عايزه اخد رأيكم في حاجه لاني مش عارفه اتصرف ازاي دلوقتي انا كنت اعرف حد من تلات سنين كده وجينا ف اول سنه من تعارفنا كنا حاسين بمشاعر بس محدش اتكلم ف جيه فجاه قالي انه مش هيقدر يكمل معايا لانه هيروح يخطب البنت اللي بيحبها وكان مرتبط بيها المهم العلاقات اتقطعت بقينا سلامات بس طول السنتين اللي بعدها وعرفت انه البنت سابته واتجوزت حد تاني اصلا المهم جينا ف شهر ١٢ اللي فات اتقابلنا وقالي انه عاوزني ف موضوع مهم وقال انه عاوز يتقدملي المهم انا وافقت وبقالنا من ساعتها اهو مش عارف يتقدملي لان حصلنا مشاكل كتير ف بيوتنا سواء عندي او عنده ف مفيش وقت مناسب لحد اخر فتره مامته جالها كانسر ف اكيد طبعا فكره الخطوبه دلوقتي متأجله ،بس المشكله دلوقتي اني بحس انه بيسمعني وقت ما يكون هورني بس يعني حتي لو انا صديته وقولتله اني مبحبش كده بيحترم ده بس مؤخرا اتغير بقا لما اقوله اني مبحبش كده بيسكت بقا ي اما يبقي اونلاين وميردش وبحسه عاوز يسكتني وخلاص امبارح بيقولي بحسبك زعلانه كنت هصالحك وخلاص وبعدين كمان كنت تعبانه نفسيا الفتره اللي فاتت وبروح ثيرابي ف جيت اتكلم معاه لاقيته بيقولي طيب وانتي شايله كل ده ليه يعني اي بجد يا جماعه حاسه في حاجه غلط جدداا وعاوزه اسيبه بس حاسه اني اوفر ملحوظه : انا كمان حاسه انه هورني دايما سواء بيحب او بيتسلي لانه البنت اللي كان بيخطبها سابته اصلا عشان خانها مع صحبتها
ببساطة حاطك فخانة اشباع الذات جنسيا بس ومش باصصلك كزوجة اطلاقا
انتي لسه قاعدة بتعملي ايه يا بنتي يعني خان بنت قبلك مع صاحبتها انتي مستنياه يخونك؟ 🥲 وبعدين هقولك حاجة بجد والله .. الراجل اللي بجد بيحافظ على البنت اللي بيحبها وحتى لو غلط بيرجع يعتذر ويبعد شوية عشان ميغلطش وبيبقى جاد .. سيبيه وابعدي خالص لأنه بصراحة شخص لا يؤتمن بالمنظر ده ومش بعيد بعد ما تتخطبي يخونك وحتى بعد ما تتجوزوا .. الخاين خاين ملهاش علاقة متجوز ولا لأ .. نصيحة بجد اهربي وانجدي نفسك
الولد ده لعبى وكش بتاع جواز ومتبقيش بعد فضلة كما يقال فى الفلاحين استبن يعنى خديها من قصرها وسلية قرل ميسيبك زى ماحصل وربنا يعوضك باحسن منة يحبك ويادرك
متزعليش مني بس كان بيتسلي وعيا وراح المهم بعد كده ال عايزك يخبط ع الباب غير كده كبري دماغك يعيوني وربنا يوفقك يارب 🤍
حقك تسبيه طبعا دا مش اوفر بالعكس لو كملتي في علاقة مش مناسبة دى اذي ليكي وليه وعيالكوا قدام خطوة الثيرابي صح جدا بس اقترح عليكي لو مرتحتيش غيريه لحد ما تلاقي حد كويس وحاولي تركزي اكتر علي مشاعرك بهدف انك تفهمي نفسك مثلا هي العلاقة دي بتقدملي ايه ؟ انا ليه متمسكة بالعلاقة؟ ايه أهدافي من الارتباط عموما والشخص دا متماشي مع الأهداف دي ولا لاء ؟ ايه اللي مخوفني لو سبته وممكن اتعامل مع المخاوف دي ازاي ؟ واعملي سيرش او اسألي شات جيبتي عن الفرق بين التعلق والحب وحقيقي خطوة الثيرابي مهمة جدا وربنا يعينك بجد♥️✨️
انتى اتكلمتى عنه فى ٢٠ سطر ومفيش ولا حاجة منهم قلتى فيها مشاعرك ناحيته وده يا اما معناه انك لسه مش عارفة تحددى/محتاجة وقت/معندكيش مشاعر بس خايفة تصارحيه