جماعة معلش سؤال طالع من عقلية 16 ونص مش عايزة اجابة عادية او اجابة محفوظة عايزة حاجه مقنعة يعني ايه الحب بجد بسال بجد امتى اعرف اني بحب في ناس بتقعد تسمع ام الكلمتين بتوع انك تتقبله بعيوبه و انك تكون مش مرتاح غير معاه بصراحه بستغرب حتت العيوب دي و كذالك بيقولوا لما تختفي الفراشات و التكلفات لما تكون معاه ده معناه انك بتحب طب معلش ما انا ممكن اتعامل مع ولد عادي جدا و ولا فيه فراشات و ولا فيه كره و ولا فيه اعجاب حتى و متقبله كوني بتعامل معاه بعيوبه بقى باي بتنجان المهم اني معنديش مشكله معاه هل ده معناه اني بحبه اكيد لا و كذالك بستغرب جدا لما بلاقي بنت بتقول انها بتحب ولد و هو ما شاء الله وشه شبه البلاطة هو بحد بتحبيه على ايه او اثنين متجوزين واحد متجوز واحده مش حلوه معلش اسفه و هو وشه وحش و تخين و كمان ممكن يكون نسونجي او بخيل و هى بتبقى بتحبه او هو كمان معلش دول ملايانين عيوب ازاي مستحملين يبقوا مع بعض حتى و بستغرب جدا لما حد يكون بيحب واحده و هم مرتبطين يعني حتى مش مع بعض في بيت واحد و بيقولوا حب ايه ده ازاي بتحبوا بعض وانتوا بتقابلوا بعض باحسن صورة عندوكوا انتوا كده مشوفتوش عيوب و بصراحه كتير بحس ان الحب ده كذبه مخترعه و كل واحد مستحمل الي معاه على ما ربنا يفرجها و نم.وت بصراحه معرفش ازاي في ناس بتطيق بعضها انا معاكوا حتت الراحه بس بجد انا ممكن ارتاح مع غيره برضوا والله بستغرب والله كلمة بحبه او بحبها و انت مشوفتش منها غير شكلها او جسمها او طريقة كلامها الي شدتك بجد بستغرب جدا و من العكس كذالك ايه هو الحب يا جماعة
بصي ما شاء الله واضح انه عقلك رزين وسليم وشخص كويس بصي الحب دا حاجة حلوة وكبييرة وليها وقتها يعني 16 سنه دا لسه صغير مش هيعرف هو أو هي تاخدوا اي خطوات فالحل اي ؟ شوف انت عندك اي دلوقتي وأعملة وركزي فيه يعني انت دلوقتي طالبة خلاص ركزي في كونك طالبة وفقط وتعملي اللي عليكي لانه دا مش وقته خالص بس كدا
كان نفسي اقول وجهه نظري بس الفواكه مقصروش قالو اغلب الكلام اللي كان ممكن اقولوا عاش يفواكهه
الحب مش حل لو هو هيبقا سطحي زي م انتي قولتي بالظبط لانه ساعتها بيبقا اسمه مجرد اعجاب انا هوصف الحب من نحيتنا ك شباب عشان انا مجربتش ابقا بنت واحب قبل كده بس انا شب وحبيت قبل كده الحب هو انك تبقا مبسوط وانت قريب من البنت اللي بتحبها مش عاجبك شكلها بس لا عاجبك روحها وطريقه كلمها وعيبها وكل حاجه فيها الحب بيبقا حب لما انا ابقا مبسوط لما هي تنبسط وازعل لما هي تزعل الحب هو ان مشاعري كلها تتحرك اول م تيجي في افكاري او حتا لما تكلمها فون مش لما بس اشوفها الحب شئ صعب شرحه وكمان تفسيره بس من السهل جدا شرح نواتج الحب اللي بتظهر علينا لما نحب
عندي تعليق بس وشه شبه البلاطه يعني حلو ولا وحش؟
كلمه واحده بس هيا انكو تقدرو تتخطو اي مشكله بينكم سوا و الحب ف الاغلب بينتج عن الاختلاف مش التشابه ومش مرتبط بدوبامين و لا بتعلق هوا حاجه كده زي متكون ع تردد تاني خالص مختلف بينتج بين الاتنين وكل اتنين ليهم بصمه خاصه بيهم ولغه بتاعتهم بيبقي معاه سكون روحي لكن 99٪ من الشعارات و اللي بنشوفه دلوقتي حوالينه كله فيك و ملهوش علاقه بالحب نهائي
لما تلاقي أنه شبهك ونفس الصفات كده اكيد هتحبه بغض النظر عن الحب لو شوفت حد وبتقول حبيته ده اسمه اعجاب مش حب
الحب مش الفراشات ولا الشكل ولا إنك تتقبلي العيوب بس الحب إنك تلاقي اللي ترتاحي له فتختاريه حتى لو ظهر حد تاني أحسن منه 😌 اللي بيحبوا بعض رغم إن وشه زي البلاطة أو بخيل أو نسونجي😅 دول يا إما متعودين يا خايفين يا بجد شايفين في بعض حاجة انتي مش شايفاها 💁♀️ والإعجاب بالشكل أو الكلام ده اسمه انبهار مش حب الحب بيظهر بعد ما تشوفي العيوب وتقولي(مازلت بحبك اناااا و انتا لياا لوحدي 🙂❤️) فمتستغربيش الحب موجود بس مش زي ما الناس بتقول واللي مش لاقيه دلوقتي مش معناه إنه مش موجود بس لما يجي هتحسيه من جوا من غير ما تسألي 🙂 وبس كدا🗿✨
لما تلاقي نفسك زعلان علشان هو زعلان مبسوط علشان هو مبسوط عايز ترضيها تساعدها تبقي عايز تخلي الدنيا كلها ملكها انك تقدم حاجات انت مش بتقدمها لنفسك
ولله كتا انا بحسو كذبة ومجرد شعور غبي بيحسو بيه مافي منو بينضحك عليهم بكلمتين