منذ 3 ساعاتيشعر بـ مكسور القلب
بصوا ياجماعه اولا من غير تجريح انا متجوزه من مده طويله مفيش بينى وبين جوزى اى تفاهم أو اى مشاعر وبقالنا مده مفيش بينا علاقه حميمه وانا مبقتش مستحمله ومن فتره بدأت اكلم زميل قديم ليه كنت محتاجه احس بالاهتمام وان فى حد شايفنى ست ومرغوبه لكن للاسف بعد شهرين من كلامنا وقلة اهتمامه هو كمان سابنى وانا دلوقتى نفسيتى زى الزفت ومش عارفه اعمل ايه عندى رغبه قويه انى ارجعله بس كرامتى وجعانى وعايزه اتطلق وخايفه على ولادى اعمل ايه
قبل ما تفكرى فى الطلاق شوفى الاول استشارى علاقات واتكلمى معاه ممكن توصلوا لحل وتتصالحوا كمان اياكى والطريق الحرام هو دلوقتى حلالك واعتقد الموضوع ده مش حكاية كرامة على قد ما هو احتياج همتخليش الشيطان يصعبها عليك ويقولك كده كرامتك هتتهان
بصي ممكن تعملي تغير في تعاملك مع جوازك وفي افكار كتير ممكن اقولهالك
انا طلبت الاهتمام وعملت كل حاجه ممكن تتعمل علشان موضوع العلاقه ده قالى أنه معندوش رغبه وياريت مفتحش الموضوع تانى
ما بلاش تعملي حاجه حرام الاحسن يعني لو مش عجبك العيشه معاه اطلقي واتجوزي واحد تاني بالحلال
نصيحه انتي غلطتي لما كلمتي زميلك اه ليكي حق الاهتمام من جوزك بس مش مبرر انك تعملي كدا بصي لولادك عشان مترجعيش تندمي ف المستقبل عايزة تعيشي حياتك اطلقي وعشي ف الحلال متكرريش غلط غيرك ودمري حياه اطفال بعدين
جربو تروحو لاخصائي نفسي متخصص في العلاقات الزوجية لو حاولتي تعملي جو كويس و تغيري مود البيت أو تطلعوا منه اصلا و تقضوا وقت سوا و كل ده فشل جربي الاخصائي
بصي أنا مقتنع بمقولة أن الاهتمام بيتطلب حاولي تلمحي ليه ودينا تهيأي الجو وتتكلمي معاه وتشوفي المشكله فين وتعالجوها وإن شاء الله تكون فتره وتعدي
الحمد لله إنه سابك دي أول نقطة، ثاني نقطة ودي الاهم يعني إنت لو زوجك متجاهلك اطلبي منه الطلاق بس متحاوليش تدخلي علاقة او تدوري على الاهتمام وإنت على ذمته