منذ 5 ساعاتيشعر بـ عادي
دخلت مدرسة حكومة ، أنا و 10صحابي كل واحد راح على فصل ، في ال راحو مع بعض في فصل واحد و الي راح لوحده بس كلهم في الفصول الي فوق الي هي انضف فصول الي هو كلهم كانوا في من اول 1/1 لحد 1/4، عملو صحاب بالكوم مع العيال من فصلهم ، بس أنا حظي جه في اوسخ فصل في المدرسة كله الي هو 13/1 ،عادي أنا مش هيفرق معايا فوق ولا تحت ، بس سبحان الله ،اول اسبوع اتخانقت مع عيل في الفصل ومن ساعتها ولا حد بيتكلم معايا بالخير ولا بالشر ، كل علاقاتي معاهم خناقات بس ، من الاخر معرفتش اطلع منهم بصاحب واحد ، كل يوم بروح لازم اتخانق مع حد ، نص الفصل متخانق معايا ،. النص التاني ميعرفوش اني معاهم اصلا عشان مليش صاحب واحد ، المشكلة اني متدبس معاهم سنتين اولى وتانية ثانوي
اقولك علي حاجه هي قاسيه شويه بس صح الصح هي ان مش مهم يصاحبوك ويحبوك المهم انهم يحترموك
اهم حاجه يحترموك بس اوعي تيجي ع الضعيف انا عاوز شخصيتك وهيبتك تظهر ف المكان مش مهم مين يحبك ومين يكرهك ومعني انهم بيكرهوك يبقي انت بتعمل حاجه احسن منهم كلهم ف حاقدين عليك يعني اما تلاقي حاقدين عليك اعرف انك ناجح والعكس لو ملقتش عندك خصومات خالص اعرف انك منافق كبير اوي اوي اوي وبس انا عاوزك تمسح ب وش اللي يكلمك الارض
عندك حق هي ولا قاسية ولا حاجة لولا أني اتخانقت مع عيل في أول الترم مكنوش هيحترموني زي ما بيحترموني دلوقتي ، وعندي أمثلة بالكوم ع الموضوع ده ف مرة في عيل بيهزر معايا بس معجبنيش الهزار قومت ضاربه و اتخانق معايا مرة عيل اتخانقت معاه برضو عشان كان بيهزر معايا كده لسة النهارده والله عيل جه بيحط رجله على الديسك بتاعي قصد و بيبصلي ، قومت قايم ضاربه برضو ف عندك حق والله بلاها صحبتهم يعم مش شغلاني في حاجة بس أنا هقضي السنتين دول حدش يعرف يتكلم معايا