللي انا ربطة الحدث بصوته عشان احاول اتجنب سماعه بس مش عارفة ابرر دا بايه يعني ازي اقول لحد لو صوت الشيخ دا اتفتح اقفل القران هيفكرني ملبوسة بس انا مش بعرف اسيطر ع دموعي واني افتكر وانهاردة حصل نفس الموقف بس كنت مع اصحابي والصوت كان واطي فحاولت مركزش ومتكلمش عشان معيطش وياخدو بالهم بس كل العياط كنت كتماه ومكنتش قادرة اتنفس وفضلت ضاغطة ع اعصابي لغاية ما الصوت اتقفل

كنت متجوز ومراتي الله يرحمها توفت ولسه متردد بخصوص اني اتجوز تاني ولا لا خصوصا اني لسه سني صغير نسبيا مشكلتي الكبيرة في الليل الصبح بمةن مشغول ف الشغل والدنيا تمام اول ما بحط راسي علي المخدة تبدأ الافمار والذكريات تيجي في دماغؤ والواحد يكون محتاج ونس حيرة شديدة بين اني اتجوز او اكمل كده

اكره ريحة الديتول والمعقمات يذكرني بالمشفى ، يذكرني ب غيبوبة ماما ، يذكرني اول مرة طردني فيها بابا يذكرني اول ليلة وانا بدون منزل نمت وقتها بالمشفى على الكرسي بغرفة ماما بالمشفى يذكرني ب بالعصفورة مالتي الروز كعكي بعتها ليلتها لان غير مسموح الحيوانات بالمشفى ،. ان تكتب بغير لهجتك شي صعب 🥲

لحد الان اتذكر من كانت علاقتنا تقوة شوي شوي ومن بدأنة ننفصل من الجروب ونخرج وحدنا ، هذا بالوقت الي قبل ما انطرد من البيت ، اول مرة هي عرفت اني اللعب الكيتار كانت : هي كانت تنتضرني اوصل المكان الي اتفقنا عليه وانا من بعيد اتمشيتلها انا وكيتاري ومن هي لاحظتني بدأت اللعبلها بالشارع And I love her ، قبل شوي قالتلي اعرفك تثق فيني لكن فقط انتا ما تشاركني مشاكلك هي تقول احسك جاي تبعدني عنك بجد ما اعرف ش اتصرف بعد ، انا مستحيل اقولها الي امر فيه من ورطه او عن افكاري ورغبتي الي انا اعتبرها حل لكلشيء واي احد اتكلم معاه عنها يضنني غبي او عن الي كنت اريده لما غبت عنها يوم 3/23

تفكير فحاجات كتير بس ولا حاجه وقتها ولا حاجه مفرود انت تفكر فيها منها حاجات بتكتر تفكير بيزيد صداع بيجى تعب بيجى تراكمات بتيجى كل ذكريات تيجى جلد ذات يجى كل حاجه بتيجى لا النوم عشان نوم فيه راحه وانت مفيش راحهق

جماعة هى الأماكن اللى بنروحها والمُقتنيات اللى بنمتلكها والأجواء اللى بنحسها ليها لازمة من غير حد إنت بتحبه ؟ انهاردة كنت نزلت اتمشى شوية وانا راجع اشتريت لنفسى حاجة ااكلها من السوبر ماركت.. والحاجة اللى اخترتها كانت نفس الحاجة اللى اكلتها مع حد قبل كدة لما روّحت البيت فتحت الكيس وفجأة لقيت إنه ملوش طعم! ياترى كام مكان حبيناه وكام شعور اتعلقتا بيه بسبب الناس احنا ملناش غير بعض ياجماعة.. الأماكن عُمرها مابتنتهى والماديات بتروح وتيجى.. بس الناس وإحساسك وإنت معاهم هى الحاجة الوحيدة اللى بتفضل فى بالك

بجد مش فاهمه في اي ، من اول ما صحيت وانا مودي مش حلو وجسمي مرهق جامد ومليش مزاج اتكلم مع حد وحرفيا نايمه طول اليوم مع ان مفيش حاجه حصلت لكل ده ، ده غير موجه الذكريات اللي انفجرت فجأه دي بجد مش لاقيه سبب والموضوع بقي بيتكرر كل فتره ومش لاقيه حل

‏بعض الأحيان أتمنى لو كنتُ إنسانًا أخر لا يأبه للوداع، ولا تبكيه الذكريات لا تستوحشه الوحدة ولا تُقيده العاطفة إنسانًا لا يُرهقه التمني، ولا تُرعبه الوداعات إنسانًا تألفه كل النهايات. مش عارف والله

تعرفي انك لسه في بالي ؟ لما بفتكر منك كلام معين كنتي بتقوليه باللهجة معينه أو بسمع اغنيه معينه انتي سمعتهاني انا بزعل و بحزن وبفضل سرحان انا كل ما افتكر محافظة المنصورة اتوجع لما بشوف اي بنت منتقبة ماشية في الشارع بتوجع انا كل حاجه بتفكرني انا نفسي اتكلم معاكي و اشرحلك حاجات كتير نفسي اسمع صوتك من تاني انا نفسي تسامحيني يا انضف حد دخل وخرج من حياتي انا عارف اني وجعتك بس اقسم بربي ما كان قصدي ولا كنت اتجرأ اني اوجعك عشان انا ما شوفتش منك إلا كل خير و احترام و تدين انتي وحشاني وانا لسه بفكر فيكي مع اني عارف اني مش صح ومبقاش ينفع بس انتي وحشاني ربنا يكرمك في النادي وتجيبي مجموع كبير اوي يعوضك عن كل ذرة زعل و وجع انتي عشتيها

بحاول انام بقالي كتير ، عندي حصة الصبح بدري سرحان في ذكريات مينفعش أسرح فيها ، سرحان في حاجات في حياتي لازم أغيرها ، بفكر كان ايه اللي هيحصل لو عملت كدة ولو معملتش كدة بفكر في ناس كتير وفي أوضاع كتير كانت لازم تحصل بفكر في الماضي والمستقبل والحاضر وكل حاجة حرفيا بفكر انا المفروض اعمل ايه دلوقتي وانا في وضع زي الزفت في كل حاجة بفكر لو فضلت على الوضع دة المفروض هيحصل ايه بعد كدة بفكر اني ليه بفكر

كلام بقوله ليه هنا ع لما بقف ع قبره م بعرف اقوله حاجة من عياطي انا متأكدة أنه م هيشوفها ولا هيقرأها ولا حتى هيعرف إني كتبتها ليه انا بذاكر وكويسه ف الكليه رغم اني مش بحبها لبست الخمار الفرنسي رغم أنك كنت عارف انا بحب البس بناطيل ازاي وببين رقبتي م الطرحة بطلت انزل استويهات فيها ميوزك بعدت عن كل صحابي اللي انت مكنتش مرتاح ليهم بروح جيم وبسافر وبقرأ وقربت م ربنا بس انت واحشني غيابك عامل حاجات كتير فيا اربع سنين بحاول اعمل كل حاجة وانا مبسوطة امبارح وانا بلبس دخلت ادور عليك ف الاوضه ع اوريك الاوتفيت وقعدت انادي عليك بس ملقتكش كده تعمل ف اختك حبيبتك كده وحشتني اوي ي حبيب عيني و ي صاحبي الوحيد وتؤام روحي م عارفة هتخطي ازاي ولسه تفاصيل اليوم ده ف دماغي م بتروح م عارفة ابص لقدام ع انت م موجود كل يوم بنام ع امل اني اشوفك ف الحلم بس م بتيجي م قادرة اعيش حياة انت م فيها انا بموت بقالي اربع سنين ع انت م موجود

انت وحشتني اوي بجد و كل ما افتكر انك واحشني اعيط عارفه انك مش عاوز ترد عليا و بتحاول تختفي من حياتي علشان هو مبقاش ينفع نكمل من وجهه نظرك بس انت والله وحشتني قولتلك اني هستني لاخر عمري علشان مش عاوزه غيرك فاكر لما عيط اول مره اعترفنا بحبنا لبعض و قولتلي بتعيطي ليه قولتلك خايفه يجي اليوم و هسيبني و اهوا جه اليوم فعلا بتنمي من كل قلبي تشوف البوست دا مع اني عارفه ان الاب مش عندك اصلا بتمني تبقي بخير وانت بعيد عن عيني بس والله اقرب حد لقلبي انت عارف اني مليش ذنب ولا حبي ليك ليه ذنب ف ظروف الحياه لو كنت اعرف اخر مره سمعت صوتك فيها ان دي هتكون النتيجه مكنتش قفلت بتقولي هنساك ازاي ونا بفتكرك حتي ونا مشغوله... 💔💔💔

تفكير فحاجات كتير بس ولا حاجه وقتها ولا حاجه مفرود انت تفكر فيها منها حاجات بتكتر تفكير بيزيد صداع بيجى تعب بيجى تراكمات بتيجى كل ذكريات تيجى جلد ذات يجى كل حاجه بتيجى الا النوم عشان نوم فيه راحه وانت مفيش راحه😂

نفسي دماغي تسيبني في حالي،، انا باجي كل يوم فنفس الوقت ده كده و بفضل افتكر كل المواقف اللي مريت بيها طول اليوم و اربط في خيوط و ارسم سيناريوهات و للأسف حتى فكرة إني اسحل نفسي في الشغل مش كفاية

معرفش ليه مقدرش انساها مع انو هي لي حبت اننا ننفصل ب افعالها بس احس اني لسه محتاجها معايا احكيلها ايه لي فيا و احكيلها كلشي حولية و اشوف ضحكتها تاني تراني مشتاقلها والله ابي حل غير اني ارجعلها و كذا

كمان 8 ايام همر بأقسي وأحزن ذكري ف حياتي عمري ما كنت مُجهزة للوداع رغم الإشارات الساعة 2 الضهر بالظبط صحيت ع صوت امي وهي منهارة ولما سألت فيه إيه قالت اخوكي عمل حادثة وراح لربنا مصدقتش ولحد دلوقتي م مصدقة تخيل يبقي كل ماليك صاحبك واخوك واللي معوضك عن حاجات كتير رغم أنه كان لسه صغير بس كان حنون وحكيم جدا الصدمة نزلت عليا وانا م حاسة غير بحاجتين يإما كابوس يإما بيضحكوا عليا لبست وروحت المستشفي لقيته بجد وقفت عند قبره ولقيت أن اسمه مكتوب ازاي يا جدع ده كان معايا امبارح وقاعدين نهزر طب ازاي ده حضني وهو ماشي ده فضل باصص ليا ليه مقالش زي ما دايما بيقولي كل حاجة ليه مقالش أن ده اخر حضن ليه لما قالي لو مت هتعملي ايه كان ردي هوزع شربات ليه مقالش انا بتكلم جد عشان اقوله اني بحبه اوي ليه مقالش ع اخده ف حضني واقوله اني اصلا م عارفة ازاي انا عايشه ليه لما بروح احكيله مشاكلي وهمومي زي ما بعمل ديما بلاقي طوب وعنده رخامه مكتوب عليها اسمه طب ليه مش بيحضني ويطبطب عليا ويوقلي تعالي اجبلك شيكولاته ونعمل ايس كوفي سوا انا مش عايزه حد يقولي هو ف مكان احسن الحاجات دي انا حفظتها بقالي اربع سنين بسمعها وعارفة كويس بس انا قلبي ليه بيتحرق كل ما سرته بتيجي رغم أنهم قالولي هتنسي وتعرفي تعيشي طب ليه انا جثة

كنت بفكر مؤخرا ان أحيانًا ما بندركش قيمة المشاعر الجميلة ولا جمال اللحظات وإحنا عايشين جواها، لكن لما نبص من بعيد، كأننا بنشوف المشهد من خارج الزمن، بنكتشف قد إيه كنا في لحظة دافئة، جميلة، ومليانة معنى. ساعتها بس بنفهم إن بعض الأشياء ما بتبانش قيمتها إلا بعد ما تتحول ذكرى.

حاسه مستغربه تفكيري .هحكيلكم و قلولي. هو تعبان دكتوره كاتبله ادويه ويارب تعمل مفعول ميحتجش عمليه.. و بينزل شغله ٧ يرجع العشا بيبقا زهقان و حتي معندوش نت اسبوعين. بيقولي اقترح يعمل ايه علشان يغير موده وكدا انا مش عارفه انتم اي اقراحتكم.. متضايقه علشانه بس انا موقف ده فكرني بصحبتي الكنت مبحبش حتي اشوفها تعبانه او زهقانه لدرجه كتبتلها ليسته حاجات تعملها وكنا عيشره سنين بعدنا وهي خذلتني

أغلى الحبايب اللي عن حياتي غايب لو عدى عمري كله مش هنساه وحياة غلاوته وقلبي من فرقاه ذايب وحشاني دنيا عشت فيها معاه مهما في حياتي العمر فات فاكره له أجمل ذكريات جوايا هتعيش بالسنين لسه الحنين في القلب ليه ده اللي إحنا عشنا ليالي فيه في العمر ما يجيش مرتين مهما هقابل بعد منه ناس كثيرة لسه اللي بينا في قلبي زي زمان والله ما ليّ في الدنيا دي غيره سيرة عمري ما أعز عنه روحي كمان مهما في حياتي العمر فات فاكره له أجمل ذكريات جوايا هتعيش بالسنين لسه الحنين في القلب ليه ده اللي إحنا عشنا ليالي فيه في العمر ما يجيش مرتين

اي شعورك لما تشوف صورة حبك الأول حقيقي حسيت بشعور غريب وقبضة قلب معرفش السبب ياترى فاكرني ولا نسيني مش مهم معدش ليها لازمة خلاص قصة دامت اسبوعين بس وانتهت النصيب بقا والرفض كان من عندي بسبب فرق السن بس حقيقي صورته عملت حاجة جوايا مش قادرة افهمها حبيته بس للأسف مينفعش فعلا الحب مش كل حاجة

البنت ممكن تنسى اللي حبها بجد… لكن عمرها ما بتنسى اللي كان قريب منها وبعدين اختفى فجأة. الشخص اللي اداها إحساس. وبعدين سحبه بدون تفسير. ده بيفضل في دماغها سنين حتى لو قالت عادي السؤال بقى هنا: هو ليه النوع ده تحديدًا بيأثر أكتر من اللي كان واضح وبيحبها؟ وهل فعلاً الغموض أقوى من الاهتمام؟ ولا الموضوع أعمق من كده بكتير..!

حاسه اني بقيت حكيمة اكتر من الاول عايزك اتعلم و اكون ناضجة حاله اني اختلط بالناس المبيرة و اتعلم منهم حابه افهم ايه هى الحكمة نفسي اوي اكبر و اعدي العشرين نفسي اجرب احساس العشرين ده الحقيقة انا حبيت الحياة لما فهمتها اكنها لعبة صعبة اوي ولازم نتحملها و بصراحة انا شايفة ان دماغي بافكر تفكير مختلف و دماغي مش بتبطل تفكير عموما هى على طول شغالة عارفين انا نفسي الاقي ولد شبهي هو اه التعامل حرام و اكيد اقصد لما اتجوز يعني بس مش عايزة الي اتجوزة دع يحسسني اني طفلة و مش عارف ابه بعيدا عن الجزء ده انا عايزة حد انا وهو نفكر في حاجه سوا نغامر بدناغنا سوا يبقى انا ليا تفكيري و هو ليه تفكيره بس نكون احنا الاثنين في حاجه بنفكر فيها سوا نكمل بعض نكون مسؤلين عن مش عليزة واحد عايز يتجوز عايزة واحد عايز يتجوزني لانه شايف انه لو اتجوزتي هو هيقدر يحقق الي عاوزة بدماغي انا نفسي حد يستكشف دماغي الحقيقة النت و الموبايلات و التسلط الي بقى على البنت ده منعها انها تعيش حياتها مرتاحة و بقت خطواتها محسوبة اكتر من الاول و طول عمري شايفة انه عشتي فالمدينة منعتني من حاجات كتيرة اطفال بلدي الي من قرية عاشوها نفسي اجري و العب و امشي تحت الشمس ( طبعا يكون الجو حلو ) وسط الزرع و الجنينة نفسي اعمل كده رغم اني كلها ثلاث سنين و هجيب العشرين بس نفسي اجرب الاحساس ده عمري ما جربته و طول عمري بكره الصور شايفة ان انشغالي باخذ صور ملهاش لازمة و واخذة مساحة على الموبايل ده بيقتل المتعة بحب جدا احتفظ بالمنظر في دماغي مش فالموبايل بحب جدا اني اعيش كل لحظة بمتعتها مش بكاميرت الموبايل

بتعملوا ايه لما تكون كل حاجة حواليكم ذكريات يعني مثلا شميتوا بيرفيوم ففكركم ، شوفتو شارع، كلمة او يافطة عديتوا من مكان او حتى بتعدوا منه كل يوم بحكم السكن عندكم حاجات فالبيت جايبنها مع الشخص دا روحتوا محل معين، حرفيا كل حاجة عبارة عن ذكريات بس حاسة ان كل مكان او كل موقف يحصل يفكرني بحاجة حاولت اغير حاجات كتيره، غيرت طريقة لبسي غيرت البيرفوم غيرت الحاجات اللي كنت بحبها وبقيت اكره نفسي فيها رميت كل حاجة كنت محتفظة بيها فالزبالة بس لسه كل حاجة في دماغي كأنها امبارح

مش عارف اقول ايه بس إحساس الغربه دا وحش اووي يا جماعه اووي تبقي حساس انك وحيد ياه إحساس ممكن اغلب الرجاله متحبش تبينه بس من جوانا تحس في فراغ الكون واشتياق للذكريات مش عارف انا بس ولا اي ممكن

اديني في الفلاش باك بقا للثانويه لا مفيش بس عديت من جنب كلية طيب والفت دي مَرَرْتُ جَارَهَا فَرَأَيْتُهَا، فَنَظَرْتُ فِيهَا مُتَمَعِّنًا أَلَيْسَ مَفْرُوضًا بِأَنْ يَكُونَ مَكَانِي؟ فَنَظَرْتُ لِي وَلِمَا أَنَا بِهِ، فَوَاللَّهِ هَذَا لَمْ يَكُنْ بِرَجَائِي، مَكَانٌ لَمْ أَكُنْ أَتَوَقَّعُ، أَنْ آتِيَ بِهِ يَوْمًا وَلَوْ زَائِرًا، فَهَا أَنَا فِي غُرْبَةٍ غَيْرِ غُرْبَتِي، وَهَا أَنَا بِمَكَانٍ لَمْ أَرَهُ مَكَانِي. بس جامد والله عاش ليا

من اربع او خمس سنين كنت لسه فى ثانوى وكنت راجع من درس وماشى فى الشارع بكلم نفسي وبرد بصوت الى حد ما كان عالى فا لقيت كذا شخص خايف منى وبيبعد وال بيغير طريق فاكرنى مجنون 😂😂 من ساعتها بقيت اركز انا ماشى ازاى وبكلم نفسي ولا لا 😂 واه صح اشتريت ايربودز بحيث يبقوا فاكرنى بتكلم مع حد 😂😂😂😂

كان فى حد هنا اس مه ما.. نجو من فتره كبيره كان بيفضل يكتب كلام عميق وكلامه منمق ومنسق جدا وكان اكتيف جدا لسه موجود اصلا ولا اليو.. زر اتغير ولا كل الناس اللى كانت هنا اتغيرت ... اعتقد هو لو موجود هيعرف نفسه

عارفين احساس لما يكون في شخص كان بينكم حاجات كتير ؟ ذكريات .. واحداث .. وخصوصا لما تكون حلوة .. حلوة اوي بس بتيجي دلوقتي تفتكرها بس ! بقت مجرد ذكريات في دماغك .. بقت مجرد وهم الماضي مبقاش حاضر ولا واقع مع ان الشخص نفسه موجود .. بس العلاقة مبقتش هي هي ولا المعاملة بقت هي هي الشخص موجود .. لكن روح العلاقة مش موجودة بتحس بإحساس غريب كده كانك بقيت عادي .. وده احساس جارح يمكن مش فاهم انا بقول ايه بس بحاول .. بحاول اخرج اللي جوايا وبس وبفضفض واللي حابب يفضفض برضو يتفضل معايا ..

يا بنات بجد محتاجة اطلع اللى جوايا واسمع رايكم فى موقف حطنى فى صراع بين عقلى وقلبى من حوالى 5 سنين دخل حياتى شخص كان هو كل دنيتى كبرنا مع بعض وعشنا تفاصيل مكنتش اتخيل انها تخلص فى يوم بس للاسف الشخص ده فى وقت ما عمل مشكلة كبيرة اوى مشكلة دمرتنى نفسيا وكسرت فيا حتة كان صعب اوى ارممها وبعدها كل واحد فينا راح فى طريق دلوقتى وبعد كل السنين دى لقيته راجع بيحاول يوصل لى بكل الطرق الممكنة بيحاول يفتح كلام وبيظهر فى كل حتة وعامل مجهود رهيب عشان بس ارد عليه وانا واقفة بعيد تماما مراقبة كل ده من بعيد فى صمت شايفة محاولاته ولهفته وشايفة ندمه بس المشكلة يا بنات ان رغم الوجع الكبير اللى سببهولى لقيت جوايا لسه فيه شوية حنية ناحيته والذكريات الحلوة اللى كانت بينا لسه بتطاردنى ولقيت لسه فيه احساس غريب مش قادرة انكره كانه خيط رفيع اوى لسه مربطنى بيه رغم كل اللى حصل انا بجد محتارة هل المحاولات والندم اللى شيفاه منه ده يشفع له ولا اللى بيكسر نفس بنت مبيتصلحش مهما عمل هل ادى فرصة تانية واصدق انه اتغير عشان الذكريات اللى بينا ولا كرامتى وسلامى النفسى اهم وافضل مراقبة من بعيد لحد ما يمل ويمشى قولولى لو انتم مكانى هتعملوا ايه بجد محتاجة رايكم ونصيحتكم

اقسى الجهش هو جهش قلبي عندما يغمر وحيداً وكأنني اصارع نفسي ، وبالأخص عندما اصارع مشاعري وانا اتذكر جميع من كنت له عوناً يوماً ما ، وحدي تأسفت لنفسي ، اختلق الرعب بالرغم من منطقيتي ان لا سكون اجمل من سكوني بالنوم هادئاً ، الارق يثير جسدي بالأشمئزاز وعقلي متفتح الحزن والبكاء ..

معرفتش اتخطى للأسف لحد الان فى كل موقف بكون ضعيفه فيه ومحتاجه الشخص ده بفضل اعيط على خالى وعلى الوحشه فى كل لحظه بكون لسه محتاجاه وكل وعد قطعناه انا وجدتى سوا حققناها ول القدر كان اسرع مننا

مفيش حاجه اسمها اتخطى وفاه حد عزيز عليك انا جدي الله يرحمه ويغفر له مات من 4سنين وكل ما افتكر ذكرياتي معاه ولا اشوف حاجه كان شرهالي دموعي بتنزل طلقائي ربنا يرحمه ويغفر له وادعوله بالرحمه هو كان من أطيب الناس

احداث كتير اولها حبي الاول اللي مرينا مع بعض بحاجات كتير و وقفت جمبها ف أكبر محنة ليها و كانت داعم قوي ليا بس امها والظروف كانت أقوى مننا. من وقتها وانا مستنزف و اتحولت لنسخة مش حلوة مني ولحد دلوقتي بحاول اتحسن او اتخلى عن الوحاشة اللي بقيت فيها

متخطتش ولا عمري هتخطى، ربنا يرحمهم ويلحقنا بيهم على خير. حاولوا تشبعوا من حبايبكم وتعملوا معاهم ذكريات كتير عشان هو ده الللي هيفضل وهتتمنوا تقعدوا معاهم اكتر بس وقتها هيكون فات الأوان..

مش بعمم خالص بس حاسه دكاتره بيستمتعوا بوجعنا ليه حاجه ممكن تتعمل اكتر اتقان او اقل وجع و متتعملش انا كل مفتكر كميه الوجع و الد م بتخنق بجد و بزعل علنفسي ازاي بتهونوا علي نفسكم تجربه سيئه و ادعولي بظهر غيب

طب ليه يا لقا بتنادينا لما الفراق مكتوب علينا؟ طب ليه تزيد الود بيننا والحنين ترميه علينا؟ حتي الصدف كترت ما بيننا والعشم زاد سنة سنة طب ليه بتبني الذكريات لما الفراق هيهد بيننا؟ ليه خليتنا نحلم والامل لمع عيونا؟ ليه خليتنا نعشق بعدها تتعب قلوبنا؟ يعني هو الحب عيبنا؟ ايوه شكل الحب عيبنا كفايه تلعب بالمشاعر كفايه كدب خلاص تعبنا ليه خليتنا نحلم والامل لمع عيونا

عارفين انتو شعور لما تفتكروا ذكرى معينة تيجي ع بالكوا ذكرى حلوة مع ناس كنتو بتحبوهم فتشموا ريحة مميزة اوي كأنها بتاعت الذكري دي! الشعور دا يقهرر لما الريحة دي تختفي مرة واحدة وتفضل تحاول تشمها تاني عشان تسترجع الذكريات دي تاني احساس غصة في القلب❤️‍🩹

بجد مش فاهمة إزاي قدرت تمشي كده… من غير ولا كلمة، ولا حتى تبرير بسيط يهون عليا اللي أنا فيه. كل حاجة فجأة بقت فاضية من غيرك، حتى الأماكن اللي كانت عادية بقت تقيلة ومفيهاش روح. أنا مش زعلانة بس… أنا موجوعة. كل يوم بصحى على أمل إنك ترجع، أو حتى تسأل عليا، بس ولا كأن كان في حاجة بينا. إزاي قدرت تنسى بسهولة وأنا لسه عايشة على ذكرياتك؟ صوتك، ضحكتك، كلامك… كل حاجة فيك لسه جوايا. أنا مش عارفة أعيش من غيرك، ومش عارفة أرجع زي الأول. حاولت أقنع نفسي إن عادي، إنك مش نصيبي، بس قلبي رافض يصدق. أنا بس كنت عايزة منك كلمة… كلمة تودّعني بيها بدل ما تسيبني تايهة كده. وحشتني أوي… أكتر ما تتخيل.

انا كنت بحب وحده من 4سنين و6شهور و28يوم مره وحده اختفت تلفنها مقفول نقلت من البيت كل مواقع التواصل اتقفلت اختفت مره وحده من غير اى سبب و عمرى ما هنسا اخر مره شفتها فيهة قلتلى انا بحبك و عمرى ما هسيبك

علي ما أظُن إن مفيش مانع بلقليل من الحزن في مقابل إنك تاخد قرار صح تبني عليه حياتك، أحيانًا بتبقي القرارات القاسية هي السبيل الوحيد إنك تعيش واقع أفضل وحقيقي، ويا عزيزي الوقت بيعالج كل شيء أو بيهدم كل شيء، حتى الذكريات الجميلة و أنبل العواطف بتتطفي بشكل ما وبيحل محلها نوع من الحكمة اللي بتخلي كل شيء يهدا ❤️‍🩹

عندي طاقة حزن شديدة اوي ووحدة شديدة فقدت كل حاجة في حياتي بحبها.. رؤية اماكن معينة او جمل او عباراة معينة او اغنية معينة او حتي فكرة بالصدفة كفيلة تخليني اوصل لاقصي مراحل الحزن مرة تانية وتخليني ادمع ف ساعتها مع اني متبلد ومش سهل تضايقني او اني ازعل او اعيط لكن الحاجات الي تخصني كفيلة تهدمني ف لحظة.. لحظة بكون بعدها مش عايز حاجة من الدنيا.. حد عنده حل ازاي اتخلص من مشاعر الحزن المخصوصة دي ؟

الحقيقه انا متخطيتهاش، بس الشغل بيخلي الواحد ينسي كل حاجة تقريبا، الشغل ورا الشغل ورا الشغل بينسي اصل عدو الإنسان الفراغ يعني، فأنت ميبقاش عندك فراغ مش هيبقي عندك وقت تفكر في حاجه، بس ده مش معناه انك تنسي او تبقي جاحد يعني انا كنت بفتكرها في عز شغلي بس بترحم عليها والموضوع بيعدي

جماعه انا لحد دلوقتي متعلق بالناس اللي كنت بكلمهم علي التطبيق ده قبل ما يتحدث بس للاسف دلوقتي مش موجودين لسه فاكرهم وفاكر نصايحهم مكنش ليا غيرهم بعد ربنا ومش عارف هل في منهم لسه موجود ولا لا

الحقيقه هي اني متخطتش وفاه جدتي ماتت من ٣ سنين لسه بعيط عليها كل يوم بليل وقتها كنت في ٢ اعدادي مكنتش مستوعبه يعني اي اصلا تيته ماتت مش هشوفها تاني ؟!مش هتحكيلي قصص تاني ولا حتي نلعب سوا ؟! بحس أن التخطي خيانه ليها هي تستاهل اعيط عليها عمري كله حنينه و طيبه جمال الدنيا كان فيها رحمك الله يا عزيزتي ❤️‍🩹

افتكرت حاجة وانا قاعدة بعيط جامد وحاسة انى مش كويسة خالص لدرجة حاسة بتعب جسدى حقيقى ومش بعرف انام المهم سمعت قرآن بعد انقطاع طويل وحطيت السماعات فى ودانى وبعدين افتكرت حاجه عشوائية افتكرت فى الافراح لما العريس والعروسة أول مرة بيحضنوا بعض بعد كتب الكتاب وكده تقريبا الحوار جه فى بالى لانى اغلب الوقت لوحدى ودايما بنعزل واعيط لوحدى (محدش يسأل اى علاقته) ف .. افتكرت مرة لما كنا فى فرح وشوفت المشهد ده لأول مرة وكانت جدتى جنبى كانت بتبص عليهم وفجأة قالت والوقتى يحضنوا بعض كانت بتوصف المشهد عادى بإبتسامة دافية خفيفة لما بصتلها حسيتها كأنها بتفتكر ذكريات وعينيها بتلمع وافتكرت جدى الله يرحمه لما افتكرت الموقف ده الوقتى حسيت أنه ياااه هل هى كانت متخيلة انه كل ده هيعدى كل حاجة خلاص بتعدى عادى كلها ذكريات وده خلانى استشعر اكتر إن كل مرة تشيل فى قلبك هموم الدنيا حزنك يزيد اه الموضوع صعب لكن هيجى يوم وتستغرب إنه يااه بقينا فى آخر المحطة عشان كده حاولوا تاخدوا حاجات كتير ببساطة وهونوا على نفسكم . الحزن جزء من الحياة بس متخليش الهم ينهش روحكم ودى نصيحة لنفسى بجد قبل ما اكتبها واتمنى اقدر اعملها ( بالمناسبة السور اللى سمعتها عشان لو حد حابب يسمع .. طه بصوت شريف مصطفى .. سورة مريم .. وسمعت المنشاوى فيديو بعنوان "وآتاكم من كل ما سألتموه" )

وفجاه افتكرت جدي وافتكرت وهو بيرجع من كل فرض في المسجد مش بيفوت فرض واحنا بنتخانق ونجري مين يلحق يلبسه الشبشب بتاع البيت لما يدخل وافتكرت وانا صغير لما قولتله جدو انا نفسي ااذن في المسجد قالي تعالا وملكش دعوه وخلاني ااذن وكان فرحان بيا اوي وفيوم كنت جاي ااذن وراجل دخل اذن وجدي كان بيتخانق فيه اوي انه مخلانيش ااذن يااه يا جدي انا عايز اقولك اني بقيت بصلي امام في المسجد دا يجدو بقيت بصلي هناك امام يصاحبي كان نفسي تبقا موجود وتحضر اليوم دا بس ربنا اختارلك ترتاح من الدنيا يحبيبي جعل الله لقيانا في جنه الفردوس وصدقني مش هنساك والله انا بقالي كتير مش بجيلك اهي مشاغل الدنيا بس وعد هعملك حاجه تنفع وعد بس ربنا يفرجها الله يرحمك يصاحبي 🤍

اي ال يخلي شخص يختفي فجأة بدون اي كلام أو حتي زعل أو اي حاجه هنقوب محبش مثلا مع أن كل تصرفاته تقول إنه فعلا كان بيحبني بس تمام بعدنا فتره كبيره جدا حرفياً سنين و بعد سنين اتقابلنا تاني و لقيته محتفظ ب كل حاجه ما بينا حرفيا زي الهدايا أو رسائل ورقيه كل حاجه حتي فاكر أدق التفاصيل من فتره ارتبطنا و هو ال قالي انه بحبني لسه و طلبت منه نفضل أصحاب بس قال انه بحبني و كان كويس و فجأة بردوا بدون اي مبرر أو اي حاجه يختفي و يعمل بلوك من غير اي سبب بجد مش قادره افهم ده معناه اي و لا حتي قادره أنساه و اتخطي

انا بتعلق بالناس الي اعرفهم تعلق مش مفهوم وبتضايق اوي لو حد سابني او قطع علاقته بيا حتى لو الشخص دا كان بيضرني مش بفكر الا فالذكريات الحلوه بس لما يقطعها ودلوقتي في حد قاطعها معايا بس الشخص دا ضرني كتير وكان بيعمل تصرفات معايا مش حلوه وانا مش عايز ارجع علاقتي معاه بس في تفس الوقت بعده عني بيقتلني وبيخليني مش عارف ابطل تفكير فيه وبجد مش عارف اعمل ايه

واحشني صوته ! واحشني ضحكته ! واحشني كلامه ! واحشني هزاره ! واحشني وشه ! واحشني عيونه ! واحشني حبنا ! واحشني ابتسامته ! واحشني ذكرياتنا ! واحشني غرامنا ! واحشني وعودنا ! واحشني علاقتنا ! واحشني هوَ ! واحشني كُله ؏ بعضه !

أَكْرَهُكَ يا أَبِي… لَيْتَنِي لَمْ أُولَدْ لَيْتَنِي لَمْ أَكُنْ ٱبْنَتَكَ، وَلَيْتَكَ لَمْ تَكُنْ أَبِي… أَكْرَهُ ذِكْرَيَاتِنَا ٱلْحَزِينَةَ مَعًا، أَكْرَهُ كَلِمَاتِكَ ٱلْقَاسِيَةَ ٱلَّتِي تُلْقِيهَا عَلَيَّ كُلَّ يَوْمٍ… أَشْعُرُ بِحُزْنٍ عَمِيقٍ كُلَّمَا رَأَيْتُ طِفْلَةً تَبْتَسِمُ مَعَ أَبِيهَا، فَأَتَخَيَّلُ نَفْسِي مَكَانَهَا… لِمَاذَا قَسَوْتَ عَلَيَّ؟ لِمَاذَا جَعَلْتَنِي شَخْصًا مُنْطَفِئًا، حَزِينًا؟ لِمَاذَا سَلَبْتَ مِنِّي إِحْسَاسَ ٱلْأَمَانِ؟ وَحَرَمْتَنِي مِنَ ٱلِٱهْتِمَامِ وَٱلْحَنَانِ؟ لَقَدْ سَلَبْتَ مِنِّي كُلَّ شَيْءٍ… يا أَبِي، سَلَبْتَ ضَحِكَتِي ٱلَّتِي لَمْ أَعُدْ أَعْرِفُهَا، وَفَرْحَتِي، وَطُفُولَتِي، وَمَرَحِي… وَأَهْدَيْتَنِي ٱلْخِذْلَانَ وَٱلِٱنْطِفَاءَ، وَجُرُوحًا لَا تَلْتَئِمُ أَبَدًا… لِمَ لَا تَحْزَنُ عَلَيَّ يا أَبِي؟ أَلَمْ يُؤْلِمْكَ قَبْلَ أَنْ تَدْعُوَ عَلَيَّ بِٱلْمَوْتِ كُلَّ يَوْمٍ؟ أَأَنْتَ أَبِي حَقًّا؟… أَأَنَا ٱبْنَتُكَ حَقًّا؟ يُرَاوِدُنِي هَذَا ٱلسُّؤَالُ دَائِمًا، وَلَيْسَ لَهُ إِجَابَةٌ… أَنَا حَقًّا أَشْعُرُ بِٱلْأَسَفِ عَلَى نَفْسِي، وَعَلَى حَظِّي ٱلسَّيِّئِ مَعَ أَهْلِي… شُكْرًا لَكَ يا أَبِي، عَلَى سَلْبِكَ لِرُوحِي، وَجَعْلِي مُجَرَّدَ جَسَدٍ فَارِغٍ… بِلَا رُوحٍ.

الحاجة الوحيدة اللي هفضل دايما مش قادره استوعبها ان ازاي حد يتغير ف يوم وليلة مشاعر كاملةة وحاجات كتيرة وعشرة تهون وكل دا ف يوم وليله بس ليت الانسان قلبه مثل قلب اللذي يظلمة حتى لا يتألن من افعالة ❤️‍🩹

لما كنت بالمتوسطة كنت انسانة هادئة بزاف ومنهدرش على خقي وادا عايروني منردش وتاني مكنتش نعرف نلبس وبزاف صوالح مي الانسان كل نا يكبر يسڨم روخو رني نعاني من البنات لي كانو يعرفوني من بكري كل نا يصيبوني لابسة مليح ولا نهدر ولا نديفونظي على روحي كلمة تحلبتي وتجربعتي وتاني يقولولي كنتي عاقلة وڨاع تبدلتي مينحوهاش من فمهم لدرجة عقدوني وليت اي حجا نديرها نقرالها حساب علاش حاسبين الانسان يڨعد صغير وبهلول ياك باينة كل ما يكبر يتسڨم

لية الفترة دي بحس بحنين لناس قديمة خرجوا من حياتي حتى لو أذوني وناس تانية الدنيا خدتنا من بعض وبقالنا سنين منعرفش حاجة عن بعض. من سنتين كنت شغال في محل ما ولكني قعدت 3 اسابيع بس المهم قولتلهم لو نجحت صافي وعد كله معزوم على شاورما وسيبت المحل والنتيجة اتأخرت وظهرت وكانت برضو علاقتي بيهم حلوة روحت نزلت جبت للفرع كله شاورما سوري وروحت مفاجأة لاقيت 2 مديرين قالولي منت لازم تسيب المكان اللي زيك مش محتاج فلوس وواحد تاني كنت مسلفه 150 وقولتله مش عايزهم ومتقولش لحد قالي قدامهم ده انت صارف عليا 150 ولا كأنك ابويا روحت عملت نفسي عادي مزعلش بس روحت عملت ليهم بلوك كلهم ولحد دلوقتي لما بروح الشارع ده بلف من ناحية تانية عشان محدش يشوفني لأنهم كانوا بيتصلو كتير وغالبا اصلا اتغيرو وناس مشيت معرفش بس بعمل الإحتياطات ولكن دلوقتي بحنلهم وبفكر اكلمهم أو اروح اشتري منهم. مرة بنت حبيتها قولتلها نرتبط ونخطب قالت لا انت اخويا خوفت اتعلق بعدت فضلت تكلمني كل يوم لمدة سنتين اتعلقت بعدت عني وقالتلي خلاص زهقت عملت ليها بلوك بفكر اخش اشوف هي مين دلوقتي. زمان كان ليا صاحب قريب اوي اوي ورغي 24 ساعة وانا اتخانقت مع طرف تالت هو دخل دافع عنه وخسرني بسببه واللي حواليه قالولي ده ماسك على بنات حاجات مش كويسة وبيشرب خم،،، ور دلوقتي انا كنت عامله بلوك وهو قالي فكه فكيته بس جيت ادور على الاكونت لاقيتو غيرو ورقمه ضاع وكل اللي حواليه قالولي منعرفش عنه اي حاجة. ليا بنت اعجبت بيها وكنت يساعدها كتير في شغل وهي ترد على القد وردود مقتضبة جدآ وكنت بنكش فيها ونيتي خطوبة بس حابب أنها تعرفني اكتر وتديني فرصة بعتلها رسالة عاملة اية مرديتش قولت اشوف لو مش هسال هي هتعمل اية من شهر 8 لحد دلوقتي مردتش ومسحت رقمي. ليا واحدة بنت بنت عمتي عرفتها قريب ودخلتني جروب مع قرايب تانيين ومكناش نعرف بعض حصل مشكلة بين الناس وكله خرج من الجروب ومتكلمناش بقالنا شهور بفكر اخش اكلمهم. اية السبب من اللي أنا فيه؟

معرفتش اتعامل مع ولا مرة حسيت فيها بخذلان كنت بكتم جوايا وافضل مش مصدقة ولحد دلوقتي مش عارفه اصدق وكل ذكريات الخذلان اتخزنت تحت سقف " ليه ؟! " هو انا قصرت في حاجة ؟ طب عملت حاجة ؟! . كنت يستقبل الخذلان بضحكة استنكارية بعدها سيل من العياط وبرضو مش بصدق

في خريف ٢٠٠٢ الجميل نزلت العب حجز مع الشباب لاقيت حنتيره قالي انت الي هتقف جون قولتله مفيش منه يا حنتيره قالي يا اما كده يا اما مش هتلعب قولتله طب تمام روحت ماسك الكوره وحطيت عليها توابل ونزلت مندره عند عم ايوووب الكاورك قولتله حطلي شويه توابل في الكوره دي راح متبلها ركبت لبوولاق ونزلت الحجز قولتلهم الكوره اهي روحت واكل الكوره قالولي طب احنا كده مش هنلعب روحت حلقت شعر علي ربيع وحطيته في شراب ولعبنا كوره ووقفت جون برضوا من ساعتها حاسس اني اتسابت جامد

يخربيت الذكريات و ليه اقصد اشوف مين الناس اللي عملالهم بلوك و ليه كل شوية ادخل ابص كده كتير والله و الفكرة ان مستحيل انا مش عايزة اعمل كده بحاول افتكر الوحش حتي ببني سيناريوهات انهم وحشين و خلاص مش عايزة ارجعلهم بس بفكر فيهم انا مش ضحية بس مش عارفة انا ايه انا وصلت لدرحة اني عايزة اكلمه اقوله نتقابل احضنه و اعيط او اني اجيب فيب مش عارفة بجد ايه التفكير ده بجد يارب يهدي و ربنا يهديني كده علشان معملش حاجة غلط و اندم عليها

ممكن تشاركوا لو انتوا traumatized من حاجة أو موقف معين وهل تخطيتوا الموضوع ده ولا لا وازاي.. أنا عن نفسي traumatized من التعبير عن الحزن أو مواجهته.. بمعنى اني جات عليا أوقات كتير كنت كل ما افتكر مواقف ومشاهد معينة كنت بنهار من العياط .. انهيار عصبي بالمعني الحرفي وجسمي يوجعني جدا وقلبي بيتعصر واحس روحي بتتسحب مني بجد وبخرج من الحالة دي بصعوبة فبقيت خايفة اواجه نفسي بالحاجات دي عشان ماوصلش للمرحلة دي تاني بس في نفس الوقت كبتها مش صح لان زي ما الدكتور مرة قالتلي ان ده جرح وعاوز يتفتح عشان ينضف ويخف تأثيره جواكي بس لحد دلوقتي انا مش قادرة أعمل كدة وبتجنب الكلام او اني حتى استرجع المواقف والمشاهد دي تاني

لسه داخله هنا جديد ودا اول سؤال قابلنى معنديش ثقه كفايه انر اقدر اتكلم براحتى ورغم عم وجود الثقه الا انى سايبه امتحاناتى والظغط اللى اما فيه وقررت ادخل اشارك وانا صغيره كنت بقعد مع نفسى كتير كنت بقعد لوحدى كتير ممكن كنت ابقى لوحدى فى الاوضه وممكن فى الشقه وكنت بغمض عينى وافتكر وادمع اكتر مشهد متكرر فى طفولتى هو دا طفله قاعده فى ركن ومغمضه عينها وبتبكى فى صمت نفسي يكون عندى القدره ارجع لاول يوم قعدت فيه القعده دى واقوم واحاول انسى بدل ما كل ما كنت احاول اتعافى دماغى ترجعنى لنفس النقطه دى اتمنى بجد قبل ما نبقى جيل الامهات يبقى فى وعى كفايا عشان مفيش اطفال تمر باى حاجه من دى

النهاردة سبت مكان كنت فيه من اربع شهور كنت شغاله دينتال اسيستنت في عيادة أسنان وانا اصلا بدرس تمريض وبحب اوي الاسنان من صغري بس انا قررت أن دا يكون اخر شهر ليا هناك لان الامتحانات قربت فاضل بس شهر قلت اقعد في البيت علشان المزاكرة وكدا . اخدت خبرة كبيرة من المكان دا حبيت المكان جدا لاني كنت هناك من يوم الافتتاح عرفت كل حاجه موجودة تقريبا اعترفت على ناس حفظت المكان كويس اوي عن حب والله لا انا كنت مجبره اني اشتغل أو حاجة بس انا بجد كنت حابة اوي . هل انا ساعات كنت بحس أن وقتي ضيق اوي ؟ اه هل كنت ساعات بحس بضغط نفسي ؟ اه هل ساعات كنت بحس أنه كان قرار غلط من الاول ؟اه هل كان ساعات بيحصل مشاكل ؟ اه هل انا بحب المكان دا ؟ اه اه اه 💔❤️‍🩹 بحبه بس مش عارفه عندي احساس بيقول اني لو كملت فيه هندم ولو كملتش بردو عندم 😖 كل اللي بس عايزة اقوله اني جمعت ذكرايات حلوة اوى بالمكان دا ❤️‍🩹❤️‍🩹🥺

الناس كله بتحاول تتخطه علاقات حب سمه و تعبتهم نفسيا تعرفو ان التختي العلاقات دي بيكون اسهل و لاكن الاصعب لمه تحولى تتخطي حد كان كل حاجة حنينه ليكي في يوم من الايام و البعدتكم هي الايام بس

في شتاء ٢٠٠٢ الجميل نزلت روحت زي اي طفل العب بلي في الشارع فا وانا بنطر البليه إذ افاجئ انها رشقت في عين ابله فتحيه الي شغاله في الصبانه وفجأه بدون اي مبررات لاقيت ابله فتحيه بتتحول لكوره بلي كبيره وبتجري ورانا انا وصاحبي عايزه تهرسنا قعدنا نجري ونجري ونجري قابلت ابويا قالي مالك يبني خايف ليه كده قولتله ابله فتحيه ولسه بكمل لاقيت ابويا قام خلع وشه وطلع هو ابله فتحيه قالتلي انت فاكر اني مش هعرف امسكك قولت ما بديهاش بقي تعالي مفعل تقنيه تفه مايكل جاكسون روحت تفيت عليها بعدها الابله اتحرقت في سلام ومن ساعتها وانا بصارع الاكتئاب

في صيف ٢٠١٢ نزلت الشارع عند عصام الحلاق ابو حبايه في وشه وقولت اما اتغلب علي الرهاب الاجتماعي روحت ماسك الحبايه الي في وش عم عصام ورحت حطيتها في الشاي بلبن بتاعه بعدها اكلتها للواد الي جمبي عم عصام اتضايق قولتله مفيش منه يا عصام انا بعالج الرهاب قالي طب ما كنت اقول بعدها نزلنا الشارع ركبنا توكتوك بيروح كوكب المريخ عند ميدان قطايف روحت لاقيت علي ربيع قومت خدت مكنه الحلاقه بتاعه عم عصام ومطير شعر علي ربيع قام جايبلي الفنان اشرف عبد الباقي عشان يتخانق معايا قالي ليه يبني عملت كده الواد بقي اقرع قولتله بعالج الرهاب الاحتراري قالي طب انا هضربك روحت خاطف الفنان ونزلت اشتريت اندومي من عم ثروت ودخلت نمت

في خريف صيف ٢٠١٢ روحت لعمتي قولتها يا عمتي انتي لازم تعمليلي المسقعه الي بحبها قالتلي حاضر يا حبيبي وفجأه الاقي ابويا دخل ربطني في الامبوبه وقالي قفشتك قولتله اه يا شقي بتغفلني طب فوكني ونشوف مين الي هيلغب التاني راح ناطط من الشباك وطلع يجري عالبلاي ستيشن عمتي راحت بصالي وقالتلي شوفت اهو راح الهباب راحت فكاني وحطتني في الطاسه قالتلي انت المسقعه قولتلها طب تعاااالي روحت فكيت نفسي وقومت حاطتها في الطاسه وعملتها بطاطس محمره لاقيت ابويا ظهر قالي ايه ده ! قولتله بطاطس قالي خلصانه هاكل معاك وقعدنا كلنا

في خريف ٢٠١٧ الجميل نزلت روحت السايبر مع الشباب مع بلحه وزرجينا اعز اصدقائي قعدنا حوالي ساعه ونص بنلعب كونتر سترايك وإذ فجأه نلاقي صاحب السايبر اتقلب سردين وبيجري ورانا قعدنا نجري في صاله السايبر وانا ميت من الرعب وفجأه الاقي زرجينا اعز صحابي اتقلب كابوريا وعايز يهبشني وبلحه .. لا متقلبش بلحه اتقلب ساندويتش جبنه وبيجري ورايا برضوا وفين وفيييين لما قدرت اخرج من السايبر واهرب منهم وطلعت البيت بحكي لابويا لاقيته اتقلب رنجه وبيجري ورايا برضوا ومن ساعتها خسرت اعز اصحابي بلحه وزرجينا ، اصعب موقف في حياتي

في شتاء ٢٠١٦ الجميل نزلت اجيب لي كيس اندومي من عند البقال قالي انت عارف يبني قولتله ايه ياعم ثروت قالي انا كائن فضائي من جبال القوقاذ قولتلوا بجد ياعم يا ثروت قالي طب استني ، لاقيت عم ثروت شال وشه ولاقيت وش كائن فضائي قولتله يا ابن الايه ياعم ثروت طلعت كائن فضائي قالي شوفت بقي قولتله طب خش نام يا عم ثروت خدت بعضي وطلعت البيت دخلت الحمام لاقيت عم ثروت طلعت اجري عالمطبخ لاقيت عم ثروت برضوا واقف ومبتسم قولتله لااااااا عم ثروت وربنا هزعلك قالي تعالي معايا لكوكب القوقاذ قولتله طب مراتك فين ياعم ثروت قالي في كوكب زمرده قولتله طب خش نام ياعم ثروت وروحت داخل انام

(بما انه مش هقدر ابعت الرسالة دي بس هقولها عشان ابقي خرجت ال جوايا) ف البداية قلتلك اني مش هقدر علي كسرة نفس تانية وان قبل كدة حبيت من طرف واحد وانكسرت جامد بس برضو عملتيها انتي كمان، يمكن انا كل ال قدرت اقولهولك هو اني بحبك مرة واحدة من 6سنين ونص وانتي وقتها مرضيتش تديني إجابة تعرفني هل وانتي كمان او لا واني عرفت من حد تاني انك محبتنيش بس ال مقدرتش اقولهولك كل ده انا انا طول السنين دي معرفتش انساكي وحاولت بكل الطرق ومفيش فايدة بس كنت متأكد من حاجة واحدة اني افضل اشتغل علي نفسي عشان يمكن ف يوم من الايام تغيري رأيك حتي وانا عارف انه مش هيحصل، ال تاعبني اوي انك لسة موجودة مش عارف ليه اول بأول بخش بروفايلك لو كنتي اتخطبتي او لسة في امل الحق اوصلك مع اني بقول لنفسي ان يمكن اما تتخطبي اقدر انساكي لان عارف ان مهما عملت مش هتقتنعي بيا، هم اه كل ال كان بينا صحاب لمدة 3 شهور (حتي وانا عارف دلوقتي ان ده كان غلط) وانا ال باني عليه حبي من طرف واحد باقي السنين دي بس عندي أفضل لوحدي باقي العمر علي ال3 شهور دول احسن ما اعرف حد غيرك لاني فعلا مكتفي بحبي ليكي حتي وانا عارف اني مش باجي علي بالك، بستني من السنة للتانية عشان اخش اقولك كل سنة وانت طيبة ف عيد ميلادك زي ما اتعودنا 4 سنين حتي بعد ما مبقناش نتكلم ف العموم، بس انا زعلان منك انك بقالك سنتين حتي بتنسي عيد ميلادي تبعتي تقوليلي كل سنة وانا طيب وانا اليوم ده ببقا مستنيه اشوف يمكن تفتكريني ويمكن لسة في امل، حتي لما دخلت الجيش وافتكرت هنساكي فشلت للأسف، بفتكر برضو الايام ال كنت ببقا فيها لوحدي بعدي من تحت بيتك بس عشان احس بوجودك، او اشوف نفس الأفلام ال قلتلي عليها زمان، بس كل ده ينتهي لما كل 6 شهور بقرر ابعتلك اتطمن عليكي باي حجة وردك عليا يبقي جاف جدا وكالعادة تقفلي انتي الكلام، اديني خلصت والحمدلله شغال واتمني لو ف يوم تعرفي قد ايه مكنتش عاوز غيرك، واتمني تكوني مبسوطة حتي لو مش معايا، لان زي ما قدرت احبك كل الفترة دي وفي وسط كل الضغط ال فات ده وانتي مش معايا فيه ف هقدر افضل احبك وانتي بعيدة طول العمر❤️

استكمالا لسيرة ابويا كانت جدتي ام والدتي بتحكيلي وبتقولي وانا صغيره وكان فيا شباب كدا كنت انا وواحده صاحبتي بنحب نروح المساجد اللي شيوخها صوتها حلو كل شوية مسجد شكل وجه ابوك كان بيصلي ف مسجد ف اخر البلد كدا وصاحبتي قالتلي دا في شاب بيصلي هناك بيقولوا صوته حلو وروحنا ولقيناه جميل جدا وبقينا نروح علطول وكنت بدعي بواحد زيه لبنتي وبعدين جه خطب امك وبقا يجيلنا الزياره ويصلي في المسجد اللي عندنا المسجد كان علطول فاضي ولما جه ابوك الناس بقت تفرش برا من الزحمه وكان صوته ايه في الجمال بعد ما سمعت منها زعلت بصراحه لان كل دا ماضي انا ليه بنزل دا ، عشان صعبان عليا اللي ابويا بقا فيه دلوقتي ومعادش زي زمان عنده علم ومتدين وشيخ محفظ نص البلد لما بفتكر ان دا بقا ماضي بزعل بس مفيش في ايده غير اني ادعيله بالهدايه وواخد عهد اني هبقا اكتر منه باذن الله وهمشي على خطاه المهم ادعوله بالهدايه والرزق

لسا مفركش يا شباب من شوية كانت أحلى حاجة حصلت في حياتي وأكتر حاجة حبيتها بس كانت بتئذيني ف قطعت أنا مع إن والله هي أكتر حد حبيته ف حياتي وكان نفسي نكمل ف يا جماعة قولولي أتخطى ازاي وأبطل أفكر فيها عشان دماغي هتتفرتك

بفتكر ايام الكلية لما كنت طالب غلبان فى سنة أولى أو تانية كنت اطلع على السلم الحلقلى سكشن ولا محاضرة كنت اطلع الاقى الشاب والبنت من دول بتوع تالتة ورابعة قاعدين على السلم وقاعدين جمب بعض والواد من دولة هجمة كدا وحبيبته قاعدة جمبه ومعاه ساندوتشات الجبنة فى العيش الفينو ( الكيزان ) وتقعد اقول فى نفسي يا بختهم ودارت الايام وخلصت جامعة واللى ساب صاحبته سابها واللى اتجوز اتجوز واللى سافر سافر وانا خرجت من الكلية زى ما دخلتها وانا مش مرتبط حتى لا وكمان كان فيه بنت كانت بتقول عنى رايح بواحدة وجاى بواحدة ما كسبتش غير السمعة بس ..... ومعرفش امتى هخطب وهتجوز.

اعتقد من أسوا اللحظات اللي ممكن تمر علي الاإنسان لحظة أكتشافه قد إيه هو مغفل وإنه كان مضحوك عليه وهنا بقى بتبدي دماغه تسوحه وتخليه يشك في كل ذكری وكل كلمة اتقالتله اللي هو بص يا عبيط بص كل ده كان كدب وأنت صدقت وطلعت ما تهمش اكتر ناس حبيته و اتخلو عنك كانك رماد

كل الي كاتبين انهم اتخطو ف الحقيقه ان محدش منهم اتخطي مفيش حد هيعرف يتخطي حتي لو مبقاش فارقله بس هيفضل افتكرها اذا كانت اهل او علاقه او اين كان اي هيا م بقول كدا من فراغ انا كانت روحي ف حاجه وسبتها بقالي 4 سنين ومقدرتش اتخطي لحد دلوقتي

أنا تعبانة بجد قلبي بيتقطع كل دقيقة النهاردة كتب كتاب شخص كان موجود ف حياتي وحبيته بجد وأتعلقت بيه مهما حاولت انشغل واسحل نفسي وأصلي وأدعي مقدرتش أنسى ولا اتخطاه ، مفتقداه أوي بجد ومفتقدة وجوده ومفتقدة نفسي معاه وضحكتي وروحي وهو معايا ، كأني خسرت كل حاجه حلوة فيا من يوم ما خسرته ، كل يوم ذكرياته مش بتسيبني حاولت أدخل علاقات تانية وأدور ع الاهتمام ف شخص تاني بردو منجحتش مقدرتش أتقبل أي حد ولا أي أهتمام تاني اكتشفت اني بدور عليه هو مش اهتمام ولا حب ، كان جمبي ف كل حاجه وكل وقت حسسني إني أميرة ومكنتش مهتمة بأي حاجه وأنا جمبه كانت حنيته عليا قادرة تخليني أسيب الدنيا كلها وأفضل معاه ، أنا عارفة إنه مش رزقي ولا نصيبي بس كان ليه من الأول نحب ونتعلق ليه بنقابل ناس نحبهم مش هيكونواونصيبنا ف الآخر والله ما كنت عايزة دروس من حياة ولا الكلام ده غير أني أطمن واعيش ف سلام من غير اذى ليه الدنيا صعبة أوي كده ، ليه اختيارتنا كلها مش صح ، أنا حاسة إني بقيت موجوعة طول الوقت بحاول اتجاهل وجعي وإني مش كويسة وأخرج وأضحك بس قلبي ناره مش بتهدى ثانية ، مش قادرة أقول أي حاجه بجد غير أنه وحشني أوي فعلاً وكان نفسي أكون أنا ال جمبه لكنه النصيب بس إزاي القلب يرضى وينسى !؟ ، أتمنى كل ال يشوف كلامي يدعيلي بجد لاني محتاجة الدعوة ربنا يعوض قلبي ويجمع بيني وبين سعادتي ويريح بالي ويجبر كسري

انا عندي مشكلة هي تافهة ومضايقاني اوي انا كان عندي فلاشة بجمع عليها الاغاني الي انا بحبها من ايام ٢٠٠٤ لحد دلوقتي للاسف الفللشة دي ضاعت ةمعنديش نسخة تانية منها وكان عليها اغاني تريد ايام ما كنت في ثانوي وجامعة وفي اغاني مش موجودة دلوقتي لمغنيين طلعوا عنلوا اغنية واحدة واختفوا وبدور علي اغانيهم دلوقتي مش موجودة معظم الاغاني دي انا كنت منزلها من موقع اسمة موالي للاسف قفل هل في اي حد عنده طريقة اقدر الاقي بيها موقع علية الاغاني مترتبة بالمغني وعليه مجنوعات كاملة

بصراحه ما عرفتش خالص و عايزه اعرف مش قادرة انساه ولا ثانية ولا لحظه و نفسي ان يرجع جنبي و اسمع ضحكه و هزاره معايا بجد و اتمنى ان يرجع تاني، بس الظروف منعت كل الكلام ده ، و مش عارفة ارجعه ليا تاني ازاي

عمري ماادرت اتخطى صدمة طفولتي لحد دلوقتي عمري 20سنة و كل شوي ارجع افتكري ان عمي لي كنت بحبو جدا اتح رش في و انا عمري 7سنين او 6 الموضوع زعجني جدا و محدش يعرف فيه غيري و هو عمري موجهتو لاني لدلوقتي بحس بنفس القرف لحسيتو و انا صغيرة

هوا اكيد مش مبرر بس انا ملقيتش دعم وساعات احباط وطبعا مش بخرج كتير طول الوقت على التلفون كل ماده دايره الصحاب تقل أو تكون سطحيه محاوله وتفشل محاوله اني اقوم وافشل لحد ما زهقت ومبقتش احاول ولو كنت بسمع تهزيق مره بقيت اسمه 100مره واكتشف أن سنين مرت من غير ما اعمل حياه وذكريات ومش بعرف اتكلم ولا اعبر أولا بسبب طاقتي وثانيا عدم ثقتي بنفسي ورهاب الاجتماعي

اول ذكرى اني خسرت دراستي لي اعوام وانا من الاوائل ثاني ذكرى لما طلعو عاملينلي سحر جنون و مرض و كره الدراسة ثالث ذكرى لما لقيت نفسي في عمر صغير عند طبيب نفسي رابع حاجة بعدما كنت قدوة صرت عبرة

الاذي النفسي مآثر دايما والجسدي أن ابويا كان بيضربني بتوگه الحذام وامي بتلسعني بالمعلقه والشمع ع ايدي وأماكن حساسه دي مواقف عمري ننساهااا ابدا بجد وان اهلي مكنوش بيصدقوني ولا بيدعموني وانا صغيره

أن بابا ظلمني وانا صغيره بسبب أن عمي اتبلي عليا وضربي قدام عمي التاني ةبنته بالاقلام ومنعني اكل معاهم ع طربيزه واحده لمده تلت ايام مهما حلفتله مصدقتيش وقالي هصدقك يكدبه واكذب عمك جالي بعدها كذب لا ارادي وعمي فالاخر قاله أنه كان بيكدب وقاله اني ضربت بنته كدب وان امي كانت بتلسعني بالشمه وانا صغير فايدي واصرخ د غير كانت بتلسعني بالمعلقه فايدي وإمكان حساس معلم لحد دلوقتي غير أن ابويا ضرىنا مرات يعني بالحذام وتوكه الحذام في حاجات كتير جدا لو قولتها كلها م هنخلص كتابه

صديقه. كانت عزيزه علي قلبي. اوي. ممكن دا من ست سنين. مش عارف. انا تخطيت. ولا لا. بس كل ما افتكر بتضايق كنت بحبها اوي اديتها كل اهتمامي. وكنت لوحدي اوي قبلها. فحسيت انها طوق نجاه. حد بيبحني بجد. وبيسمعني وبنشارك. بعض في صفات كتيره وبنخرج كتير. واهلنا كانو صحاب. بس. كل دا راح. لما واحده تانيه جديده دخلت في صحوبيتنا. بقت اقرب. لها مني انا مش فاكره ازاي. بقينا. بعاد اوي كده بس دلوقتي علاقتنا. ببعض اتقطعت تماما بعد ما اهلنا اتخاصمو. كانت كل ما. مامتي ومامتها يتخاصمو. كانت تخاصمني. وتعاملني. ببرود. وانا كنت بعاملها بعشم. اوي وكنت بطنش كتير وفي مواقف. كتير نسيتها ليها لانك لما بتحب حد من قلبك. بتطنش عيوبه

أنا باين للناس هادي بارد ومفيش حاجة بتهزني الأحداث بتعدي قدامي زي الهوا لا بتهز شعرة فيا ولا بتغير ملامحي اللي يشوفني يقول متكبر واللي ما يعرفنيش يقول مش فارق معاه حاجة في الدنيا بس الحقيقة إن جواه جبل شايله لوحدي أنا مش هادي أنا حياتي واقفة واقفة بقالها خمس سنين عند ساعتين بس خمس سنين وأنا محبوس في الساعتين دول فاكرهم كأنهم حصلوا النهاردة الصبح جدي كان قاعد معايا في البيت كنت بلبس عشان ورايا مشوار مش هياخد ساعتين وهيرجع قولتله أنا ماشي يا جدي رد عليا بجملة عمري ما تخيلت إنها الوداع روح وهترجع مش هتلاقيني ضحكنا مع بعض افتكرته بيهزر قولت أكيد قصده إنه هيمشي يروح بيته أو هيخرج قولتله بضحك إن شاء الله هرجع وألاقيك منور الدنيا بس هو بصلي بكل هدوء وقالي تاني روح بس هترجع مش هتلاقيني خرجت والضحكة مالية وشي ورجعت بعد ساعتين عشان أفهم معنى مش هتلاقيني بجد جدي مات وأنا مش موجود من ساعتها والندم بياكل في روحي خمس سنين بتحسر على الساعتين دول ليه ما ركزتش في ملامحه ليه ما قعدتش تحت رجله شوية كمان ليه ما فهمتش إنه بيودعني اتعلمت درس قاسي خلاني النهاردة مش عارف أثق في أي حاجة حلوة وبقيت بخاف أفرح لأحسن الفرحة يجي وراها ساعتين يهدوا كل حاجة أنا مش عارف أنام ولا عارف أعيش حياتي زي الناس الدنيا كلها بتتحرك وأنا لسه واقف قدام باب البيت شايل في إيدي وجع الساعتين وفي ودني صوت ضحكنا اللي قلب لأطول ليلة حزن في عمري

سلام على من أحبه الفؤاد ودقت لأجله الجوارح والأوتار سلام على حبات اللوز المعسول بين لوحٍ مبهم غير مفهوم سلام على من ارتدى ثوب حرير وهو في الأصل يربوعًا من سدير غدوت أثمن عندما نظرتك بأسهم الهوى أما بسم الثغر دع الليالي تغرّده  حدثني عن عشق الزيف أمام الورى متيم أنت به منذ الصبى حدثني عن التطلع للغني تحت شرفات القحط والندي عتمة الليل وشفقه يذكرني بحورية كانت تمسي حتى آخر نجم احم كتبته في نص ساعة تقريبا قولولي رائيك بكل صراحة لانه لو ايجابي هرجع اكتب لاني شايفة حب الكتابة والشعر من طرف واحد🤓

متعلقه بإنسان ارتبطت بيه ٤سنين مليانين ذكريات و احداث ،لما عرفت أنه بيكلم بنات تانيه حطلي جهاز في العربيه تسجيل و فركش معايا و فعلا عرف يسجلي وانا بهزر مع حد و قلب التربيزه عليا و مد أيده عليا بحجت اني كنت بستغفله و معرفتش أخد حقي اكتشفت اني وانا معاه أنه كان بيدور علي واحده تانيه تكون بحياته و فعلا اول ملاقي حد يقبل بيه كان بيقولي انا مش مرتاح و هنسيب بعض انا مدمره نفسيا أوي وقفت جمبه كتير و سامحته علي خيانته و في الاخر طلعني انا اللي بستغفله ولما أقوله انت مكنتش فحياتي يقولي محنا كنا هنرجع و هو اصلا في الفتره دي بيعمل حاجه غلط مع واحده و التانيه عرفها علي أهله و واعدها بالجواز . هموت من القاهره كان مرعوب من فكره الجواز و بياجلها معايا يعني يبقي هو اللي بيخون و يطلعني خاينه

انسي الذكريات و الحاجات الحلوه اللي كانت بينا ازاي رغم اني مسحت كل حاجه و بقيت مشغله كفايه جدا ومفيش وقت حته افكر في بس المشكلة اني بفكر في وانا مشغله و مؤثر علي حياتي بشكل مقرف ولا بقيت مش مراكز في اي حاجه خالص ولا مذاكره و شغل و بقيت تايه اوي

اماكن كتير لما بعدي عليها بتفكرني بناس مابقتش موجودة في حياتي و ماينفعش اكلمهم مع ان نفسي اكلمهم بيجيلي احساس بالحنين لما بعدي جنب حتة ليا فيها ذكريات مع واحده كنت بحبها زمان الكلية بتفكرني بحد مكتبة اسكندرية بتفكرني بحد المنيا بتفكرني بحد الشوارع في التجمع بتفكرني بحد شقتي بتفكرني بحد و مش باعرف مافكرش في الحاجات دي و مش باقدر أمنع نفسي من الاحساس بالحنين ده، بابقى عايز اطلع موبايلي و اكلمهم بس ماينفعش، ماينفعش عشان بقيت مع واحده تانية دلوقتي، و عشان اغلبهم عملولي بلوك محتاج انسى كل الذكريات دي بس مشكلتي اني مابنساش ومشكلة كمان اني لما بيكون عندي مشكلة مع اللي مرتبط بيها دلوقتي بحن للماضي فشخ. الانسان غريب والله.

فاكره من سنه بالظبط كنت بحاول اتعافي من شخصيه عرفتها. وكنت بكتب بوستات هنا ناس نصحتني و دعمتني و دول قليل اقل حتي من ١%. لكن الباقي اذوني اكتر و بقول يارتني ما كلمتهم ولا اديتهم دقيقه من وقتي او طاقتي

والله لو تعرف صعبان عليا قد ايه ان يمكن العيد يكون بكره و منبقاش مع بعض ليه تخلي قسوه قلبك تغلب حبك ليا ليه تخليني اشك في الذكريات و كلامك اني مش بهون تسيبني زعلانه اهوا سبتني زعلانه محتاجه وجودك ليه حسستني انك باقي و مبقتش ليه جيت من الاول

متخطيتش وخايفة فالايام الجاية يرجع الانسان السام ونرفضو ونتحطم ولا نرجعلو ونزيد نتكسر مقدرتش ننسى ذكراياتنا وفنفس الوق حايرة كفاه نسى ومشى بكل برودة دم عدت فدوامة مش عارفة نخرج منها والف حاجة تقلي اهربي والف حاجة تقلي ارجعيلو تعبت💔

بصراحه وانا صغيره كنت بموت ب بابا، وكنت بنته المفضله، بصراحه كنت وقتها بعشقه، بس لما كبرت و بدأت سن المراهقه وضحت الصورة، ابوي مو طيب زي ما كنت اعتقد، ابوي شخص بخيل نوعا ما كمان شكاك، و مزحه غير مناسب، ما بعرف كيف اوصفه بس هو سيئ، مره كنا قاعدين مع امي و ابوي مو موجود، جلست تقولنا اللي صار معها ثاني يوم زواجها، ابوي اخذ من فلوسها و راح سوا عزيمه لأهله، امي من وقتها مقهوره، و ابوي باع كل ذهبها، امي عانت ما بعرف ليش لحد الان ما تطلقت، غير في موقف صار بطفولتي مستحيل انساه، مره كنت مسويه حالي نايمه على الكنبه، بس كنت صاحيه، ابوي كان بيصرخ على اختي الوسط و بخليها تحط الجزمه بفمها الله يكرمكم، ما بعرف كيف سامحته، بس انا ما سامحته مع اني مالي دخل، و قبل كم يوم صار موقف مشابه، ابوي طلب من اخوي الصغير شي معين و اخوي سواه بطريقه غلط، ابوي عصب كتير و خلا اخوي الصغير يكتب على ورقه'انا حمار'، كرهته، في موقف صار معي، في مره رحت اشتكي لابوي من اخوي الكبير، ابوي مسكني من يدي و راح وقفي عند اخوي الكبير و قعد يقوله اني لازم اطيعه وان جزمة اخوي فوق راسي، حسبي الله ما بنسى ذاك اليوم، فكرته سندي، في مواقف غيرها كثير، مره ضرب امي، و امي فقدت الوعي، مره و هو امي كانوا بيتخانقوا، هو كان بسبها و امي ساكته، اختي الكبيره تدخلت و مسكت امي و اختذها و هي بتبكي، ابوي طلع و ضرب اختي كف، و امي فقدت الوعي، غير انه خلا اخوي الكبير يشتغل و عمره 8/9 سنوات، اقسم بالله ما بكذب، و لما صار بالثانوي، ابوي صار عاطل عن العمل، لهيك اخوي ترك دراسته و صار يشتغل و يصرف علينا، ما بنسى ذيك الايام اللي اخوي كان يموت تعب و ابوي قاعد مستمتع وهو بيدخن، و كان ابوي ياخذ كل راتب اخوي، اخوي راتبه كان قليل، و كنا بذيك الفتره فقراااء، كرهت ابوي، بنسبه لي هو عدو، ما في احد بيقدر يرد عليه بيخافوا منه الا انا و اختي الكبيره، المشكله ان في اشياء كثيره متشابهة شخصيتنا، ما بدي اشبهه بولا شي، انا وقحه جدا معه، بعرف حرام، بس هو سوا فينا اشياء ما بنساها

بدأت انسى احساس وجوده في البيت، انسى ريحته حتى لو ساعات بشمها، انسى صوته، بس فاكرة اخر يوم وانا معاه في العناية وفاكرة برودة أيده وهو ماسك فيا جامد مش عايزني امشي مش عايزنا نسيبه وفاكره تاني يوم لما اخيرا رجع البيت بس و روحه مش موجوده. لما بشوف أب ماسك ايد بنته وماشي، لما تيجي مكالمة لواحدة جنبي واول كلمة تقولها ايوة يا بابا، لما راجل كبير يقولي يا بنتي، لما الاقيني بعمل حاجات كتير كان ممكن نعملها سوا مرة كمان، لما اشوف بنت بتقول انها بتفرح لما تلاقي حد علاقته بأهله كويسة لأنها شبعت حنان منهم بس أنانية وكنت عايزه كمان . بفتكره على مدار اليوم ومجبره اعمل مش واخده بالي وأكمل اليوم. لما اتكلم عنه ومقولش ربنا يرحمه عشان لسه مش مصدقة أنه مش موجود وإن دي كلمة بقت مرتبطة بيه غصب عني

ازاي بتتخلصو من التعلق بالذكريات؟ ، ازاي مخليش الحاجات دي تأثر عليا، ممكن اتأثر ب صورة ف فترة معينه او برفيوم او اي حاجة لها علاقة ب فتره معينه عدت ومش عايزا افتكرها، الموضوع بيخليني اقعد افكر كتير بياخد من طاقتي وبحس اني دايما أسيرة الذكرى بجد

رمضان السنه دي كان مختلف بالنسبالي ومش الاختلاف الحلو يعني بس الحمدلله برضو فيه حاجات كويسه وللأسف رمضان بيخلص اهو خلاص وصلاه التراويح النهارده كانت كفيله تقلب في الذكريات وتفكرني بناس كتير ، افتكرتها واحنا بنصلي سوا ووانا بحفظها دعاء معين وافتكرته وهو بيسمعلي سوره الرحمن وافتكرت الدعوات اللي اتحققت 🥹 بس في حاجه بجد مفرحاني مش عارفه ربنا استجاب لدعوتي ولا مجرد صدفه بس يارب تكمل للآخر وفي حاجه تانيه معصباني ومخلياني زي العيال الصغيره اللي بتدبدب في الأرض علشان الحاجه اللي عايزاها ، كنت وعدت نفسي اني اكون اول واحده تقوله كل سنه وانت طيب بس للاسف مبقاش ينفع 😡 بس عامه كل سنه وانتوا طيبين وادعولي معاكم ربنا يسامحني ويهديني

من كام يوم كده وفي مواقف بتحصل بتفكرني بشخص كنت أعرفه وبتخليني أسأل نفسي حاجات كتير بس ثانيه كده ، هو انا هستفيد اي لو عرفت الاجابه ولا اي حاجه لانه سواء كان وحش أو حلو فخلاص مبقتش تفرق ولان اللي متأكده منه ان وجودي مكسب لاي حد وان عدم وجوده بالنسبالي راحه وبعد كده لو افتكرته حتي لو بالوحش مش هحاول اعدل الصوره دي لأن هو اللي اختار يظهر بيها ومفيش في أيدي حاجه اعملها غير اقول يارب يبقي كويس وبخير والعيد قرب وعيد ميلاده كمان فكل سنه وهو بخير أن شاء الله ولو كان غرضه أذي فعلا كده كده ربنا هيردهوله واهي الدنيا ماشيه ، رمضان بيخلص وفي ناس كانت موجوده في أوله بس خلاص مبقتش موجوده وانا كمان قريب هبدأ سنه جديده من عمري وكنت متخيله أن في ناس معينه هتكون معايا بس برضو مش موجودين بس الاهم ان اللي بنحبهم وبيحبونا بجد لسه موجودين وكده كده ربنا مش بيجيب غير الخير اتبسطوا يا جماعه وكل سنه وانتوا طيبين وبخير انتوا وكل حبايبكم

لدي مشكل مش مخليني انام الذي هو صدمة قبل يومين كنت عائد فل باص الى المنزل كان ليل 12 ليلا صعدت و كنت واقف حتا شخص يشدني من جاكيت استدرت هو ما قال كلمة ابتسم و حسب ظننت انه ظنني شخص اخر فتركت الأمر يمر كانو خمسة من بعد هم كملو يشدو من بعد احد فيهم ركلني حسيت بخوف مش منهم و كأنهم انعشو صدمات قديمة جدا عند اول محطة نزلت كانت حركة غبية لأنها محطة فارغة و كان ليلا و استقليت تاكسي المشكل بعد الحادث لم استطع الخروج سبب لي الأمر صدمة ليس خوفا منهم انما الأمر اني احسست بضعف تذكرت مواقف عدة و مذا لو التقيتهم مجددا نظرا لكوننا في نفس لباص نحن من منطقة سكنية واحدة و انا لا اعرف احدا فيها

هو ازاي البني ادم يتعافي من الماضي هو انا عديتو وحاسس اني اتعافيت منو وشوف حياتي والدنيا تمام بس في حاجه في قلبي كده بتوجع لما ببص وراه بقول ينهار كل ده حصلي وقلبي يتوجع واقول طب ليه اتوجع كده والكلام ده

انا كنت مرتبط ببنت و قعدنا فتره مرتبطين .. لكن هي قررت تبعد و تشوف حياتها وانا بدات اشوف حياتي بس خدت وقت .. لكن بيجي وقت عليا و احس اني برجع لنقطه الصفر .. مش فاهم دا ليه و بيحصل كدا ليه بس بقعد اقول هي الي اختارت وهي الي طلعت انانيه و ف نفس الوقت لما بفتكر ايامنا سوا و ذكرياتنا سوا ازعل عل الي وصلناله وبعد م كنا اقرب اتنين لبعض بقينا كل واحد ف سكه و لي حياته انا عارف ان الحوار يبيان عادي و بسيط لكن دا مسببلي خنقه و زعل طول الوقت

اخواتي الافتراضيين المجهولين بنعمل ايه لما بيوحشنا صديق قديم وواحشنا قعدته وواحشنا نفسنا وقتها لكن هو مبقاش هو واحنا مبقيناش نفس شخصيتنا وقتها

عندي القط مشمش مات كان عندي مربيه فوق ال7 سنين ازاى اقدر اتعامل عادي مع العلم اني كل ما اشوف صوره ادمع. للعلم انا شاب. الى مات عنده حيوان عزيز عليه قبل كده يقولى ازاى قدر يتخطى الامر