موت

علاش علاش كي يلحق هاذ الوقت 00:00 حتى 05:00 تاع صباح يولي الإكتئاب و التخمام طايحين عليك في كوانة و نتا تستمتع بالنكح تاعهم ! علاش الشاب الجزائري لي علا جال بلادو قادر يفني حياتو و يدي صوالح ميجوكش فالمخيلة تاعك بلادو سمحت فيه و عطاتو ب ingore فري ماشي ساهة .. علاش الشبيبة ذك تفوت علا لي فارماسي تلقاهم غير هوما فما مرضتهم الرقعة الجغرافية .. علاش لعباد جامي يقدرو يحسو الحرقة لي فيك .. علاش لي يداعاو بالعشرة يبدلو ديما ليكيپ .. علاش لي ديرها بنت حلال و تنويها vيراج لول تاع الحياة ترميلك الما و تقلك ني حابة نعيش حياتي ! علاش لي حبوني نرتاح قلبي معاهم ما هنى .. اذا الموت تدي لعزاز علاش مازالني انا هنا ! علاش اشباه الذكور فهاذ الزمان يعاطو كيما les pute .. علاش لحظة مبقاتش تجيني واعرة ؟ ، و علاش بنات اليوم فسرو الزين بلعرا ! .. حومتي شقايا كامل فيك علاش هكاك و نشتيك .. علاش كل ما نتفكر ماما عيني تطلع للسما .. مجرد أسئلة عشوائية تجيني ف راصي في اقل من دقيقة و يتلفولك فيها الحلول مالڨري لكل مشكلة حل .. تفرج انشاء الله 🙌

انك تحس بالموت ومتطلهوش صعب اوي قعدت فترة طويل كل يوم قبل ما انام واول ما احط دماغي علي المخدة احس ده اخر مره هنام فيها ومش هقوم تانى في الاول الاحساس كان عادي لانى اتمنيت ده كتير وكنت بنام وانا خلاص شبه متأكد ان دى اخر مرة من شدة الاحساس اللي بيكون عندى ان انا هموت خلاص بس للاسف كنت بصحي تانى يوم عادى والموضوع بقى يتكرر بشكل يومى معايا بس مع الوقت بقى الاحساس مرعب انى كل يوم احس بالموت واصحي تانى عادي ده كده تعذيب مش راحة خالص تعبت من كتر ما كان بيحصلي كده لدرجة بقيت اخاف انام اصلا بس بعد فتره الاحساس راح وكل حاجة رجعت طبيعية بس الفترة دى الاحساس بدأ يرجعلي تانى ومبقتش عارف اعمل اي

مش نافع اني اكمل كل حاجه باظت و انا عديت بكل ده و حاولت افضل زي ما انا لكن مقدرتش اتغيرت اوي و مبقتش عارف نفسي بتمني الم/وت أو أنه اتبخر و كل ده ينتهي مفيش مساعده أتوقعها او حاجه تحصل ابقي احسن

ازيك ي شباب انا حابب احكي قصتي وأتمني اجد حد نفس أفكاري أو مر بنفس ظروفي لأني أخر حد كان بيهون عليا وجدي ف الحياة دي أنتحر الله يرحمه بتبدأ حكايتي و انا ف تالته ثانوي وولدتي توفت الله يرحمها وكانت أول مرة اقف انا والموت وش لوش صحيح كل يوم نسمع عن حد توفي إلا أنه مش بنفس القدر ولا نفس الاسأله اللي تجيلك لو حد عزيز عليك توفي ومنها بدأت أسال نفسي اي لزمة الحياه وأي معني لوجودي مدام كدا هموت بعد ما أنجح واتزوح ماذا بعد ولا شئ ودخلت في أكتئاب حاااد وصل بيا للأفكار انتحاريه وازمه وجودية دمرتني تدمير وعليها أجلت في الثانوية تلت سنين وبمعجزة ما قدرت انجح وادخل حقوق وبعد ما كنت متفوق طوال عمري في الدراسة ذقت مرارة الفشل في الثانوية دخلت حقوق صحيح انا تفوقت فيها إلا أنه في نهاية مش شايف معني لا للنجاح ولا حتي للفشل سنين مرت وانا مريض اكتئاب حاد وأصبحت حاد الطباع واقعئ ويسخر من كل شئ مهما عظم وأصبحت متمرد علي كل شي لا جواز ولا عادات وتقاليد ولا منتمي لأي شى وأصبحت متشائم بدرجه تخوف اي حد يعرفني أو يصاحبني وعندي رغبه واحده بتهون عليا وجودي ف الحياة القراءة عندي هوس بالقراءة ويمكن دي الحاجة ال أنقذتني من الانتحار خلاف صاحبي ال مستحملش عب الاكتئاب وأنتحر رغم تفوقه وعبقريته في هندسه وحاليا انا بلا أصحاب ولا أهل لأنهم كلهم توفوا عندي رغبه في البوس ونظره سوداوية مخيفه وعطش للنجاح مجنونه وفي صراع مابينهم لا قادر اهزم الاكتئاب ولا عارف اهدي الانسان اللي نفسه يعيش ويحلم وينتمي للمجتمع انا مش عارف حتي احزن انا ولدي توفي بعد ولدتي علطول ومعرفنش لا ابكي ولا احزن عليه مشكله الناس بتظن أن المكتئب حزين المصيبه أن حتي الحزن مش حاسس بيه ودا أقل القليل ال حاسس بيه اتمني اجد نصيحه تنقذني بعيدا عن الدين أو الطب النفسي لأن ف كليهما مش لاقي اجابه مريحه لاسألتي انا اتولدت ليه وأي معني من حياتي

كاره كل شمس طالعة ، بحب كل يوم عدى هاخد أية لو قالوا عنى عبقرية نادرة ؟ الناس مش عايزة الصح ، الناس دى جاية عشان تصقف بعدين يروحوا يصقفوله ، اتساوى فنه بفنك اللعنة مش فى القلم ، مش بستعمى الأعمى أنا سبب سوء فهم الجمل عدم استيعابكوا وجة الشبة معقولة شافوا الصورة كاملة رغم عدم وجودك ؟ معقولة تشوفها فى حضنه ملكش الحق تقول بتخونك ؟ بصالى من كل إتجاة ، تكون موناليزا تانية ؟ مش شايفك لابسة تاج ، ولا سامع مزيكا هادية خايف بعد بوستى ،، برضة يقولوا موتى ساعتها مش هيوافقوا يحطوا جنب قبرك صورتى لازم أغرق يعنى عشان تحسوا بـحاجتى لطوق ؟ لازم أبقى تحت الأرض عشان يتشاف معظمكوا فوق ؟ مش دى الحرية برضة ؟ ولا برضة قلة ذوق ؟ كل وردة جاتلى دبلت مش فاضل فيها إلا شوك لازم أغرق يعنى عشان تحسوا بـحاجتى لطوق ؟ لازم أبقى تحت الأرض عشان يتشاف معظمكوا فوق ؟ مش دى الحرية برضة ؟ ولا برضة قلة ذوق ؟ كل وردة جاتلى دبلت مش فاضل فيها إلا شوك

انا مخنوق اووي الفتره دي حاسس اني تقيل ع نفسي وع كل ايل حواليا كنت ف الاول ببقي عاوز اهرب بس دلوقتي انا بتمني الموت يجي ف اقرب وقت لاني تعبت محدش حاسس بتعبي ولا وجعي دايما لوحدي نفسي اموت بق

تعرفون أني مو متقبلة فكرة الفقد.. مقدر اتخيل إني ممكن أتحمل فقدان أحد أفراد أسرتي خصوصاا "بابا وأختي"... في خوف دايم وأفكر بالمستقبل انا توني صغيرة 18 وأبوي 58 هل بيكون معي! أصعب شعور أنك تكون أصغر فرد بالعيلة بشي 10 سنين..! شيء جداً سيء كلهم كبرو مع بعض لكن أنت توك صغير وكلهم كبار خصوصا أمك وأبوك..الموت قضاء أنا عارفة وكلنا بنموت برضو عارفة.. لكن خوفي إني أفقدهم شلون بتكون حياتي بدونهم؟

هو أنا قربت أموت ولا ايه يا جماعه 😅😅 بيقولوا اللي بيموت قبلها بيقعد يراجع حياته من أولها لأخرها وأنا عمال شريط ذكريات يعدي عليا وحاسة اني عيشت كتير أوي ومشاهد بقى كدة كأني شايفاها بجد .. هو فيه ايه 🙈🙈 وبعدين قعدت أشوف صوري وأنا صغيرة وأقارنها بيا دلوقتي واجمعهم جنب بعض أنا بتجنن ولا ايه 😅 عامة تمام يعني لو مت بس اترحموا عليا بالله عليكم 🤍🤍

لو سمحتوا هو ايه علاج ال overthinking بجد لأني حاسه اني بموت بالبطئ انا بس حابه أوضح اني مروحتش لدكتور نفسي قبل كدا بس انا تقريبا بيجيلي panic attacks يعني مثلا انا حاليا ضربات قلبي زايده وقاعده بعيط وقاعده بفكر في حاجات وحشه كتير وفي شعور مؤلم كدا انا مش عارفه اعبر عنه وحاسه اني خايفه من كل حاجه بجد يا رب لو الموت هو الحل ولو هو اللي هيسكت الاصوات اللي في دماغي فيا رب اموت انا اسفه لو كلامي وحش أو سلبي بزياده بس بجد انا بموت بالبطئ ومش عارف دي anxiety ولا ايه ومش عارفه اذاكر ومش قادره وخايفه من الحب ومن الخذلان وكل حاجه وفقدت الامل من الصداقه انا آسفه بجد لو كلامي متلخبط

انا بكرهني، بني ادم زبالة وفاشل في كل حاجة مقدرش يعمل حاجة كل حاجة في حياته خرا في خرا في خرا بني ادم مهزق قدام نفسه، فاشل بجد مفيش مبرر يخليني مش فاشل انا كل حاجة حواليا بتثبتلي اني فاشل انا كل حاجة بعلقها على شماعة دور الضحية حتى دة اللهم توفني إن كان الموت خيرا لي

الواحد زهق بجد من الدنيا معدش في حاجه عندي سعف اعملها حتي اكتر حاجات كان بيبقي نفسي اعملها وابقي مبسوط وانا بعملها معدش عندي شغف اعملها بقا الحاجه الوحيده الي نفسي تحصل اني ارجع زي الأول أو اموت واستريح من كل دا من الصحاب الوحشين ومن الانسانه الوحيده الي بحبها وهي لا ومن فشلي في الدراسة ومن فشلي في الرياضه ومن فشلي في الحياه عموما بقيت بحس أن الموت هوا الحل الوحيد للراحه من كل حاجه

أحم إفتكر إن كل ثانية من عمرك، وما تفرحش بيوم ميلادك لأن كل سنة بيقصر عمرك، وهتحس بالكلام دة أول ما تبدأ فى ال35 وفوق لغاية أخر يوم. فأعمل كل خير؛ ولما تغلط صلح غلطك فأسرع وقت لأنك مش ضامن بعد دقيقة هيحصل إى؛ دة لو ممكن تجي الدقيقة فعلاً.

اقترب اليوم الذي كنت أخاف منه منذ زمن طويل. جدتي التي ربتني كأنها أمي، والتي أحببتها أكثر من أي شخص، صحتها تتدهور يومًا بعد يوم. أصيبت مؤخرًا بقصور كلوي، وأصبحت لا تستطيع الأكل دون أن تتعب أو تتقيأ. حركتها صارت محدودة، وجسدها لم يعد يحتمل أبسط الأشياء. أشعر أننا لا نعيش مرضًا عابرًا، بل نعيش مرحلة النهاية… كأنها تنطفئ ببطء أمامنا. الأصعب بالنسبة لي ليس حالتها فقط، بل وعيي الكامل بما يحدث. أراها تبتسم لي أو تتحدث معي، وأنا أعلم في داخلي أن هذه اللحظات قد تكون من الأخيرة. هذا الشعور يسبب لي ألمًا حقيقيًا، كأنه ضغط في صدري لا يزول. لا أعرف كيف أتعامل مع هذا النوع من الحزن، ولا كيف أتصرف بشكل طبيعي وأنا أرى شخصًا أحبه بهذا الشكل يبتعد تدريجيًا. اكتب هنا لاحصل على حل او مواسات او ايا يكن رغم ادراكي التام انه لا يوجد مهرب لما سأعيشه . ولست متأكدة حقا من قوتي على مواجهته

تعبت من نفسي .. كمن يساق إلى الموت و هو مخمور غير خائف ولا يرتعد .. عقل في جسد صنم لا ينفع ولا يضر .. لازال يشاهد خيباته و الوقت يمر .. أظهر معاناته على المسرح للعامة من أجل التسقيف و التعاطف و ليس من أجل العلاج

تعمل ايه لما تكون خيبة امل لكل من تلاقيه؟ احس ايدي فيها عفن ينتقل ويلطخ اي حد اللمسه ، كيف من الممكن الشخص يخيب نفسه الفعلية كيف هذا ممكن من الاساس ، محزن ما تقدر تسأل الي فعلوها قبلي بانفسهم وانهوها كيف تتغلب على حاجز الخوف هذا حتى موتتي خيبة

انا ابن عمي توفى وادفن طفل بريء لا بيه ولا عليه انا حضرت كل حاجه معاه في الدفنه و الصلاه و لسه مخلص جنازته هو عنده ٨ سنين هل لما الولد يتسال هيعرف يرد وهل هو هيبقى خايف في القبر و هل جده وبنت عمه الي مدفونين قبله هيقعده معاه وكدا انا مسلم وكل حاجه ومش عارف ان كانت اسالتي دي تجوز ولا لا بس انا خايف عليه جدا ارجوكم حد يطمني

سؤال مهم بجد شاغلني بقالي فتره وياريت محدش يرد بأستهزاء علشان نفسيتي مش ناقصه .. لو بعيده عن شخص البحبه وهو فعلا معندوش اكونتات ليا و مفيش معارف مشتركه او وسيله تواصل يقدر يوصلي بيها .. هيعرف ازاي ان انا مت .

الواحد نفسه يموت ويرتاح بس اتمنى ارتاح فعلا بعد الموت بس ايا كان يعني انا زهقانه من الدنيا باللي فيها ومش عاوزه حاجه ولا عاوزه حد عارفه ان ده اكتئاب وبتعالج اهو .. بس هو بالعني حرفيا ومش عارفه اخرج منه ومفيش حاجه مساعداني

انا محتاج حضن اوي🥲 بجد تعبت الواحد محتاج حنية 🥹 مش عارف اعمل ايه بجد تعبت ومبقدش مستحمل انا عايز اموت وخلاص🥲💔 كل حاجة بقت وحشه كده ليه وكل الناس والتعامل من اقل خلاف كل حاجة تبقى زفت وقلة تقدير

كلام بقوله ليه هنا ع لما بقف ع قبره م بعرف اقوله حاجة من عياطي انا متأكدة أنه م هيشوفها ولا هيقرأها ولا حتى هيعرف إني كتبتها ليه انا بذاكر وكويسه ف الكليه رغم اني مش بحبها لبست الخمار الفرنسي رغم أنك كنت عارف انا بحب البس بناطيل ازاي وببين رقبتي م الطرحة بطلت انزل استويهات فيها ميوزك بعدت عن كل صحابي اللي انت مكنتش مرتاح ليهم بروح جيم وبسافر وبقرأ وقربت م ربنا بس انت واحشني غيابك عامل حاجات كتير فيا اربع سنين بحاول اعمل كل حاجة وانا مبسوطة امبارح وانا بلبس دخلت ادور عليك ف الاوضه ع اوريك الاوتفيت وقعدت انادي عليك بس ملقتكش كده تعمل ف اختك حبيبتك كده وحشتني اوي ي حبيب عيني و ي صاحبي الوحيد وتؤام روحي م عارفة هتخطي ازاي ولسه تفاصيل اليوم ده ف دماغي م بتروح م عارفة ابص لقدام ع انت م موجود كل يوم بنام ع امل اني اشوفك ف الحلم بس م بتيجي م قادرة اعيش حياة انت م فيها انا بموت بقالي اربع سنين ع انت م موجود

حاجة واحدة ايه دول كتير اووي 😂 اول حاجه في الحياة حاسة انى وصلت لمرحلة كدة من النضج مخلياني رافضة اى حاجة غلط و كل حاجة غلط .. حاسة ان مافيش مجال ولا فيه وقت تاني ينفع يضيع ف اختيار حاجة مش صح بنسبة ١٠٠٪ و اجي ع نفسي في حاجة و الحاجة دي تسود عيشتي تاني و على ايه بقا 🤷🏻‍♀️😂 ف مابقتش بختار اصلا حاجة فيها ١٪ حاجة غلط و ممكن ده يكون غلط فعلا و ان اه مافيش حاجه كاملة بس اللى عاش يحاسب ع المشاريب بتاعته و بتاعى غيره هيبقا فاهم قصدي ايه و انه خلاص مافيش طاقة تانيه بقا لحاجات او اشخاص اقعد اصلحها ف خايفة مالاقيش بقا الحاجة اللى بدور عليها دي مع اني مش عاوزة حاجات كاملة و الله بس عاوزاها تكون مناسبة ليا ( مش حاجات بتشقلب عشان تبقا مناسبة ليا 😂) تاني حاجة بخاف اني اكون فى الوقت ده ضيعت حاجات كان ممكن تمشي او تتظبط شوية تالت حاجه بخاف جداااا اكون من( الذين ضل سعيهم في الحياة الدنيا وهم يحسبون أنهم يحسنون صنعا) الموضوع ده مرعب اووي يجد 💔🥹 رابع حاجة بخاف اني اما اموت مايبقاليش سيرة طيبة و اتنسي كأني ماجتش الدنيا اصلا ماحدش حتى يدعي لى بالرحمة ولا يطلعولى صدقات مثلا ولا يفتكروني بكلمة طيبة 😢 و كمان بخاف كمان انى افضل تايهة كدة مش عارفه المفروض اعمل ايه عشان اكون احسن بحس ان الحياة دي اصلا واسعة عليا اوووي و انا بلأ فيها مش عارفه اجيب اولها من آخرها مش عارفه ابدأ بايه ازاي امتي اروح فين اجي منين كدة

ــــــــــــــــــــــــــــــــــــــــــــــــــــــ لا تسقني ماء الحياة بذلةِ بل فاسقني بالعز كأس الحنظل ماء الحياة بذلةِ كجهنمِ وجهنمٌ بالعز اطيبُ منزلي ــــــــــــــــــــــــــــــــــــــــــــــــــــــ

رحت وقفت قدام قبره زي ما بعمل وبشتكي ليه من اللي بيحصل ف حياتي وديما ببقى ماسكه نفسي وم بعيط وببقى هادية وبقعد اضحك وانا بكلمه وبوريه الحاجات اللي اتغيرت ف شكلي وبحكيله ع شخصيتي الجديدة بس المرة دي روحت وبدل ما اتكلم قعدت أعيط عليه فضلت ف حالة مكنتش اتمني اوصلها ابدا قعدت أعيط واقوله اني محتاجاله قعدت أعيط ع وحشني قعدت أعيط ع نفسي اترمي ف حضنه واقوله اني تعبانة قعدت اقوله انت مقولتش ليه انك هتمشي وانت بتحضني قعدت أعاتب فيه ف حاجة لا بإيدي ولا بإيده اربع سنين مقدرتش اتخطي فيهم أنه مشى لسه لما سيرته بتيجي قلبي بينهار انا عارفة أنه ف مكان احسن واني لازم اتعايش بس ده اخويا ده حته مني انا عارفة كل الكلام اللي هيتقال اصله ف مكان احسن اصل انتي متعرفيش حكمة ربنا ادعيله وغيره انا عارفة كل ده وم عايزة اسمعه

كمان 8 ايام همر بأقسي وأحزن ذكري ف حياتي عمري ما كنت مُجهزة للوداع رغم الإشارات الساعة 2 الضهر بالظبط صحيت ع صوت امي وهي منهارة ولما سألت فيه إيه قالت اخوكي عمل حادثة وراح لربنا مصدقتش ولحد دلوقتي م مصدقة تخيل يبقي كل ماليك صاحبك واخوك واللي معوضك عن حاجات كتير رغم أنه كان لسه صغير بس كان حنون وحكيم جدا الصدمة نزلت عليا وانا م حاسة غير بحاجتين يإما كابوس يإما بيضحكوا عليا لبست وروحت المستشفي لقيته بجد وقفت عند قبره ولقيت أن اسمه مكتوب ازاي يا جدع ده كان معايا امبارح وقاعدين نهزر طب ازاي ده حضني وهو ماشي ده فضل باصص ليا ليه مقالش زي ما دايما بيقولي كل حاجة ليه مقالش أن ده اخر حضن ليه لما قالي لو مت هتعملي ايه كان ردي هوزع شربات ليه مقالش انا بتكلم جد عشان اقوله اني بحبه اوي ليه مقالش ع اخده ف حضني واقوله اني اصلا م عارفة ازاي انا عايشه ليه لما بروح احكيله مشاكلي وهمومي زي ما بعمل ديما بلاقي طوب وعنده رخامه مكتوب عليها اسمه طب ليه مش بيحضني ويطبطب عليا ويوقلي تعالي اجبلك شيكولاته ونعمل ايس كوفي سوا انا مش عايزه حد يقولي هو ف مكان احسن الحاجات دي انا حفظتها بقالي اربع سنين بسمعها وعارفة كويس بس انا قلبي ليه بيتحرق كل ما سرته بتيجي رغم أنهم قالولي هتنسي وتعرفي تعيشي طب ليه انا جثة

اعمل انا فى حياتى بقى، انا نفسى بجد انى اموت، بس مش الانتحار. نفسى اعيش فى الحياة الأخرى حياة مفيهاش حزن حياة مليانه حب كل اللى اقدر اقوله الحمد لله على كل حال أنه معطينى الحياه الى الان ولكن انا مش عايزها

بعد الموت فيش فرصة مش هينفع تقلو استني اتوب او اصلي الموت بيجي عل غفله ممكن وانت ماسك فون بتعمل الغلط تموت مش هتلاقي فرصة تتوب او ترجع انهارده اتوفي حد من شارعنا كان حد وحش جدا اتوفي 25سنه صغير الله اعلم يمكن تاب بس حقيقي بدل مكنا بندعي عليه بقينا ندعييلو ربنا يوفقو اعملو حساب الحظة دي

حصل موقف النهارده فرحني اوي مش دايما هشارك نكد يعني. مشرفه الدور بتاعتي في المدرسه اسمها ميس هند نزل من فتره علي جروب المدرسه أن في ميس اسمها هند ماتت و من ساعتها الميس بتاعه الدور مش بتيجي ربطت أن دي الميس اللي ماتت كنت متضايقه و دايما بدعيلها بالرحمه النهارده الصبح وانا يجهز للمدرسه افتكرت ميس هند و قولت يااا لو روحت لقيت ميس هند قاعده و سلمت عليها علاقتي بيها مش قويه بس بحبها و فعلا اول ما روحت المدرسه و طلعت الدور هي اول واحده شوفتها فرحت من جوايا و سلمت عليها و دخلت الفصل وانا مش مصدقه أن هي الحمدلله لسه عايشه و كل شويه اخاف ليكون بتخيل بالذات أن المشهد دا جي في بالي وانا في البيت بس لقيت كل العيال بتقول أن ميس هند رجعت تيجي

في لحظة ما مش بتبقى زعلان من حاجة محددة ولا فاهم اي اللي جواك بس حاسس انك واقع في فراغ ملوش قاع ازاي ممكن الواحد يكون عايش بس مش حاسس انه موجود بتوصل لمرحلة تفكير سايب نفسه يجري لوحده كل فكرة تجر التانية لحد ما تلاقي نفسك غرقان من غير ما حد يلاحظ وحدة تقيلة مش مجرد انك لوحدك لكن انك مش عارف تكلم حد قريب او بعيد مش عشان مفيش حد لكن عشان خايف خايف تتفهم غلط خايف يشوفوك مجنون او ملحد او مجرد شخص مش طبيعي هو الخوف من كلام الناس ممكن يخليك تسكت لدرجة تختفي كل يوم شبه اللي قبله تفكير زيادة عن اللزوم لدرجة ان العياط بقى عادة مش رد فعل مش عارف تكمل ولا حتى تقف مكانك بثبات خايف من الطريق وخايف اكتر انك تفضل زي ما انت وفي وسط كل ده انت عارف الحقيقة البسيطة القاسية انك في الاخر هتموت لو النهاية واحدة ليه البداية تقيلة كده لكن رغم ده جواك رغبة غريبة انك تعيش مش عشان الحياة نفسها لكن عشان تجرب تجرب تحب تتجوز تكون اب تشيل ابنك بين ايديك وتهرب بيه من دماغك يمكن مش عايز الحياة قد ما انت عايز احساس مختلف مستعد تتنازل عن حاجات كتير بس توصل للحظة دي لحظة تحس فيها انك مش لوحدك هل ممكن انسان يعيش بس عشان لحظة واحدة وبين كل الافكار دي تيجي فكرة ابرد من كل حاجة انك هتتنسي بعد كام سنة اسمك هيبقى ذكرى باهتة وبعدها ولا حاجة يمكن احفادك ما يعرفوش عنك غير اخطائك يمكن يكرهوك يمكن ما يعرفوش انك كنت بتحارب جواك كل يوم هو احنا بنعيش ولا بس بنعدي لحد ما نختفي الغريب انك مش خايف من الموت لكن خايف من الاحساس اللي قبله خايف تموت وانت لسه مش فاهم نفسك وفي نفس الوقت بتزعل لاي مخلوق بيتالم حتى لو جرح بسيط مع انك عادي تاكل حاجة كانت عايشة وماتت من غير ما تعرف يعني اي حرية تناقضات كتير اسئلة من غير اجابات ودين بياخد الاولوية للبشر كأن باقي الكائنات مجرد تفاصيل وفي الاخر تفضل واقف في النص لا قادر تهرب من التفكير ولا قادر تكمله بس ساكت هادي من بره ومتكسر من جوا يمكن مشكلتك مش انك تايه يمكن انك شايف كل حاجة بوضوح زيادة عن اللازم

انا بقيت احس اني خلاص اصبح امر واقع اني اكون وحيد ولو موت اتمني اموت في الشغل عشان بس الناس تعرف اني موت يقوموا باللازم للميت بدري بدري انا جربت كتير جلسات زواج الصالونات وكلها فشلت، سولء البنت مش قبلاني او انا مش قابلها او المستوي مش عاجبني المهم ان الموضوع ديما بيتفشكل و الحقيقة بردو انا نفسي بكون شايل الهم وانا رايح المقابلات دي و بكون عاوزها تنتهي بأي شكل وكأني في امتحان، لسة ماقتبلتش البنت اللي من بين كل البنات اقول اه هي دي اللي هرتاح معاها و هريحها في المقابل و دة مش معناه ان اللي قعدت معاهم غير محترمات لا بالعكس دول قمة الاحترام الموضوع مالوش علاقة بالنقطة دي حتي زواج الصالونات صعب بالنسبالي

مكانش انسان يتخطى وفاة انسان يحبو بالعكس احساس الفقد و الحزن يكبرو مهما مرت الاعوام بصح الانسان لازم يتعايش و يتقبل و يفرح انا مثلا حزينة على موت ابي الله يرحمو بصح عايشة حياتي لاني مستوعبة بلي هو ما يحبش يشوفني حابسة في حياتي و تعيسة و الموت كاينة و تكون الايمان تاني حاجة مهمة الله يرحم امواتنا و اموات المسلمين

"يفنىٰ العباد ولا تفنىٰ صنائعهم ،فاختر لنفسِك ما يحلو بِه الاثر " اتمنى ان كل مراهِق يدرك ان الحياة الحقيقية تبدأ بعد الموت ، استثمروا شبابكم فيما يرضي الله خلو اخلاقكم حسنة واثركم طيب استيعنوا بالله واشتغلو على انفسكم ✨

متخطتش ولا عمري هتخطى، ربنا يرحمهم ويلحقنا بيهم على خير. حاولوا تشبعوا من حبايبكم وتعملوا معاهم ذكريات كتير عشان هو ده الللي هيفضل وهتتمنوا تقعدوا معاهم اكتر بس وقتها هيكون فات الأوان..

مفيش حد ف الدنيا بيقدر يتخطي وجع وفاه حد كان عزيز عليه الوجع لسه موجود بس مش بنفس الدرجه و يمكن الاحتياج بيزيد كل يوم بس لما تلاقي ان مفيش حاجه تقدر تعملها عشان الشخص ده يرجع و تبقي مضطر تقبل الواقع و ان مفيش ب ايدك حاجه غير الدعي ف بتيجي مرحله التسليم و الرضي بقضاء الله

مش عارف ليه الواحد وصل بيه الوضع أنه مفيش حل مش قادر تنام ولا تعيش الوسواس القهري بيدمر الشخص لدرجه اني وصلت مش هقول الانتحار بس نفسك في الموت عشان دماغك مش ممثلالك اي حل تاني، يارب ارحمنا ❤️‍🩹

انا من زمان وانا عندى مشكلة فى الصلاة فى ثانوى كنت متقطعة فى الصلاة ومعرفتش التزم خاالص من اول م دخلت الكلية وانا بحاول التزم وبرضو مش عارفة لغاية موصلت ل رابعة جامعة وقطعت خالص بقالى شهرين مش قادرة حتى اتوضى ولا اصلى وبجد الصلاة بقت تقيلة عليا اوى مش عارفة اعمل اى كل يوم بنام مرعوبة انى اموت بالله لو حد عنده حلول يقولى😭

وحشتني قوي ومش عارف اعمل ايه تخيل معايا تكون بتحكي لحد علي وفاة اقرب حد. ليك واللي بتحكيله طبعا غالي والا مش هتحكي وفجأة اللي بتحكيله دا يروح هو كمان منك!!!؟ انا اقسم بالله قلبي متكسر بقالي 6شهور و29 يوم وساعه قلبي اقسم بالله مش عارف ماله اول مرة في حياتي اتكسر كدا.. مع اننا مكوناش مرتبطين 💔💔💔 كل يوم بدخل شاتها وافضل اتكلم معاها وهي مبتردشش اعمل ايييه 😭😭😭💔

كنت بتكلم انا وبنت ك أصدقاء ومفيش اي حاجه بينا اتكلمنا 3 شهور بس تقريبا كنا بنحب بعض واحنا مش حاسين في يوم لقيتها زعلانه وتقولي نفسها تموت حرفيا بعدها ب كام ساعه ماتت انا مش. عارف انساهاا اعمل اييه؟؟؟؟ 💔💔💔

انا مشكلتي من شي شهر جاتني حالة اكتئاب و وسواس حاد لحد اليوم مش قادر أنام الليل لحد الصباح و هاذ يرجع للخوف من الموت او بالاحرى مابعد الموت كيف حتصير حياتنا و ماهو جزائنا الجنة ام النار و اي درجة من الجنة ....

عاونوني من فضلكم حاسة نفسي في حفرة مظلمة مش قادرة نخرج منها ... حياتي من قبل كنت نشوفها شابة مع انو عشت حاجات توجع وكبيرة على عمري بصح كنت دايمن نلقى حاجة تفرحني مابين المشاكل حتى وين دخل لحياتي شخص للدوك مش عارفة اذا حبيتو او والفتو والمشكل ماكنتش بيناتنا علاقة كانت situationship وانتهت بإعترافو بإعجابي لكن منقدروش نكونو كيفكيف لانو ماشي واجد لأي حاجة وبعدها مزدناش هدرنا ومن ذاك الوقت حياتي تبدلت وليت مكتئبة حزينة غارقة في هم نخمم غير فيه كنت نتوحشو بزاف لانو اول شخص دخل حياتي وكنا بزاف قراب لبعضنا كنت فهذيك الحالة حتى جازو عامين وكنت خلاص تخطيت وبقالي شوية ونرجع لحياتي قبل مانعرفو حتى وين رجع وحطمني وقهرني ورجعت لنفس الحالة الان مش عارفة الحل مش عارفة واش ندير علاش راهو قلبي يوجعني بزاف علاش مش قادرة نتخطاه علاش هو الوحيد يلي مقدرتش ننساه علاش حاسة نص عمري راح مني مع انو عارفة انو مش شخص جيد ليا ولا عمرو رح يكون بصح هكاك عاودت رجعت للأكتئاب والبكاء والحزن حتى وين ساعات نخمم في الموت ارحم لي من هاد الحياة وانا بالاصل الحمدالله نصلي ونقرا قرآن ومثقفة وقارية وذات شهادات عالية بصح علاش هو عائقي الوحيد في السعادة علاش مبقاش بزاف ونهبل

فكره صعبه اوي لما تبقي بتراقب الحياه مع غيرك بس انت مش بتعيش قانون ان الحياه بتعوض كل انسان بحجم الم الفقدان بس الرحله منتهيه معاك بالالم بس لسه في مستقبل بس مش عاوز تعيش فيه بصيت لصورتي وانا صغيره وقولتلها موتي وبكيت وفعلا الموت لاحقني وخوفت منه اول مره علي الرغم اني بتمناه بس مش مستعده ليه لاني شايفه ان الحياه قاسيه وده الطبيعي بس انها تبقي قاسيه و مش بتعوض ده الاسوء كنت مستنيه تعوضني في اي حاجه اتمنيت ابسط حاجه وبرضو مرضتش بيا كل طرق الحزن لاحقتني بكل الاشكال ومستغربه ان لسه جسمي بيتحرك وحاملني اني اصحي كل يوم اعيش واشوفني بتالم وبفقد بس لو كنت لقيت معنى واحد لحياتي مكنتش هدور علي الموت يمكن لما الاقي الموت هلاقي المعنى بس العوده منه بنفقد كل حاجه تاني وعلي الرغم من كل ده انا الشخص اللي كل الناس بتلجأ ليه عشان تحل مشاكلها التافهه مش قصدي انها تافهه بس شعوري بالمي اكبر من كل شئ علي الاقل لما ببص في حياتهم بلاقي الحياه واخده جزء ومعوضه جزء وهنا انا بتمني لجزء التعويض كل خير بس بتمناه برضو لنفسي ليه كل ما احاول الاقي طريقي نهايته الألم بس ومحدش بيسمعني لاني متعودتش اتكلم انا العلاج لكل شخص حتي الغريب بس انا مين يسمعني مين غير نفسي قدام مرايتي

ازاي اقدر اعيش حياتي طبيعي شويه بعد وفاه البنت اللي كنت بعشق التراب اللي بتمشي عليه كانت كل حاجة ف حياتي و هيا عملت عشاني كتيرر اوي هيا اتوفت امبارح اعملها اي طيب عشان اللي بينا فاهمينيي

معرفش ليه لما بحكى لحد بيبقى الموضوع عادى بالنسبه لهم مع انى ببقى زعلانه جدا بس اللى جرب بس هيفهم كعادتى لما صحيت حطيت اكل ل قطى سيمبا و لعبت معاه شويه و دخلت الأوضه اذاكر و مخدتش بالى أن البلاكونه مفتوحه عدا ١٠ دقايق بالظبط طلعت ابص عليه ملقتوش دورت تحت الكنب لانه بيحب يستخبى ببص جمبى لقيت البلاكونه بدأت انهار و دخلت اشوفه لقيته فى الشارع مش قادر يتحرك نزلت أجرى لما نزلت انا فضلت واقفه شويه بستوعب اللى انا شيفاه هو عمال يطلع صوت غريب خدته وجريت على اقرب دكتور قالى أنه للأسف خلاص مات انا مروحه و بيه عشان ادفنه كنت منهاره الناس كلها بتبصلى بأستغراب بجد كان نفسي الحياه تقف شويه دفنته و طلعت اعيط فى الشقه انا لحد دلوقتي بفكر لو كنت خدت بالى منه ١٠ دقايق بس كان اكيد قاعد معايا دلوقتى انا بكتب و انا بعيط عمتا لأن هو بجد كان كل حياتى

سلام عليكم هتكلم عن واحدة من أكبر مخاوفي ع الاطلاق واتمنى اي حد عنده فكر مشابه او مرت بباله الخاطرة دي يعرفني احنا كلنا بشر و الموت علينا حق لابد منه ولا مفر انا مشكلتي مش مع الموت مش هقول انا مش خايف م الموت الواحد مش مغسل ايده من جنة لكن الفكرة مش ف الموت انا خايف أتنسي خايف أعيش واموت ومسبتش أثر وبرجع افكر واقول حتى الي بيسيبو أثر بيتنسو طيب ايه العمل انت متخيل ان أقرب الناس ليك بعد فترة معينه انت مش بتمر ف بالهم غير كطيف باهت كدا يفتكروك ويدعولك وخلاص مش بيفضل منك غير ذكرى ؟ اي نعم النسيان نعمة انا عارف بس مجرد التفكير ان الناس الي بتحبهم وبيحبوك هيكملو بعدك عادي كدا الموضوع مؤلم جدا ويمكن عشان كدا لما بخسر حاجه او بخسر حد بفضل ف حالة حداد على الشخص او الشئ لفترة كبيرة هل دا طبيعي طيب انا فاهم ان دي سنة ربنا ف خلقه لكن مع ذلك الموضوع صعب على نفسي جدا فهل في حل لدا طيب يا ريت لو حد عنده فكره او حد حتى عنده نفس الخاطرة يعرفني عشان محسش اني غريب ع الاقل اسف ع الاطالة .

انا عمرى ٣٢ سنة وبدور على الله ومش لاقيه كتير صليت ومش لاقيه كتير صومت ومش لاقيه. بالعكس أنا كل ما بيعدى يوم ببقى اوحش من اليوم اللى قبله وبحس انى عايش بدون هدف ولا لازمه انا مش متزوج وحاسس أنها حياه تناسليه مش اكتر انا نفسى اموت وأشوف ما بعد الحياة اللى عايشينها تقريبا مش هلاقى حاجة ولو لقيت هلاقى ربنا اللى بصليله واصوم علشان ابقى كويس فى الارض وانا مش لاقى. نفسى اموت

عندي فقدان شعدغف رهيب جدا جدا يمكن علشان انا وحيد ومفيش اصحاب يمكن علشان عندي طاقة رهيبة ومش عارف اتخلص منها محتاج اراكم بس اللي انا متاكد منه انا مش هطول في كدة والموت قريب جدا جدا جدا جد

اتخنقت من كل النااااس مش عارفه اثق ف حد ولا حتى أهلي شعور التخلي من كل اللي حواليا بسبب مشكلة في حياتي دمرتني دمروا حياتي ونفسيتي ومستقبلي اعمل ايه نفسي اموووووت او يطلع كل ده كابوس يخلص

أنا باين للناس هادي بارد ومفيش حاجة بتهزني الأحداث بتعدي قدامي زي الهوا لا بتهز شعرة فيا ولا بتغير ملامحي اللي يشوفني يقول متكبر واللي ما يعرفنيش يقول مش فارق معاه حاجة في الدنيا بس الحقيقة إن جواه جبل شايله لوحدي أنا مش هادي أنا حياتي واقفة واقفة بقالها خمس سنين عند ساعتين بس خمس سنين وأنا محبوس في الساعتين دول فاكرهم كأنهم حصلوا النهاردة الصبح جدي كان قاعد معايا في البيت كنت بلبس عشان ورايا مشوار مش هياخد ساعتين وهيرجع قولتله أنا ماشي يا جدي رد عليا بجملة عمري ما تخيلت إنها الوداع روح وهترجع مش هتلاقيني ضحكنا مع بعض افتكرته بيهزر قولت أكيد قصده إنه هيمشي يروح بيته أو هيخرج قولتله بضحك إن شاء الله هرجع وألاقيك منور الدنيا بس هو بصلي بكل هدوء وقالي تاني روح بس هترجع مش هتلاقيني خرجت والضحكة مالية وشي ورجعت بعد ساعتين عشان أفهم معنى مش هتلاقيني بجد جدي مات وأنا مش موجود من ساعتها والندم بياكل في روحي خمس سنين بتحسر على الساعتين دول ليه ما ركزتش في ملامحه ليه ما قعدتش تحت رجله شوية كمان ليه ما فهمتش إنه بيودعني اتعلمت درس قاسي خلاني النهاردة مش عارف أثق في أي حاجة حلوة وبقيت بخاف أفرح لأحسن الفرحة يجي وراها ساعتين يهدوا كل حاجة أنا مش عارف أنام ولا عارف أعيش حياتي زي الناس الدنيا كلها بتتحرك وأنا لسه واقف قدام باب البيت شايل في إيدي وجع الساعتين وفي ودني صوت ضحكنا اللي قلب لأطول ليلة حزن في عمري

انا عندي 20 سنة من سنة مات اغلي حد في حياتي حرفيا الشخص الوحيد اللي لو الكل حصلوا حاجة انا مش هتاثر ، الشخص اللي هو الامان و الملجا اللي بهرب فيها و اخد break من المشاكل و العبث اللي في حياتي و هو اللي كانت اوريها ضعفي و لو وقفت زي جامد و صلب قدام الكل اجي اقدمها و اعیط و انهار و هو يطبطب عليا و يديني الطاقة اني اقوم . كان نفسي انجح و اكسر الدنيا علشان هيكون مفتخر بيا والسكوت بس مات قبل ما اعمل اي حاجة و اليوم ما هو مات انا كانت مصدوم لدرجة اني معيطش و قعدت حولي 21 يوم بتعامل عادي لغاية ما جاه يوم عيد ميلاد و استوعبت انوا مات بجد و مش هشوفوا تاني من ساعتها و انا بنهار لوحدي في الاوضة من غير ما حد ياخد بالها . كل فترة بفتقدها و يمر الايام زي طيف مش عارف اعمل ايه مفتقدها جدا و نفسي احس بوحودها تاني

انا عندي 20 سنة من سنة مات اغلي حد في حياتي حرفيا الشخص الوحيد اللي لو الكل حصلوا حاجة انا مش هتاثر ، الشخص اللي هو الامان و الملجا اللي بهرب فيها و اخد break من المشاكل و العبث اللي في حياتي و هو اللي كانت اوريها ضعفي و لو وقفت زي جامد و صلب قدام الكل اجي اقدمها و اعيط و انهار و هو يطبطب عليا و يديني الطاقة اني اقوم . كان نفسي انجح و اكسر الدنيا علشان هيكون مفتخر بيا و السكوت بس مات قبل ما اعمل اي حاجة و اليوم ما هو مات انا كانت مصدوم لدرجة اني معيطش و قعدت حولي 21 يوم بتعامل عادي لغاية ما جاه يوم عيد ميلاد و استوعبت انوا مات بجد و مش هشوفوا تاني من ساعتها و انا بنهار لوحدي في الاوضة من غير ما حد ياخد بالها . كل فترة بفتقدها و يمر الايام زي طيف . مش عارف اعمل ايه مفتقدها جدا و نفسي احس بوحودها تاني

اول عيد من غير تيتا حاسة مش قادرة اعدي او اتعامل مش عارفة افصل دماغي مش عارفة اوقف عياط بجد هي وحشيتني اوي بس مش قادرة اتقبل بجد موجوعة اوي مكنش فيه غيرها مش عارفة ابقي كويسة بجد انا بكره الفقد بكل انواعه عارفة انه سنة الحياة بس مش عارفة اتعامل 💔

شجعوني اساعد ماما فتجهيزات العيد انا عامله مشغوله ديما او نايمه علشان معملش حاجه مليش نفس لاني متضايقه واخده علخطري بجد بسبب كذا موقف و غير كمان التعامل و الكلام الظلم و مؤذي البقصد انها تضايقني و الاسلوب البخليني عايزه اعاند وبجد بدون مبالغه بيوصلني اني بتمني موت و اكره نفسي و حياتي .. للعلم انا مش فمرحله سن مراهقه وكدا

حد هنا بيسلك للدنيا؟ انا بسلك في كل حاجة لو ابويا ولا أمي ضايقوني بقول مش مشكلة كلها عشرين سنة ويموتوا ( رغم اني بحبهم جدا ) لو حد من المدرسين ضايقني بقول مش مشكلة كلها سنتين ويغوروا لو عرفت ان عندي مرض بقول مش مشكلة كلها خمسين سنة ولا أقل واموت انا ممشي دنيتي كلها بالطريقة دي بجد