25 Mar 2026يشعر بـ عاطفي
جماعة ليه بنصدق اوى احساسنا رغم انه اوقات كتير بيكون "كداب" يعنى مثلا لو دخلت فى علاقة حب وخرجت منها بتتخيل ان حياتك واقفة، ومفيش حد قادر يعوض غياب الشخص ده، والزمن مش بيتحرك عند اللحظة اللى هو قرر يمشى فيها تفتكروا بقى ليه بنفضل متعلقين بأمل إنه يرجع من تانى ؟ رغم انه مفيش أمل ليه بنحس إن نظرتنا لنفسنا مستمدة من وجود الشخص ده بالذات فى حياتنا.... ولو مشى بنشوف نفسنا زى الارض اللى بندوس عليها ليه بنصدق كل ده فجأة وبننسى اننا نستحق حد احسن منه ؟!! هو احنا اغبياء للدرجادى :(
نصيبنا و قدرنا الي ربنا كاتبه لكل واحد فينا بيهيئ كل واحد حسب الي هيواجهه بعدين فلو افترضنا اننا حبينا من اول نظرة و ظبطت من اول محاولة احنا كده اتعلمنا ايه؟و ازاي هنتعامل مع أي مشكلة تقابلنا و احنا معندناش الصلابه النفسيه و الذكاء العاطفي المرن في مواقفنا اليوميه؟
لأن ممكن الحب ده كان صادق فعلاً وفيه ذكريات حلوة أو مثلاً شخص وفي بس القدر مكتوب إن دي تكون قصتكم ولسه مفيش حد يقدر يسد الفراغ لأن مفيش حد حلو زيه أو وفي زيه أو يبسطك زيه+ لازم نتصالح مع إختيارنا انه مش لواحده الي أذانا لاء ممكن نكون بردو سيبنا أثر حلو أو مؤذي - مع العلم إن الأذى ممكن يكون لمجرد كان إن الفراق صدمة- طيب لازم نسأل نفسنا العلاقة دي مناسبة فعلاً لينا ولو هتكمل نهايتها ايه ينفع فعلاً نكمل سوا ولا صعب لو الإجابة لاء يبقى نعتبرها ذكرى حلوة ونصيب نتقابل وبس ^^
مش غباء بس انت لما بتحب حد بجد ف حجات ف جسمك بتتغير وكيمياء دماغك اي إنسان مالهاش علاقه بانك قوي ولا ضعيف دي طبيعه بشريه عشان كده هتلاقي اني ف دينا دي حاجه مش مسموح بيها إلا ف نطاق الجواز لأن دي حاجه ممكن قلبك يتكسر فيها وتفضل مطفي طول حياتك
علميا لان الانسان من طبعو بحب يجرب اي حاجة جديدة وبيقول ممكن دي تبقا خير ليا مع الوقت الامل بينقص بس لسا بيجرب بالامل القليل لي معاه بس دا مش غباء دا تجربة عشان للانسان يحب يتأكد ومتنساش ان مش كل الناس زي بعض كل واحد وشخصيتو الخاصة ولابد يكون في فرق بين واحد اواحد
انا قصدت انو بيحب يأكد لنفسو انو هيلاقي الافضل عشان كدا يفضل يحاول ويجرب