جماعة عايزه احكي مشكله تافهه شويه علي اللي بشوفه هنا. وهيا حوار اني دايما شايفه نفسي تخينه منغير سبب. انا وزني طبيعي بس مش قادره اشوف ده خالص. لما بقول لحد اني عايزه اخس بيستغرب اصلا ويقول ليه؟. انا حقيقي مش عارفه ليه. يعني انا من وانا صغيره كده في ابتدائي ساعات كنت بحرم نفسي من الاكل عشان اخس. والموضوع كان بيتطور كل ما اكبر وعمري ما حسيت بالرضا عن وزني. انا بحب الاكل جدا وبحرم نفسي ساعات بس برضو مبخسش. حاولت احسن علاقتي بنفسي وبالاكل اللي باكله وجت فتره اخيرا مش هقول رضيت بس كنت بدأت احب وزني تخنت بعدها ٥ كيلو رجعت لنفس الدوامه تاني. امبارح رحت اطلب كبسولات تخسيس وحد من عائلتي قريب مني زعقلي جامد وقالي انتي مجنونه. انا مش عارفه ايه الحل انا عايزه اخس باي طريقه. والمشكله ان عائلتي لما بقولهم كده بيقعدوا يتريقوا مع بعض وعمر ما حد فيهم حس فعلا اني ده مسببلي ازمه من وانا صغيره. لما بشوف بنات في الشارع رفيعه بقول اكيد مش عندها مشاكل ماهي وزنها حلو انتوا متخليين وصلت لفين والله بضحك علي نفسي. بس م عارفه حتي بكتب ليه بس اكيد فيه حل. انا مش هرتاح غير لما اخس فممكن حد يقولي هل كبسولات التخسيس دي امان ؟