في ولد معايا في المدرج عرفته في سنة أولى من موقف كان بيتناقش مع دكتور ( كان بيتكلم في السي...اسة) و الولد اتناقش معاه في موضوع الشي...وخ المسج...ونة وقتها عجبتني شجاعته إنه يتكلم في شئ زي ده مع الدكتور ده بالذات ( النقاش معجبش الدكتور و طرده) المهم علق معايا من وقتها حاليا انا سنة تانية و لما يدخل المدرج باخد بالي منه دايما وحتى مكنتش اعرف اسمه لحد من يومين كان قاعد ورايا بيلعب مع صحابه و يهزر شوفته و سمعت صوته تاني يوم الصبح شوفت خير وفاته بقالي يوم مش مستوعبة كل شوية ييجي في بالي و ادعيله كان فيه القبول سبحان الله أهلي لما شافوا صورته فضلوا يدعوله و حبوه و فضلوا يشكروا فيه إن شكله شخص كويس و محترم و فيه القبول معرفش لي علق معايا كده و مخضوضة من فكرة الموت الغفلة كل شوية افكر كان بيعمل اي لما توفى طب صلى ولا لا لحد من شوية صاحبه اتكلم عنه وإنه كان صايم و توفى و المصحف في حضنه عايزاكم تدعوله كتير يدخل الجنة بغير حساب ولا سابقة عذاب و ربنا يصبر أهله ، اول مرة موت حد يأثر فيا كده ناس قرايبي توفوا قبل كده و كانت علاقتي بيهم قوية بس متأثرش بالشكل ده مش فاهمة لي وانا كل اللي بينا كان إني بشوفه في المدرج بس