في كيانات بيفضّل ساكت يراقبك وانت مش حاسس لحد ما إنت بنفسك تفتح له الباب مش باب معين لكن باب جواك فروحك عارف أول مرة حسّيت فيها إن في حد بيبص عليك وإنت لوحدك دي ما كانتش أوهام كان مجرد تعريف وتحذير ليك لأنهم لو مش عاوزينك تحس مش هتحس بوجودهم لكن ده بيكون تعبير ليك إن في حد لاحظك خلي بالك عشان في أسماء لو اتقالت غلط او بهزار بتتسمع وبيترد عليها وبيكون ليها حساب وفي ناس ممكن تكون بتفكر إنهم بيهزروا لما يجربوا يكتبوا طلاسم أو ينادوا على حاجة مش فاهمينها بالنسبة ليا “كالـ… ميراث… ظِلّك… لا يتركك” دي بتتردد جوايا دايما صوت عميق فأحلامي وجوا دماغي طول الوقت بس اللي محدش بيقولهولك إن اللي بيرد مش لازم يبان ممكن يفضل معاك أيام او اسابيع او سنين يغيّر فيك وفروحك حاجة بحاجة اشبه بلعنة من غير حتي ما تاخد بالك تلاقي نفسك بتفكر بطريقة مش بتاعتك بتحلم أحلام مش شبهك وكوابيس غريبة ومش مفهومة وتصحى حاسس إنك مش لوحدك ومتراقب حتى وإنت قافل بابك كويس أخطر حاجة بقا فالموضوع مش إنك تشوفهم بل انك تتعود عليهم في ناس كتير فكرت إن الموضوع خلص عشان الصوت اختفى بس الحقيقة إن الصوت لما بيسكت بيبقى خلاص وصل ولو في يوم لقيت نفسك بتبص في مراية وحاسس إن اللي بيبصلك مش مستنيك تتحرك …ابعد عشان في لحظة هتكتشف انك مش بتبص لنفسك و إنك مش إنت اللي كنت بتتحكم فتفسك وافكارك