انا بحس اني معامله الاب معاملة الفيس بدخل اقرا الاخبار و لو عندي نصيحه بنصح و اطلع في اول كام يوم حملته كان عندي شغف و مفكره نصايحي بتحول حياتهم و واو لحد ما اكتشفت ان نص الناس هنا ما لم يكن اكتر مش ناويين يتحسنوا فعلا هم مستسلمين لحالة الاكتئاب دي، ف بقيت انصح الي فعلا ممكن يحتاج او ابدي وجهة نظري في حاجه اي حد بحس معتقداته مختلفه عني او شخصيته (مثلا بنت ارتبطت و اتخزوقت و عيزاه يرجعلها تاني بدل ما تتخطى و تتوب و تركز على حياتها) مش بتعب نفسي ااصراحه اقولها "حرااااام يا اختاااه تحجبي" لا بكون عارفه انها مش هتهتم ب اي حد يقول حرام وبتاع و برضو مش برد حاليا عالمشاكل الغير محدده زي "انا متضايقه و محدش واقف جنبي" بحس اني بزهق اوي من نوع البوستات ده حاليا يمكن لاني انا لو متضايقه ف هحاول اعمل حاجه افرح نفسي اخرج من البيت اكلم اهلي اشوف فيلم مش اروح اتكلم مع غرباء هنا بس عامة الاب ده الحلو فيه بيوريك العالم قد ايه بيفكر ب طرق مختلفه ، الي بيكره كل الناس و الي حاسس ان كل الناس ظلماه و محدش فاهمه و الي شايف نفسه احسن من الناس كلها ف بتتعرف على انماط بشر كتيره مش بتشوفهم بالوضوح ده في الواقع

اللهم بارك بتعرف تتكلم كويس باين عليك عاقل وواعي 💕

بحس بان حد مش طبيعي لو كلمت Ai ، انا جربت اروح لثيرابست اكتر من مرة أقرأ كتب و اسمع فيديوهات فى حجات عرفت اتخطاها و حجات لا لدرجة بقا عندي قلق ان دا مش طبيعي ، وصاحبتي قالت لي شغلي رقية ، شغلت فعلا قرأت قران عملت كل حاجة بس بيجي عليا وقت برجع لنقطة الصفر و مش عارفة ايه اللي بيرجعني و كل مرة برجع بحس اني أسوأ من اللي قبلها ، مش عارفة اذا كنت حضرتك فاهم ، وحتى مسألة الحرمانية دي تعباني تعباني و عملالي عذاب مؤخرا لان بقيت بوسوس بقيت مش عارفة ايه اللي اوفر و ايه اللي عادي ، حقيقي حاليا أنا كارهة نفسي و بدعي ربنا يهديني لللي يصلح حالي عشان انا بجد خايفة اموت كدا ،خايفة اموت و انا فى الصراع دا ، نفسي اوصل للمرحلة اللي مصارعش فيها نفسي ، اللي محتجش فيها أأوفر ثينك اللي اكون مطمنة اني ماشية صح و ابطل اتلخبط

انا مقتنعة انه اغلب اللي هنا معندهمش ناس فى حياتهم ، انا شخصيا عندي مشاكل حتى لو مش بتكلم عنها كلها او بتكلم بكون غرضي اني عاوزة نصيحة بس نصيحة ميعرفنيش حد مش هيحكم عليا و لا حد اصلا هيجاملني ، لازال جوايا صراع تاني انه ال app دا حرام ، فحتى لو طلبت النصيحة او نصحت انا كدا غلطانة و بصراحة دا عاملي صراع ، اما فكرة المشاكل محدش هيحل مشاكلك دي حقيقة بس فى حد ممكن يعملك حاجة مكنتش تعرفها كأنها مشورة بس فى الاول و فى الاخر دا بيعتمد على الحد نفسه اذا كان فعلا عاوز يتخطى ولا لأ ، يعني انا بقالي نص ساعة فاتحة ال app وساكتة من جهة عاوزة اتكلم و اطلع اللي جوايا و من جهة حسة غلط فقاعدة فى صراع حقيقي ليه ، ما هو المشكلة اللي هي كانت ميزة ان محدش يعرفك ، بس زي محدش يعرفك انت متعرفش برضو اللي قدامك فمش دايما هتكون ضامن نتيجة استعانتك بيه عاملة ازاي ، خاصة لو شاب عشان الشباب هنا الا من رحم ربي انت مش قادر تحدد نواياهم ، طب اتكلم بحياد عشان متفهمش غلط انا مش عارفة ، حضرتك معاك حق ، وانا مش عارفة بجد الاوفر ثينك اللي عندي حله ايه

انا مقتنعة جدا بكلامك بس الفكرة ان غالبا الي بينشروا هنا عن اهلهم غالبا بيبقوا فعليا متأثرين نفسيا و جايين يفضفضوا مش الي هو عازين حل اوي دول منلومهومش الصراحه في ناس فعليا بتاثروا من اهلهم او مشاكل بشكل عام او مراهقين فعليا الاب ده ملياااان مراهقين مش عارفين لسه ينظموا مشاعرهم مش عارفين لسه يتعاملوا مع مشاكلهم او ناس بيحبوا دور الضحيه و عايزين يشقطوا مثلا و دول هنا كتييير او وده احسن نوع الناس الي فعليا داخله عايزة حل الي هو "انا عندي مشكله ١ و ٢ و ٣، اعمل ايه انا بفكر اعمل ١ او ٢ تحسوا ايه الحل" دول بيبقى بجد عايزين وجهة نظر بشريه في المشكله و عايزين ياخدوا قرار ف زي ما انت قولت كل واحد ليه لغة حب مختلفه ف كل واحد في الناس الي هنا ليه طريقة تعامل مع المشاكل مختلفه يعني ناس بيقفوا و يقعوا في الاكتئاب و ناس لا عارفه ان دي حياتها و مسؤوليتها انها تطلع نفسها من المشكله و محدش هيجي ينقذها فوجهة نظرك صح جدا فعليا انا كنت ناشره عنها هنا قبل كده عن الناس الي واخده مشاكلها اعذار دول مستحيل يتحسنوا بس المشكله ناس لسه موصولش للمرحله دي

عشان موضوع انك بتطنش دا

روحت لثيرابيست ؟