عندى فضول أعرف الرجالة بتفكر زينا ولالا ف قصة "الشخص المناسب" اكيد مش قصدى كل الرجالة لان برضو مش كل البنات بتفكر كدا .. سؤالى هو هل ممكن راجل يقرر ميتجوزش الا لما يقابل شخص معين ف دماغه هو مؤمن انه موجود؟ ..مش قصدى مواصفات بعينها لكن احنا كبنات كتير مننا مبتعرفش تتجوز لمجرد الجواز ..اكيد بتشوف عن طريق شغل او معارف او صالونات بس حاجة جواها بتقولها ان الشخص المناسب لسة مجاش.. وهى مؤمنة انه موجود كأن ارواحهم مربوطة ببعض.. ف دا ممكن يخليها تستنى لبعد التلاتين ويمكن اكتر لحد م تقابل الشخص دا بغض النظر عن رأى المجتمع والواقعية والمنطق بيقول ايه.. هل في رجالة بتفكر كدا؟؟ يعنى انا مثلا عندى افكار ملغبطة انى بحس ان اغلب "الرجالة الناضجين الصادقين الى عندهم قدر من السواء النفسي" بيتجوزوا ف سن منطقى او صغير هو مش بيدور ع حاجة جزعبلية ف ربنا بيكرمه .. لكن احنا ك بنات بنقيم المعروض علينا في بنات ربنا بيكرمها ف سن صغير وبنات بتتحوز لمجرد الجواز كل واحد اكيد حر .. لكن انا وبنات كتير عدوا التلاتين.. بسأل نفسي هل ممكن يكون فيه رجالة بتفكر زينا وانهم مش عايزين يتجوزوا لمجرد الجواز .. هو كراجل مستنى حد معين ميعرفهوش بس هو من جواه عارف انه لسة مقابلهوش فأى حد عدى عليه.. انا حقيقي معرفش وبجد بسأل هل فيه رجالة أسوياء بتفكر كدا .. وبكرر كلمة أسوياء عشان انا اتعاملت عن طريق الصالونات مع رجالة هو من كتر م دخل بيوت مبقاش عارف هو عايز ايه هو بقى بيفاضل بين البيت دا والبيت دا مش فكرة انه بيدور ع حاجة معينة لا هو اصلا مش عارف هو عايز ايه رغم انه معندهوش مشكلة مادية مثلا ولااى حاجة وغالبا دول بسمع عنهم انهم بيكملوا لوحدهم.. فهل بجد ممكن يكون فيه رجالة بتفكر زينا ومش بتتجوز لمجرد الجواز حتى لو في نظر المجتمع سنه كبر ...