صرالي مشكل فأحد النوادي الجامعية اللي انخرطت فيها مؤخرا،هذا النادي تقريبا البنات اللي كامل فيه يكرهوني و أنا منعرفش علاه،بصح الذراري بيان معاهم .المهم و هوما مرة يوجدو لevent شبه الcosplay البنات قعدو يبعثو outfits نتاعهم قلت لوحدة فيهم u looks hot بطريقة عفوية مكان قصدي والو بدات تعرشلي و البنات كامل ناضو يعرشولي و يقولولي متحرش و بيدوفيل، و كشغل مش هذي حاجة جديدة موالف نديرها عادي و هوما عمبالهم، ولاو كثرو عليا بالإهانات و زادو دخلو معاهم زوج ذراري من اللخر فيهم الريحة كي كثرو عليا وليت قتلهم روحو تقودو و خرجت من القروب، و من اللخر انا عندي حوايج على كل واحد من اللي سبني نقدر ندمرلو بيها حياتو و انهم قالو عليا بيدوفيل و متحرش نوعا ما قلقتني و حسيتها صح اهانة لا تغتفر بيسك خاطيني هذو الأمورات. اسكو نخلفهالهم و جزاء سيئة مثلها، ولا نفوتها. اللي يقلي نفوتها مذا بيه يعطيني سبب مقنع بيسك من اللخر انا منيش إنسان طيب بصح فنفس الوقت منيش شرير نحب اللي يغلط معايا يخلص على قد غلطتو، شكرا مسبقا🙏
انا صراحة صرالي موقف شبيه طفلة غارت على واحد كانت مكراشيى فيه وهوا يحبني وانا ولله معندي حتى مشاعر تجاهو وكنت ديما نقلها بلي موحال نشوف معاه وبلي خاطيني انا مهم من الحقد حطت صورتي وصورتو في غروب هكا كنا كامل فيه وقالت بلي انا رخيسة ونجري وراه وبزاف هدرة عيانة كاين لي نتقدوها وكاين لي وقت معاها بصح مام انا شريرة كانو عندي كابتيرات تعها وهيا تحاول فيه وفوكالات يسب فيها حطيتهم كامل وبخصت بيها حتى بلوكات كونتها مي نكذب عليك حسيت روحي هبطت نيفو تاعي برك واصلا محسيتش براحة كبيرة ولا حسيت بلي جاوبت عليها ودرتلها قيمة
نصيحتي مديرلهمش اعتبار ناس تفكيرهم منحط وكايين الاف منهم كي تسكت ومديرش عليهم احسن
_ل You are hot متنقالش للبنات لانو لكلمة داخلة فال flirting الا اذا ترضاها للاخت الكريمة، الطفلة مشي صحبتك وعندها الحق تعرشلك لانوا ال flirting لي مش مطلوب يتسمى تحرش ، التدخل تاع الناس لخرين مبرر لانو الطفلة زميلتهم تعرضت لتحرش _نيتك معندها حتا معنى كي يكون الشخص الاخر مش مرتاح _اذا صح متحتاجش مبرر علاه راك تحي فالحكاية _هل بالنسبة ليك اي وحدة بالغة سلعة عندك تفليرتي و تتقرب كيما باغي؟ _واذا مبيكش الاهتمام ولا حتى فائدة اخرى سما نتا حلاب رايح لي تجي تطلقلها فحلاوتك _ونشوف فيك دير لناس فال upvote غير انا دايرلي downvote سما نتا تدعم غير لي يساند رأيك متقبلش تشوف لحوايج من وجهة نضر اخرى
على حسب فارق العمر بيناتكم و اذا بزاف فعندهم الحق ل"You look hot" مشي حاجة "عادية" تنقال "بعفوية" لوحدة صغيرة عليك خاصة اكثر من مرة ونتا تقولها على حسب هدرتك ، الجزء الثاني هو على حسب رأي الطفلة نفسها اذا مكانتش مرتاحة فعندهم الحق، ومناحية "دمرهم حياتهم" هذي تسما نيتك ملول مايش صافية بش مكالاه تقول منيش طيب و منيش شرير، اذا كنت تخبي في حوايج باش مبعد تضربهم بيهم فنتا شرير و بما انك رح تضرب لبنات لي كنت تقولهم You look hot معناها كي مديتش وش حبيت (اهتمام ولا اي حاجة) ودارو عليك فعندهم الحق وبش منضلمكش انا مكنتش ثم ومنعرفكش سما منحكمش عليك انا شفت زوج تعليقات يساندو فيك قلت نمد وجهة نضر اخرى