دلوقتي أنا اصلا عندي ضغوط كتير ومواقف كتير من ناس اتخدعت فيها ، وحوارات كتير ، انا اصلا بقلب في السوشيال ميديا بنزل قرآن اوقات ذكر اوقات بوستات فيها عبره مثلا او نصيحه او حاجة بقراها فكرتني بموقف واتعلمت منه بشيره عشان احب انزله علب صفحتي بيعبر عني بنزل استوريز كتابات لأشخاص كاتبة كلام بحسه بيلمس حته جوايا اذا كان عن التقدير والاصول وحاجات كتير كدا ، لسوء الحظ ان يحصل مثلا تاتش او موقف بيني وبين حد وانا اصلا والله ببقي عادي يعني انا فعلا مش شخص بتاع تلقيح ولا بيلقح ولا يقصد يوصل رساله لحد ... بس انا بكون بفرغ حاجات جوايا مكتومة من سنين يعني اصلا مواقف تافهه منهم .. حتي لو زعلانه من حد منهم مش عايزة اوصل لجد رساله يعني اصلا انا بنزل بوست محدش اصلا بيتفاعل اصلا ولا حد مهتم يعني انا بنزل كلام لنفسي معرفش أصلا ان في ناس بتراقب كدا وتستني لقطه ... واوقات بنزل حاجات تضحك وممكن بوست واحد او اتنين حاجة تعبر عني كلام عن الذات وكدا ، دلوقتي قرايبي بياخده الكلام علي نفسهم امسحي الكلام دا الا يتفهم غلط بعدين بتنزلي بوستات بتضحكني واهزر وتعدي .. وحد بردو من قرايب بردو لسه من يوم هو في حاجة مزعلاها هي مالها اصلها منزله بوست كدا عن اني مش هتغير وانا كدا .. مع ان البوست عادي كان علي التقدير والاحترام المتبادل والاهتمام وان الواحد ميجيش علي نفسه عشان خاطر حد ... وحاليا منزله بوست ان الناس بتنسي المواقف الحلوة وتنسي موقف مكنتش موجود فيه والخلاصه يعني انه الواحد يعامل رب العباد والجزاء عند ربنا مش الناس ... يعني الواحد نيته حسنة لله ، المهم اتشاف البوست ومحدش علق كالعادة وكده بس انا بحس ان قريبة ليا مكملتش باقي الاستوري.. عموما بقيت متضايقه من نفسي ومن اللي بنزله .. خصوصا اني متراقبة دا لان اصلا انا كل فين وفين لما بنزل حاجة فعلا ، الموضوع شاغلني ومزعلني اننا يتاخد عني صورة اني بلقح او قاصدة حد او حد مزعلني مع ان بيكون مشاركة ريلز اصلا نص الشعب منزله يعني انا مش بنزل حاجة من كوكب تاني يعني الموضوع وقت لحظات حلوة لما اكون رايقه كدا ، بس ازاي بجد اتغاضي عن الشعور دا حاسه اني مكسوفه من نفسي بذات اني مبحبش حد يفهمني غلط ،، كنت بعاند وبقول اللي ياخد الكلام ع نفسه يبقي ع راسه بطحه يحسس عليها ، بس انا اصلا انسانه طيبة جدا والله وفي حالي ونادرا لو حصل خلاف وبيكون بسبب لو اخدت ردة فعل .. الواحد زعلان بجد ان في لفت انتباه عليه وحوارات مع ان الموضوع تافه اصلا بس اللي مضايقني اني فعلا مقصدش حد فيهم بيكون كلام عام عاملاله شير زي خمسين واحد ليه بقي اعمل اي