منذ يوميشعر بـ حزين
انا بنوتة اوڤر ويت وزني حوالي 87 كيلو وعندي مشكلة مع الموضوع ده لإني طول الوقت بشوف نفسي مينفعش اعمل حاجات زي باقي البنات ، انا حد واثق في نفسه وشكله جدا بس في نفس الوقت بييجي عليا وقت وبحس اني ناقصني حاجة وان شكلي وحش وان مستحيل حد يحبني بجد علي وضعي ده وكل ما حد يحاول يقربلي او يدخل حياتي انا بمنعه لإني بحس انه مبيحبنيش بجد رغم اني شايفة نفسي حلوة بس ساعات بحس ان لا اي كل ده اشمعنا انا ، فاللي عنده تجارب زي كده وخس يقولي الحل فورا "خصوصا انا عندي مقاومة انسولين" ولو حد عنده نصيحة هينه ممكن يكتبها 🤍.
بصي، أول حاجة وزنك مش هو اللي يحدد قيمتك خالص، وفي بنات كتير وزنهم أكتر من كده وعندهم ثقة في نفسهم وناس كتير معجبة بيهم عادي. فكرة إنك شايفة نفسك حلوة وواثقة دي أصلاً أهم حاجة، لأن الثقة هي اللي بتخلي أي حد جذاب. لو موضوع الوزن مضايقك فعلًا تقدري تاخديه كهدف صحي لنفسك مش علشان ترضي حد، شوية تنظيم أكل مع حركة بسيطة هيفرقوا مع الوقت. وبالنسبة لمقاومة الإنسولين، الأحسن فعلاً تسألي دكتور أو تعملّي تحليل وتتأكدي بدل ما تفضلي قلقانة. وبصراحة يعني… لو حد هيحبك علشان رقم على الميزان يبقى مش الشخص اللي يستاهلك أصلاً 😂
أنا عاوزاكي تثقي في نفسك جدا وانتي اكيد حلوة زي مانتي كدا بس لو مقتنعه من جواكي انك عاوزه تخسي لمصلحتك انتي تابعي مع نيوترشنست أنا كمان تابعت و خسيت حوالي ٣٥ كيلو
كنت زيك الحوار كله في نظرتنا لنفسها محدش بيشوف النظره دي غيرنا ف بنتخيل أن أي حد بيفكر فينا كده ودا نابع عن تفكرينا كنت زيك و خسيت جدا و طلع الموضوع كله في نظرتي لاني بحس نفس الاحساس
.
فيه فيلم اتعمل مخصوص عن الموضوع ده "حبيبى نائمًا"بطولة مى عز الدين وخالد ابو النجا الفيلم ده هيعرفك الفرق بين الحب الحقيقى والجمال الخارجى 😊