سؤال للبنات والشباب: هل غلط إن يكون عندي حاجات معينة نفسي فيها في حياتي المستقبلية وأعتبرها جزء من أحلامي وأهدافي؟ يعني مثلًا أبقى بحلم إن يكون عندي شبكة سوليتير، أو بيت واسع ومريح ممكن يكون دورين، أو بشكل عام مستوى معيشة معين شايفة إنه مناسب ومريح بالنسبة لي أنا مش بتكلم عن حاجات لازم تتوفر كلها من أول يوم، ولا شرط تكون موجودة وقت الخطوبة أو بداية الجواز، ومش قصدي إني أحط شروط أو أعباء على الطرف التاني. الفكرة كلها إن الشخص اللي هرتبط بيه يكون عنده طموح وسعي ورغبة إنه يطور من نفسه ومن حياتنا مع بعض، وإن يكون عنده استعداد إنه يشتغل ويجتهد علشان نوصل للحاجات دي على المدى البعيد، حتى لو احتاجت سنين بالنسبة لي الموضوع مش مجرد شبكة أو بيت كبير، قد ما هو تصور لشكل الحياة اللي نفسي أعيشها مستقبلًا، والأهداف اللي بحب أسعى ليها. وبشوف إن أي إنسان طبيعي بيكون عنده صورة معينة للحياة اللي نفسه يبنيها، سواء كانت مرتبطة بالسكن أو الاستقرار المادي أو السفر أو التعليم أو أي تفاصيل تانية شايف إنها مهمة بالنسبة له فهل وجود الأحلام والتطلعات دي يعتبر طلبات زيادة أو نوع من المادية؟ ولا ده شيء طبيعي طالما مش بطلبها بشكل فوري أو إجباري، وإنما انها تكون أهداف مشتركة ممكن تتحقق بالتدريج مع بعض؟
مش نوع من الماديه ولا عبء ولا شروط ، دي طموح ومش عيب انك تطمحي انك تعيشي احسن حياه مع اللي هيبقا شريك حياتك وخاصه انك قولتي مش عايزه دا فورا على قد ما عايزه انكم تسعوله ويتحقق بعدين عادي ف عادي احلمي واتمني وادعي واسعي مش عيب ولا حرام ولا ماديه ربنا يرزقك الزوج الصالح والذريه الصالحه اللي تعيشو مع بعض حياه احسن من اللي نفسك فيها كمان
ليه لا فيه دايما حكمه بتقول "لو حد عملها قبلك يبقي تقدر تعملها" هي مش مستحيله اتعملت قبل خلاص يعني تقدر بس انت ابذل مجهود
خالص ببساطه ركزي على انو يكون طموح وليس حالم لأن الفرق بينهم شعره يفني لما يطمح لحاجه بيعملها فعلا مش يحلم وينام يصحى فنفس الواقع ومابيغيرش بس ودا حقك وحقنا كلنا نرفض ونقبل اللي نعوزه بس منكونش بنطلب حاجه واحنا معندناش اللي يأهلنا ليها يعني ماتكونيش بتفكي الخط بالعافيه وتحلمي بعابم لا اسعي تتعلمي كويس عشان تعرفي تقنعي عالم وإلى ببساطه هيجبلك حد في نفس مستوى امكانياتك الشخصيه وهتفضلي ترفضي وتلفي بقا فالدوامه دي وانتي مش عارفه ليه
اللي هيتقدملك هيكون بني آدم طبيعي مش هيسعي يكون خارق ، والعكس لا هو ولا انتي مطالبين بالطريقه بتتكلمي بيه ، السعي علي اللي في ايدك ، يعني لازم تجبري عقلك يفكر بواقعيه لان انتي مش ضامنه اصلا انك عايشه لبكره عشان يبقي دا معيارك الاساسي ، بتتكلمي بنبرة ضغط ع نفسك وع شريكك واكنها اولوية عندك ، دي بره الاولويات خالص خدي العبرة من اللي ماتوا ..
فقط اطلبي من الله مرادك فليس البشر من يعطيكي ، يظن الناس كما يظنوا انتي الجأي لله بس
طب هو كلامك جميل وكلنا حقنا نحلم لكن سؤال لو زوجك فعلاً كويس وبيحاول يوفرلك كل شئ ولكن لظروف أو أسباب ما مقدرش يوفر بيت دورين أو شبكة سوليتير هل هتبقى ناقمه على زوجك ومضايقه منه ؟ ولا هتبقى باصه للأمور التانيه اللى بيحاول يعملها وتعبه فيها وهكذا ؟
الاحلام الذهبيه وسيلة عقلية للهروب من الواقع سامحيني الاحلام دي جميلة ❤️ لكن محتاجة تكون مربوطة بخطة من الواقع
هو الحلم مش غلط بس ممكن تفضل احلام عادي او تحصل
غلط آه لان الممتلكات دا لا تضيف قيمه وجودها زي عدمها ، البساطه تكفي لان كل دا زائل .. ليه اضيع وقتي واشتغل واتعب عشان بيت اوسع خاتم اغلي في اكتر من حاجة تشغل تفكيرك في حياة زوجية اكتر من الرفاهيات دي . الأهم فالمهم خليك واقعية في أحلامك عشان هتتعبي ربنا بيرزق طبعا لكن لما توصلي هتلاقي نفسك عادي مش زي ما انتي متصورة حاليا شايفاها حاجة واو بس لا دي السعادة ولا هتكوني راضيه بالشكل متصوراه لان انتي مش عارفه هيحصل ايه بكره مش ماشيه بخططك ، محتاجه تهدي وتراجعي الامر تاني وتركزي علي الخطوة اللي انتي فيها . لانك هتتعبي