اليومين دول مهتم بإني ادور ورا حاجتين و هما ( المازوخية و السادية ) عند البنات و هبقى اعمل بوست زيه عن الولاد ، البنت المازوخية مش “بتحب الألم” بشكل سطحي زي ما الناس فاكرة، لكن ده غالبًا بيكون نتيجة إهمال و قسوة شديدة لحد ما طبعت في نفسها أنها قليلة و أنها متستاهلش و ف الحالة دي الموضوع بيبقى صعب لأن من كتر الالم عقلها مبيقدرش يميز هويتها الحقيقية عقلها بيقولها انتي قليلة زي ما حسسوها ب ده ممكن تكون كبرت وهي بتربط بين الألم والاهتمام، أو اتحطت في مواقف خلتها تحس إن الحب لازم يكون فيه تعب أو معاناة عشان يبقى حقيقي وفي أوقات تانية، بتكون تحت ضغط نفسي كبير، فبتلاقي راحة غريبة في إنها تسيب السيطرة أو تتحمل الألم كنوع من الهروب من التفكير والضغط وأحيانًا بيكون جواها إحساس إنها مش مستحقة للحاجة الكويسة، فتميل بشكل غير واعي إنها تقبل الأذى أو تعاقب نفسها الموضوع غالبًا بيبدأ بشكل بسيط، ومع التكرار والتجارب، يكبر ويبقى جزء من طريقة إحساسها وتعاملها .. اما السادية عند البنات مش حاجة سطحية أو “طبع” وخلاص، لكنها غالبًا نتيجة مشاعر وتجارب اتراكمت مع الوقت ممكن البنت السادية تلاقي متعة في السيطرة أو إنها تكون الطرف الأقوى في العلاقة، وده أحيانًا بيكون تعويض عن فترات حسّت فيها بضعف أو قلة تقدير لنفسها وفي حالات تانية، بيكون عندها احتياج قوي إنها تتحكم في كل حاجة حواليها عشان تحس بالأمان، فبتترجم ده في شكل سيطرة على الطرف التاني وممكن كمان تبدأ بشكل بسيط زي حب التحكم أو الغيرة الزايدة، ومع التكرار والتجارب، تكبر وتتحول لأسلوب ثابت في التعامل المهم إن ده مش معناه إن البنت “سيئة”، لكن الخطورة لما الموضوع يتحول لأذى نفسي حقيقي للي قدامها أو يبقى خارج عن السيطرة