اد ايه الفترة الأخيرة دي الواحد بقى حاسس بنعم كتير يمكن من اكتر النعم اللي حاسة بيها مؤخرا ـ اني اصحى الصبح الاقي كل حجر فوق التاني ـ و الشمس اللي ضاربة الشوارع ـ و تلاهي الناس في أشغالها اليومية و انا كمان حتي لو كانت اشغالي اليومية مملة رتيبة ـ نعمة الروتين ـ الاكل ـ الدفى (بطاطيني و شباكي اللي بقفله لما اكون سقعانة) ـ نعمة اني اصحى الصبح على دوشة الشارع و خناق الناس (الامااااااااااان) ـ اني قادرة اوفر لقطي (ابني العزيز) كل اللي محتاجه ـ النسيم اللي بيضرب وشي لما أكون ع البحر ـ صحتي الملخلعة و قدرتي اني اروح و اجي ـ نعمة أن معظم ادويتي فيتامينات و كريمات لعلاج الحبوب (( هتضحكوا عليا / بس و الله حتى اني اصحى الصبح الاقي عندي نسكافيه دي نعمة )) 😅😂 و غيرها كتييير ، حاجات كتير اوي خلتنا الايام الصعبة نستشعرها كده (((و إن تعدوا نعمة الله لا تحصوها )))❤️ اللهم لك الحمد ملئ السماوات و ملئ الاراضين و ملئ ما شئت من شيء بعد